تجمع قروب passion لرجيم اتكنز المرحله (1)

[dantella]

بخصوص التخريب انا مارح اجاملك ابد بهالنقطة .. لان كلنا نحس بشعورك ..
خاصتن انك تقولين منزلة من وزنك كثير ..اسمحي لي اقولك ( هذا تضييع للتعب والوقت )..
لحظة الضعف هذي تخلصي منها ..لانها تجيب وراها تانيب الضمير وضيقة وعواقب نفسية ..

وحطي نقطة ببالك : اذا خربتي رجيمك ..لا تستمرين بالتخريب.. على مبدا :

مو عيب الواحد يغلط العععععيب الاستمرار بالغلط ..

الى متى الواحد يجمع بجسمة شحوم وامراض ويظلم نفسة بسبب العادات الغذائية السيئة ..
الى متى والواحد يحص بالنقص بسبب هالسمنة لا باللبس ولا بالراحة حتى الناس ما تتقبل السمنة ..

والامل والحل موجود : امثلة كثير نشوفها ناس اوزانهم مرعبة نحفت من ممثلين ومن اقارب ومن مشهورين ...صح ولا لا ؟؟

العزيمة والارادة والقوة والتفكير لحظة الضعف ..هي سبب الاستمرار بالرجيم والوصول للهدف ..

بقولك خطوات انا استفدت منها :

1- اذا حسيتي انك مضيعة ومخبصة بالرجيم روحي الجمعية واشتري مقاضي الرجيم خلاص بكذا دخلتي نفسك غصب بالرجيم ..

2- بالمناسبات : لا تجااااملين ابد ابد اذا احد قالك ذوقي هالحلو- مسويتها عشانك- ولا عشاني بس هالمرة- كوني جدية وحطي يدك على الصحن وابعدية بابتسامة عشان تعرف انك جادة ..لا تجاملين قولي قبل ما اجي متغدية ولا ماكلة حلى اليوم ومكثره مع الاهل لان اذا قلتي رجيم الناس مدري ليه تحب تخرب رجيمك ؟؟:eh_s(4): لا تجااااااااااااااااااملين على حساب جسمك وشحمك ووزنك .. ( زي الاجانب شي مابي اكلة ما اكلة خلاص)

3- اذا قعدتي بمناسبة وانتي مسوية رجيم كولي علك وتجنبي النظر للمؤكلات - وروحي للتواليت ضبطي لميك اب ولا صلحي شعرك وطالعي جسمك ..

4- انا صديقتي ضعيفة قالت لي كلمة صارت دايم ترن بأذني هي رشيقة جدا ومحافظة تقول : بعض الاحيان مع اهلي اشتهي التمرررة مره واموت من داخل بس اقول والله ما اكل ..
صرت اقول بنفسي هي ضعيفة وتقول كذا اجل انا وش اسوي لازم اصير احسن منها ..

تذكري:فيه ناس اضعف مني والفنانات والمشهورات يحرمون انفسهم بالمناسبات وانا المتينة اخرب ؟؟؟ لا والف لا ؟ سوي محادثه مع نفسك ؟ تذكري المقاضي ؟ قولي لنفسك الاكل ينتظرني بالبيت
وارجع اقول : استمري ولا تهتمين وعوضي بالرياضه وبالتوفيق ..

برب :eh_s(17):

كلامج واااااااايد عجبني :eh_s(15):

 

[dantella]

سمبلي وييييييييينج فقدتج

 

[Jnaaaat]

شلووونج دانتيلا ها بشري للحين ماودعتي الثمانينات؟؟
انا من زماااان ماشفت وزني
الله يستر

 

[simple.girly]

السلام عليكم ورحمة الله وبركاته*
هلا بنات شلونكم ما تقصرون انتك رفعتو معنوياتي*
دانتيلا ان شاء الله الاسبوع الياي بسوي تحليل الغدة وهرمونات اسوي ولا لا ؟*
دانتيلا ما تفقيدين غالي*
ريوقي همبورغر لحم وغداي شوية دياي مشوي بس شوية*
والله كريم*

 

[MrS_Rossonero]

السلام عليكم
شلوووونكم يا اتكنزيات

انا قاعده اتابعكم من بعيد لبعيد ... واتابع يومياتكم ...

بس دشيت عشان اشجعكم وتشجعوني ...

بلشت الريجيم بتاريخ ٨ ... واليوم وزنت والحمدلله رب العالمين ... كان وزني ١٠٦ كيلو والحين



















١٠١
الف الف الف الحمدلله ياااارب

 

[Jnaaaat]

السلام عليكم
شلوووونكم يا اتكنزيات

انا قاعده اتابعكم من بعيد لبعيد ... واتابع يومياتكم ...

بس دشيت عشان اشجعكم وتشجعوني ...

بلشت الريجيم بتاريخ 8 ... واليوم وزنت والحمدلله رب العالمين ... كان وزني 106 كيلو

101
الف الف الف الحمدلله ياااارب

مبروووووك عالنزوووول وعقبال ماتودعين الميه شدي حيييلج احنااا معااااج ان شاااااءالله

 

[MrS_Rossonero]

الله يبارك فيج حبيبتي

 

[فرس86]

بنوتات هذا وزني تاريخ عشره
سوري خربت يوم واحد لاني رحت الامارات
لووووووووول اكلت برياني
وزني كااااااااااااان 67



وصاااااااااااااااار
قولو لا اله الا الله

 

[فرس86]

لووووووووووول
انا مستانسه من روحي الممرضات يقولون دكتوره وايد ضعفاننه
وبصراحه اقاوم الاغراءات تدرون اداوم بقسم الولاده وكل الحريم دكتوره تفضلي حلو
اقولهم لا ما اكل جوكلت لوووول يبققون عيونهم

بس بامانه انا بديت النادي ووزني 67 قبل شهرين بس ما نزلت شي لوووول كنت اخربط بالاكل وبديت قبلكم اتكنز باسبوعين تقريبا ووصلت تقريبا 63 وشي
ولمن بديتو الريجيم ضليت معكم
يعني الحين خلال عشر ايام تقريبا 59.9
الحمدلله
عندي عرس تاريخ 17 نوفمبر وابي احطم الرقم القياسي واطلع بلوك جديد

اعذروني حبيباتي دوامي حاكرني خفارات فوق 30 ساعه ادعولي

 

[simple.girly]

السلام عليكم ورحمة الله وبركاته هلا دكتورة فروسى الله يعطيج العافية ان شاء*
ومبرووك النزول انتي وبحرينية ومنا للاعلى الفال لي ان شاء الله *وحق وجميع البنات بصحة وعافية*
بالنسبة لي قبل اذان المغرب مشيت تقريبا 30 او 35 دقية ما ثبت وبعدين عق الصلاة مشيت هم تقريبا 36 دقيقة هم ما ثبت بس فوق الساعة اليوم مشيت والحمد الله رب العالمين ادعولي*

 

[simple.girly]

ما ادري شسوي التحليل ان شاء الاسبوع الياي*
سوار قاعدة اسوي اتكنز او غيرة المفروض وزني ينقص يعني عادة اكل فاست فود ككاو بطاط بفك كل هذا قطعتة وشبه يومي قاعدة امشي حتى بدون ريجيم وزني ينزل خاصة انه وايد*
ما ادري شفيه بدع وزني مو راضي يطيب خاطري *طبعا سواء نزل او ما نزل الحمد الله رب العالمين*
اولا واخيرا على نعمة الصحة والعافية*
بس مراح استسلم لان اللي علي قاعدة اسويه*
مو بس المشي نوعي حركي ما احب الربادة - يا صاعدة يا نازلة - حتى بالدوام شغلنا حركي- ما ادري شقصيتي مع الريجيم*
بس تحليلي يقول جسمي وايد وايد دهون فا يمكن اول فترة يبي وقت علشان تتكسر الدهون ما ادري بس اللي ادري عن انه مراح استسلم يا انا واعوذ بالله من كلمات انا يا وزني*

 

[dantella]

هلا جنات انا بخير انتي شلونج
لالالالالالالا بعد ماشرفت السبعينات الله يسمع منج
سمبلي شلونج ياقمر
والله شوفي اذا بتسوين تحليل الهرمونات بقولون لج لازم خامس يوم من الدوره يعني لازم تنطرين دورتج
اما الغده اي وقت المهم صايمه
انزين انتي عندج تكيس مبايض؟

 

[ام أنوسه و رنود]

مساء الخير
تعشيت كباب لحم كنت مسويه 3 ويادوب اكلت اونص +سلطه (خس طماطم فلفل ) وشربت ميه
بنات مارديتوا عليه بخصوص الكوفي اي نوع تشربونه

 

[Jnaaaat]

السلااام عليكم

شلوونكم بنااات

اليوم قعدت متأخر ماتريقت بس شربت ماااي

تغديت دياي بالكريمه

اماااا العشا فمع الاهل طالبين مطعم جريش وقبوط ومطازيز

واااي اموووت عالجريش المهم
ماااكليت شي بس صدر ديايه وحطيت فوقه شويه مرق

وسلاااامتكم

الله يعييييينه يااارب

 

[Jnaaaat]

ام انووسه انا اشرب كوفي تروبيكانا حلوه

 

[dantella]

سمبلي
وين بتسوين تحليلج؟

 

[سارووونـه]

ابي انضم لكممممممممممممم
ممكـــــــــــــــــــــــن

من بكرة ببلش بروتين صافي 3ايام وعقب بكمل اتكنزز ان شاء الله
وزني 59.5 وابي اوصل 55 واصير رشيقه صج

بصييييييييييح

خخخخخخخخخخخ
اليوم قلت بخفف وبكمل نظام تخفيف
وخربطت واااااااايد
المهم مافي الا رجيم دشتي او اتكنز يثبرني صراحه

 

[simple.girly]

دانتيلا لوووول صج انا 31 واعوذ بالله من كلمة انا بس ا اعرف سالفة تكيس مبايض شنو هذا بعد*
اكثر يخليني ما اروح اسوي تحليل اخاف يقولوني فيني شي*
يعني حاليا الحمد الله بصحتي وعافيتي اخاف اروح عيادة او مستوصف انعفس فوق تحت*
لما الحين ما قررت اي عيادة - بس هالاسبوع مشغولة *- دوامي يم الصقر التخصصي شكلي بسويه عندهم واذا طولو بروح احتمال السلام او دار الشفا او اي عيادة خاصة - وومستوصف النزهة اخت رفيجتي رفيجتي بسالها اذا تقدر تسويلي - بس لمنى صقر التخصصي اسهلي طق وجابل*

 

[Jnaaaat]

وزني مو راااااضي ينزل
حسييييت بحبااااط حدي يمكن ماناسبني الرجيم
تتوقعووون

 

[dantella]

سمبلي فديتج العمر كل
جيكي عالخاص