تجمع فناتك المنقبات 2012

[Mjnont '3lay]

بنات فهمتوني غلط
ترى فكرة الكيك الهدف منها اني عرضتها على البنات لاني احبهم وبودي نكون على تواصل دايم ونفيد بعض اكثر واكثر
مو المقصد منها تعارف هههههه ترى هذا تجمعي مو شات عشان تجي وحده تسال تضيفوني ولا اضف وجهي اظن انا وضحت منو اللي رح اقبل اضافتها ومنو اللي مرح اقبل اضافتها ارجعو بالصفحات واقرو شروطي
والسموحه من الجميع

 

[Mjnont '3lay]

مانورام حبيبتي
كل عام وانتي بالف خير
عسى هالسنه خير عليج وماتشوفين فيها غير لافراح وربي يديمها عليج

 

[انوار مطير]

وجان اطيح علي هالتجمع ويني عنه من زمان *.*

برجع اقرا كل الصفحات <ماكو شغل

بنااااااات تكفون فهموني نقابي دايم مبهذل مايثبت وملفعي كذلك مدري لفتي غلط او شالمشكه

شالحل ؟؟

 

[وحيدة امى]

بموت وتتعرف الحمد الله وشكر صج الأسلوب نعمه من الله

 

[Mjnont '3lay]

بموت وتتعرف الحمد الله وشكر صج الأسلوب نعمه من الله

عفوا حبوبه حسني الفاظج ماغصبتج تدشين موضوعي و تردين
أنا قصدت بكلامي سيده و لكن
لكن اللي على راسه بطحه يحسس عليها
واما تحترميني و تحترمين موضوعي
ولا مع السلامه التجمع مو مرحب فيج ولو غلطتي رح يكون تفاهمي مع الاداره

 

[Mjnont '3lay]

وجان اطيح علي هالتجمع ويني عنه من زمان *.*

برجع اقرا كل الصفحات <ماكو شغل

بنااااااات تكفون فهموني نقابي دايم مبهذل مايثبت وملفعي كذلك مدري لفتي غلط او شالمشكه

شالحل ؟؟

شلون بعد مو مرتب مافهمت ؟؟؟
الملفع تلفينه لفتين بالاولى تحطين جلاب تحت الحنج عشان يثبت الملفع
باللفه الثانيه تحطين دبابيس عشان تثبتين ملفعج
بالنسبه للنقاب بعد ما تلبسين الطاقيه البسي نقابج عادي بس لازم تلبسين كماشه لو صغيررره بس لازم عشان يثبت النقاب الوكاد
بعد ما تحطين الكماشه و تلبسين الطاقيه البسي نقابج و خلي السير بنص الاذن أو تحت الاذن
و بعد ما تلبسين ملفع ةتخلصين ابتدي عاد عدلي نقابج وبس
حبيبتي ارجعي بالصفحات والله انا راده كل اسالة البنات رح تلقين اللي تبينه

 

[وحيدة امى]

عفوا حبوبه حسني الفاظج ماغصبتج تدشين موضوعي و تردين
أنا قصدت بكلامي سيده و لكن
لكن اللي على راسه بطحه يحسس عليها
واما تحترميني و تحترمين موضوعي
ولا مع السلامه التجمع مو مرحب فيج ولو غلطتي رح يكون تفاهمي مع الاداره

الحمدالله وشكر لا تعليق صج

 

[دلوعة ابوها85]

بنات شرايكم تحملون برنامج kik messenger ؟
انا بالنسبه لي كتواصل احسن من المنتدى لانه مو كلنا نشبك بالمنتدى بشكل يومي
الهدف من البرنامج اذا وحده فينا بالسوق وشافت شي حلو او عليه تنزيلات تدز للي ضايفتها انه المكان الفلاني فيه تنزيلات او فيه شغلات حلوه والميزه اللي فيه التواصل يكون اسرع من المنتدى يعني مثلا في تنزيلات بالمحل الفلاني تقوم وحده وتجي تكتب بالمنتدى الحقو في تنزيلات او مثلا في معرض وشغلات حلوه ورخيصه ولمدة يومين او ثلاث وحنا ماندش المنتدى مثلا الا بعد اسبوع من وقت التنزيلات او المعرض يكوون راااح علينا حسااافه والله حدي احتر لمن اشوف جذي
فالبرنامج هذا يكون اسهل اول ما تدز وحده للي ضايفتها انه فيه تنزيلات او شي يمديها تلحق تروح بنفس اليوم او ثاني يوم
شرايكم ؟؟؟
اللي عجبتها الفكره تراسلني خاص اعطيها نكي وتضيفني
ملاحظه :
مرح اضيف عضوه جديده ..
مرح اضيف وحده مو موجوده من الاساس بالتجمع ولا شاركت معانا بالتجمع نهائي
مرح اضيف الا العضوات المعروفات اللي دايم على تواصل معاي بالتجمع وفادو البنات او البنات اللي احبهم
بضرب مثال
الكيكه دندن .. مزن .. غنجى .. مانورام .. بوبا .. بدويه وااايد .. ام يوسف .. عذبة السجايا .. وواجد بس هذا مثال على اللي رح اقبل اضيفهم اما تجيني وحده كويتيه جديده وتبيني اضيفها اقولها تحفظ كرامتها افضل
واللي تبي تضيفني عادي سواء معانا بالتجمع او لا بس بشرط اكون اعرفها يعني مار علي نكها اكثر من مره وتكون معرووووفه بالمنتدى

كلامك واضح حبيبتي

والسموحه اول يوم اتابع الموضوع

ما شاء الله مره روعه

وراح احفظ كرامتي وما اطلب النيكي نيم لووووووول لين ما تتعرفي علي :eh_s(7):

 

[دلوعة ابوها85]

في جعبتي الكثير>> ي لبييه ع اللغه


النووم غلبني تصبحوووون ع خييير

فديت الزوق
رووعه مشكوره

 

[دلوعة ابوها85]

ام يوسف حبيبتي هذي طلبيتي ان شاءالله توصل على شهر واحد

تتهنين فيهم يا رب

حبيتهم مره جناااااااااااان

الله يوفق ممكن رابط الموقع

 

[دلوعة ابوها85]

وانا اقرا الردود انتبهت اني ما عارفتكم عن طريقه لبسي

انا مو منقبه 100% بس ما افسخ العبايه

اهم شئ عندي العبايه وترتيبها ونظافتها

شاريه ستاند حديد اعلق عليه العبايات لين تجف

واغلبية الوقت اودي العبايات الغاليه الغسيل الجاف

مرت علي فتره ما اهتم بلبسي تحت العبايه

اطلع باي شئ جلابيه بيجاما اي شئ مستور وخلص

حزنت علي حالي وقررت اني اهتم بمظهري كمان تحت العبايه

وكان اغلب تركيزي ع الشنط والصنادل والكعوب

وصايره اصمم موديلات بنفسي

ع اساس اسوي شغل خاص فيني للناس اللي مو بالخليج وللي يبون عبايات

ان شاء الله بصور لكم تصمايمي

 

[كويتيه فرنسيه]

^^ مشاء الله دلوعة تصممين ورينا تصاميمج يمكن نصير من زباينج

 

[اماراتيه!]

مرحبا
امس سرت اتش اند ام مسي تنزيلات على اشياء وايييد حلوووة خذت من عندهم مناكيرر بدرهميين اتخيلو. ههه و حتى البليزرات مالوتهم حلوةومسوي عروض حلللوة روحو ومروا عليه و بعد ناين وست عليه تخفيضات و كوتون و اممم ريفولي و اذا اتذكرت بقولكم
واجوفكم ع خير

 

[tiffa]

رفع

 

[*مطبخ الذواقة*]

دلوعه ياحلوج وحلو استايلج ...وأنا مع كويتيه ورينا عينيه من تصاميمج ..

اماراتيه حبيبتي عليج بالعافيه ...

اولت أمس خلصت تجهيز العروس ..كانت المحطة الاخيره لها بدي شوب

​

..

 

[Mjnont '3lay]

ام يوسف
ماشاءالله تبارك الله
ربي يتمم عليها على خير يااارب

 

[.:lady bug :.]

هاي بنـْْ♡ـْْات⚠ شخباركم گـِْ♡̨̐ـِْلِْ عام وانتو بخير

 

[*مطبخ الذواقة*]

وينكم ....عاش من شافكم ...شعندكم مختفين !!!


يالله اعترفوا .!!


نونه ..قولي وين كنت غاطه !!


ليدي بق...حنا بخير حبيبتي ناقصتنا شوفتج ...وكل سنه وأنت سالمه يارب...

 

[*مطبخ الذواقة*]

مون لبنان ..يسلموووووووو على الصور ..


صورة فستان العروس الأبيض الأخير رهيييييبه ..

أحب هالستايل في فساتين العرايس يعطيها فخامه ...

 

[Mjnont '3lay]

ليدي
هلا والله بخير حبيبتي
انتي شلونج
وكل عام وانتي بالف خير



..


ام يوسف
مو مختفيه
اختباااارات يختج المعهد قلب حياتي فوق تحت الله يعين ان شاءالله اخلص وانجح وارتاح دعواتج فديتج