تجمع فناتك المنقبات 2012

[Mjnont '3lay]

وااوايد اللي يمدحون الكريم ....

جربيه وقولي لنا ....


اهم شي انه ما يكون فيه عطر والا بيترس وجهج حبوب

عططططططر :eh_s(12):
مادري بعد كريم اساس للوجه شماله العطر بالموضوع وشلون ابتاكد طالما اني بطلبه وان طلبته ماينرد يويلي :eh_s(10):
ويختج مووو الحييين بطلب فليساتي راااحت لووووووووووووووول قلت لج فصلت عبايات وهم قبل شهر طلبت من تركيا طقم رووعه كعب تكرمين وجنطته بس لي الحين ماوصل وخاشه فلوسهم عشان ما اتوهق لا وصلو
وهم قبل يومين طلبت من وحده جنطة ال في درجه اولى بسبعين يختج خلاص انا قحطططت :eh_s(16):
بس ان شاءالله يمكن بعد شهرين ثلاث لا تعدلت الميزانيه ابطلبه وابشري بقولج رايي فيه

 

[غَـنْـجَـى و دَلـوعْ]

موضوعكم روعه روعه روعه روعه و الله صار لي ثلاث أيام كل يوم أدخل و اقرأ الردود واااحد واااحد ما طوّفت شي

الله يعطيكم العافيه و يجزيكم الخير و يسعدكم جد جد يا زين اللي يحب الخير والفايدة لغيره ،

المشكلة أنا حددددي دخت و الله أقاوم النوم بس عشان أكمل لين آخر صفحة و أخيرا وصلت كلولولوللليش

بإذن الله إن ربي أحياني باجر لي دخول أكتب لكم شعدني و لو إني أشك إن وراي معلومات جديدة p;

 

[Mjnont '3lay]

موضوعكم روعه روعه روعه روعه و الله صار لي ثلاث أيام كل يوم أدخل و اقرأ الردود واااحد واااحد ما طوّفت شي

الله يعطيكم العافيه و يجزيكم الخير و يسعدكم جد جد يا زين اللي يحب الخير والفايدة لغيره ،

المشكلة أنا حددددي دخت و الله أقاوم النوم بس عشان أكمل لين آخر صفحة و أخيرا وصلت كلولولوللليش

بإذن الله إن ربي أحياني باجر لي دخول أكتب لكم شعدني و لو إني أشك إن وراي معلومات جديدة p;

هلا والله حبيبتي اول شي نورتي التجمع فديتج
وثاني والله مرورج ومتابعتج لموضوعي هو الاروع حبيبة قلبي ولي الشرف انج قاعده ثلاث ايام تقرين موضوعي
ويالغاليه لا تجهدين نفسج ترى صحتج اهم نامي وارتاحي والتجمع لاحقه عليه
وناطره مرورج مره ثانيه اتمنى تكونين من متابعينا الدايمين وتفيدينا باللي عندج :eh_s(7):

 

[*مطبخ الذواقة*]

دلع وغنج حياج الله منورتنا ..

مجنونه غالي ...يبيله منحه مو ؟ههههه

في كريمات أساس فيها نسبه عطر .. تبين لما تفتحين العلبه وتجربينه على ايديج شميه ...




وبانتظار وصول طلبيتج من تركيا ...وملبوس العافيه يارب ..

 

[Mjnont '3lay]

دلع وغنج حياج الله منورتنا ..

مجنونه غالي ...يبيله منحه مو ؟ههههه

في كريمات أساس فيها نسبه عطر .. تبين لما تفتحين العلبه وتجربينه على ايديج شميه ...




وبانتظار وصول طلبيتج من تركيا ...وملبوس العافيه يارب ..

هههههههههههه مااايكفي والله على قولة رجلي انتو الحريم بلاويكم ومصاريفكم ماتخلص كل يوم لون جديد وحنا اللي نتدبس
مادري اول مره بعد اسمع كريم في عطر حسبي الله عليهم هذي بشره مو لعبه شماله العطر بالوجه استغفرالله
تبين تشوفين صورة طلبيتي ؟؟
على شهر واحد ان شاءالله توصل والله يعافيج يالغلا :eh_s(22):

 

[Mjnont '3lay]

دلع وغنج حياج الله منورتنا ..

مجنونه غالي ...يبيله منحه مو ؟ههههه

في كريمات أساس فيها نسبه عطر .. تبين لما تفتحين العلبه وتجربينه على ايديج شميه ...




وبانتظار وصول طلبيتج من تركيا ...وملبوس العافيه يارب ..

هههههههههههه مااايكفي والله على قولة رجلي انتو الحريم بلاويكم ومصاريفكم ماتخلص كل يوم لون جديد وحنا اللي نتدبس
مادري اول مره بعد اسمع كريم في عطر حسبي الله عليهم هذي بشره مو لعبه شماله العطر بالوجه استغفرالله
تبين تشوفين صورة طلبيتي ؟؟
على شهر واحد ان شاءالله توصل والله يعافيج يالغلا :eh_s(22):

 

[غَـنْـجَـى و دَلـوعْ]

هلا والله حبيبتي اول شي نورتي التجمع فديتج
وثاني والله مرورج ومتابعتج لموضوعي هو الاروع حبيبة قلبي ولي الشرف انج قاعده ثلاث ايام تقرين موضوعي
ويالغاليه لا تجهدين نفسج ترى صحتج اهم نامي وارتاحي والتجمع لاحقه عليه
وناطره مرورج مره ثانيه اتمنى تكونين من متابعينا الدايمين وتفيدينا باللي عندج :eh_s(7):

حبيبتي والله النور نورج يا حلو أسلوبج عسل والله ربي يحفظج من العين و يحفظ لج زوجج يا رب يجعلج قرة عين له دنيا و آخرة :eh_s(22):
حدددج تنحبين والله ربي شاهد على كلامي أسلوبج يبين إنج إنسانة نيتج طيبة :eh_s(17):

الله يسلمج أنا حددددي أحس إني ما عندي ولا معلومة بفيدكم فيها
لأن ماشاء الله واجد معلومات استفدتها منكم و أنا اقرأ و قمت أسجل عندي بالتلفون
عشان أطبق و أروح أستكشف الأسواق والمحلات اللي ذكروتها



بس سجلت جم نقطة كإجابات على نقاشاتكم السابقة و يحطها ألحين إن شاء الله :eh_s(22):

 

[غَـنْـجَـى و دَلـوعْ]

دلع وغنج حياج الله منورتنا ..

ربي يحييج حبيبتي تسلمين :eh_s(17):

 

[غَـنْـجَـى و دَلـوعْ]

أول شي أتكلم عن نفسي أنا منقبة طبعا ..

وماني من المنطقة العاشرة ولا الرابعة أنا من المنطقةالثالثة ;p

لذلك كل الفناتق اللي قلتوا عنها ما أدلها وللأسف أناأسوق بس أخاف أروح
هالمناطق لأني خوااااااااااااافه وما أدل و أرتبك حيل مع الزحمات والأماكن الجديدةوهم سايقنا أثول وأردى مني ;p
بس أعرف بالعاشرة مستشفى النفط لأني أعالج أسناني هناك هههههو مجمع البيرق وطبعاً الكوت حبيييب قلبي توني اليوم متغدية فيه ^_^


الشي الثاني أنا مو متزوجة :eh_s(22): و توووني متخرجة من الجامعة يعني المكافأةانقطعت و عايشة عطالة بطالة ماعندي مصدر دخل أدلل نفسي فيه بهالفناتق لكن إن شاءالله ربي يرزقني وظيفة سنعة أشبع فيها جوعي للتسوق ;p

الشي الثالث أنا بيئتي شوي تختلف يعني أهلنا مستحيلبجمعة حريم أو مناسبة تلقينهم لابسين عبايات سواء عادية أو كشخة دايم يقطونعباياتهم فأنا معاهم تعودت ما أفصل عبايات كشخة للمناسبات، مع إنيأستاااانس على سوالف العبايات اللي خاصة للمناسبات بين الحريم وأشتهي أسوي الحركةبس الشكوى لله ما ودي أكون مختلفة عن اللي حواليني أحس بلفت النظر حيل

طريقة لبسي للعباة و النقاب :

أكثر شي ناسبني عباية اللي قصتها جاينيز لأنها تخش كلالتضاريس مثل ماأنتوا شايفين بالتوقيع وزني ما يغشمر

العباة خامة صالونة مع إني كارهتها و قررت بعد سوالفكمإني أجرب الخامات اللي مدحتوها، واللفة خامة دجى الليل ومرتاحة عليها

وطبعا العباة والشيلة ماااعليهم شغل ولا أي شي مجردتوقيع المحل يكون بلون هادي على اللفة وطرف العباة

عباياتي أفصلها بمحل حراير اللي بمجمع البيرق ، و شادواللي بالأفنيوز و قبل كنت أفصل عند الحلوة اللي بمجمع النقرة لكن توبة أفصل عندهممرة ثانية للأسف كل مالهم ويرفعون أسعارهم على غير سنع الخامات بسرعةتوبّر وتذبل وتصير جنها محروقة تبرررق تحت الشمس تفشل تلوع الجبد >_<

النقاب ألبس نقاب سير آخذهم من الشرقية بمكة أي وحدة منرفيجاتي تروح أوصيها تجيب لي و إن احتجت من الكويت من أي مكان آخذ بس مو حلوينوتوني أدري منكم إن فيه تفصال نقابات !!

و أنا ما أحط كماشة و لا كبّة ، ألف شعري بشباصة سير وأنزلهوألبس نقاب السير سييييدا لا تبين عظمة خشمي و لا خدودي يعني على الجفن التحتيبالضبط ، ولا أحط كحل ولا مسكرا و حواجبي أبد ماعمري سويت فيها شي أصلا أخلي اللفةتغطيها ما يبين إلا بداية الحاجب فقط .. لكن أمس تشيشت ورحت شقرتها وصبغتها بنيغامق لكن ما أعجبوني أبدا اللي سوت لي دفشة وماتفهم، فقررت إن الله أحياني الشهرالجاي أصبغهم بني فاااتح مع تشقير يقلل حجمهم لأن الصبغة بينت عرضهم ماحبيت شكلها

تحت العباة ألبس بديات لون أسود أو رمادي جم طويل مع بنطلونات ماركس سبنسر سودا طبعاً

الجوتي عزكم الله دايماً فلاتات آخذ من زاراأو فيرونا أو H&M أو شو بوكساللي بسوق السالمية الأحمر أو آلدو أو حتى لو ألقى بسوق شعبي فلات يعجبني آخذه عاديالمحلات ماتفرق معاي و غالباً أي لون يعجبني آخذه بس ما يكون فسفوري أو أحمر

بالنسبة لغسيل العبايات يكون باليد مستحيل أغسلهابالغسالة تخربها،
واستخدم شامبو برسيل الأسود الخاص بالعبايات و بعدين أشطفهابماي مع كومفورت

الجناط مستحييييل آخذ جنطة تقليد ماركة أكره تقليدالماركات ،
دايم آخذ جناط من محلات عادية يعني زارا و آلدو و هالطقة..
و بس مرة وحدة بحياتي شريت جنطة ماركة من جيمي شو اللي بأفنيوز
حجمها وسط بـ230 دينار و سعرها فيها كدّت معاي كدّ ..
و إن شاء الله لا توظفت أشتري جناط ماركة وأدلل نفسي :wqedqw:


ولي عودة ببعض التساؤلات أتمنى تفيدوووني فيها وآسسسفةعلى الإطالة
​

 

[Mjnont '3lay]

حبيبتي والله النور نورج يا حلو أسلوبج عسل والله ربي يحفظج من العين و يحفظ لج زوجج يا رب يجعلج قرة عين له دنيا و آخرة :eh_s(22):
حدددج تنحبين والله ربي شاهد على كلامي أسلوبج يبين إنج إنسانة نيتج طيبة :eh_s(17):

الله يسلمج أنا حددددي أحس إني ما عندي ولا معلومة بفيدكم فيها
لأن ماشاء الله واجد معلومات استفدتها منكم و أنا اقرأ و قمت أسجل عندي بالتلفون
عشان أطبق و أروح أستكشف الأسواق والمحلات اللي ذكروتها



بس سجلت جم نقطة كإجابات على نقاشاتكم السابقة و يحطها ألحين إن شاء الله :eh_s(22):

ياجعلج تحبين الكعبه فديت قلبج يالغاليه مشكوره احرجتيني :eh_s(22):
و شسمه < يعني مستحيه
معليج ويني وين الحيا ام العوابه انا هههههههه
المهم فدييييييييييييييييتج ونستيني على دعوتج لي ولرجلي لا خلا ولا عدم كثري من هالدعاوي اطالع الله ثم اطالع هالرجال مالي غناتن عنه الله يحفظه لي من كل سوء ومن بنات الحرام :eh_s(7):

أول شي أتكلم عن نفسي أنا منقبة طبعا ..

جعل ربي يثبتج حبيبة قلبي

وماني من المنطقة العاشرة ولا الرابعة أنا من المنطقةالثالثة ;p

ابشري بجي اسكن جنبج ونصير عشيرات شقلتي :eh_s(22):

لذلك كل الفناتق اللي قلتوا عنها ما أدلها وللأسف أناأسوق بس أخاف أروح
هالمناطق لأني خوااااااااااااافه وما أدل و أرتبك حيل مع الزحمات والأماكن الجديدةوهم سايقنا أثول وأردى مني ;p
بس أعرف بالعاشرة مستشفى النفط لأني أعالج أسناني هناك هههههو مجمع البيرق وطبعاً الكوت حبيييب قلبي توني اليوم متغدية فيه ^_^

الحال من بعضه رجالي مايرضى اسوق وانا اساسا خوااافه و سواق حمولتي مو دايم على مزاجي يوديني وين ما ابي
ومستشفى النفط ببلاش تروحين ؟؟ انا ببلاش اراجع على بطاقة الاهل
والبيرق احبه بس بعدي ما اكتشفته عدددل يبيله روحه المره الجايه واكتشف كل شي فيه حتى الاسوقه اللي بالبيرق بكتشفها
والكوت طالما حبيب قلبج اجل اكييييد شايفتج هناك اموووووووووت عليه عشقي الابدي دايم نروح له الخميس اللي فات انا كنت فيه


الشي الثاني أنا مو متزوجة :eh_s(22): و توووني متخرجة من الجامعة يعني المكافأةانقطعت و عايشة عطالة بطالة ماعندي مصدر دخل أدلل نفسي فيه بهالفناتق لكن إن شاءالله ربي يرزقني وظيفة سنعة أشبع فيها جوعي للتسوق ;p

حبيبة قلبي جعل الله يرزقج بالزوج الصالح المصلح ويوفقج معاه ويسعدكم ويجمع شملكم عالخير والالفه والموده والرحمه والمحبه عاجل غير اجل ياااااااارب والحمدالله اللي تخرجتي ااالف مبروك يالغاليه تستاهلين كل خير وان شاءالله تتوظفين بسرعه ويعطيج ربي خيرها ويكفيج شرها وتدللين نفسج بالمعقول لانه تبذير الزايد حرام فديتج

الشي الثالث أنا بيئتي شوي تختلف يعني أهلنا مستحيلبجمعة حريم أو مناسبة تلقينهم لابسين عبايات سواء عادية أو كشخة دايم يقطونعباياتهم فأنا معاهم تعودت ما أفصل عبايات كشخة للمناسبات، مع إنيأستاااانس على سوالف العبايات اللي خاصة للمناسبات بين الحريم وأشتهي أسوي الحركةبس الشكوى لله ما ودي أكون مختلفة عن اللي حواليني أحس بلفت النظر حيل

حبيبتي انا عند حمولتي واهلي مااااا البس عبايه لا والله افنتق والبس اللي ابي بس مرات خالتي حبيبتي الله يطول لي من عمرها ويخليها لي تاخذني معاها مناسبات مثل استقبال والد في المستشفى البس عباة مناسبات فوقها عباة راس للامانه ماحب داشه مستشفى ومزركشه المكان له احترامه هم في ناس مرضى وفشله ومرات تاخذني معاها بيت عمات رجلي او بيت خالاته او بيت رفيجاتها انا البس عباة كشخه لانه مو ميانه البس بدله واقط الملفع عرفتي اما داخل بيت حمولتي او بيت اهلي لا طبعا كلهم بدل وكاشخات بعد حالي من حالهم شماله العبايه

طريقة لبسي للعباة و النقاب :

أكثر شي ناسبني عباية اللي قصتها جاينيز لأنها تخش كلالتضاريس مثل ماأنتوا شايفين بالتوقيع وزني ما يغشمر


ههههههههههههههههههههههههه وزني 70 فليها وربج يحلها طاف انا لمن شلت هم وزني ماضعفت ولا كيلو ولمن خليتها على الله نزلت 5 كيلو من غير ما احس وقصة الجاينيز قمت اخذ بس قصة الكم واركبها على عباة دبل كلووش احلى وارتب لاني قزمه طولي قبل يومين قايسته طلع 157 مع انه كان على بالي 158 الله يعين والحمدالله على كل حال المهم والجاينيز اضيييع فيه بس كنت اسويه قبل حلو لكني بطلت وتبين نصيحتي الكورسيه لا يطيح منج الا وقت النوم وبالبيت البسي بدلة السونا اربع ساعات وامشي كل بوم بس ربع ساعه في الحوش وتعالي قولي لي كم صار وزنج وكل يوم اناناس طبيعي 5 او 6 حبات واكلي 6 وجبات باليوم بس كميات جدا قليله

العباة خامة صالونة مع إني كارهتها و قررت بعد سوالفكمإني أجرب الخامات اللي مدحتوها، واللفة خامة دجى الليل ومرتاحة عليها

جربي ندى محل رهيب بالدبوس قولي له ابي السوده الثقيله مو الخفيفه لانه في انواع

وطبعا العباة والشيلة ماااعليهم شغل ولا أي شي مجردتوقيع المحل يكون بلون هادي على اللفة وطرف العباة

عادي مايهم بالنسبه لي في شغل او لا اهم شي ناعم وبالاسود ماحب الالوان اللي تبرق و ممكن اضيف بس اللون البيج او الرمادي الفاتح غير هاللونين ماحب

عباياتي أفصلها بمحل حراير اللي بمجمع البيرق ، و شادواللي بالأفنيوز و قبل كنت أفصل عند الحلوة اللي بمجمع النقرة لكن توبة أفصل عندهممرة ثانية للأسف كل مالهم ويرفعون أسعارهم على غير سنع الخامات بسرعةتوبّر وتذبل وتصير جنها محروقة تبرررق تحت الشمس تفشل تلوع الجبد >_<

انا افصل بالدبوس شغلي كله بالفحيحيل خاماتهم روعه بس لازم تنبشين عدل وصدقيني تطلعين بفناتك عجيبه بس لازم تكون الصبح او العصر عشان المحلات فاضيه ينزلون لج بالاسعار وتاخذين راحتج و تدورين عدل عكس بليل المجمع زحمه و ياكثر الحريم بالمحل ماتعرفين تدورين على الراحه وهمم تاخذين راحتج بالمكاسر

النقاب ألبس نقاب سير آخذهم من الشرقية بمكة أي وحدة منرفيجاتي تروح أوصيها تجيب لي و إن احتجت من الكويت من أي مكان آخذ بس مو حلوين وتوني أدري منكم إن فيه تفصال نقابات !!

في تفصال واكيد التفصال اروع من الجاهز

و أنا ما أحط كماشة و لا كبّة ، ألف شعري بشباصة سير وأنزلهوألبس نقاب السير سييييدا لا تبين عظمة خشمي و لا خدودي يعني على الجفن التحتيبالضبط ، ولا أحط كحل ولا مسكرا و حواجبي أبد ماعمري سويت فيها شي أصلا أخلي اللفةتغطيها ما يبين إلا بداية الحاجب فقط .. لكن أمس تشيشت ورحت شقرتها وصبغتها بنيغامق لكن ما أعجبوني أبدا اللي سوت لي دفشة وماتفهم، فقررت إن الله أحياني الشهرالجاي أصبغهم بني فاااتح مع تشقير يقلل حجمهم لأن الصبغة بينت عرضهم ماحبيت شكلها

الله يثبتج يارب .. ما احب البس النقاب بهالطريقه لازم انزله شوي لاني طريقة عيوني من الله منفوخه وجفني منفوخ لو احط النقاب دايركت تحت عيني تذبحني من العوار ورموشي تتقطع وماعرف ارمش عيني تدمع / طريقتي خشمي كله مغطى حتى العظمه و عند الخدود شوي انزله عشان ارمش واحرك عيني عدل / اذا انتي نهائي ماتحفين انصحج لوجه الله اقطعي ولا تفكرررين حتى بالتشقير لانج اذا تعودتي مرح تعرفين تقطعين والتشقير يسبب بالمدى البعيد جفااف قوي بالعين و يجفف الماي اللي بالعين لانه ماده كيميائيه والجفن يفرز ماده دهنيه تحمي العين انتي قاعده تنشفين هالماده بالتشقير والتشقير يكثر شعر الحواجب عن تجرربه وانا قطعته بس صرت ارسم حواجبي وقبل كنت اروح صالون الحين صرت متمرسه واحط حق نفسي بالبيت اصبغهم

تحت العباة ألبس بديات لون أسود أو رمادي جم طويل مع بنطلونات ماركس سبنسر سودا طبعاً

انا البس اسود باسود تحت الاحتياط واجد حتى لو الخامه ثقيله

الجوتي عزكم الله دايماً فلاتات آخذ من زاراأو فيرونا أو H&M أو شو بوكساللي بسوق السالمية الأحمر أو آلدو أو حتى لو ألقى بسوق شعبي فلات يعجبني آخذه عاديالمحلات ماتفرق معاي و غالباً أي لون يعجبني آخذه بس ما يكون فسفوري أو أحمر

البس احمر عادي هههههه ما احرم نفسي من شي ثهاائي من ناحية الجواتي تكرمين و الجناط بس العبايه ضروري اسود بدون الوان والفسفوري نهائي ماحبه بره البيت مو حلو حتى عالسفور يعطي الشكل العبيط مع احترامي تبرق من بعيد

بالنسبة لغسيل العبايات يكون باليد مستحيل أغسلهابالغسالة تخربها،
واستخدم شامبو برسيل الأسود الخاص بالعبايات و بعدين أشطفهابماي مع كومفورت

شلون تغسلينهم وتنشفينهم علميني انا داايما مصبغه ودي اغسل عبايات الراس بالبيت اريح بس اخاف اخربهم

الجناط مستحييييل آخذ جنطة تقليد ماركة أكره تقليدالماركات ،
دايم آخذ جناط من محلات عادية يعني زارا و آلدو و هالطقة..
و بس مرة وحدة بحياتي شريت جنطة ماركة من جيمي شو اللي بأفنيوز
حجمها وسط بـ230 دينار و سعرها فيها كدّت معاي كدّ ..
و إن شاء الله لا توظفت أشتري جناط ماركة وأدلل نفسي :wqedqw:

انا عااااااااادي اخذ تقليد والله وما اقط 100 وفوق على جنطه لاني مثلج مو موظفه وحرام رجلي يتعب ويشقى واقوم اقط فلوسه على شغلات ثانويه مالها معنى ماردها الكبت همم الله رح يحاسبني على هالشي ومرح يبارك لنا بحياتنا وانا طبعي واجد دقيقه بهالامور ما اقولج مو مسرفه بالعكس اسرف بس بالمعقول وضميري يتعبني لا قطيت على غااالي 100 وفوق ممكن اخر شي ان طق السعر 90 ولاازم يكون شي فعلا يسوى
وبالنسبه للتقليد طالما انه طبق الاصل و درجه اولى ومافي فرق نهائي وبسعر اقل ما اخليه بخاطري هم ارضي خاطري وهم ارضي ضميري


ولي عودة ببعض التساؤلات أتمنى تفيدوووني فيها وآسسسفةعلى الإطالة
​

وحيااااج الله فديتج من عيوني اذا قدرت افيدج والله مرح اقصر ومامن اطاله كلي لج يالغاليه

 

[غَـنْـجَـى و دَلـوعْ]

ابشري بجي اسكن جنبج ونصير عشيراتشقلتي​

بشروج بالجنة .. عز الله تنورين ^_^


امشي أنا وياج نسكن بالعاشرة أحبها والله


أمنيتي أسكن بالعقيلة ولا المنقف أحس هالمناطق شرررحه

​

ومستشفى النفط ببلاش تروحين ؟؟ انا ببلاشاراجع على بطاقة الاهل

اي ببلاش عندنا ملف هناك لأن أبوي بالنفط ​

والكوت طالما حبيبقلبج اجل اكييييد شايفتج هناك اموووووووووت عليه عشقي الابدي دايم نروح له الخميساللي فات انا كنت فيه

​

صح ممكن ! عاد أنا ما أركز لو أشوفج مليون مرة ما أثبت كله مو مركزة،


بس ما ألومج بالكوت ... أحب القعدات اللي برى كافيه سوبريم وكاريبو و أحب ميجانا بعد

حبيبة قلبي جعل اللهيرزقج بالزوج الصالح المصلح ويوفقج معاه ويسعدكم ويجمع شملكم عالخير والالفهوالموده والرحمه والمحبه عاجل غير اجل ياااااااارب والحمدالله اللي تخرجتي ااالفمبروك يالغاليه تستاهلين كل خير وان شاءالله تتوظفين بسرعه ويعطيج ربي خيرها ويكفيجشرها وتدللين نفسج بالمعقول لانه تبذير الزايد حرام فديتج​

آمييين حبيبتي ربي يسمع منج عاد ألحين الشلة كلها اللي انخطبت واللي تزوجت و اللي ماشاء الله من زمان متزوجة ومعيّلة بقيت أنا آخر وحدة وحدانية هههههه ​

والله يبارك فيج يارب ، صدقتي عاد أنا ما أداني الإسراف واستحرم الصرف الزاايد عن المعقول >_<​

حبيبتي انا عندحمولتي واهلي مااااا البس عبايه لا والله افنتق والبس اللي ابي بس مرات خالتيحبيبتي الله يطول لي من عمرها ويخليها لي تاخذني معاها مناسبات مثل استقبال والد فيالمستشفى البس عباة مناسبات فوقها عباة راس للامانه ماحب داشه مستشفى ومزركشهالمكان له احترامه هم في ناس مرضى وفشله ومرات تاخذني معاها بيت عمات رجلي او بيتخالاته او بيت رفيجاتها انا البس عباة كشخه لانه مو ميانه البس بدله واقط الملفععرفتي اما داخل بيت حمولتي او بيت اهلي لا طبعا كلهم بدل وكاشخات بعد حالي من حالهمشماله العبايه

​

ايييه أيوا بالضبط هذا أحلا شي ترى ..


ودي هالزيارات يصير عندنا مثل هالحركة إن عباية كشخة وحلوة وألبس فوقها عباة راس لكن احنا خلاص سلمنا جذي بكل مكان حريم نقط عباياتنا ونلبس بدل ومرات أشتهي والله أخيط عباة فخمة وألبسها ​

ههههههههههههههههههههههههه وزني 70 فليها وربج يحلها طاف انا لمن شلتهم وزني ماضعفت ولا كيلو ولمن خليتها على الله نزلت 5 كيلو من غير ما احس وقصةالجاينيز قمت اخذ بس قصة الكم واركبها على عباة دبل كلووش احلى وارتب لاني قزمهطولي قبل يومين قايسته طلع 157 مع انه كان على بالي 158 الله يعين والحمدالله علىكل حال المهم والجاينيز اضيييع فيه بس كنت اسويه قبل حلو لكني بطلت وتبين نصيحتيالكورسيه لا يطيح منج الا وقت النوم وبالبيت البسي بدلة السونا اربع ساعات وامشي كلبوم بس ربع ساعه في الحوش وتعالي قولي لي كم صار وزنج وكل يوم اناناس طبيعي 5 او 6حبات واكلي 6 وجبات باليوم بس كميات جدا قليله

​

ماشاءالله تبارك الرحمن الفال لي أقط 5 كيلو زيادة يا رب .. حللللوه فكرتج والله


شكلي بطبقها إن شاء الله لا فصلت عباة جديدة وعلى فكرة أنا مثلج ماهنا طول زايد طولي على ما أذكر 158 أتوقع إذا مو أقصر بعد :/

​

انا افصل بالدبوس شغليكله بالفحيحيل خاماتهم روعه بس لازم تنبشين عدل وصدقيني تطلعين بفناتك عجيبه بسلازم تكون الصبح او العصر عشان المحلات فاضيه ينزلون لج بالاسعار وتاخذين راحتج وتدورين عدل عكس بليل المجمع زحمه و ياكثر الحريم بالمحل ماتعرفين تدورين على الراحهوهمم تاخذين راحتج بالمكاسر

​

تكفين أبي أعرف الدبوس هذا وين بالضبط


؟ أنا أذكر أووول من سنين الطواعين أمي كانت تروح الدبوس أعتقد بالفروانية مادري خيطان


، هذا وين بالفحيحيل؟ اأعرف الكوت وسنتر بوينت وينه عنهم؟ عشان ممكن أطلب من رفيجتي توديني إذا رضت ان شاء الله أروح معاها أشوفه أول ما يصير عندي فلوس ;p

في تفصال واكيد التفصالاروع من الجاهز

​

وين المحلات اللي تفصل النقابات؟ وعلى جم يفصلونه؟ وشنو الخامة اللي تطلبينها؟


ودي بخامات خفيفه نفس ملوت الشرقية

اذا انتي نهائي ماتحفين انصحج لوجه الله اقطعي ولا تفكرررينحتى بالتشقير لانج اذا تعودتي مرح تعرفين تقطعين والتشقير يسبب بالمدى البعيد جفاافقوي بالعين و يجفف الماي اللي بالعين لانه ماده كيميائيه والجفن يفرز ماده دهنيهتحمي العين انتي قاعده تنشفين هالماده بالتشقير والتشقير يكثر شعر الحواجب عنتجرربه وانا قطعته بس صرت ارسم حواجبي وقبل كنت اروح صالون الحين صرت متمرسه واحطحق نفسي بالبيت اصبغهم

​

أوووف !!! والله توني أدري إنه يسبب هالأمور الله يجيرنا وإياج من الشر،


لا إن شاءالله دام جذي أجل هذي آخر مرة أشقر وأصبغ! بس شنو الحل؟


شلون أخلي الحواجب حلوة، اهي رسمتهم حلللوه بس لونهم خايس شهباا


ا حواجبي جني لاطة عليها كريم أساس من كثر ماهي شهبااا رمادية ! ​

طبعا أبي اعرف شلون أرسمهم أو أرتبهم عشان الزيارات لأن أصلا أنا أغطي معظم الحاجب بلفتي لا طلعت.​

​

شلون تغسلينهم وتنشفينهم علميني انا داايما مصبغه ودي اغسل عبايات الراسبالبيت اريح بس اخاف اخربهم

اخذي تبّ أو سطل كبييير أو طشت مادري شيسمونه، حطي فيه الماي أول شي مع البرسيل أكيد تعرفينه اللي لونه أسود وعليه صورة حرمة لابسة عباة حطي مقدار غطا و غسليها بيدج تالي سبعيها بماي لحالها تالي سبعيها بماي مع كومفورت ،​

و انتبببببهي تنشفينها بانشافة ترى تتلف لج إياهم!!


أنا ماخذة ستاند كبير من غرفة الملاب


س أمي حاطة ستاندات لا خلصت الخدامة من كوي الملابس علقت عليها النفانيف والعبايات


واحنا نوزعها بكبتاتنا عشان ما تلخبط خدامتنا بينهم، قمت أخذت واحد من هالستاندات وصعدته فوق لغرفة الغسيل أعلق عليه العبايات وأخليها تنشف على راحتها عادي تاخذ وقت طوييييل بس عالأقل ما تنتلف من النشافة

انا عااااااااادي اخذ تقليد والله وما اقط 100 وفوق على جنطه لاني مثلجمو موظفه وحرام رجلي يتعب ويشقى واقوم اقط فلوسه على شغلات ثانويه مالها معنىماردها الكبت همم الله رح يحاسبني على هالشي ومرح يبارك لنا بحياتنا وانا طبعي واجددقيقه بهالامور ما اقولج مو مسرفه بالعكس اسرف بس بالمعقول وضميري يتعبني لا قطيتعلى غااالي 100 وفوق ممكن اخر شي ان طق السعر 90 ولاازم يكون شي فعلا يسوى

​

وبالنسبه للتقليد طالما انه طبق الاصل و درجه اولى ومافي فرق نهائي وبسعر اقلما اخليه بخاطري هم ارضي خاطري وهم ارضي ضميري​

أهنيج على تفكيرج ماشاء الله عليج مو مثل اللي تضغط على زوجها وتتلف أعصابه عشان جنطة ولا جوتي ماركة عزج الله .. بس والله جد نفسيا ما أحب آخذ التقليد حتى لو درجة اولى مادري أستخسر فلوسي على تقليد أقوم آخذ أشياء مو ماركة و أمد رجولي على قد لحافي خاصة إن ألحين لا مكافأة و لا راتب وأبوي الله يخليه مو مقصر بس تدرين أنا نضجت مو معقولة حتى الكماليات أخلي أهلي يدفعون لي فلوسها أحس عيب أنطر الوظيفة وأصرف على نفسي أحسن لي ​

​

 

[غَـنْـجَـى و دَلـوعْ]

هذي طريقة الستاند اللي أعلق عليه عباياتي عشان تنشف من كيفها بدون لا أحطها بالنشافة


:
:
:


و بالنسبة للعطور أفضل شي عندي عطر هوت كوتور من جيفنشي ، هذا شكله :

مدمنة على هالعطر بس ترى اهو قدييييم مو جديد و آخذ منه العلبة الكبيرة تقريباً سعرها 40 دينار
و طبعا تقعد عندي مدة طويلة أنا اقتصادية باستخدام عطوراتي :$

 

[غَـنْـجَـى و دَلـوعْ]

بغيت اسأل شنو يعني مثبت البخور ؟؟

وسؤال ثاني العباية إذا صار فيها لمعة لأن الخدامة المطفوقة تلقفت و كوتها بالأوتي بدال مكواة البخار ،
هل فيه حل يوخر اللمعة اللي صارت فيها ؟؟؟


وهم ودي أعرف شنو بخور حلو وثابت للعباة طبعا إذا رحت مسايير لأهلي لأني أنا أسوق فالحمدلله ما أختلط برياجيل لو رحت بزور أهلي أبي بخور حلو و ثابت، بس مايكون غالي :$

 

[*مطبخ الذواقة*]

و أنا ما أحط كماشة و لا كبّة ، ألف شعري بشباصة سير وأنزلهوألبس نقاب السير سييييدا لا تبين عظمة خشمي و لا خدودي يعني على الجفن التحتيبالضبط ، ولا أحط كحل ولا مسكرا و حواجبي أبد ماعمري سويت فيها شي أصلا أخلي اللفةتغطيها ما يبين إلا بداية الحاجب فقط .. لكن أمس تشيشت ورحت شقرتها وصبغتها بنيغامق لكن ما أعجبوني أبدا اللي سوت لي دفشة وماتفهم، فقررت إن الله أحياني الشهرالجاي أصبغهم بني فاااتح مع تشقير يقلل حجمهم لأن الصبغة بينت عرضهم ماحبيت شكلها



الله يثبتج .... ويستر عليج ...وطريقة غسيلج للعبايه هي الطريقة المثاليه .



اسعدنا تواجدج ....



..

 

[Mjnont '3lay]

بغيت اسأل شنو يعني مثبت البخور ؟؟

وسؤال ثاني العباية إذا صار فيها لمعة لأن الخدامة المطفوقة تلقفت و كوتها بالأوتي بدال مكواة البخار ،
هل فيه حل يوخر اللمعة اللي صارت فيها ؟؟؟


وهم ودي أعرف شنو بخور حلو وثابت للعباة طبعا إذا رحت مسايير لأهلي لأني أنا أسوق فالحمدلله ما أختلط برياجيل لو رحت بزور أهلي أبي بخور حلو و ثابت، بس مايكون غالي :$

لا والله حلها منظر بالكبت وكلي امرج لله :eh_s(4):
العباة تنكوي بخار وهي مقلووبه حبيبتي
البخور تبين الصج ؟ عندي كمبودي ابوي الله يخليه لي قبل الغزو جابه من الامارات او بعد الغزو والله مو ذاكره السالفه هذيك المره انشده قال جبت كميه كبيره وخشيتها من دبي التوله ب70 دينار وايام جهازي عطاني وقالي حافظي عليه ماتلاقين مثله الحين لو شنو لانه كمبودي اصلي مو مخلوط عاد ريحته شقولج قمممممه قمممممه قمممممه روووعه ياربي من اشمه ينشرح صدري يهبل يهبل ويقعد ربع ساعه مايحترق بسرعه ما ابخر رجلي ولا اتبخر فيه الا بالمناسبات وكسره صغيييييره وتكفي عاد بس هذا البخور التوب عندي لي يومج ماشميت مثله
بس اذا تبين انصحج مالج الا بخور الامارات والسعوديه في مكه رووووعه اما الكويت ما انصحج

هذي طريقة الستاند اللي أعلق عليه عباياتي عشان تنشف من كيفها بدون لا أحطها بالنشافة


:
:
:


و بالنسبة للعطور أفضل شي عندي عطر هوت كوتور من جيفنشي ، هذا شكله :

مدمنة على هالعطر بس ترى اهو قدييييم مو جديد و آخذ منه العلبة الكبيرة تقريباً سعرها 40 دينار
و طبعا تقعد عندي مدة طويلة أنا اقتصادية باستخدام عطوراتي :$

لاااااااا يحووووشج عطر ههههههه
بره شقتي ماااا اعرفه لا هو ولا البخور الحمدالله
بالشقه حق رجلي احط قوجي و فيري سكسي البيضا دماار شاامل انصحج فيه لبعد الزواج
و نكهات واجد عندي من مكياجي توت وفرواله وخوخ وكله اخذهم مع اللوشن والشاور جل الخوخ حده عجيب جربيه بس الناس اذواق شميه قبل لا تاخذينه انا اتدوش فيه الشاور جل قبل لا اطلع يعطيني ريحه حلوه وعطر منى امرشا الاحمر يمه عاد هذا ابو الاغرااء فضييييييييع ريحته تدوووخ تخيلي اقوم الصبح اتدوش بالعطر وارد فراشي وانام هههههههههههه الله من الفضاوه والخبال الزايد :krkrkr:
وعندج عطورات نعومي الجهرا الاصلي تابع السعوديه اما الافرع الثانيه تابع الكويت
انا ما اخذ الا من الجهرا احسن ولو انه عنووه بس معليه
الوكاد عطر نعومي اسمه شوقر سكسي هذا عذاااب يختج يوم شميته وكان عرض مت بمكاني ومن الشفاحه خذيت اثنين بس قديم ماخذته قبل سنتين لي الحينه عندي انا نفس طبعج اشتري عطور حلوه وثابته واقتصاديه بالعطور رشتين تفوح المكان ماله داعي اتدوش بالعطر
ويالله ان شاءالله ابروح اشم هذا اللي حاطتن صورته ان عجبني ما اقول لا رح اخذه

والدبوس يختج جانج تعرفين مجمع الاجيال تراه مقابله بالضبط سلمان الدبوس شحلاته حتى بره فيه محلات بجايم وسوالف حلوه
وصادقه يختج فشله ابوج يصرف عليج على كماليات مو ضروريه
والنقابات بمحلات الدبوس يفصلون لج عادي
تبين اوريج نقابي اللي خذيته الاسبوع اللي فات من الدبوس ؟؟
نظام جديد صراحه مرتاحه عليه اكثر من السير العادي لانه مايطلع خط عند خدي واقدر اتحكم فيه اوسعه واضيقه على مزاجي وهم رح افصل ان شاءالله عند العضوه سلاسل ذهبيه نقابات
وعلى الستاند طيب انا دوام شلون يعني اخليه جذي عالستاند يبيله يومين على ماينشف وشلون اروح دوامي :eh_s(10):
واييي شي تبين من عيوني يالغلا امري وتدللي لا يردج الا كيبوردج حبيبة قلبي
يختج بينا شعور متبادل منقبات وسنفورات استانس عالقصيرات مثلي ولا يهونون الطويلات
اي اي ولا يطوفج محل اسمه ايلي اذا ما خاب ظني حق الجواتي والكعوب تكرمين يهبلون واسعاره ان طقت 10 بس مو اكثر بينه وبين الدبوس شارع بس



ام يووسف فديت قلبج اوصفي للبنت مكان الدبوس يختج ماعرف اوصف وصفي يفشل ياعيشتن قشره ياكبري وماعرف اوصف

 

[Mjnont '3lay]

غنجى بسالج
العباية يعني اسبعها بس جذي ما افركها ولا شي بس مجرد احطها واسبعها بماي تالي اسبعها بكومفروت ولا شلون افركها

 

[Mjnont '3lay]

ام يوسف حبيبتي هذي طلبيتي ان شاءالله توصل على شهر واحد

 

[Mjnont '3lay]

غنجى قلت بنزل لج صورة النقاب اللي قلت لج عنه مريح وحلو
بس تعبت نفسيتي من التحميل صاير جدا بطيء يعطيه العافيه نزل لي صوره وحده
روحي محل ينقال له اجمل داخل الدبوس تلقين هنديه انشديها قولي لها ابي النقاب اللي نص ربطه ونص سير
شحلاااته مريح بس ترى طويل ماعندهم قصير اذا تبين قولي لها تقصره رح تقولج بدينار اخذيه بنص انا اخذت الاثنين بدينار مايصير ما ارتاح اذا ما اكاسر تصكني حكه بلساني
انا خذيته مثل ماهو طويل استر حق عبايات الراس

 

[لوجين@]

حبيبتي وين مجمع الدبوس

 

[ريـــمْ]

ام يوسف حبيبتي هذي طلبيتي ان شاءالله توصل على شهر واحد

عليج بآآلف عآآفيه ي قلبي
آبي آسم الموقع لو مآ عليج أمر :eh_s(17):​