تجمع طالبات رابعة ثانوي مسائي 2011-2012 حياكم

[بنت فينا]

الاخت توتااا
الشهاده مالها شغل
انتي بطاقتج المدنيه علي وين؟؟؟؟
روحي المنطقه اللي تابعه لها بطاقتج

 

[بنت فينا]

الله يعافيكم ردووووووووووووا علي​

والله موقادرة انام من التفكير ​

حييييييل
متوتره ومتردده:eh_s(16)::eh_s(16)::eh_s(16):​

اللي درسوا شرايكم بالدراسه سهله؟؟؟​

وصج سمعت انا لامتحانات اخرالسنه مايشمل الكورسين وإلا مثل نظام القديم ادرس الكتاب من بدايه الفصل الاول​

معالعلماني خريجه ادبي 2001​

اي سهل سهل سهل لا تحاتين

وامتحان الفتره الاولى بالكتاب الاول

والفتره الثانيه بالكتاب الثاني

والدور الثاني بالكتابين


فا شدي حيلج يا امي عشان لا تضطرين تدرسين الكتابين




وانا بعد مثلج متخرجه تقريبا 2005 وكنت مقررات
بس مصيرنا ندرس النظام اليديد شنسوي بعد

 

[بنت فينا]

البنات اليدد لا يطوفكم التسجيل.................



تذكير التسجيل ينتهي 13\10\2011
لحقووووو


عالاقل يمديكم تنقلون اللي فاتكم من دروووووس
لا تنامون على عمركم

 

[بنت فينا]

سلااام
انا موظفه بغيت أسألكم لي خلصت رابعه ثانوي مسائي ودشيت الجامعه عادي استقيل من دوامي علشان الجامعه ولامايصير وشلون ادرس جامعه وعندي دوام بالوزاره
وبغيت اسأل عن المسائي ماكو بمناطق الديره والعاصمه ولابس مناطق العاشره؟؟
انا متزوجه تغير مكان سكني بس شهادتي القديمه تابعه للعاصمه اروح اي منطقه تعليميه؟ تبع منطقتي القديمه ولا اهمه يمشون عالمنطقه اليديده الي انا ساكنه فيها الحين؟؟

حبيبتي مادري شالحكمه انج تستقيلين من دوامج عشان تدرسين
ليش تستقيلين؟



خلج على دوامج باجر راح تحتاجين مصرف حق الجامعه والكتب والمذكرات وتصوير الاوراق ترى مصرف من وين بتييبين؟
وهل تعتقدين ان اعانة الطالب الـ100 دينار كافيه حق مصرف بانزين وكروت وتصوير اوراق ومذكرات وكتب وووووووو ؟؟؟؟

خلج على دوامج واخذي تفرغ دراسي براتب كامل والحياه حلوه

:eh_s(7):
حطي ابالج
غيرج ينطر دوره بالديوان فوق السنه عشان يدور وظيفه وانتي تبين تستقيلين؟
متى انشالله تلقين وظيفه؟

وترى نص الكويتيين متوظفين بمكان غير شهادتهم وانا وحده منهم شهادتي بصوب والوظيفه بصوب وغييييييير 100%


تحياتي

 

[جيكره(و)تتغلى25]

اهلين


بنت فينا بداومين اليوم؟

انا زوجي توه نام وماابي اخذ السياره لان مااافي مصافط لاعة جبدي هههه


يوم الاثنين بداوم


قلت حق خالي يجيب لي من المدرسين اوراق الكلمات الفرنسي والانجليزي اسهل لي ومترجم بعد


الله يسهل

 

[صمتي حكابك]

بنات قوووووه،،،،


انا امس سجلت ونسيت أسألهم الساعه كم يبداء الدووووام

بليز ردو؟؟؟!

 

[ام فهد 305]

حبيبتي يبدا الساعه 4ونص في بعض المدارس


وبعضهم 4 وربع

يعني يكون الاحسن تكونين بالمدرسه 4 وعشر احسن عشان تعرفين نظامهم وتسالين البنات


والله يوفقج

 

[صمتي حكابك]

مشكوووووره حبيبتي ع الرد

 

[ام فهد 305]

ولووووووووووو


الله يوفقكم يا بنات هالتجمع واللي مو معانا بعد هههه

موفقين يا بنات الكووويت

 

[بنت فينا]

اهلين


بنت فينا بداومين اليوم؟

انا زوجي توه نام وماابي اخذ السياره لان مااافي مصافط لاعة جبدي هههه


يوم الاثنين بداوم


قلت حق خالي يجيب لي من المدرسين اوراق الكلمات الفرنسي والانجليزي اسهل لي ومترجم بعد


الله يسهل

هلا وغلا بجكورتنا
لا اليوم راح اداوم متأخر لاني بروح الحين المنطقه التعليميه بسألهم شنو فيه مدارس غير مدرسة الرابيه الكئيبه<<:bbbiu:

\\

وموعذر ياقلبي اخذي السياره وداومي
الناظره قالت لنا ان نسفط ورى يم مسافط البنك التجاري
هههه ماخلت شي الناظره


واذا تبين اساعدج بكلمات الانجليزي والفرنسي ابشري
انتي اي صف بشوف نفس ابلاتي وله غير


واذا ماتبين اتجاوبين بالعام دزيلي خاص


بالتوفيق يارب

 

[كنتووشة]

بنت فينا شنو قالولج بالتعليميه في غير الرابيه او لا بشريني خاطري اكون معاج

 

[k.a.t.k.o.t.a]

هاي بنات بس حابه اسال اللي بمدرسة حواء مثل الاخت ام مشعل باي صف 12 ابي اسجل معاهم بنفس الصف انا سجلت بالمدرسه اليوم بس مادري اي صف باجر راح اعرف

وبسال عن النظام تحسون الابلات زينين يساعدون شنو انطباعكم بعد اسبوعين دوام ؟؟؟ بمدرسة حوواء الاندلس

 

[بنت فينا]

بنت فينا شنو قالولج بالتعليميه في غير الرابيه او لا بشريني خاطري اكون معاج

هلا حبيبتي

انا ييت

للاسف رحت الساعه 5 بالضبط
للمنطقه التعليميه
ودخلت مكتب المسؤل
وله
للاسف
المكتب
مقفول
ادور
على المسؤل
وله يقولون مايداوم عصر
معن دوامه الرسمي عصر
بس قالولي تحصلينه الصبح

فا انشالله
بروحله الصبح واكلمه

واجيب لج العلم باذن الله

 

[الكويت غالية]

بنات شفيكم على مدرسة الرابية
وابلة سهام الفضلي عسسسسسسسسسل
وبالعكس الابلات متساهلات بالدرجات انتي داومي وبتضمنين درجات الشفهي كااااملة
وباامتحان الفترات والله تدش الناظرة علينا وتقول للابلات شوي شوي على البنات
وابلات الغياب والوكيلة بعد حيييييل حبوبين خصوصا بعد ما راحت الوكيلة السابقة ابتسام
صارت المدرسة صج حلووووة
الناظرة خريجة مسائي يعني اهي اعلم بحالنا وان عندنا بيوت وعيال واحسها تتفهم حالتنا
اكثر من غيرها وتونسسس تحب السوالف حييييييييل

 

[ام ريانوو]

خوش موضوع

انا سجلت قبل جم يوم
طافني سبوعين دراسه الله يستر !!!

بس بعرف اي مدرسه يكون فيها المسائي بالعدان ؟؟؟

 

[Ather ُ]

بنـآات تخيلوو لي الحين ماسجلت


رحت يوم الاثنين ع اساس اني اسجل
والا تقول لي كل اوراقج اوكي بس روحي الوزاره وجيبي شهادت عاشر و11

شكو


وعاد خالتي تشتغل هناك وقالت بطلعها لج وان شاء الله
الاحد تطلع واروح اسجل وادخل ع طول اداوم

 

[ام مشعل المطيري]

يسعد مساكم شلوووونكم مع الدراسة
ماكو سوالف اشوفكم لاهين

 

[كنتووشة]

انا للحين ماسجلت ومحتاره حيره قوووووية. مادري وين اسجل الرابيه او الاندلس

 

[زبدة ككاو]

بنت فينا شفيج عادي احنا صباح السالم فارعه جذي
اللي يقولون متساهلين
الدوام 4 و ربع اذا ييتي 4 وعشرين تأخير و 4 ونص غياب
الادارة يوقفون عند الباب بالدخلة والطلعه حتى المو متحجبه غصب عبااية تخيلي حتى لو مو متحجبه لوول تعالي شوفي البويات ههههههه
وما يطلعونج الا بعذر واذا زوجج بياخذج لازم بطاقة وسالفة
تلفونج ياويلج اذا شافو ع الطاولة ياخذونه وحتى الاكل تخيلي ياويلج اذا شافوو ع الطاولة
والدفاتر لازم كاملة ومن اسبوعين اول مابدا الدوام حاسبو ع الغياااااب

اوووف لووعه موقاادرة اكمل ، يقولون صارت بلاوي السنة اللي طافت و فوق هذا النسب قووية والوزارة مشددة عليهم لان السنة اللي طافت البنات بامتحانات الفترة درجه كاملة وبالفاينل صفرررر

المهمم هذا غيرررر بلاوي البناات

وابلة العربي ماتفهم وصفنا فيه فوق ال 33 بنت

 

[زبدة ككاو]

وفوووق هذا كله الكتب موجودة بس ماوزعوهااا ناطرين يخلصصصصص التسجيل عقب يوزعون
يقولون احتمال الخميس الياي