تجمع طالبات رابعة ثانوي مسائي 2011-2012 حياكم

[كنتووشة]

منو عنده رقم مركز الرابيه و مركز الاندلس محتاجته ضروري

 

[الهوى]

بنااااااااااااااااات حشني احباط مو طبيعي

تخيلو يوم الاحد رحت للرابطة ع اساس اسجل جان تقولي خلصوا الارقام تعالي باجر
ورحت لها الاثنين جان تقولي انتي موعندنا روحي لزينب قتلها انا رحت زينب وقالولي روحي للرابطة
جان تقول موشغلي ورديت مرة ثانية لزينب جان تقول موعندنا قلت انتم على كيفكم كل وحدة لها راى
دخلت على الناضرة جاااااااااااااااان تقولي انتي عندنا روحي سجلي يعني ضيعو الايام على الفاضي
ورحت للوكيلة وشافت الاوراق قالت لا ابي الشهادة الخضرة مالت رابعة جيبها من المنطقة
اللى عندي بيضة
واليوم رحت للمنطقة قالي المدير هم على كيفهم ودق عليهم وقالهم سجلوها مو على كيفكم اطرش لكم البنات وانتم تردونهم
قالت له خلاص خل تجي العصر تسجل
تخيلو رحت لها جان تقول ليش مو حاط لج لامانع
قتلها انتي قلتي خل تجيني يعني عندج خبر قالت لا لمن اشوف توقيعة اسجلة

بناااااااااااات خايفة لايكون طافني دروس مهمة لان البنات شفتهم مستلمين الكتب

​

 

[جلكسي الاحمدي]

يابنات منو بثانوية الصباحيه بديتوا دراسه ولا لأ انا واجهتني مشكله بالتسجيل وصارلي اسبوع ادرس بالبيت والخميس بداوم ان شاءالله المشكله اللي واجهتني يبون شهايد 10/11/12 جديده ويبيلهم وقت على مايطلعون محد منكم جاب طاري شهايد تكون جديده يالله هانت ان شاءالله الخميس بداوم

 

[بنت فينا]

كنتوشه اهي قالت لنا قبل امس انها متخرجه مسائي
وقالت اهيا تزوجت وعمرها 13 ويابت ياهل واهي بالمسائي
واااي عادت هالاسطوانه مليون مره ههههههههههه
الظاهر تدش على صف صف تقولهم هالاسطوانه


لا موصج
والابلات متشددين شكلهم مو كريمين من ناحية الدرجات
اشوفهم يمشون وبايدهم دفتر الملاحظات ويحاسبونا على كل كبيره وصغيره

شكلها الناظره متشدده على الابلات مثلما متشدده علينا :eh_s(1):
كل كلمه والثانيه يقولون الاداره مشدده والموجه قايل اي شي صح؟ :eh_s(4):

 

[بنت فينا]

بنت فينا\\

انا رحت الاحد بسجل ولا زحممممممممممممممممممممممممممممممممممممممممه وحر مموت وطبعا البنات الله يهديهم كانهم عرس هالمكياج والعطور واسمحيلي حر وعالعطر عاد شوفي الريحه ماتحملت رجعت وخليت زوجي يكمل ولا ناقصه ورقه طبعا هو انصدم من المناظر وكان من شروطه لي انسي المكياج والعطر ولاتتحججين انه كلا بنات يعني شوي حجر وماايحب هسوالف الي احنا حبها والحمدالله تعودت ههههههههه

رحت ثاني يوم وناقصه لا مانع لان بطاقتي منطقه وزوجي عبدالله مبارك وزوجي بغى يتهاوش يقول لها زوجتي تتبعني وانا بعبدالله مبارك لا لازم لامانع ورجع عاد يقول بنات اليوم غير امس ههههههههههههههه شكله حتي هو لاحظ


والله انا عندي احسن الابله تشدد عشان احفظ

اما وسايل ولويه لالالالالالالالالالا تسمحلي وين قاعدين يعني نص يومي بالمدرسه ونص يومي مع عيالي بالمدارس وين يمدي هذا كله!!!!!!!!

ناظره شاده حيلها اول الايام وان شاءالله طخخخخ

ايييييي والله صدقتي من ناحية العرس عرس بالمدرسه البنات يهولون بعمرهم شدعوه هالكبــّه >> الصاروخ الي فوق راسهم مانشوف السبوره منه امبيييييييه والله مو معقوله كل وحده شطولها شمتنها جثله جنها كبت وقاعده جدااام اول درج وشباصتها شكبرها ثلاث طوابق والله مانشوف السبوره منهم


والبنات كل وحده داشه المدرسه متنرفزه وتقوم تزف وتتهاوش
وعلى اقل شي لو تقولين لها لو سمحتي دنـّي شوي قامت ردحت لج وتهاوشت معاج
والسانهم شطوووله ينهد عليج على اقل شي لو تدعمينها بالغلط وانتي تمشين بالزحمه تصارخ عليج انتي عميه ماتشوفين ووووو تصارخ وتتهاوش قطيعه تحط الحره فيج
لا وبعد مصخره البنات يتهاوشون على لون الدرج الي تقول انا ما اواطن الدرج الاخضر واللي ماتبي درج اصفر واللي كاتبه اسمها على الدرج وتناجر اي احد ياخذ درجها ويع ويع
والله مصخره الطالبيات اللي بمدرسة الرابيه

:krkrkr:

 

[عذبة الأطبااع]

السلام عليكم بنات

وااااي بنت فيينا الله يعينج ترى النفسية تلعب دؤور لازم تكونين حابة المكان عشان تبدعين

حاولي تغيرين مدرستج اذا موقادرة تتاقلمين

وتدرين ليش الإبلات يمشون بدفتر العلامات ؟
عشان يكون في ردع للبنات المشاغبات

الله يشرح صدرج واستخيري

 

[عذبة الأطبااع]

ام مشعل ولاعليج امر ياليت يكون في تجمع ثاني

نحط فيه الأسئلة المهمة والتلاخيص ونماذج الامتحانات ان وجدت

تدرين بدينا بالجد الله يعينا*

 

[كنتووشة]

انا بجرب اسجل بحواء يقال انهم فله ومو نفس الرابيه الرابيه مصدقين روحهم غبارهم إحنا أعمارنا 14 و 16 لنا خلق نرسم ونسوي وسايل مايدرون ان إحنا موظفات وحوامل بعد ):

 

[يـ منيتي ـا]

واااي بنات ليش نفسياتكم صفر والله ضيقتو خلقي
تو الناس ع الزعل وتعب
هههههه بالامتحانات شنو بتسووون؟؟؟
الله ايوفقكم يارب كلكم ويعدل نفسياتكم وتجيبون الشهايد اللي ترفع الراس

عاد تصدقون بنات انا اللي شجعني وحفزني لدراسه وحده وهي وياكم بتجمع وتعرفني عدل
كانت تحمسني وترفع من نفسيتي وكانت تشجعني اني ادرس بالعطله اللي فاتت كلها
كنت لمن ازهق ولا اتكاسل وانا ادرس اصورلها حالتي والكتب وادز لها بتلفون والله
عشان اسمع منها تشجيع ودعوه حلوه ترد روحي
بس اللي مستغربته منها اني قريت ردودها اليوم وانصدمت من نفسيتها التعبانه
ياعمري لا تنسين حلمنا ولا تنسين شنو الدافع المشترك اللي خلانا نكمل انتي مثلي وانتي سراج دراستي لا تززعيين ابدا خلج ثابته عشان امشي ع خطاج

وبعد توها قالتلي ان باقي ٢٢٨يوم ع التخرج امانه بنات وربي كلها سنه وكلكم وانا معاكم عدناها عشان ترفع من نفسنا
تذكرون امهاتنا يوم يقولون ان الشهاده الشهاده
ماينفعج رجل ولا جاه
شهادتج سلاحج
كنت اتضايق لا سمعت جذي اعتقد ان امي قصدها اني اهد التلفزيون وادرس
وربي وربي الحين متحسفه يا ليتني فهمت صج كلام امي
جان مو هذي حالتي ولا حالتكم
نبي نتوكل ع الله
نبي ندرس
نبي نفرح نفوسنا التعبانه
نبي نرتاح
الان احنا نستاهل هالشي
لا تياسون اللي ماسجلت تو الناس ما فاتها واجد سجلي
والي كرهت المدرسه ميخالف تحملي هذا مجرد جسر عشان ايوصلج لحلمج تحملي ٦شهور مو واجد ع عمرج اللي راح
واللي ما نضمت وقتها شناطره خلي هالاشهر تكون الدراسه من اولوياتج ترا بس ٦شهور
وبعدها راح تجين اهني وتبشرينا بنتيجتج
بنااااات عسى ربي ايوفقكم وينجحكم وما تضيق الى تفرج
ومايضيع عند ربنا الكريم حق

 

[كنتووشة]

صبااااااحكم تحلططططططم. هههههههه. غشمره غشمره للآلات تصدقوووون

 

[too00ta]

سلااام
انا موظفه بغيت أسألكم لي خلصت رابعه ثانوي مسائي ودشيت الجامعه عادي استقيل من دوامي علشان الجامعه ولامايصير وشلون ادرس جامعه وعندي دوام بالوزاره
وبغيت اسأل عن المسائي ماكو بمناطق الديره والعاصمه ولابس مناطق العاشره؟؟
انا متزوجه تغير مكان سكني بس شهادتي القديمه تابعه للعاصمه اروح اي منطقه تعليميه؟ تبع منطقتي القديمه ولا اهمه يمشون عالمنطقه اليديده الي انا ساكنه فيها الحين؟؟

 

[ام مشعل المطيري]

توتا هلا وغلا اي يصير تستقيلين من الدوام واذا كنتي موظفة وحابة تدرسين عقب ماتعيدين رابعة تاخذين تفرغ دراسي وهالمواضيع مةجودة بالصفحات اللي قبل

 

[too00ta]

انزين انا نسبتي جيدجدا بس شهادتي قديمه وموظفة يصير أعيد رابعه ثانوي عندي رفيجتي خلصت منازل بس في جم سؤال ماسالتها
شنو في مدارس متوفره بس الرابيه والاندلس يعني مافي بالعاصمه ومحافظه حولي وغيرها ولا بس المناطق العاشره والبعيده؟*

 

[too00ta]

اي بس اذا الموظفه مومؤهله تاخذ التفرغ او عمرها فوق ال٣٠ مايصير يعطونها تفرغ طبعا
يعني عقب مااعيد رابعه ثانوي لان شهادتي قديمه مو لان معدلي شوي يصير عقب ماخلص رابعه استقيل وادخل الجامعه؟؟؟؟
ولاممنوع لازم اكون موظفه وأخذ تفرغ؟

 

[ام مشعل المطيري]

يابنات احنا مشكلتنا الاساسية الدوام العصر انا اروح اةل حصة مصحصحة وبعدها ارد البيت وراسي بيتفجر من كثر الحصص وارد اشوف عيالي بس صراحة لقيتلي شغلة حلووووة تصحصحني القهوة العربية انا ماأحبها اصلا بس قلت بجرب قبل لا اروح الدوام وفعلا جابت نتيجة بس لاتكثروووون جم فنجال وبس

 

[ام مشعل المطيري]

توتا شوفي اللي يناسبج اذا قدرتي تاهذين تفرغ وتدرسين حلو واذا ماوافقوا استقيلي

 

[k.a.t.k.o.t.a]

هاي بنات بس حابه اسال اللي بمدرسة حواء مثل الاخت ام مشعل باي صف 12 ابي اسجل معاهم بنفس الصف انا سجلت بالمدرسه اليوم بس مادري اي صف باجر راح اعرف

وبسال عن النظام تحسون الابلات زينين يساعدون شنو انطباعكم بعد اسبوعين دوام ؟؟؟ بمدرسة حوواء الاندلس

 

[هوليوود]

يعطيكم العافيه
وعساها في ميزان حسناتكم
قاعدين تشجعونا

عند ي سوال
منواللي طالبه في مدرسه زينب اللي باجهرا وشرايكم فيها
مره رحت بشوف الطلبات والا الاقي الناظره مالتهم حييييييييييييييييييل عصبيه وحيييييييييل متشدده وحدي خفت جان اهون
ولمن قريت تجمعكم هاذا تشجعت
ومااقدرانتقل لمدرسه الرابطه عشان عنواني

بناتتتتتتتتت الله يخليكم ريحوني حدي تعبت نفسيتي
منواللي هناك وشرايها بالمدرسات الليييييييي هناك والتدرس بشكل عام والبنات شرايكم فيهم

الله يخليكم ويوفقكم جابوني

حييييييييييييييييييييييييل خايفه
مع العلم اني موضفه وعندي يهال وعندي شهاه دبلوم
بس بعيدهاعشان أبي نسبه​

 

[هوليوود]

الله يعافيكم ردووووووووووووا علي
والله موقادرة انام من التفكير

حييييييل
متوتره ومتردده:eh_s(16)::eh_s(16)::eh_s(16):


اللي درسوا شرايكم بالدراسه سهله؟؟؟


وصج سمعت انا لامتحانات اخرالسنه مايشمل الكورسين وإلا مثل نظام القديم ادرس الكتاب من بدايه الفصل الاول


معالعلماني خريجه ادبي 2001​

 

[too00ta]

انا ساكنه بمحافظة حولي بس شهادتي كانت بالعاصمه يعني وين اروح اي منطقة تعليمية ؟؟؟