تجمع طالبات رابعة ثانوي مسائي 2011-2012 حياكم

[ام مشعل المطيري]

تمام بوجودكم بنات ماتدرون شصار ع الامتحانات شلون طريقتها انا خايفة ان ماتطون في امتحانات شلون نجمع درجات

 

[للابداع اصول]

مووووفقين بنااات

 

[جلكسيه اس 3]

لا والله ما ادري وان شاء الله الامتحانات ماتنشال احنا امتحانات و يالله نظمن درجات

للابداع اجمعين ان شاء الله

ام مشعل شنو استعداداتج للمدرسه
ما شريتي اغراض جنطه و اقلام ودفاتر ولا تنطرين الدوام

 

[ام مشعل المطيري]

يوووو سكرتيرة ودي اشتري بس مو عارفة شنو بصراحة تهقين لازم جنطة ولا عادي اشيل جم كتاب بايدي والباجي بالجنطة انا بصراحة محاتية حيل ودي تمر هالايام ع نار انتي شريتي شي

 

[×قـــمرهـــم×]

للابداع اجمعين حياتي انتي

ام مشعل انا موجوده

سكرتيره تمامووووو انتي اخبارج



بالنسبه للدراسه ماعندي أي خلفيه عن المسائي ومادري شلون ومادري شنو النظام

تجربه جديده والله يستر منها

 

[ام مشعل المطيري]

والله نفسج قمرهم صارلي جم سنة ع الدراسة لا ونظام مقررات بس داشة بقووووة لان اذا ماجبت نسبة ماراح اجرب مرة ثانية الله يستر زين شنو نشتري من الحين وشنو نلبس

 

[نـ(المطيري)ـازكـ]

مساء الخير بناااااااااات

شلونكم شخباركم مع رمضان ..

عديت جم صفحة طافوا اشوفكم من الحين تدرسون عسى الله يوفقكم ..

ابي اسأل عاد صج من ضمن الطلبات صورة الجواز !! ..؟ شيبون فية !!

 

[جلكسيه اس 3]

ام مشعل حبيبتي لازم الجنطه هذي اللي اتعلقينها على جتف واحد عرفتيهاا ؟
الكتب وايد والله بتتعبين من شيلتهم وفرضا طلع صفج بواحد من الصفوف اللي فوق انا اقول بتطلعلج عضلات من وراهم
وانا بعدي ماشريت شي شكلي بنطر اول يوم دوام و بس بشتريلي مذكره صغيره واقلام عشان اسجل فيها

قمرهم انا بخير الحمدلله

ام مشعل حبيبتي يعتمد على البنات اللي بالمدرسه احنا السنه اللي طافت البنات اكثرهم لابسين اعبي والله اريح

هلا والله نازك
الحمدلله تمام

 

[ام مشعل المطيري]

انا بسوي نفسج ماراح اشتري انزين من وين اشتري جنطة ؟؟؟
انا اكيد بلبس عباية زين ماسالتوا عن طريقة الامتحانات محاتيتها

 

[×قـــمرهـــم×]

ام مشعل .... سكرتيره ما قصرت ما شاء الله وماعندي كلام احطه فوق كلامها

سكرتيره ....دوم يارب

نازك ..... مراحب وانا تمام الله يسلمج

 

[زبدة ككاو]

بنات انا كنت بالمسائي وطلعت موشررط جنطة مدرسة عادي اي جنطة حتى لوجنطة طلعه الكبيرة عررفتوها ؟
انتو شوفو اللي يريحكم

 

[زبدة ككاو]

في احد موجود ولانمتووا ؟

 

[زبدة ككاو]

بالنسسسبة للعباية ارريح بمليون مررة والله
انا لما كنت بالمسائي قبل كنت اهتم بلبسي ومكياجي واذا مالقيت شي حلوو ما اداوم
ومكيااجي سنة على ما احطة واتاخرر وكل شوي اعدل شكلي ومهملة الدرااسسسه
ويع طلعت عقبها قلت انا وين والدراسة وين
هالسنة عبااية وبدون مكيااج منوو له خلق يكشخ

 

[ام مشعل المطيري]

هلا زبدة صباح الورد

 

[ام مشعل المطيري]

والله يازبدة انا احب المكياج بس احس مو وقتة يمكن مكياج ناعم بو عشر دقايق والجنطة انا اقول عادي زين زبدة انا من زمان عن الدراسة تتوقعين راح امشي برابعة لان انا رابعة وبس في بنات ثالثة ورابعة مادري ذبحني التفكير وشلون معاملة المدرسات ؟؟

 

[جيكره(و)تتغلى25]

مرحبا ام مشعل امبيه كانج قاعده تكلمين عني


بعيد رابعه ومخلصه الثانوي من 5سنوات مقررات ادبي


بس سمعت الي طاف تخرجها فوق5سنوات تعيد رابعه وثالثه ماادري صج ولالا؟


انا شهادتي2004

بروح الرابيه مسااائي

 

[جيكره(و)تتغلى25]

بالنسبه لي عيالي بدخلهم حضااانه والله يستر


انا خالي ناظر ثانويه عشان جذي تشجعت

 

[ام مشعل المطيري]

هلا وغلا جيكرة واللة افكر واحاتي لان ابي اغير من حياتي وزين حصلت بنت بالرابعة انا الله يسلمج خريجة مقررات 2006ورحت للمنطقة التعليمية وسويت معادلة واعيد رابعة بس اهم قالو من سنة 99تعيد ثالثة ورابعة لاتحاتين بس رابعة الله يوفقج وانا عيالي واحد بسجلة بنادي اهو بالروضة وبنتي صغيرة

 

[Malak_galbi]

الله يجازيج الف خير ياام مشعل

وربي حدي استانست يوم شفت هالتجمع
انا خريجه 2008 مقررات وبنسبه موشي

الحين قررت اعيد واييب نسبه تشرف وادخل التخصص اللي ابيه

انا من محافظة الاحمدي منوووو معاااااااي
وشلون اسوي معادله لازم وزاره التربيه او اقدر اطلعها من المنطقة التعليمية

 

[ام مشعل المطيري]

حياج الله ياملاك انا ماسويت هالشي الا عشانكم يالغالية انتي نفسي مقررات تروحين المنطقة التعليمية قسم تعليم الكبار وتسوين معادلة وتعيدين رابعة بس شدي حيلج انا بالرابعة