تجمع طالبات رابعة ثانوي مسائي 2011-2012 حياكم

[جزيلة العطا]

بنات تكفون ساعدوني انا مقرره هالسنه اعيد الثانويه واقدر اسجل اول تسعه بس تاريخ 11 بسافر وبرجع تاريخ 22 شلون؟؟...
حدي توهقت

 

[ام مشعل المطيري]

جزيلة العطا انتي وين ساكنة اذا بالرابعة عطيني اوراقج واسجلج ابشري ماطلبتي شي

 

[ام مشعل المطيري]

يابنات حطوا رابط التجمع بتوقيعكم

 

[زبدة ككاو]

 

[زبدة ككاو]

لا والله ما اعرررف الايات ياريت اللي تعرفهم تعطينااا خببرر
بنات منو بداوم دوامين وعندها بيبي شبتسسسوي !

 

[ام مشعل المطيري]

انا الحمدلله ماخذة اجازة وعندي بنت وولد بس مادخلوا المدرسة

 

[×قـــمرهـــم×]

تعبت وانا اقراااااااا 19 صفحه ما شاء الله سوالفكم ما تخلص

ستوب ستوب نسيت

اول شي


صباح الورد والامل والمستقبل المشع............. حلوه المشع من الحين بدينا نعبر

المهم منورين حبايبي ومشكوره ام مشعل يا قمر على هالتجمع الفله فديتج

انا بعد بعيد رابعه

خريجه ثانويه عامه 2007 ادبي وعندي شهاده دبلوم سكرتاريه وادارة مكتبيه

وبالنسبه للتوظيف عقب دبلوم السكرتاريه خريجين كورس ثاني مو اكثر من 3شهور وخريجين الكورس الاول مو اكثر من 6 شهور

بس شنو المشكله

بالشهاده مكتوب دوره تدريبيه لمدة سنتين وبهالحال ما نقدر نكمل دراستنا الا بتخصصات محدده صراحه مو شي

وحياكم الله وبياكم وانا بعد وياكم

اشوفكم على خير

 

[ام مشعل المطيري]

منورة قمرهم انتي تبع اي منطقة والله يوفقج

 

[×قـــمرهـــم×]

حياتي والله اجمعين يالغاليه الله يوفق الكل باذنه تعالى

والنور نورج ونور باجي العضوات اللي بالتجمع


انا الجهراااااااااااااااا

 

[ام مشعل المطيري]

امممممم ياهلا ويامرحبا شدي حيلج واحنا بنعين ونعاون

 

[×قـــمرهـــم×]

حياتي والله الله كريم فديتج

ولا خلا ولا عدم

 

[غالين الكويت]

السلام عليكم
اول شي مبااارك عليكم الشهر مع انها متاخرة
بس اعذرووني كان عندي ظرووف
ام مشعل شلونج انا بالرابعة
وبسجل بالاندلس كل البناات اللي معاي منازل قالوا
احسن مدرسة بالرابعة الاندلس وانا ان شاءالله بدخل فيهاا
وعلى فكرة انا بنت عمج
وتشرفت بمعرفتج​

 

[؟؟ الاسطورة ؟؟]

قووه بنااات
منو عندهاا كتب وملخصاات الصف 11 مسائي
عفية اهم شي ابي ماادة العربي ؟؟!!​

 

[زبدة ككاو]

لقيت هالمعلومات بتجمع المسائي السنة اللي طافت اولً الدروسس

السوره الاولى : ال عمران الايات من : 121 الى 129
والدرس الثاني من سورة الحشر : الايات من 1 الى 5

الاحاديث اللي اخذناهم
1- عن جابر بن عبدالله رضي الله عنهما قال قال :رسول الله صلى الله عليه وسلم
ما اسكر كثيره فقليله حرام

2- عن عبدالله بن عباس رضي الله عنهما ان امراة من جهينه جاءت الى النبي صلى الله عليه وسلم فقالت : ان امي نذرت ان تحج
فلم تحج حتى ماتت افأحج عنها ؟ قال نعم حجي عنها ارايت لو كان على امك دين اكنت قاضيه ؟ اقضو الله فالله احق بالوفاء

3-عن ابي سعيد الخدري رضي الله عنه قال قال رسول الله صلى الله عليه وسلم لتتبعن سنن الذين من قبلكم شبرا بشبر وذراعا بذراع حتى لو دخلو في جحر ضب لاتبعتموهم قلنا يارسول الله : اليهود والنصارى ؟ قال فمن

4 - لاتزول قدما عبد يوم القيامه حتى يسال عن عمره فيما افناه وعن عمله فيم فعل فيه وعن ماله من اين اكتسبه وفيم انفقه و عن جسمه فيما ابلاه

احد يأكد لناا

 

[زبدة ككاو]

حياااج قمرهم نووووورتي

 

[×قـــمرهـــم×]

النور نورج حياتي ونور بنوتات التجمع

والله يحييج وعساج عالقوه

لاحقه على الدراسه ليش مستعجله جذي

موفقه خير يا رب

 

[ام مشعل المطيري]

غاليييييين الكويت هلا ببنت عمي وحياج الله وكل عام وانتي بخير يالغالية انا اللي اتشرف
بالنسبة للاحاديث والايات بجيك واردلج وعساج عالقوووووة وتسلم ايدح ع هالمجهود والله يجعلة في ميزان حسناتج

 

[ام مشعل المطيري]

الأيات صح يازبدة

 

[زبدة ككاو]

الحمدللة الايات سهلة اتوقع الحشركاملة

قمرهم حبيبتي لا مومشتطين ولاني دارسة من الحين بس ناخذ فكررة

 

[ام مشعل المطيري]

بنات بنزل كلمات والست بوك للانجلش بس ماشوف تشجيع