تجمع طالبات رابعة ثانوي مسائي 2011-2012 حياكم

[ام مشعل المطيري]

هلا فيج توتة وحياج ربي وعيديها احسن لج الايام ماشية ماشية

 

[جلكسيه اس 3]

عاشقه انا مو فاقده الذاكره بس النسيان ذابحني يارب ان شاء الله ترجع ذاكرتي قويه مثل اول

 

[TOOTAH-2004]

هلا فيج توتة وحياج ربي وعيديها احسن لج الايام ماشية ماشية

ان شاء الله اكمل واييب نسبه حلو​

 

[حلى علي]

كلي سنع وعاشقة
أشكركم على تفاؤلكم لي وأن شاء الله أنا وياكم بسجل مسائي والله يوفقنا حييل متحمسة
نازك
أشكرك على تشجيعك لي وربي يحقق إلي تبينه

أحنا ألحين في شهر المبارك لازم نكثر فيه الدعاء ونقول الله يوفقنا ويسهل علينا الدراسة ويحقق طموحاتنا إلي نبيه وين ما كنا
كل الشكر والتقدير لصاحبة الموضوع الله يوفقها ويرزقها إلي تبيه

 

[ام مشعل المطيري]

حلى انا بدعيلج بظاهر الغيب لعل وعسى يستجيب ربي الدعاء ولي مثلة ويسعدني ويشرفني تكونين معانا بالتجمع تعالي بسألج انتي اي منطقة تبع شنو فرحي قلبي وقولي الرابعة

 

[للحياة أنا أمل]

مرررحبا صبايا شلونكم ابي اقولكم قصتي وابي شروكم ونصيحتكم لي .....؟؟

أنا طالبه في التجاري وبصراااحه كنت في الثانويه ماخذه السالفه لعب وخرااابيط وزين مني جبت نسبه للتجاري بس قاعده احاول اني ايب معدل للتحويل بس الله ماكتب معدلي ناقصه اقل من عشر عشان القبول وبصراحه كلش مو متقبله التجاري ولا المستقبل لي ناطرني من التجاري وودي أكمل مسائي انا عمري 19 وما أدري حدي خايفه اني افشل ومن كلااام الناس لي ما يخلص وانا حلمي ادخل كليه التربيه الاساسيه الأني ما اشوف نفسي الا مدرسه وفي مجال أني أكمل تجاري ونفس الوقت اكمل مسائي"صاحب البالين جذاب" وانا حدي متشوقه للدراسه خصوصا اني تعلمت من فشلي كثيييييييييييييييير وبصراحه خايفه من المسائي وعندي جم سؤال..؟؟

*شلون نظام الدرجات في مشاركة وشرح وتعبير أنجليزي وفرنسي ولا لأ؟؟؟
*نظام لامتحانات والكويزات ...؟
نظام الحظور والمشاركه...؟
*وإذا تخرجت شهادتي نفس شهادات الصباحي ولأ...؟؟

أدري غثيتكم من لأسئله بس والله واثقه انكم ماراح تخيبون املي وتردون علي بلييييييز

 

[ام مشعل المطيري]

هلا وغلا فيج يأمل انا بري وقفي قيدج وجربي اول كورس

 

[ام مشعل المطيري]

وقفي قيدج بالتجاري وجربي تعيدينها بالثانوي واذا شفتي انج ماشية كملي كورس ماراح يؤثر انا نفسج قبل قلت مابي اضيع علي شي وتوظفت ورديت ادرس مرة ثانية لانها صج بخاطري

 

[حلى علي]

هلا والله أم مشعل سعدت بردك الرائع
أنا من منطقة مبارك الكبير وأبي أعيد رابعة ثانوي علمي الله يوفقنا ونشوف بعض آمين يا رب:yaaaaaarb:
وإذا كنتي تبين مساعدة من رابعة أدبي أنا أقدر أساعدك عندي بنت أختي الله يخليها لي بدش رابعة أدبي حييل شاطرة راح أسألها عن أي شي تبونه مثل مراجعات أو أمتحانات المهم ما يردك إلا لسانك :eh_s(22):

 

[عــاشــقــه]

حلى
آآآآآآمين حبيبتي الله يوفقنا إنشالله

للحياة أنا أمل
حبيبتي أنا نفسج كنت شاطره وآخر سنه أهملت الدراسه والحين معاي دبلوم بس بعيد رابعه عالعموم لا تحاتين الدراسه سهله والمسائي غير عن الصباحي يساعدون بس انتي بعد لازم تشدين حيلج

 

[كلي ذوق وسنع]

انا مع انج تكملين وتحاولين وما فى شئ مستحيل خلى عندج امل نفس لقبج حلو وان شاء الله تجيبين نسبة وتعيدين الثانوية وتدخلين التربية وتصيرين مدرسة لانهامميزة بالمعاش وطبيعتها مناسبه لظروفنا الاجتماعية والايجازات وبالنسبة للدوام المسائى ثلاث ايام بالاسبوع وشهاتج نفس الصباحى ما فى فرق وانا موظفة جديدة فى منطقة مبارك الكبير سامحونى علشان انشغلت تعرفون تونى جديدة على مافهمت طبيعة شغلى والبصمة سالفة بروحها وان شاء الله راح اجاوب على كل استفساراتكم واسألتج يا للحياه امل

 

[ام مشعل المطيري]

كلي ذوق وسنع وضحيلي سالفة ثلاث ايام بالاسبوع شنو تقصدين في دوامج والا دوام المدرسة

 

[كويتية تستاهل]

هاي جمعة مباركة ام مشعل اي جم يوم بالأسبوع المسائي كل يوم ولا شنو ؟ ويعطيج العافية

تحياتي كويتية تستاهل ،،،

 

[كلي ذوق وسنع]

الدوام ثلاث ايام بالاسبوع بالنسبة للمدرسة قالوا حق زوجى ادارة تعليم الكبار

 

[ام مشعل المطيري]

كلي ذوق انتي تقصدبن ان اللي وظيتها مدرسة وتبي تعيد رابعة تداوم 3ايام بالاسبوع غريبة اذا كان قصدج شي ثاني قولي

 

[كلي ذوق وسنع]

لا يا أم مشعل انا أقصد الطالبة انا وانتى اللى نبى نعيد رابعة مسائى دوامنا راح يكون ثلاث ايام فى الاسبوع هذا اللى قاله زوجى وعلمه واحد يشتغل فى تعليم الكبار وما أدرى

 

[جلكسيه اس 3]

حبيبتي مايصير ثلاث ايام عمري ماسمعت ثلاث ايام ولا سفت احد يداوم ثلاث ايام انتي تاكدي احسن

 

[ام مشعل المطيري]

اي مايصير اهم يمكن يقصدون دار القران بس المدارس مستحيل لان أمواد كمية كبيرة شلون بيلحقون

 

[جلكسيه اس 3]

اي مستحيل انا العام اللي كانو معاي اكثرهم عايدينها ويبون نسبه وكانو كل يوم يداومون اما انه ثلاث ايام مامرت علي هالسالفه

 

[ام مشعل المطيري]

يسعد مساكم خواتي العزيزات اليوم قرقيعان اكييييييد لاهين ومنشغلين عن التجمع حبيت اسلم عليكم