تجمع طالبات رابعة ثانوي مسائي 2011-2012 حياكم

[كلي ذوق وسنع]

حظى حلو يا عاشقة انا بعد ادبى و ترانى شاطرة ومتفوقة وكنت بكلية الحقوق وكنت رايحة سنة ثالثة ووقفت قيدى لانى حملت بسرعة وزوجى كان ما يبيينى اكمل يبينى اقعد بالبيت لانة ملتزم وضليت اقنعه سنين وما صدقت انه وافق حتى على الوظيفة وتعينت تونى فى منطقة مبارك الكبير التعليمية ادارة الانشطة شفتى نتيجة الصبر ما فى شئ اسمه مستحيل عندى وترانى بعلمج ما احب الكسلانين:23_asmilies-com:و ياويلج اذا طلعتى كسلانه ههههههههه اضحك معاج وانتى يا حلى على عادى يقبلونج لاكن كون انج تشتغلين لازم تسألين مكان عملج اذا يرضون يعطونج اجازة دراسية توكلى على الله السنين تمر بسرعة وبلعكس لمصلحتج بيتحسن معاشج حيل خاصة اذا بغيتى التدريس احسن شئ توكلى على الله وسجلى بس مافهمت اذا نسبتج ضعيفة انتى راح تعيدين السنة علشان تحسنين نسبتج

 

[عــاشــقــه]

حلى هم أنا خريجة 2008
إيه عادي حبيبتي تكملين والإجازه الدراسيه على حسب صارلج جم سنه إذا سنتين وفوق تقدرين تأخدين أجازه بس إذا أقل من سنتين درسي سنه وبعدين أخذي إجازه
بس أول شي روحي المنطقه التعليميه سوي معادله إذا نظام قديم عشآن تعيدين بس رابعه


كلي سنع
من صجج عاد أنا حلمي حقوق وكنت شاطره بس آخر سنه صرت مهمله الحمدلله على كل حال الله والحين معاي دبلوم بس حلمي أصير جامعيه

عاد إنشالله كلنا نكون مع بعض والله يوفقنا

 

[pyaar]

الله يوفقنا ان شاء الله يابنات حدي تحمست بس خايفه لا اقوع بالعلمي الله يستر بس

 

[ام مشعل المطيري]

يووووو اغلبكم بالعاشرة يعني انا ووحدة بس بالرابعة اللي اهي نازك بس انا ادبي بعد انزين متى الدوامات تتوقعون ومن الساعة جم الي جم صج عندنا مادة حاسوب؟؟؟؟

 

[نـ(المطيري)ـازكـ]

مرحبا بنات أنا بعد معاكم بسجل مسائي حييل شجعتوني
والله يا بنات كنت من زمان أفكر أدرس مسائي وكنت حيل أحن على أمي وأبوي يخلوني أعيد دراستي
بس أنا دبلوم وأشتغل
يعني بنات يقبلوني ولا لأ يا ليت أحد يرد علي علشان أروح أسجل حيييل شوقتوني
أنا خريجة دفعة 2008 وعلمي بعد ومن منطقة مبارك الكبير
بس أبوي يقولي قدمي إجازة دراسية بس يا بنات نسبتي حييل ضعيفة يعني ما أنقبل بس يقبلون أولوية امتياز وجيدجدا يا ليت أحد يرد علي وأدري راح أنطر واييد لأني ضعيفة ترا أنا قدمت على تفرغ دراسي وأدري أنه ما راح يقبلوني بلييز بنات في أحد يساعدني
ومبارك عليكم الشهر وعساكم من عواده

حبيبتي ماله داعي لا تقدمين ع تفرغ دراسية ولا على ولا اجازه دراسية والدوام اصلا ماله شغل في دراستج المسائي .. بس عليج وقت الامتحانات تاخذين اجازة اسبوع او اسبوعين تمتحنين فيهم وتردين لدوامج بس ..

 

[عــاشــقــه]

pyaar
لا تخافين ترى كل شي سهل والمسائي حييل يساعدون

أم مشعل
الدراسه أتوقع من 5 ليه 9 إلا

نازك
مشكوره حبيبتي فدتيني بنقطه حيل مهمه

 

[كويتية تستاهل]

بليز بنات جم مادة للصف الحادي عشر اللي عنده فكرة يفيدنى ​

 

[ام مشعل المطيري]

جن 11مادة

 

[كلي ذوق وسنع]

سبحان اللة يا عاشقة شوقتينى انى اتعرف عليج انتى بعد كنتى حقوق بس الحين انا حلمى اكون مدرسة ولويرجع فينى الزمن جان اخترت نفس صديقاتى لما انصحونى انى ادخل تربية لانها مناسبة لمجتمعنا ما فيها ومعاشها زين بس انا كان طموحى اكبر والحمدلله والحين انا ودى احقق حلم بنات واكون مدرسة قولو :yaaaaaarb: امين يا بنات الله يسهل علينا الدراسة ويحقق احلامنا ومبدئى مافى شئ اسمة مستحيل

 

[ام مشعل المطيري]

كلي ذوق الله يعطيج الهمة اكثر واكثر وانتي نفسي تحسفتي ع الايام اللي طافت انا متحسفة حيل حيل بس الحمدللة في مجال نغير من حياتنا بالشي اللي نحبة انتي عندج عيال صح توقعين شلون الجدول بيصير انا اشوى عيالي صغار مادخلوا مدرسة

 

[كلي ذوق وسنع]

انا عندى 2كبار معتمدين على نفسهم والبنت متفوقة والولد جيد جدا بالدراسة وعندى بنتين ثالثة وخامسة ابتدائى الحمدلله متفوقين واحاول اخليهم يعتمدون على نفسهم وتعرفين البنات هاديين ومهتمين اما ولدى فى خامس السنة اللى فاتت ماعجبنى نسبتة وهو شاطر ومتفوق فى الابتدائى بس يمكن علشان لما راح للمعهد الدينى صعب شوى ترى عيالى الاولاد فى المعهد الدينى ولى احاتيه ولدى الوسطى كان متفوق بالابتدائى بس من دخل المعهد دخلته السادس سيده عاد السنة والحين علية دور ثانى فى مادة الرياضيات ان شاء اللة ينجح انا ناوية اول مايجون من المدرسة كالعادة يكتبون واجباتهم واجيك عليهم واذا يبون مساعدة يسيطة لكن ماراح ادرس وامسك الكتاب علشان يعتمدون على انفسهم نصيحة يا ام مشعل عيالج توهم علميهم انهم يعتمدون على انفسهم احسن لج باجر ان شاء اللة وراج جامعة وبعدين الدراسة اول باول معلمتهم عليها علشان لما يكون فى امتحان يراجعون بس معلوماتهم وماياخذون وقت بالدراسة علشان انا اشوف شغلى وبعدين نصيحتى لج المراجعة اول بأول راح تفيدج وتختصر عليج الوقت لا تخلين الدراسة تتراكم عليج راح تعانين وتابعى اذا حسيتى شئ ما فهمتية جيبى مدرسة لا تخلين شئ ما فاهمتيه يعدى عليج وهذة طريقتى بالدراسة لما كنت طالبة علشان جية كنت متفوقة ونسبتى 83 اول وانا خذيت على نفسى عهد انى ما ابى النجاح بس ابى التفوق بعد ما فى شئ اسمة مستحيل يا ام مشعل والله يوفق الجميع ادرى قرقةههههههههههه لا تعصبين:rgewrg:اضحك معاج

 

[عــاشــقــه]

كلي صنع

ألله يخليهم لج حتى أنا حبيبتي ودي أتعرف عليج بس أنا ما دخلت حقوق كان ودي أصير حقوقيه حتى نسبتي ادخلني طب لو حبيت بس آخر سنه أهملت الدراسه وتعرفين نظام المقررات نزل المعدل عدل والحين بعيد دراستي ويمكن ادخل حقوق أو آداب

 

[كلي ذوق وسنع]

عبالى كنتى تدرسين فى الحقوق :hjy5jewf:ياالله بشارة خير مبين عليج شاطرة نسبتج حلوة يا الله شدى حيلج وانا معاج ان شاء الله نحقق حلمنا لازم يكون عندنا ارادة ما فى شئ صعب ما سمعتى عن واحد سنة بالخمسين كمل ودخل جامعة والحين استاذ جامعة

 

[عــاشــقــه]

إيه والله خيرهـ
لا سمعت عن امريكيه عمرها 60 فقدت الذاكرة وعمرها 20 وتوها خلصت الجامعه
والإمارتيه عمرها 50 خلصت الثانويه نسبتها 95

إنشالله يكون عندي نفسس الاراده

 

[رووح مغليهآ]

الله يوفقكم يابنات :yaaaaaarb:
انا بعاشر عادي ادش وياكم بهالتجمع :eh_s(22): <<< داشه عرض ادري هع
بغيت اسألكم تعرفون اي احسن مدرسه بالرقه او هديه او الصباحيه
تعبت وانا أسأل ومحد يمدح مدرسة هديه قلت اسأل خواتي اكيد بيساعدوني

 

[كلي ذوق وسنع]

اذا قدرت ان شاء الله اسألج بكرة بدوام

 

[جلكسيه اس 3]

شلون فاقد الذاكره و نجحت غريبه

 

[عــاشــقــه]

روح مغليها
حبيبتي حيآآج
نشجع ونفيد بعض
بالنسبه للمدارس ماعندي فكره إنشالله البنات مايقصرون

سكرتيره مستقبليه
لوؤول أهيا بعد ماتخرجت من الجامعه فقدت الذاكرة فعادت من الابتدائي ليه الجامعه مشالله عليها عندها إراده وطموح

 

[ام مشعل المطيري]

صباح الورد روووح مغليها حياج الله بس هالتجمع يمكن مايفيذ بعدين لان اغلب البنات رابعة عالعموم حياج حياج شلون البنات ويا رمضان

 

[TOOTAH-2004]

الحمدلله تمام
ودي اكمل
انا 12 علمي
وقفت سنتين ضرووف خاصه
كنت مبارك الكبير
وان شاء الله هل السنه بروح صباح السالم
واااي يمدحون فيها
كانت فيها بنت خالي تخرج بنسه وايد حلوه 84 %
وربي يوفق الجميع​