%% تجمع حق اللي ولادتهم بأكتوبر ونوفمبر %% حياكم

[je t'adore]

ممممم توة رفيجتي تقولي قشر البصل عشان يفتح الرحم

 

[حبيب قلبي]

معلومة جديده

 

[مبدعة]

هااااي اووول

je t'adore

توج ما دشيتي الاسبوع 37 ؟

عيل تو الناس عالولادة و الافضل تكملين الاسبوع 37 او بنص التاسع تقدرين تسوين هالسوالف اللي سويتيها كلها

انا نفس الشي للحين ما في اعراض مع اني مليت خلاص بس الحمدلله كل شي بوقته حلو

 

[je t'adore]

مبدعة.....انا بعد يومين ادش....37

وتعبت

وهذي مو اول ولادة لي.....ولادتي اللي قبلها....ولدت36اسبوع و5ايام....يعني مثل الحين انا والدة....



ف حددددي تعبانة...ومريظة بعد....جان زين تولدني وافتك

 

[حبيب قلبي]

وييه بنات انا 34 وابي اولد وانتوا دشيتوا شهركم يلا شدوا حيلكم

 

[leza_q8]

السلام عليكم ورحمة الله وبركاته ...

شلونكم حوامل .. صج بنات بعرف منو معاي ؟؟ انا اخر دوره لي كانت 7/2/2008
وحسبتي اني بالاسبوع 34 و3 ايام ____ و22/10/2008 اخلص الثامن وادش التاسع حسبت الهادي

اما حسبة دكتوري 13/10/2008 ادش شهري ___ منو معاي ؟؟

*** صج بنات انا ملاحظه ان بالميزان قاعد ينقص وزني بس بطني قاعد يكبر وينزل قريت بموسوعه الفراشه مكتوب ان عادي الحامل اخر الأشهر تضعف ...صج ؟؟

*** والحمد الله بخصوص تجهيزات الاستقبال واللويه الحمد الله خلص

خذية لي قميصين ستان بيج على 25 و30 و2 قطن كشخه قلت احتياط اذا برد غلى 17 و15 __ من محمع السندس والايوب ولكنزات بيج وتكرمون ملابس داخليه مشكله دلاقات وروب وبجايم اقطان عاديه للبيت .. بس تكرمون الستيان مو لاقيه مقاسي مقاس كبير 38 دبل دي رحت كل مكان ماكس سبنسر مذركير مو لاقيه هذول مالوت الرضع او حتى المريحين الي يشدون بنات بليز دلوني على محل زين بنفس الجوده اذا تعرفون

اما كفري وكل شي الحمد الله من زمان خلصتهم اهو والتوزيعات وهما الورد كل بتنسيقي وشغل ايدي

ككاوي شي خذيته من روشيه ونوع من ربيلا

اما موالح الشاي بسكوت صغير من امير الامراء

وبخصوص المعجنات الحمد الله انا بالجابريه كل المحلات عندي اسوي تلفون وبس اطرش السايق اييب لي بالدرزن اذا مجموعه صغيره من الضيوف اما اذا كبيره لا اخذ الي على شكل بوكيه او كبوس من الخباز او سابليه

حلو القهوه واو وروشيه

وبس سهالات ان شاء الله بس انطر الولاده يااارب اوولد اول يوم بالتاسع ..آمين ادعولي يا بنات يا حبايبي

 

[مبدعة]

حبيب قلبي كل اللي معاي ولدوا ما بقى الا انا

انشالله هانت ما بقى شي

 

[أناقوقش]

يااااااااااااربي


انا مليت صارلي

19 يوووووووم داشه شهر

الله يستر شكلي باكل التاسع كله

لااااا


الله كريم الحمدلله على كل حال

الله يسهل يارب


بنات لا تنسون ادعية تسهيل الولاده

كتبي بقوقل وتلقينهم

انا نقلتهم بالموبايل عشان يكونون دايم معاي

 

[je t'adore]

واي انا قوقوش.....

صدقيني...انا اكثر وحدة تعبانة لأني مريظة....منشولة...وصارلي من العيد لا قادرة اخذ دوا...ولاشي....وزهقت عمري....كلس مورمة ومتفوخة....


ولا انا اللي تعبانة بولد...ولا انا اللي صاحية اقدر امشي واتحرك....بالنص....التعب الخايس....

 

[المبدعة]

السلام عليكم

بنات الحمد لله انا الحين بالتاسع

وان شالله عندي موعد مع دكتورتي و طمن على نفسي و على النونو

انت شخباركم طيبين ان شالله

 

[حبيب قلبي]

هلا المبدعه احنا تمام

 

[ام الجــوري]

أم علي وييييييييييي انتي ليلحين ماولدتي روحي لدكتورتج خلتفحصج وتوسع الرحم

أختي سوت جذي وولدت ثاني يوم

 

[Brounzi_girlly]

هااااااي بنات شلونكم يلا هانت ربي يسهل علي وعليكم

 

[Fatima]

صباح الخير

 

[شوشوة1]

صباح الخير

 

[leza_q8]

السلام عليكم ورحمة الله وبركاته ..

صباح الخير ...

انا للحين مو نايمه ولا اغمضة لي عين يعني اليوم الساعه 10 الصبح اذا ما نمت يصير لي 24 ساعه مواصله

شسوي ياربي مو من التعب بس مادري شفيني يايني نشاط مو طبيعي ارتب وسنع وكل بشتغل وعندي طاقه

احس بعيني نعسانه بس من احط راسي ما تجيني النومه بس اتقلب وما يضل شي ببالي ما ييه


شسالفه الظاهر عوارض شيخوخه مبكره

 

[Fatima]

اهلين شوشوه1 وليزا شلونكم متى ولادتكم

 

[شوشوة1]

هلا والله فطومه انا شكلي باجر او بعدة تعبانه وايد وخذيت مرضيه هل الاسبوع من امس مونايمه يحوشني طلق خفيف والله يستر حدي خايفه

 

[Fatima]

الله يعينا ويسهل علينا

 

[je t'adore]

صباح الخير....

انا ماقدرت انام من التعب....بطني وظهري....اففففف...مو طلق...بس يشدون علي حيل...ويرخون

طول الليل وانا على هالحال....ماخذة طبية اليوم...واليوم عندي مراجعة....بشوف شتقولي....وبقولها اني مابي اداوم....ابي اغيب