%% تجمع حق اللي ولادتهم بأكتوبر ونوفمبر %% حياكم

[Brounzi_girlly]

والله سفورة حتى انا ماخلصت كل شغلي ان شاء الله هاليومين بكملهم واسوي جنطتي

 

[je t'adore]

اي تخفف.....الشغل بالمدرسة يزيد ومايخلص...ودامج وصلتي ليباب المدرسة معناته مافيج شي وتقدرين تكرفين...بنظرهم.....مايقدرون انج تعبانة وياية غصب....

 

[سفيرة العشق]

أي والله صاجة ياوخيتي هالمدرسة ماوراهم راحة

كله كارفينج

برونزي شناطرة ماسويتي جنطتج انا خلصتها بس باجيلي الكفر وثوب النفاس

بحاول أخلصهم بيوم باذن الله

والله خايفة لا اولد مبجر مع انه كل حمالاتي اللي قبل اخلص شهري وأدش العاشر اسبوع...

 

[ام طلال]

سلامو عليكو

 

[مبدعة]

وعليكم السلام

هلا ام طلال

 

[ام طلال]

هلا والله مبدعه شلونج حبوبه

 

[مبدعة]

ابد والله بخير الحمدلله

ما اشوفج هاليومين غاااطه

 

[leza_q8]

السلام عليكم ورحمة الله وبركاته ...

بنات ابي اسالكم انا بالاسبوع 34 من الحمل وتعبت تهقون الحين اذا شربت دارسسين يتيلي طلوق او ممكن يساعدني وطلق؟؟

بصراحه انا ولا مره جربت الدارسين بولاداتي السابقه

تهقون ينفع اخذه الحين بالاسبوع 34

واذا خذيته ما راح يضر ؟؟

ومنوا خذته في هالوقت او هالاسبوع من الحمل وفاد معاها

وبنات حددوا لي بداية التاسع من اي اسبوع علشان اعرف اخذ او لا ؟؟

وجزاكم الله الف خير

 

[مبدعة]

هلا ليزا

حرام لا تاخذين الحين لانج ما زلتي في الثامن و الدارسين اذا فيج طلق يحميه لكن ما اييب الطلق

احسن موعد للولادة اهو الاسبوع 37 يعني بعد ما تدخلين شهرج باسبوع يكون البيبي اوكي لكن بعض الحالات يولدونهم اول الاسبوع 36 هم ما يكون في ضرر

بس انتي نطري كلها اسبوعين انشالله

 

[زينة الخشة]

صباح المسى على الكروشات

 

[مبدعة]

هلا زينة الخشة

عاش من شافج

 

[ام عبدالله2006]

شلونكم بنات ؟؟
شنو اخر مراحل الي تمرون فيها ؟؟

 

[MZajEyA]

السلاااام عليكم و رحمه الله و بركاته
شخباركم بنوووتات ؟؟و شخباااار الحمال و ياااكم؟

 

[Cacawa]

صباح الخير بنات

 

[حبيب قلبي]

صباح النور كاكاوة اشلونج
دريتوا بنات ان تراي مجنونه لحد يقرب منى ولدت ويابت ولد

 

[Um Ritaj]

قوة بنات

اشلونكم

سفيرة العشق انا نفس تاريخج بالضبط

انا 16/10 ادش شهري واحتمال الولادة تكون 16/11

وباقيلي اكسسوار احطه بشقتي وباجيلي ازهب جنطة المستشفى اما عن ملابس النفاس فانا شفت في محل بكويت ماجيك اسمه مونيا ماي ملابس ذربه استقبل فيها

وودي ادور نفنوف حق البيبي للاستقبال ومخططه اخليه عالمعاش عشان اتمشى مرة وحده لانه بصراحة الجو حده نايس ويشجع عالطلعه

وبنات الدارسين والخروع يحمي الطلق بس يعني اذا مافيج طلق لا تشربينه

وانا مثلكم بطني نازل حيل وجنه منفصل عن جسمي وكل من يشوفني عباله انا متعديه شهري ما يدرون للحين بنص الثامن

اما عن النوم فحدث ولا حرج والله النوم ما اذوقه وظهري يعورني حتى وانا منسدحه ما عرفناله

بس ما ودي بالولاده الحين بانطر المعاش عشان اكمل باجي شغلي

 

[حبيب قلبي]

هلاااااااااا ام تاج بالنسبه للنوم عندنا وعندج خير بس انا عكسج مستعيله على الولادة حدي تعبت ومو مرتاحه

 

[Um Ritaj]

هلا والله حبيب قلبي

دامج مستعجلة اكيد مخلصه

دخلتي شهرج ولا لا؟؟؟

 

[حبيب قلبي]

لا ماخلصت ناقصنى الحلو وملابس للبيبي شتويه ماكنت امفكرة اشترى شتوى الحين بس لم شفت الجو برد قلت يبيله
باقيلى اسبوع وجم يوم وادش شهري ان شاء الله بس والله من التعب ابي اولد وارتاح

 

[أم عبد الله]

صبجكم ومساكم الله بالخير يا رشيقات ههههههههههههههه أدري بطقوني

والله يالغاليات ضربتوا على الوتر الحساس النوم وما أدراك مالنوم الله يهون علينه

والله باقيلي أشاء وايد يعني حقي لحد الحين ماجهزت غير دوا النفاس وأحس بأنه ما أكو ويقت باقيلي قميص المستشفى وملابس حق البيت وكم شغلة حق النونو والله أحاتي الحو مال القهوة أدري المحلات وايد بس مو عارفة أستقر على محل واحد حوسة حوسة

يايتلي عره ودي أفتح كبت الملابس وأقل كل ملابسي لا يعه جبدى من روحي وشكلى ما أدري انتوا نفسيى؟
وقاعدة أحاتي بعد الولادة على خير وراي رجيم وتشطيب وغسيل وتشحيم ويعني نيييييييييييييييييييييييييولووووووووووووووووووك من قلب
واي وباجر دوام لا يعة جبدى مالي خلق عمري والحارج إللي ذابحني ما أدري شسوي فيه كان الله في العون ويه نكدت عليكم سامحوني سشوي محد حاس فيني بس انتوا بنفس المركب من ثقل ونفسية وتعب الله يهون علينه وعليكم