تجمع حضانه English Play Group بعبدالله المبارك

[عشق]

رد : رد: تجمع حضانه English Play Group بعبدالله المبارك

السلام عليكم

شلونكم بنات شخباركم انا داشه عرض بينكم بنتي فرع سلوى المبنى اليديد الازرق

بنات والله انا متاذيه نوعا ما من الاداره اغبياااء وكله يقولولي ما نعرف شي حتى الجدول قاعده اقولهم ان فرع الرمييثيه وزعوا الجداول امس يقولولي ما نعرف تبين الجدول جان انتي طلبتيه !

رفضوا يعطوني الكتب قلت اوكي رفضوا اصورهم او اعرف المنهج حتى !!! قالت لي انتي راح اييلج الهووم ورك

يرفضون ادش الكلاس اخذ بنتي وقت انتهاء الدوام لازم اصف طابور! وما يصير اطل عليها نص الدوام من ورا الباب اشوف بنتي شنو قاعده تسوي

مالت الاستقبال صدتها صيييده بس ما راح اطوف لها اياه
انا كل مره اودي بنتي بروحي هالمره خذيت ابوي معاي ومن عرفت ابوي منو وقاعد يسالها عن بنتي شلونها وشلونها مع الطالبات وشلون وشلون خلت بنتي سنعه وما تبجي وتشارك بالمسابقات وو و و الخ انا بققت عيني !! قاعده اطالعها واضحك مع العلم ان جميع ابلاتها قالولي ان بنتج ما تشارك ولا تلعب مع اليهال واذا كلمناها تبجي !!!!! وهذي قاعده تشلخ تشليخ عطني مواصفات عكس بنتي تماما المشكله تقول ان انا اطل على اليهال واشوفهم جذاااااااابه اهي موظفه استقبال وبسس وكل ما اييلهم القاها لازقه بكرسيها


صج والله بنات شكيت لكم لاني ماني عارفه شسوي
ودي افجر فهم او اشتكي عليهم بفرع ثاني بس خايفه ياذون بنتي ويهملونها تكفون عطوني اول شي اخر اخباركم من جداول من كتيب عشان اقولهم واناجرهم عليم لان انا ما يقولوي ولا شي ..

وقولولي شنو الحل !!!

حبوبه الجدول وزعوهم من زمان عندنا بالرميثيه واذا الجدول موحد في جميع المباني اصوره لج واطرشلج اياه ولا تهتمين باجر اسال اداره الرميثيه

وعن الكتب انا بعد ارفضوا يعطوني الكتب قالوا لي بس الهوم وورك

وبسالهم اذا بسال عن بنتي شنو مسويه مو مسويه هالاسبوع ان شاء الله

سويت عيد ميلاد بنتي وخلوني اصعد معاهم فوق وشفت بنتي اشلون قاعده مع التيجر وتسوي معاها عكس اليهال اللي واقفين قلت الحمدلله متاقلمه معاهم

ولا ابشرج ترى عطوهم المنهج شنو راح يعطونهم هالشهر

 

[miss_heathrow]

هلا والله عشوقه خلاص حبيبتي عيل صوريلي المنهج ودزيلياه او قوليلي عنه ماكو الا جذي على ما اشوف لي صرفه اتصرف معاهم

 

[غالية زمانها]

انا بعد معطين ولد منهج العربي والانجليزي بس ماعطوني الجدول ..
خاطري والله امر عليهم فجاءة واشوف ولدي اشلونه بالصف ...

 

[miss_heathrow]

ما اتوقع يدخلونج انتي اي مبنى مدخلته ؟؟

وشلون صاير المنهج اللي معطينج اياه ؟؟

 

[غالية زمانها]

ولدي بمنطقه عبدالله المبارررررك ..
حاطين كل اسبوع باسبوعه .. وشنو ياخذون بالعربي والانجليزي

 

[عشق]

رد : تجمع حضانه English Play Group بعبدالله المبارك

اي نفسي حاطين لي شهر 10 شنو راح يعطونهم

 

[ام عفاف الكويت]

بنتي كانت الحضانه ومستمع اولى روضه في فرع سلوى الاخضر
وحاولت اوديها كي جي 1 بغرب الجليب قالوا ماكو باص حق منطقتنا مع انه بينا وبينهم اشاره
قالوا الباص مكتفين بس داخل عبدالله المبارك
بنات ابي احد يسأل لي في توصيل الرحاب ؟
عشان احولها هي الحين بفرع السالميه الجديد

 

[ام عفاف الكويت]

احنا فرع السالميه استلمنا الجداول واستلمنا الارشادات والضروريات
وفرعنا وايد حلو ويديد
بس اول ايام سلوى حياة يهبل يهبل
وسيفتي احس مادري ليش الكاميرات بكل مكان
بالنسبه للصف ماتدشين ممنوع اصلن عند الباب تستلمينهم
وبالنسبه حق الواجبات كل احد يعطونا نوقع عليهم ونردهم يوم الاربعاء
وقالوا لنا ممنوع الكاكاو والبفك ولخرابيط يبون اكل صحي
الوجبه الاولى عليهم والفرصه الثانيه علينا هذا بس نظام الروضه اما الحضانه كل شي عليهم
واناا سنتين سويت لها هناك عيد ميلاد مره بالبلاي ايريه ومره بغرفه مسوينه للاعياد الميلاد
اما الصف مستحيل يدخلونا تعصب

 

[ام عفاف الكويت]

عشق اي صف بنتج
الرحلات للكي جي 2 بس

انا بنتي لما كانت الحضانه قالوا ممنوع وراحت اولى روضه مستمع قالوا ممنوع
والحين دشت كي جي ون قالوا بس كي جي تو يروحون ويستعملون الكمبيوتر في حصه كمبيوتر وحصه مكتبه بس لكي جي تو
يقولون يفهمون
بس مدرسه ممتازه هذي السنه الثالثه معاهم وبظل

 

[عشق]

رد : تجمع حضانه English Play Group بعبدالله المبارك

انا بنتي كي جي 1
توها اول سنه

وخل اييب لج رقم مسئوله التسجيل
مادري بأي جنطه حاطته
قالت لي فرع رميثيه هذي تفيدج وايد

 

[غالية زمانها]

هلا ام عفاف .. حياج الله معانا بتجمعناااااااا ..
انتي وين ساكنه بعبدالله المبارك؟؟ والله ونستيني بكلالالالالالالالالالالالالالامج الطيب عن
هالحضانه .. انا للحين مابين لي شي بس ولدي مستانس .. اهم شي عندي بعد يستفيد

 

[ام عفاف الكويت]

انا لا بالرحاب
بس عبدالله المبارك اول فرع بالرابعه لهم
وكان موفق لانه منطقه كبيره تبارك الرحمن
وبلاي قروب واااااااااااايد حلو وقوي والياهل من الحضانه يتأسس وسيفتي
انا بنتي كانت بسلوى بس سبحان الله مادفعت حق باص تكاسلت وراح علينا المقعد مفوله
واضطريت اروح السالميه
وتكسر خاطري ترد الساعه 2 ونص
لانه ينطرون الابتدائي المبني اللى صوبهم يعني من 1 الى 2 يقعدون يلعبون بالبلاي ايريه
وبعدين الكل يركب الباص مع البيبي ستر والهيلبر والسايق
وعلى ماتوصل بعد عمري صارت 2 ونص

 

[غالية زمانها]

ياااااااااااقلبي تكسر الخاااطر ولا بالحررر وووويع ..
ليش ماتحطينها عندنا بفرعنااا ..

 

[داريني]

ام عفاف
بنتج مع ولدي انا ولدي بسالمية كي جي 2
والحمدالله كل شي تمام والادارة متعاونة انا شبه يومي ادق ويردون على اسئلتي برحابه صدر
وامس عطوهم جدول حق اسبوع الياي
بس للحين ما عطوه هوم وررك بس اييب لي اوراق الي اهوه حالهم بالمدرسة ولا اتصلت قالولي اهم يحلون واجباتهم بالصف
بس انا اراجع له الاحرف والارقام
صج مينني بس كل ما اسال مدرسته تقول ولدج شاطر لا تحاتين

 

[داريني]

رحت شريت حق صف ولدي العاب طين وديته لهم اليوم وعطيته حق مدرسته حدهم استانسو قلتهم هذا هديه من ولدي حق زملائه الي معاه بالصف وقام وزع عليهم
عاد ريلي يقول رايحه معطتهم طين جنه عليهم قاصر هههههههه مدرسة تطلع ولا 500 الف من الطلبة وانتي موديه طين كاااااااااك
قلت بفرح ولدي وربعه يستاهلون

 

[عشق]

رد : تجمع حضانه English Play Group بعبدالله المبارك

داريني والله فكره حلوه
بشتري حق بنتي وبوديه
ولا بلزق عليه طابع واكثب اسمها لووووووووول

 

[miss_heathrow]

انا عطوني اليوم المنهج مال هالاسبوعين وعطوني نشيد انا في الروضه
وعطوني اربع اناشيد بالانجليزي مع مواقعهم
بسس

 

[عشق]

رد : تجمع حضانه English Play Group بعبدالله المبارك

مس هيرثو شنو المواقع
حطي لي اياهم

 

[عشق]

رد : تجمع حضانه English Play Group بعبدالله المبارك

بنات رحت النصر شريت حق بنتي تريننق كحلي وتي شيرت اصفر
بلبسها طويل عاد مادري يرضون والا لا
انا بنتي كله بردانه

 

[غالية زمانها]

عشششق .. عاش من شافج .. ليش ماتلبسينها من الينوفورم اللي عندهم
اخاف مايرضون !!