تجمع حضانه English Play Group بعبدالله المبارك

[عشق]

رد : تجمع حضانه English Play Group بعبدالله المبارك

غلوووي تسلمين حبيبتي

اي استانست وايد

واي ياهل يكلمني تقول له ترى هذي ماماتي لوووووووووول

 

[fife4ever]

رد : تجمع حضانه English Play Group بعبدالله المبارك

ياليت تتكلمون اكثر عن فرع عبدالله مبارك

لانى ابي احط بنتي سنتين عمرها بس تخرعت من الكلام

 

[عشق]

رد : تجمع حضانه English Play Group بعبدالله المبارك

ليش اخترعتي حبوبه بالعكس المدرسه روعه ومافيها شي
وكلهم نفس المنهج ونفس التعامل

 

[fife4ever]

رد : تجمع حضانه English Play Group بعبدالله المبارك

اجل مافي الا اروح انا واشوف بس زوجي معارض المكان يقول اي حضانه وديها
والمشكلة المنطقة مافيها شيء مرتب

 

[عشق]

رد : تجمع حضانه English Play Group بعبدالله المبارك

خل يروح معاج
او يقول لج ليش معترض ويعطيج سبب
واذا كلش ما نفع وديها منطقه قريبه وامرج لله شتسوين بعد

 

[غالية زمانها]

عشق .. الله يخليها لج حبوبه ..

فيف فوريفر .. حبوبه مو مدح فيها بس انا قبل مادخل ولدي
استخرت .. والحمدلله ارتحت وكافي ولدي لما يرد يقولي ماما حلوه السكول
وكافي ان يقولي ماما ابي اروح سكول .. معناته ان مستانس ومرتاح ..
انتي منتي خسرانه روحي مع زوجج وشوفي المكان ..

 

[fife4ever]

رد : رد: تجمع حضانه English Play Group بعبدالله المبارك

عشق .. الله يخليها لج حبوبه ..

فيف فوريفر .. حبوبه مو مدح فيها بس انا قبل مادخل ولدي
استخرت .. والحمدلله ارتحت وكافي ولدي لما يرد يقولي ماما حلوه السكول
وكافي ان يقولي ماما ابي اروح سكول .. معناته ان مستانس ومرتاح ..
انتي منتي خسرانه روحي مع زوجج وشوفي المكان ..

مشكوره حبيبتي
انتي صاجه الاستخاره زينه حتى تحسين في راحه في شيء


شوركم وهداية الله

 

[غالية زمانها]

الله يكتب لج اللي فيه خير لج ولعيالج ..

 

[عشق]

رد : تجمع حضانه English Play Group بعبدالله المبارك

ما تدرون شي عن الكتب مادري متى يعطونهم

 

[عشق]

رد : تجمع حضانه English Play Group بعبدالله المبارك

قبل اشوي مريت على المدرسه بروح الجمعيه لقيتهم قاعدين يغسلونها

 

[غالية زمانها]

عشق .. مادري مايابوا طاري الكتب .. يبيلهم بعد اسبوع الى اسبوعين ..
يالله يعطيهم العافيه خلي ينظفونها ويعقمونها عشان اعيالنا ..

 

[عشق]

رد : تجمع حضانه English Play Group بعبدالله المبارك

انا سالت قالت لي عالاسبوع الياي بس مادري اشلون طريقه دراستهم

انا بنتي الحين قاعده اعلم بنتي الارقام بالانجليزي وصلت معاها للرقم 4

شريت لها سبوره ودفتر الارقام جاهز لما تحفظ الرقم اسوي لها امتحان بالسبوره بعدين نحل الاسئلة بالدفتر
اليوم رحت شريت لها كروت الارقام
ومغناطيس الوان

 

[غالية زمانها]

عشق .. اليوم كنت رايحه اشتري الكروت الارقام والاحرف
وابي ابدي معاه .. بس اتصدقين مكتبتين افتريت فيهم مالقيت !!!
لان ولدي يعرف يقول الارقام بس مايعرف اشكالهم !!!
من وين شاريتهم ؟؟

 

[عشق]

رد : تجمع حضانه English Play Group بعبدالله المبارك

جمعيه الرميثيه شريت منهم كل شي

ورحت عند بو 100 فلس لقيت بس اشكالهم مو ذاك الزود

المكتبه احسن

وشريت لها مغناطيس على اشكال قعدت اسوي لها امتحان بالارقام

وانا اقول لها اي رقم واهي تاخذ الكرت وتعلقه بالسبوره وتحط عليه مغناطيس

واليوم علمتها حرف ال A , a


انتي اول شي خليه ينسخ الرقم جم مره لما يعرف ويحفظ بعدين يوم ثاني عطيه رقم ثاني وهكذا

 

[غالية زمانها]

عشق .. انا ولدي توه بالحضانه .. احس تو الناس على النسخ ولا اشرايج ؟
على الاقل يعرف شكل الارقام ولاحق على النسخ ..

 

[عشق]

رد : تجمع حضانه English Play Group بعبدالله المبارك

اذا ولدج عمره 3 سنوات خليه يرسم ويتعلم مسكة القلم

انا بنتي من السنه اللي فاتت متعلمه الحروف a b f e o q m t
بس الحين قاعده اعلمها مره ثانيه
وتعرف حرفها وحرفي وحرف خالها

 

[عشق]

رد : تجمع حضانه English Play Group بعبدالله المبارك

غلوي بحط لج مقاطع فيديو كنت احطهم حق بنتي تعلمت منهم احسن من انج تشترين من المكتبه

http://www.youtube.com/watch?v=cAzXdkgwpfo
الاحرف الهجائية

http://www.youtube.com/watch?v=gHbA_UlLUsY&feature=PlayList&p=2ED32BC4C4D8E09D&index=0&playnext=1
الاحرف الانجليزيه

http://www.youtube.com/watch?v=4ANlQrRHQOY
الارقام العربيه

http://www.youtube.com/watch?v=XGu87BJwFVY
الارقام الانجليزيه

واذا ما طلع دخلوا اليوتيوب يطلع لكم كل اللي تبونه

 

[غالية زمانها]

ماقصصصرتي ياقلبي ..

 

[عشق]

رد : تجمع حضانه English Play Group بعبدالله المبارك

العفو ما سوينا شي

 

[عشق]

رد : تجمع حضانه English Play Group بعبدالله المبارك

اليوم رحت خذيت بنتي من المدرسه والا حر مساكين اليهال منطفيه عليهم الكهربا
مادري ليش ما دقوا على الاهل اييون ياخذون عيالهم بدل هالحر
واليوم بعد بزود رطوبه مادري غبار وحر كل شي

وقبل لا اطلع شفت جنطة الاكل خفيفه مع اني حاطه فيها علبتين
وحده حق العصير والكرواسان والثانيه حاطتلها سلطة معكرونه من امريكانا

فتحت الجنطه والا مافي غير الماي
سالتهم
راحوا دوروهم ما حصلوا شي
قالوا لي يمكن راح بجنطه ياهل ثاني
مع ان حاطين وحده بس تشوف الجناط
مادري اشلون صار جذي

حدي تنرفزت منهم بس شسوي ما احب المشاكل وبنطر اشوف يدرون العلب
واذا ما لقوهم لا حول ولا قوه

بنتي اليوم تغني بالانجليزي بس ما فهمت غير باني از هابي