تجمع حضانه English Play Group بعبدالله المبارك

[عشق]

رد : تجمع حضانه English Play Group بعبدالله المبارك

وينكم اليوم مافي احد

 

[غالية زمانها]

هلا عشق حبيبتي .. انا لهيت رحت الجمعيه ويالله خلصت شغلي وتوني فضيت ..
سسسكتي انا بطوا جبدي اليوم بعدوانا طالعه اخذ ولدي جان يقولي ماما ابي بنانا .. معناته مااكل
البنانا مالته .. لما فتحت الجنطه مالقيتها .. سالته قلت له كليتها ؟؟ جان يقول لاوالله ماما .. قلت ماراح اخليها ..
ولما سالت قلت وين البنانا ؟؟ جان اتقول اكيد اكلها .. قلت لها ماقالي ولدي ابيها الا معناتها ما اكلها .. وينها ؟؟؟
واخترعوا .. جان اتقولي اااي صح احنا طريقتنا نتقاااااسم الاكل واحنا قصينا البنانا وكلينا كليناها .. جان اسال ولدي
كليت جان يقول لا .. حبيبي كسسسسر خاااطري .. قلت لها لو سمحتي مرة ثانيه مابي احد يشارك ولدي باكله ..
واللي يبقى من اكله بليززززززززز حطوه بالجنطه ابي اعرف ولدي شنو ياكل وماياكل ..
صصصج تنرفززززت .. انتي اشلون اتعرفين بنتج تاكله وجبت الريوق والسناك اللي يقدمونها لبنتج ؟؟؟

 

[عشق]

رد : تجمع حضانه English Play Group بعبدالله المبارك

والله يا غاليه انا بنتي كتوومه حيل ما تتكلم الا غصب اسحب منها الكلام
وكله تقول انا كليته كله واقول حق اليهال لا تاكلون معاي انا مريضه ههههههههه
بس امس سالتها منو اكل معاج المعكرونه قالت حور كلت معاي اشويه

وتيي البيت تقول يوعانه مادري الاكل ما يكفيها
مادري شنو يحطون لهم
شنو الوجبات اللي يعطونهم الفرصه الثانيه مادري والله

انا الحين همني الكتب مادري متى
لمتى يعني بعرف اشلون طريقه تدريسهم

 

[عشق]

رد : تجمع حضانه English Play Group بعبدالله المبارك

اليوم رحت المدرسه عطوني العلب الضايعين زين لقوهم

بنتي قاعده تقط كلمات انجليزيه الحمدلله


بسالهم في رحلات والا لا
ودي بنتي تروح رحله

 

[غالية زمانها]

هلا حبوبه .. اليوم يقولي ولدي ماما ماكليت البسكوت اتقولي مو مالي ..
وانا متاكده حاطت له بسكوتين .. صصصج خاطري اشوفهم واهما ياكلون اشلون ؟؟

 

[عشق]

رد : تجمع حضانه English Play Group بعبدالله المبارك

اليوم بنتي رجعت لي الجنطه مثل ما اهي
قالت كليت معاهم
مادري تقصد اليهال والا اكل المدرسه

 

[غالية زمانها]

اليوم نبهتهم ان مابي احد يشارك ولدي بالاكل وابي اشوف الكميه اللي ياكلها
وعن الكتب قالت لي بعد 1-10 ..

 

[عشق]

رد : تجمع حضانه English Play Group بعبدالله المبارك

عيد المعلم تاريخ 5 اكتوبر
مادري يسوون لهم حفله والا لا

 

[غالية زمانها]

مااادري والله ..انا اول سنه حق ولدي فمادري عن فعالياتهم ...

 

[عشق]

رد : تجمع حضانه English Play Group بعبدالله المبارك

دقيت عليهم اليوم قالوا لي بس العيد الوطني اللي نحتفل فيه

والدراسه راح يبتدون معاهم الاسبوع الياي الحين كله مراجعات

وسالتها عن الاكل قالت لي تكون البنت ماكله من اكلنا واذا انتي تحبين تاكل اكلج بلغيهم وحرصي عليهم

قلت مابي اغصبها على شي خل تاكل اللي تبيه

 

[شانيل نمبر 5]

اتصلت علي الحضانه اليوم.....
وقالوا لي ان الطلبه وووووووووايد شويه..
لاني قلت ابي ادخل ولدي الكروس الياي.....قالت ماراح نفتح كلاس ثاني لانه ماكو يهال....
صحيح كلامهم؟؟؟؟

 

[غالية زمانها]

انتي ولدج حبيبتي شنو حضانه ولا روضه ؟؟

 

[Dress Me Up]

مرحبا امهات .. بخصوص المدرسة .. اانا كت وايد متحبطة منها العام .. بنتي كانت كجي1 فرع سلوى .. ماكنت اشوف كتب .. ولما اسالها شنو اخذتووو كله تقولي ماددري .. بس كانوو يعطون هوم ورك حق الياهل اللي ولي امره يوافق اتنه يدزون له هوم وورك وانا ماشاء الله بنتي تحلهم اول باول بخصوص الاكل وجباتهم كان يوم شورية ويوم معكرونة والسناك كان يوم دونت ويوم بتزا .. بش اكلهم الله يزيدة ..

كنت احط لها اكل بجنطتها .. ياما تتبرع فيها حق اللي معاها .. ولا ترد مثل ما اهيا .. وحيل حيل خف اكلها عدي بالبيت ..


بنات .. جيكو على الماي .. لأن الياهل اللي مايقولهم ابي ماي .. مالهم شغل فيه مايذكرونه ..


وكنت فعلا ناوية هالسنة مادخلها .. بس آخر السنة بردت جبدي لما شفت كتبها ... وقابلت مدرساتها .. كانت ماشاء الله كتبها تبرد الجبد ..

وكانت عندي طول العطلة تتكلم انجليزي مع الخدم مع العلم الخدم مو ذاك الزود بالانجلش ,,


فتشجعت وسجلتها هالسنة ,, واستانست انه عندهم كلاس ارت وميوزك .. بصراحة كجي 1 مظلومين كله دراسه ماكوو غير الالعاب عندهم ولا العاب ذهنية مو العاب حق الجسم .. بس بالكي جي2 وايد فرق .. جدولهم حلوو .. ويعطونكم شنو ياكلون خلال الاسبوع وجدولهم وناسة .. بس لو فيها سباحة بس تصير فله

بس مادري ليش بنتي وقت المدارس شهيتها تقل ..


عالعموم المدرسة احسها اوكي بس روضة ... ابتدائي ماتوقع مستواهم زين .. عموما انا ناوية بس حق التأسيس حق عيالي والسنة الياية حكومة باذن الله ..

 

[عشق]

رد : رد: تجمع حضانه English Play Group بعبدالله المبارك

مرحبا امهات .. بخصوص المدرسة .. اانا كت وايد متحبطة منها العام .. بنتي كانت كجي1 فرع سلوى .. ماكنت اشوف كتب .. ولما اسالها شنو اخذتووو كله تقولي ماددري .. بس كانوو يعطون هوم ورك حق الياهل اللي ولي امره يوافق اتنه يدزون له هوم وورك وانا ماشاء الله بنتي تحلهم اول باول بخصوص الاكل وجباتهم كان يوم شورية ويوم معكرونة والسناك كان يوم دونت ويوم بتزا .. بش اكلهم الله يزيدة ..

كنت احط لها اكل بجنطتها .. ياما تتبرع فيها حق اللي معاها .. ولا ترد مثل ما اهيا .. وحيل حيل خف اكلها عدي بالبيت ..


بنات .. جيكو على الماي .. لأن الياهل اللي مايقولهم ابي ماي .. مالهم شغل فيه مايذكرونه ..


وكنت فعلا ناوية هالسنة مادخلها .. بس آخر السنة بردت جبدي لما شفت كتبها ... وقابلت مدرساتها .. كانت ماشاء الله كتبها تبرد الجبد ..

وكانت عندي طول العطلة تتكلم انجليزي مع الخدم مع العلم الخدم مو ذاك الزود بالانجلش ,,


فتشجعت وسجلتها هالسنة ,, واستانست انه عندهم كلاس ارت وميوزك .. بصراحة كجي 1 مظلومين كله دراسه ماكوو غير الالعاب عندهم ولا العاب ذهنية مو العاب حق الجسم .. بس بالكي جي2 وايد فرق .. جدولهم حلوو .. ويعطونكم شنو ياكلون خلال الاسبوع وجدولهم وناسة .. بس لو فيها سباحة بس تصير فله

بس مادري ليش بنتي وقت المدارس شهيتها تقل ..


عالعموم المدرسة احسها اوكي بس روضة ... ابتدائي ماتوقع مستواهم زين .. عموما انا ناوية بس حق التأسيس حق عيالي والسنة الياية حكومة باذن الله ..

حبوبه بخصوص الدراسه الحين مراجعه والاسبوع الياي الدراسه الصجيه
وانا كل يوم اسال بنتي شنو خذيتوا بس ما تتكلم ولا تقول انا بس اقعد واحن عليها يالله تتكلم وكله تقول ما خذينا شي
الاقيها مرات تغني او تتكلم انجليزي اعرف من الروضه
وعلى طول ادق على المدرسه اسالهم عنها

سويت عيد ميلاد بنتي وصعدت لها وشفت ابله العربي اشلون تعاملهم واشلون تعلمهم استانست لما شفت بنتي من ورا الدريشه تسوي مع الابله الحركات
وبعدها ابله الانجليزي يابت اليهال حق عيد الميلاد شفتهم وشفت معاملتهم
ولقيت بنتي مستانسه ومتاقلمه مع التيجر مالتها

وبخصوص الاكل هذي مشكلتي من قبل لا تدخل بس بصراجه استسلمت احط لها جنطه اكل يا تاكله او تاكل اكلهم

والماي انا ملاحظه انها ما تشرب شي من مطارتها ثلت يمكن اهم يعطونها


اانا بنتي بالرميثيه والسنه اليايه ان شاء الله تروح سلوى

 

[عشق]

رد : تجمع حضانه English Play Group بعبدالله المبارك

عطوا حق بنتي الجدول اليوم

 

[غالية زمانها]

اااااااي حتى انا عطونا الجدووول .. حلووو .. وعسى الله يوفق اعيااااااااالنا

 

[عشق]

رد : تجمع حضانه English Play Group بعبدالله المبارك

امين يارب

انا بنتي معلمتها الاحرف بس مو كلهم

والارقام وصلت معاها للرقم 7

 

[miss_heathrow]

السلام عليكم

شلونكم بنات شخباركم انا داشه عرض بينكم بنتي فرع سلوى المبنى اليديد الازرق

بنات والله انا متاذيه نوعا ما من الاداره اغبياااء وكله يقولولي ما نعرف شي حتى الجدول قاعده اقولهم ان فرع الرمييثيه وزعوا الجداول امس يقولولي ما نعرف تبين الجدول جان انتي طلبتيه !

رفضوا يعطوني الكتب قلت اوكي رفضوا اصورهم او اعرف المنهج حتى !!! قالت لي انتي راح اييلج الهووم ورك

يرفضون ادش الكلاس اخذ بنتي وقت انتهاء الدوام لازم اصف طابور! وما يصير اطل عليها نص الدوام من ورا الباب اشوف بنتي شنو قاعده تسوي

مالت الاستقبال صدتها صيييده بس ما راح اطوف لها اياه
انا كل مره اودي بنتي بروحي هالمره خذيت ابوي معاي ومن عرفت ابوي منو وقاعد يسالها عن بنتي شلونها وشلونها مع الطالبات وشلون وشلون خلت بنتي سنعه وما تبجي وتشارك بالمسابقات وو و و الخ انا بققت عيني !! قاعده اطالعها واضحك مع العلم ان جميع ابلاتها قالولي ان بنتج ما تشارك ولا تلعب مع اليهال واذا كلمناها تبجي !!!!! وهذي قاعده تشلخ تشليخ عطني مواصفات عكس بنتي تماما المشكله تقول ان انا اطل على اليهال واشوفهم جذاااااااابه اهي موظفه استقبال وبسس وكل ما اييلهم القاها لازقه بكرسيها


صج والله بنات شكيت لكم لاني ماني عارفه شسوي
ودي افجر فهم او اشتكي عليهم بفرع ثاني بس خايفه ياذون بنتي ويهملونها تكفون عطوني اول شي اخر اخباركم من جداول من كتيب عشان اقولهم واناجرهم عليم لان انا ما يقولوي ولا شي ..

وقولولي شنو الحل !!!

 

[miss_heathrow]

اي نسيت اقولكم ..


بنات منو معااااي بفرع سلوى المبنى الازرق

 

[غالية زمانها]

الله يكون بعونج .. انا ولدي بفررررررررررررع عبدالله المبارك