تجمع حضانه English Play Group بعبدالله المبارك

[عشق]

رد : تجمع حضانه English Play Group بعبدالله المبارك

شمسه عيالج بأي فرع

 

[miss_heathrow]

هذا لبس بنتي حق الحفله

وايد ما شاء الله كان حلو عليها بس كبير خذيته





بنات انا فرع سلوى اليديد الازرق منو عيالها مع بنتي بليز قولولي

 

[عشق]

رد : تجمع حضانه English Play Group بعبدالله المبارك

اهلين مس عاش من شافج وين هالغيبه

 

[miss_heathrow]

صالة الالعاب مسوين فيها مسابقات ​

بوابه المدرسه مزينينها​

مسابقات حق اليهال ومسوين مسرحيه ​

 

[عشق]

رد : تجمع حضانه English Play Group بعبدالله المبارك

مس اهو الحفله بس حق اليهال والا كان في اولياء امور

 

[miss_heathrow]

هلا فيج يالغاليه هلا والله

انا موجوده بس صاير النت عندي يعلق وايد
من جذي ما ادش

 

[miss_heathrow]

لا بس حق اليهال انا عطيتهم كامرتي وقعدو صوروها بعدين رحت لها مبجر وقلت بدش معاها اصورها والله ما قصروا خلوني ادش معاها والعب وياها واصورها والعب مع اليهال

 

[عشق]

رد : تجمع حضانه English Play Group بعبدالله المبارك

والله انا ما سويت شي بس لبستها ووديتها

 

[شمسة 1983]

miss_heathrow الصور حلوين والملابس التنكرية حلوة الوانها
عشق انا عيالي في سلوى اللي مقابل البانزين

 

[Om eLkakawiya]

رد : تجمع حضانه English Play Group بعبدالله المبارك

بنات ليش جذي خلط ملط .. ودي اعرف منو اللي عيالها مع بنتي اللي بعبدالله مبارك :/
مو قادره احفظ نكاتكم لوول
بس صاحبة الموضوع..

اللي مو بعبدالله مبارك لوسمحتو سوولكم تجمع بروحكم ههههههه

 

[Om eLkakawiya]

رد : تجمع حضانه English Play Group بعبدالله المبارك

انا بنتي عمرها سنتين وجم شهر بالحضانه..طبعا بعبدالله مبارك ههههه
شسمونه رحت حضانات وشفت بس هذولا لانه يديده حيل شادين حيلهم ويبون سمعتهم تصير حلوه..وماشاء الله واااايد زينين..ومرتبين وادق عليهم اذا احاتي بنتي يردون ويطمنوني..قعدت اول اسبوع عند بنتي اشوفها من بعيد بس قاعده بالحضانه وماقالو شي لانهم قالو لازم اول الايام تكون الام معاهم وفي صبي يبجي طول الوقت كل يوم وشفته بعد جم يوم ولا امه معاه قاعده شكلهم قالولها..

بنات ترا اكلهم مفيد وبنتي ما اييب لها اكل وجذي لاني ابيها تاكل اكل غير عن اكلها اللي على طول تاكله واهي من النوع اللي اذا شافت يهال ياكلون عادي تاكل بس تتدلع علي وهذا طبع البيبي..وكلما كلت يقولولي لما ايي اخذها ترا كلت ومستانسين يحليلهم الفلبينيات..

كمشو شعرها وتضايقت حدي لانه اهي ما تطق ولا تعرف تدافع عن نفسها جان ادق عليهم لما اشرت لي على شعرها وقامت تبجي فهمت انها بتفهمني احد كمشها..ودقيت جان تقول هذي مسؤولتهم المتحجبه راح اشوف منو المس اللي كانت معاها اخر شي واليوم الثاني قلت لها بعد جان تقول انا على طول افتر بالكلاسات اشوفهم وبنتج هاديه..يعني ماشاء الله عارفين اليهال كل واحد ومهتمين فيهم..بس قلتلهم لاحظوها عدل..ولما قلت حق فلبينيه كانت تاخذها برا لما ييبتها لهم ولا تقول مو انا مسؤوله عنها يعني اهما حاطين كل جم فلبينيه حق مجموعة يهال..وايد ارتحت..

تعلمت بنتي شلون تمسك القلم عدل..وتعلمت ارقام وحروف انقلش وعربي وتقولهم عدل ودايما تغني بس ما ينفهم كلامها..كل مره يعطونه اللي لونته وتعلمته ومعطيني جدول السنه .. عاجبتني الحضانه ومرتاحه منها..اللي متردده تستخير

بنات معرووف اذا انتي حرصتي وشافوج مهتمه بعيالج بخافون عليهم وجذي لانهم عارفين راح تسئلين..

بنات نصيييحه حق كل ام وابو اذا وديتو عيالكم الحضانه او الروضه او المدرسه..قولو هالدعاء

(( اللهم أمنتك بنتي(ولدي او عيالي) فحفظها (وانا دايما اكمل..فحفظها من ضرب الاطفال والعاملين وصراخهم عليها).))

والله يحفظ عيالنا من كل شر ^_^

 

[عشق]

رد : تجمع حضانه English Play Group بعبدالله المبارك

لووووول خوش اضافه يايه تطردينا
شنسوي بعد الموضوع صار حق الروضه والحضانه مع بعض

ا

 

[Om eLkakawiya]

رد : تجمع حضانه English Play Group بعبدالله المبارك

لا فديتج اتغشمر شدعوه بس ودي اعرف منو مع بنتي لاني صج مثل غالية ما اعرف شي بنتي توها حضانه..

بس مستغربه بنات ليش تدرسون عيالكم بالبيت واهما مالين من الدراسه بالحضانه ولا الروضه كل يوم .. احنا دخلناهم خاص عشان يتعلمون عدل منهم ونريح عمرنا هههه..صراحه انا بس اتابع معاها الهوم وورك و كله يقولولي تتجاوب معاهم وكلما اييهم باخذها اشوفها ترقص هههه

خلوهم شوي شوي عليهم ولا تتعبون نفسكم ترا اهما هم يملون..

 

[عشق]

رد : تجمع حضانه English Play Group بعبدالله المبارك

تغشمري فديتج

انا بنتي مو ادرسها بس اقعد اقرا لها قصص بالانجليزي
اسالها شنو خذيتي
مرات اييب لها دفتر مربعات اخليها تكتب الاحرف
واعيد معاها سورة الفاتحه
وهالشهر سوره الاخلاص

لازم تراجعين علشان المعلومه تدخل غصب طيب ههههههههه

 

[Om eLkakawiya]

رد : تجمع حضانه English Play Group بعبدالله المبارك

ههههههههههههه
لا لاني قريت وحده تناقز مع بنتها واهي تستعبط لانه مالها خلق ههههه
انا بنتي بس ترد مالها خلق تنام والعصر تلعب والمغرب اسولف معاها عن الحضانه .. اهي مشكلتها للحين ما تتحجى عدل

لا تحاتين ترا هالاعمار صفحه بيضا بالدراسه كلشي راح ينسخ ابالهم لما يكبرون

 

[شمسة 1983]

عشق زين تسوين انا بعد دايما اعيد لعيالي واكرر لهم السور ورحت المكتبة شريت لهم الدفتر اللي فيه الاحرف الانجليزية والعربية وشريت نجوم ستيكرز ويبت ورقة من كراسة وكتبت اساميهم واللي يكتب بخط حلو ويخلص احط له النجمة يم اسمه علشان يتشجعون
وبالعكس احس انها متعه لما اراجع مع عيالي اللي خذوه بالمدرسة

 

[نستحق الأفضل]

رد : تجمع حضانه English Play Group بعبدالله المبارك

:sfg:عــــــــــادت الطيور المهاجرة
شخبار الأمهات الحلوين ...؟؟
اول شي انا اعيالي الله يحفظهم بفرع عبدالله المبارك
غالية زمانها: لووووول ولدي مثل ولدج لبس باتمان وهم على باله انه بصير قوي ويشيل سيارات ويكسر البيوت :/
وبنتي بالحضانه لبستها برنسس حبااايبي ردوا مستانسين واايد من الحفلة ..الحمدلله...
انا اعيالي سجلتهم تسجيل متأخر فمالحقت على الأجتماع اذا ابي أسأل عنه لازم أروح ولا عادي بالتلفون ....؟؟؟؟
وبسألكم @@ صج ماكو صف 2 روضه ..؟؟؟ وبيفتحون أكيد السنه الياية ولا لأ ؟؟؟
توهقت وين أوديه السنه اليايه ؟؟
تقريباا احنا ماشيين مع بعض بالهووم وورك وولدي بالماث مضيع شويه يحرني احسه مو مركز
خنتبادل الخبراات الله يعافيكم

 

[غالية زمانها]

نستحق الافضل .. انا ولدي بحضانه .. وانا بعد سالت جان اتقول الحضانه مالهم اجتماع بس اذا بغيت اسال اقدر من 12 وثلث الى 1 ..

 

[عشق]

رد : تجمع حضانه English Play Group بعبدالله المبارك

مسا الخير

بالرميثيه بعد مافي ثانيه روضه سالتهم قالوا لي للحين ما عطوهم ترخيص فمجبوره اوديها سلوى

شمسه حلوه طريقه النجوم بسويها حق فطوم ان شاء الله اعجبتني

 

[ام الحلو حمزة]

انا ولدي حموز بسلوى المبنى الازرق
ودي اعرف ليش يعطونهم هوم ورك العربي كل اسبوعين ووايد صفحات ولدي مسكين يتعب واهو يكتب