تجمع حضانه English Play Group بعبدالله المبارك

[ام عفاف الكويت]

احنا ماعندنا حفله تنكريه

 

[عشق]

رد : تجمع حضانه English Play Group بعبدالله المبارك

ام عفاف ساليهم يمكن يبون يسوون بس شوفي اي يوم

 

[فراولــة]

رد : تجمع حضانه English Play Group بعبدالله المبارك

ااااااااب

 

[غالية زمانها]

اليوم واجبه حرف ال d أحسه مو فاهمه عشق أحس بسرعه يركضون بالمنهج

 

[عشق]

رد : تجمع حضانه English Play Group بعبدالله المبارك

بسرعه من صجج انتي
انا اقول وايد بطيئين
في حضانه الارتقاء فيها روضه هم بعبدالله المبارك عيال رفيجتي فيها
يعطون بنتها الحرف والتشكيل الفتحه والضمه والكسره

ياربي عيالنا من اييون البيت مالهم خلق شي
بس بالمدرسه
اسال الابله تمدح بنتي وتجاوب وانا بعد شفتها من بعيد اشلون تشارك مع الابله
بس تيي البيت تصير وحده ثانيه

 

[غالية زمانها]

عشق .. انا بعد سالت مدرسات ولدي وايد يمدحونه .. ويقولون عنه شاطر ..
بس من يرجع البيت ماله خلق شي بالمرررررررررررره ... بس حرف ال d
كلش مو عارفه الظاهر يبيني اوريه الصندوق عشان يتشششجع ..

 

[عشق]

رد : تجمع حضانه English Play Group بعبدالله المبارك

اي اي وريه شنو عندنا غير المساحل

 

[ام عفاف الكويت]

احنا بالعربي وصلنا حرف التاء خلصناه وبندش حرف الثاء
وامس زينت كتاب الواجب وشاريه اوراق قص ولزق وستيكرز والزق
استانست بنتي عليه
بس مازلت انقط لها عشان تكتب

 

[عشق]

رد : تجمع حضانه English Play Group بعبدالله المبارك

ام عفاف انا بنتي مسويتلها صندوق حق القص ولصق وستيكرات والوان وكل شي
الابلات مستانسين على دفترها
حاولي تسوين الحرف بالقص واللصق صغير وتقصينه وتلزقينه لها بالدفتر
يصير جنه ستيكر

واذا عالنقط انا عندي احسن تكتب عالخط
بنتي ما تحب تكتب عالنقط كلش
وتعالي شوفي اللويه كل اشوي امسح لها
انتي حاولي تخلين لها دفتر مربعات حق هالسوالف نفس بنتي جذي مسويه لها

 

[ام عفاف الكويت]

اي عندي الاحرف مقصصه وجاهزه شريتهم بميه فلس ملونين
واحرف
والعربي والانقليزي لزقت وقصصت

ولزقت العربي كله المنهج لووووووووووووول خلصت الدفاتر امس
بس الانقليزي ماعطوني هوم ورك
وشريت بطاقات على الاحرف وصوره دلاله عليها ولزقت كل حرف خلصناه
وان شاء الله يعجبهم
كافي بنتي حابته
النقط الى الان انا والابله توصلنا انه حل حق بنتي لانه عنيده

 

[عشق]

رد : تجمع حضانه English Play Group بعبدالله المبارك

اشوي اشوي راح تتعلم لا تضغطين عليها

 

[غالية زمانها]

أنا ولدي مايعرف يكتب إلا بالنقط حاول من غير نقط بس مأكو فائده

 

[عشق]

رد : تجمع حضانه English Play Group بعبدالله المبارك

شنو راح تلبسون عيالكم الاحد حق الحفله

انا بنتي خذيت لها سنووايت

 

[غالية زمانها]

انا بات مااان .. بس خرعني ولدي .. تخيلوا بناات عقبمالبسته اللبس جان يقولي ماما يالله وخري بروح اطييييييير !!!!!!!
انا بققت عيوني .. وقلت له ترى هذا كله جذب .. مو صصصج مافي احد يطير كلنا نركض ونمشششي ... الله يستر على اعيالنا من يشوفون هالبابايات .. يندمجوون !!

 

[داريني]

من زمان ما قرقرت
هذاك الاسبوع رحت اجتماع اولياء امور

مدرسه الرياضيات حبطتني تقولي ولدج بطيء واخر واحد يحل

انجليزي مستناسه على شخصيته وتقول اجتماعي بس يتكلم مكس عربي انجليزي

و العربي الحمدالله تقول ممتاز و احسن واحد عندي بالكلاس

 

[داريني]

شنو سالفه الحفله هذي باي فرع ؟

 

[غالية زمانها]

داريني. .... ولدج بأي صف ؟ زين سولوه اجتماع أنا ولدي بحضانه يقولون مافي اجتماعات لهم بس أنا سألت عنه يمدحونه بس من يرجع البيت ماله خلق يسوي سي اصلا مايقولي ولدي حده كتووووووم ... الله يعيني هذ للحين ماداشينا بالجد ..... بالنسبة للحفله بفرع عبدالله مبارك

 

[ام عفاف الكويت]

داريني ولدج مع بنتي
ماعندنا فرع السالميه

 

[عشق]

رد : تجمع حضانه English Play Group بعبدالله المبارك

مسا الخير
اليوم بنتي حدها مستانسه عالحفله ودت هدايا حق اليهال وزعت عليهم
ومصورينهم بس مادري اذا مصورين بنتي باجر بسال
يا حلات اليهال اشكال والوان اليوم

 

[شمسة 1983]

انا بنتي البست ساحرة لووول وكانت وايد مستانسه تقول ان ثنتين بالكلاس معاها لابسين مثلها بس ولدي بثانية روضة ما عندهم حفلة حبيبي