(())تجمع بنات كلية الاداب والمستجدات فيها(افضل دكتور).يالله يابنات الاداب حياكم..

[oranGe~Girl]

قوة آدابيااااااات

شلونكم شخبااركم

الفانال ياشطوورات قرب خفوا من النت شوي <<< علمي نفسج ههههههههههههه

لا بس صج كلها ساعة ترفيه بس

 

[Betty]

مساء الخير آدابيات
بسوومه و استنوووش و مرمر و بنووت و برتقالتنا شلونكم حبيباتي عساكم بخير
برتقالتنا لوول ساعه الترفيه صارت ساعات
يلا شدو حيلكم بنيات و عسى الله يوفقكم و يسهل عليكم يارب

 

[Artya 【ツ】●]

أهلا وسهلااااااااااااااا

تماموش

محد يصك علي بساعات الترفيه عندي ،، نص اليوم كله يطير ترفيه :/

 

[Amano]

قوة بنات اشلونكم شخباركم !
الحمدلله كانوا ساحبين مني مادة " الإحصاء " و ضاق خلقي حدييييييييي بس اليوم بالسحب و الإضافه فتحوا شعبه يديدة بمادة " مقدمة للحاسوب " و سجلتها الحمدلله عند دكتور اسمه محمد الملا .. منو ماخذه عنده تقول لي اشلونه ؟؟

 

[مترجمه]

الله يسلمج محمد الملا اهو دكتور يقدم برنامج عالم الكمبيونت قبل اذا تذكرين مع الهمندسه منار الحشاش وايد يمدحونه..

 

[Amano]

إيييييييييييييي هذاااا اهوووو !!! أووووكي عرفته الحين !! المهم عندي اهو زين ؟ يشرح عدل ؟ يعطي درجات ؟ !!
ان شاء الله يا رب زين و يمدحونه مثل ما قلتي

 

[Artya 【ツ】●]

قوة بنات اشلونكم شخباركم !
الحمدلله كانوا ساحبين مني مادة " الإحصاء " و ضاق خلقي حدييييييييي بس اليوم بالسحب و الإضافه فتحوا شعبه يديدة بمادة " مقدمة للحاسوب " و سجلتها الحمدلله عند دكتور اسمه محمد الملا .. منو ماخذه عنده تقول لي اشلونه ؟؟

آنا سجلتها معاج

يمدحونه ​

 

[حلا الظفير]

مرحبا صبايا


الدكتور عبدالمحسن الطبطبائي زين ولا لا نحو 3


بلييييييييييز بنات ردو علي

 

[Artya 【ツ】●]

مرحبا صبايا


الدكتور عبدالمحسن الطبطبائي زين ولا لا نحو 3


بلييييييييييز بنات ردو علي

يمدحووووووووونه :ggdw:

والله يوفقج :tek:

 

[حلا الظفير]

يمدحووووووووونه :ggdw:

والله يوفقج :tek:

تسلمييييييييييييييييييييين حبووووووووووبه

 

[Betty]

مساء النوير
هلا بنووووت لوول اتوقع حطمنا الرقم القياسي بساعات الترفيه
Amano اهلين ما اعرفه و الله و موفقه
اي بنات بسألكم متى وقت شعبة الحاسوب اليديده ؟
و مبنى الاداب و لا الشريعه ؟
مترجمه اهلين لج وحشه شو هالغيبه
هلا حلا ظفير وايد يمدحون الطبطبائي يقولون شاعر بعد و موفقه

 

[Artya 【ツ】●]

حياج الله حلا

الشعبه اليديده بالآداب

يمديني أدرس الماده قبلها بيوم؟ والله فيوزاتي ضاربه مو قادره ادرس مثل الناس

 

[Betty]

هلا بنوت انزين متى وقتها ؟
حاولي تفجين شي اليوم لو على الاقل قرايه و عسى الله يفتح عليج و يعينج و يوفقج يارب

 

[Artya 【ツ】●]

الساعه 10:40


اي بحاول



لحقي عليها إذا تبينها ،، لا تنصدمين إذا لقيتيها مسكره ههههههه

 

[Betty]

اي حاولي و عسى الله يوفقج يارب
لوول لا ما اقدر مسجله ماده بهالوقت و مالي خلق علووم الحين لوول بخليها لما اتخرج اهيا و ربعها

 

[Artya 【ツ】●]

أجمعين إن شاء الله



عيوني بتطلع وراسي بينفجر :"""""""""""""""""""""(


حالتي كسييييييييفه !

 

[Betty]

امين يارب
بنوت سلامات حبي لا تحاتين انتي ريحي الحين و قت ما حسيتي انج احسن فجي الكتاب
سبحان الله مادري ليش القولون و عوار الراس يزيدون حزت الامتحانات يتسلطوون عسى الله يآجرج يارب

 

[Artya 【ツ】●]

الله يسلمج

انزين اتعرفيه فوزيه حسين على عبدالله - أرض وكون؟

<< للحين اتعابل بهالجدول لوووووول

 

[Good Enough]

السلاااااااااااااااااااام

بنــآآت بسألكم على جدول الصيفي ضافوا مواد و لا على حطة ايدكم ؟؟

 

[Artya 【ツ】●]

وعليكم السلام

آنا شفت العلوم بس ،، ضافوا مقدمه في الحاسوب + مدخل أحياء