هلا اورنج
الحمدالله زينيين انتي شلوونج؟؟؟ وين الغيبه ؟؟؟
حبيبتي ما تدرين شنو الخيره
بالامانه الدكاترة ما اعرفهم
بس دشيت موقع التقييم وشوفي تقيم الطلبه والطالبات عليهم
مهزع الديحاني معطينه 3 نجوم من اصل 5
وشوفي تعليقاتهم
ان مستوى الاختبارات صعب
وشرح المدرس شرح متوسط
والأغلبية حصلو على تقدير C
بإختصار لا ننصح به
1
اول شي بقوله انه
قبلـــــــــــــــــــــــي وعنصـــــــــــــــــري
والمصيبة يقول انا مو قبلي ولا عنصري
لا تعليق
المهم
يعتمد على النوت وفيه مذكرة بس انصحكم لحد يخسّر فلوسه ويشتريها لانه ما راح يستفيد منها شي لانه 100% في الامتحان يعتمد على النوت
و الامتحان درستله عدللللل من النوت ومن المذكرة وقال المذكرة لا تدرسونها بس قراءة وانا درستها ودرست من النوت وكنت اكتب معاه كلمة كلمة في المحاضرة
والاسئلة مالت المدتيرم متوسطة لكن الفاينل ما ادري من وين كان يايب الاسئلة لا من النوت ولا من المذكرة والكل طلع من الامتحان منصدم !!
اي ونسيت اقول
وعادي مثلا يقعد يتكلم يتكلم يتكلم وانت تكتب تكتب تكتب
وآخر شي
يقولكم
هذا مو من ضمن المحاضرة
عااااااااااادي تيكت ايزي
في الختام لحد ياخذ عنده في وايد دكاترة احسن منه بمليون مرة
2
و الله أنا راح أقول رايي فيه بصراحة بدون أي زيادة ولا نقصان
الصراحة الدكتور ممتاز من ناحية قدرته على توصيل المعلومة و طريقة شرحه جدا جدا متميزة و هذا من ناحية الشرح
أما بالنسبة لإمتحاناته فهي صعبة نوعا ما و امتحاناته تأتي من شرحه بالمحاضرة يعني 90% من الشرح و 10% من المذكرة و أهم شي ان الكتاب مو مطلوب عنده و يستبدله بمذكرة من 100 صفحة هذي أهم ميزة
لكن ما أنصح فيه و الله و الأفضل انكم تشوفون دكتور ثاني غيره يعني الشاطر راح ينصدم بدرجته بالفاينال
3
انا خذيت عنده امتياز حلو بس:
1- الدكتور محاضراته مملة على الاخر
2- انسى الموضوع يشرح من المقرر و دايمن يسولف عن الحضارة بشكل عام
3- مذكرته مبهمة حيييل
4- شوي الواسطات تلعب دور عنده
انا عن نفسي التزمت بالحضور و حليت زين بامتحاناته و خذيت امتياز
اهم شي عنده الالتزام فقط و امتحاناته سهلة اختياري حتى الفاينل اختياري
نصييـــــــــــــــــــــــــــــــحــــــــــــــــــــــه...
لاأحد يأخذ عنده.....
ظالـــــــــــــــــــــــــــــــــــــــــــــــــــــــــــــــــــــــــــــــــــم
بس بالواسطات على قولتهم عند وجهك!!!
في بنات ما يداومون بس تبارك الرحمن خذوا A-
شلووووووووووووووووووووووووووووووووووون؟؟؟؟
من ناحية طائفي ... صح طائفي.. وقبلي...
بس امتحاناته صدمه نفسيييــــه...
بصراحه اهو حاط على قبيلة معينة... ما يحبها...
علشان خلافااااات قديييييييييييييمة بالانتخابات...
واللي من هالقبيلة راح يروح فيها !!!!!!!!!!!!!!!!!!!!!!!!!!!
------
المشكلة بامتحاناته ! بالميدتيرم الأول الأسئلة كانت سهلة وواضحة وحلينا عدل .. ويوم وزع المتحانات انصدمنا ! أعلى وحده يابت 32 من 35 والباجي كلهم تحت ال 30 !
شلون يصلح هالدكتور, الله أعلم ! وكان ينقص عالخط بعد, فاذا خطك مو حلو لا تاخذ عندهP:
اما الفاينل الي كان مو صج ! يمكن 5 اسئلة اول مرة يمرون علي ! ما ياب طاريهم بالمحاضرات.. يبينا انحل من اطلاعنا على قولته !!
والغياب كان ياخذه مرة بالأسبوع تقريبا! فانت وحظك...
--------------------
مع احترامي للدكتور مهزع...
بس إنه ظااااالم
ظاااااالم
ظاااااالم
ظاااااالم
أنا مأخذه عنده هالكورس....
وهذي غلطة حياتي.... امنزلني 9.5 درجات...
بدوووووووووون سبب؟؟؟؟
كلمته 3 مرات وزفني... وأشرلي إني اصكر حلجي...
بس شرحه وحركاته تضحك*******************
دايما شرحه برا المنهج********
لا لا لا لا لا أنصح به...
ووايد تعليقات ما ينصحون فيه
والحين شوفي دكتورج الثاني حق الارض والكون
الدكتور جاسم العوضي
الدكتور بصراحة ما انصح فيه لا شرح غير مفهوم كللللللللش وطريقته في الشرح وايد مملة
دم ضروسه الطالب اللي ما يحترم نفسه واللي وايد يسولف ويسلب يعني لو ما تقدر تمسك نفسك لا تفكرتاخذ عنده
بس الظليمة شينه امتحاناته مو ذاك الصعوبة
- النجوم: لا يستحق نجوم
- المستوى: متوسط الصعوبة
- الشرح: شرح غير مفهوم
- حصلت على: C
لا ننصح به
المـادة: أرض وكون التاريخ: 2007-09-05
الطالب: ma7aad_methly رقم التقييم: 11530
الدكتور جاسم حبوب لكن شرحة يذكرج بأيام الثانوية العامة بمادة الفيزياء شلون نقعد بس كتبة وري الدكتور وشرحة ممل ممل ممل لأبعد الحدود ويتطرق لمواضيع بالشرح من بين السطور ما تهم ولا يجيبها بالامتحان بس يتعب نفسة ويتعبنا معاه .. يطلب منا بوستر عليه بس 5 درجات إمتحاناته الموضوعية فيها شوية صعوبة لكن المقالية يبي سرد اشرحي بالتفصيل يعني ما انصح احد ياخذ عندة ... يعصب المادة حتى لو اهي سهلة .. وأي طالبة تغيب عن الامتحان صفر على طووول ما في اعذار طبية وهالخرابيط .
- النجوم:
- المستوى: متوسط الصعوبة
- الشرح: شرح متوسط
- حصلت على: B
ننصح به
المـادة: جيولوجيا عامه التاريخ: 2007-08-21
الطالب: UMSAROON رقم التقييم: 11349
الدكتور صراحه يحترم اللي تحترم نفسها واللي تمصخها يمصخرها..
امتحاناته ماتطلع عن النوت شرحه عادي ..
- النجوم: لا يستحق نجوم
- المستوى: صعب جدا
- الشرح: شرح ضعيف
- حصلت على: C
لا ننصح به
المـادة: جيولوجيا عامه طبيعيه التاريخ: 2007-07-05
الطالب: psd87 رقم التقييم: 10725
دكتور محاضرته ممله وتحاوليتن تركزين بس ماكو يدوخج
صوته واطي ويعطينا مذكره شكبرها وبالتالي البوربونت حقه اختصار والشي المطلوب هو اللي بالبور بونت حقه
يعني يبيلج تنقلين شنو بالبور بونت حقه
وهو بس اللي تدرسينه حق الامتحان
بصراحه امتحاناته صعبه على سهولة الماده
يسأل اسئله من بين السطور يعني احسن لكم قولوله نبي لامتحان موضوعي
لانه قلناله نبيه نص موضوعي ونص مقالي اكلناها لان المقالي صعب مع انه قال راح تكون الاسئله المقاليه سهله وواضحه
يعني لو في دكتور ثاني ينزل اخذو عنده او احفظو المذكره عدل والله يعينكم
واللاب كانت معيدتنا مريم الشميمري تفهم واذا ما فهمتي اساليها لانها بتشرح لج عدل اذا سألتيها
انا كنت ما افهم لها لما تشرح للكل بس استوعب اكثر لما اسالها تشرح لي اللي ما فهمته اللاب عليه 35%
اما المحاضره نفسها عليها 65%
توقعت على الاقل اطلع ب B-
طلعت ب C
- النجوم:
- المستوى: متوسط الصعوبة
- الشرح: شرح متوسط
- حصلت على: B
لا ننصح به
المـادة: أرض وكون0460111 التاريخ: 2007-06-05
الطالب: asoom رقم التقييم: 9987
صراحة هو شرحه ممل شوية لأنه على رتيبة وحدة ولا حتى يغير من نبرة صوته وامتحاناته صعبة وشوية ولكن سهلة على اللي متبعة وياه وتكتب بالنوته..
- النجوم:
- المستوى: سهل
- الشرح: شرح جيد جدا
- حصلت على: A
ننصح به
المـادة: الارض والكون التاريخ: 2006-02-25
الطالب: مها رقم التقييم: 2600
شرحة زين يبي احد يكتب معاه بالمحاضرة ويحترم الانسانة المحترمه ومايزف الااللي تمصخها وبصراحة امتحاناته من النوت اللي تدرس تجيب درجة عالية ويعطيج اكثر من حقج وانا ماخذة عندة اكثر من مادة ويستشير الطلبه بنوعية الامتحانات
- النجوم:
- المستوى: صعب جدا
- الشرح: شرح غير مفهوم
- حصلت على: D
لا ننصح به
المـادة: ارض وكون التاريخ: 2005-09-21
الطالب: ريم رقم التقييم: 935
مايحترم الطلبه
شرحه غير مفهوم ولايراعي الطلبه
امتحاناته صعبه
وغير متمكن من شرحه
---------------------------------------
الله يعينج على جدولج
واذا تبين تاخذين يوزر نيمي والباسورد عشان تشوفين باجي التعليقات قوليلي اعطيج ياه
وان شاءالله اكون افدتج
