تجمع امهات 2008 حياكم

[al_gardenia]

بنات هالاسبوع لقيت شقه بالاندلس اعجبتني بس وايد بعيده بس فيها مميزات يم الجمعيه اليديده الكبيره ويم الشارع والعماره يديده فريش لي الحين مو ماجره الا جم شقه فيه

نا رضيت لان حرام ريلي يبي يم دوامه واهله وعطاني اغرآت وايد هههههههههه عشان اوافق

واليوم وقهنه العقد والريال بيب شركه اتغسل الشقه وبعد يومين نستلمها

عاد الله يعني على التاثيث جني عروس يديده كلشي يديده من الصفر

 

[HaPpY_SpiRiT]

مبرووك غاردينيا على الشقة الجديدة و نصيحة اقري فيها البقرة بنية البركة و خليها شغالة 24 ساعة و انشالله ربي يوفقكم فيها
و بعدين صج انتي لساتك عرووووس:tek:​

 

[mrs_sugar]

هلا و الله ام جوجو
لا تستعيلين على الأكل تو الناس ياااالله لما يكمل الاربع شهور و تعدل نومته لما يكمل الثلاث تقريبا و بعدين بعلمج على طريقة بس لا تسمعنا مس شوغر:O_SHH_: (( ربع بسكوتة بدون غلوتين بحليبة الليل و أحلى نومة ههههه)) بس ارد و اقولج هذي مو الحين بعدين يمكن على أول الرابع آخر الثالث بس ديري بالج لازم تصير بدون غلوتين عشان بس ما يتحسس​

بخخ

ييتكم

شتقولون من وراي

:23_asmilies-com:

تومو بذبحج شتعلمين البنية اشياء ممنوعة :dddds:

شوفوا يا حلوين الإختراع العجيب

حليب ابتاميل عندهم نوع اسمه ابتاميل هنجري hungry

هذا يا جميلات حق اللي يحطون بسكوتة بالحليب

علشان يبطلون من هالسالفة

و يتم البيبي شبعان مدة اطول و بس

بدال البسكوت بالحليب​

 

[mrs_sugar]

القاردينيا

عساه منزل مبارك

هالمرة سمعي كلام توما

و شغلي فيها البقرة



او وجيه
ام جوجو
الاستاذة
كويتية 1
منو بعد


ممممممممممممممممممممم
لورانس
توما


شخباركم ؟​

 

[HaPpY_SpiRiT]

هلو شوغر
انا ما قصدت شي و لا قلت شي بريء يا بيه:tomato2: هههه
يعني الحين تنصحين بالهنغري و اشلون بس اخليها حق الليل و لا شالطبخة! بروحه اسم الله عليه وياالتسنين صاير ما يشتهي خير شر يعني رضعة الليل ويه البسكوتة نعمة ان خلصله رقم و لا رقمين حبيبي حيل كاسر خاطري طول اليوم يتنهوص و يفرك براسه عاد رحت اليوم شريتله الجل مال التسنين اوكي طعمه عجبه بس للحين رضعته مو ذاك لكنه راضي ياكل على الأقل االله يعين اتوقع على ما يطلعله هالضرس طالعة عيني معاه بعد عيني​

 

[b6o6a]

هلا والله بالبنااات

خلصنا امتحانات وتفرغناا


بس بعد اسبوع صيفي

 

[um jojo]

بااك ,, وااي سكتوو تاوا جوجو ينني مو راضي ينام مادري شفييه مسكيين عاد من امس ما اخرج و اهوه متعود كل يوم مرا يخرج و قاعد يتنهوص من الساعه 12 يوم شربته الرضعة الاخيرة لي توه , عطيته مرا ثانية حليبه الظاهر ياع من كثر البجي بعد عمري بس قبل لا اعطيه قلت بغيره و لا مخرج شويه بس يالله احسن من ولا شي

 

[um jojo]

هابي سبيرت و مس شوقر ( انا اخاف اعطيه من هذا ابتاميل هنجري و لا احطله بسكوته ينتفخ علي !! ) ..
انا اذكر يوم رحت وديته المراجعه الاوليه له بالسلام قالي الدكتور نصيحه انه تغيير الحليب من ماركة الى الاخرى اهيه اللي تسوي امساك للبيبي فديرو بالكم خليكم على منتج واحد مضمون

 

[زهرة الربيع]

انا اول ولاده لي ولدت 26 مارس بدار الشفا ويبت بنوته عواشه
واااااااااااااااااااااااااااااااااااااااي
يننتني عواشه خلتني انسى شي اسمه نوم تخيلو ماتنام الليل كله واضل سهرانه وياها لما تقعد الخدامه واروح اناملي كم ساعه
ونفس المعاناة اللي هي الغازات بس ريحني ماي الغريب وطبعا الاعشاب لا غنى عنها اللي هي الينسون والحلوه
ومرة يتها نشله وكحه نصحوني بالحلبه اني افوحها واحطها لها بالمميه مع شويه شكر وحده بوحده والله يهدي كل عيالنا قولو امين

 

[b6o6a]

زهرة الربيع كل اليهال ما ينامون الله يعينا

جربي تسوينلها نعناع فوحيه وشخلي مايه يقولون يوخر الغازات


ودير بالج تأمنين عالخدامه مو تخلينها بروحها معاها توها صغيره انا قبل اعطي بنتي الخدامه بس الحين لا حرام مادري خفت



ام جوجو نقعيله جم تمره يعني حطي تمرتين بكوب ماي حار وشخليه وحده بوحده حق الامساك

 

[أم وجيه]

السلام عليكم

صباح الخيرات

أمس الكل سهرانين بعدكم على السهر ؟؟ خلاص انتهت هذي المرحلة عندي وبدت مرحلة القعده من صباح الله خير من الساعة 4 تقعد تبي تلعب وخلاص طايره نومتها

توما الله يعينهم على التسنين صراحه شوفي احنا لما يطلع لنا ضرس عقل شلون العوار بعد عمري شلون البيبيات

الجاردينيا ان شاء الله هالشقة تكون خير عليج وعلى عيالج وريلج
وحطي سورة البقرة على طول فيها دايم عسى الله يبارك لكم فيها

وعلى العفش حلاتها التجديد عروس عروس أحلى شي التغيير والتغيير الكامل بعد يعني بتتعبين شوي بالفراره
بس عقب بتحسين بشي حلو ان شاء الله

بطوطه شلونج وين هالغيبه وشلون البيبي

 

[b6o6a]

هلا والله ام وجيه كان عندي امتحانات

تصدقين للحين مو نايمه @@

بنتي متعوده تنام الفير ومن امس طولت المده اليوم نامت 7ونص


والمشكله فيني انا مانمت وراها لول


شلونج وشلون العيال

 

[أم وجيه]

هلا والله ام وجيه كان عندي امتحانات

تصدقين للحين مو نايمه @@

بنتي متعوده تنام الفير ومن امس طولت المده اليوم نامت 7ونص


والمشكله فيني انا مانمت وراها لول


شلونج وشلون العيال

هلا والله بطوطه
زين سهرانه أمرج لله بس ليش ما نمتي للحين وهي نايمه المفروض تستغلين كل دقيقه
( وحده يوعانه نوووم )

عيالي الحمد لله تمام بس عاد الله يعينا على ا لجو لا تطلعين البنوته العسوله ديري بالج هاليومين
ترى مساكين ما يتحملون

ومتى النتايج ؟؟؟ ربنا يوقج ولا يضيع تعبج ​

 

[كويتيه وافتخر]

السلام عليكم

اشلونكم امهات
شاخبار الصغار

انا ولدي حبيبي حرارته مرتفعه تخيلوا 39.5 معورني قلبي
توني عطيته تحميله ونام مدري اشمنه الحراره

بنات باسالكم عن سنتر بوينت للحين تنزيلات وعلى جم صايره البجايم خالتي امس زف فيني بسبه ملابس العيال
تقول لاحقه عالتفصخ دامهم مايطلعون لاتلبسينهم الا بجايم وعقب الحراره اقتنعت ماكو كشخه بعد اليوم بجامه ودفوه ونومه بالسرير هذا شعاري والكشخه بس يوم الزواره اشرايكم تتوقعون اتم على كلامي
والله مايبيلنا زفه ثانيه اتوقع بجامات احسن

 

[كويتيه وافتخر]

بطوطه مبروك الخلاص ويارب التوفيق لج ولكل بنات تجمعنا الطالبات الله الله بالمعدل

وام وجيه ماقلتي لنا شاخبار استعدادج لعرس اخوج ويا الله دعوه عسى الله يوفقه ويهنيه يارب وشحليلهم المعاريس احبهم انا مايمر معيريس بالعايله الا محصله كومه دعوات من القلب عسى الله يهدي الشباب والبنات ويصلحهم ويرزقهم الذريه الصالحه اللي تعز امه محمد يارب

 

[أم وجيه]

بطوطه مبروك الخلاص ويارب التوفيق لج ولكل بنات تجمعنا الطالبات الله الله بالمعدل

وام وجيه ماقلتي لنا شاخبار استعدادج لعرس اخوج ويا الله دعوه عسى الله يوفقه ويهنيه يارب وشحليلهم المعاريس احبهم انا مايمر معيريس بالعايله الا محصله كومه دعوات من القلب عسى الله يهدي الشباب والبنات ويصلحهم ويرزقهم الذريه الصالحه اللي تعز امه محمد يارب

الله يسلم قلبج وان شاء الله تشوفين عيالج معاريس وعرايس يا رب الله يخليهم لج ويحفظم
تدرين والله الدعوه دخلت قلبي حسيتها من القلب صج

توني والله على الاستعدادات لا جديد كسوله لأبعد الحدود والجو ما يساعد على الطلعة أبد

وعلى سنتر بوينت ما أعرف على كم صارو البجايم اليوم ان شاء الله بروح بس عاد يتعدل الجو أمس ما قدرت من خياسة الجو استغفر الله

ديري بالج على العيال ترى الجو أصلا كله مرض وخلهم على البجايم دايما أحس لأنه التكييف يذبح اليهال
ولما تطلعين فصخي مثل ما تبين ​

 

[أم وجيه]

بنات منو تعرف وين نادي عالمي الممتع ولا رقمهم ؟؟؟

 

[أم وجيه]

يا بنات أبي مكان يحفظ قرآن حق وجيه وين أكو بس أبيه قريب للفروانية أو خيطان أو جنوب السرة يا ريت اللي تعرف تقولي

 

[كويتيه وافتخر]

هلا ام وجيه

خلاص تم عالنصيحه ماكو تفصخ الا برى البيت بس شسوي بالبنات العوب اللي الفساتين تشوق عليهم

المهم الله يعينج والدعوه والله من القلب وماعليج يمديج بتلقين اللي يعجبج ان شاء الله

بالنسبه لنادي عالمي الممتع مااعرفه بس ليش ماتسوين نفسي سويت له نادي بالبيت برووحه حق الدلع
ومشركته بالقاعده الحلبيه لغه عربيه وانجليزي
المهم شوفي ناديي

خذيت له طاوله وكرسي على شكل سبايدر مان شخصيته المفضله ورحت لج مكتبه العجيري شريت منها كتاب جمعيه المعليمن حق اولى ابتدائي وبما ان اختج مدرسه خذيت لي شويه بطاقات والوان بالحروف العربيه والارقام بعد
وخذيت له معداد صغير حق الرياضيات وخذيت له طين للتشكيل

وعقبها رحت بوميه الله يخليه ذخر للامهات خخخخخخخ وخذيت له جم لعبه تركيب وجم لوحه يبيلها تعبئه شيء بالزري وشيء بالاولوان

وسكتي الولد مكيف مايبي يطلع من البيت
غير هذا له ساعه باليوم يدخل على موقع بالكمبيوتر انجليزي

بس القران مقصره فيه للحين مافضيت عدل يبليه اشتريله اللاب التوب اللي فيه جزء عم واتابع معاه عاد انا مدرسه اسلاميه وقران اذا ماحفظت وليدي تبقى فضيحه

بس خل اخلص من تاسيسه للغه العربيه واشوف لي وقت للقران باذن الله

والله يوفق وليدي ووليدج ويطلعون نوابغ مستقبلهم يارب

 

[أم وجيه]

الله يسمع منج كويتية

بس آنا ام أبي دراسة آنا أبي قرآن اهو ماشاء الله عنه حافظ وايد من جزء عم
ترى اللاب توب مال جزء عم رووعه والأحلى انه فيه الأحاديث الصغيره آنا يبته له من زمان وايد وللحين يحبه ويحفظ منه
بس طبعا القرآن آنا قاعده على راسه يبا نبي تاج بالجنه ان شاء الله لي ولج ولكل البنات ولكل المسلمين يا رب
من ناحية اللعب ما يبيله توصاي