تجمع امهات 2008 حياكم

[كويتيه وافتخر]

السلام عليكم

اشلونكم امهات
شاخبار العيال

 

[HaPpY_SpiRiT]

السلام على احلى امهات
والله انا اللي صج مضيق خلقي هالوليد ما ادري شيلي ياه لاحظته بين فترة و الثانية ينتفض ما ادري من شنو! هي البداية كانت لما حاشة الامساك بس الحين لا والل ردت عليه حبيبي ما ادري اشفيه و حتى حليبته يلله بالزور يكملها! يضيق الخلق صاير​

 

[HaPpY_SpiRiT]

وييه استبرق انا توني رادة مذركير و لما شفت سوالف البنات عندهم قلت الله يعيننا لو كانت عندنا بنوتة لا بالله بشرنا بالافلاس هههه:dddds:​

 

[HaPpY_SpiRiT]

هلااااا كويتية احنا بخير انتي اشلون العيال
و اللي يعافيج بقلبي سؤال يقرقع من زمااااااااان
انتي متى تنامين؟؟؟؟ :ggdw:​

 

[كويتيه وافتخر]

هلا والله توما

الحمدلله اسهر معاهم لي الفجر من الساعه خمس ينامون زين لي الساعه 8 هني انام

والصبح تقعد معاهم الخدامه ليما اقعد الساعه 9 او 10


كل شيء علشانهم يهون ومردهم بينامون زين وارتاح

 

[][^lorans^][]

شلوونكم بنات شخباركم وشخبار ورعانكم اليكم اخبر اخبار السوق انار عنده خوووش كراسي للسيارة على 22 و عنده دريات على 6 و 8 و12 وكل السوق تزيلات _03BA:
​

 

[أم وجيه]

السلام عليكم

صباح الخير والخيرات على أحلى بيبيات وأمهات

النشيطات والكسولات ومرتاحات

شقورة شخبار عواشه اليوم ان شاء الله تمام

الجاردينا صبح صبح الله يعينج على الجو التغيير وشخبار التأقلم مع العيال

الأستاذه شلونج وشلون زيونه العسوله

توما وبنت بنوت متى نتايجكم على خير ان شاء الله ترى نبي حلوان النجاح يوصلنا ان شاء الله

لورانس ديري بالج ومثل ما قالولج البنات علمي بنتج تخاف وخوفيها عدل

منو قاعد اليوم صبح صبح

استبرق طمنينا لما تردين من الطبيب عنج

 

[أم وجيه]

لورانس على طاري التنزيلات أول أمس رحت السنتر بوينت وخميت لفطومه و وجيه وثاني يوم نزلو تنزيلات اضافيه

بس تدرون برد مره ثانيه اعجبوني البيجامات وايد وايد للبنات والأولاد خذيت منهم وايد أشكال بس دام تنزيلات اضافيه برد آخذ بعد لأنهم حلوين ويعني ما يخلى الأمر من انه يعجبني بعد كم شغله وباخذ حقي بعد آنا مغرمه بسنتر بوينت للعيال أغراضهم روعه غسيل ولبس مال كرف ولا يختربون ولا تتغير ألوانهم

 

[كويتية1]

صبااااااح الخير اشلونكم؟؟


ولهت عليكم سامحوني مع الدوام صاير ماكو وقت

عسى مانسيتوني

صايرة بس ادش اقرا اخباركم واطمن عليكم واطلع


اخر اخبار بنوتي

خففت الرضاعة الطبيعية لان صاير ماعندي وقت

وصايرة ريون تحب الاكل بس ما ابي اعطيها قبل 6 شهور بس بالزوارات خالاتها يذوقونها غصبنعني لووول واهي اتنطع

بنات عادي حليب صدرس ينشف بروحه ولا لازم اخذ حبوبو اتنشفه؟؟

وبسالكم بعد خروج ريونه ساعات يصير تكرمون لونه على اخضر ليش؟؟

 

[كويتية1]

الجاردينا الحمد الله على سلامتج والله يعينج على الكراف

ام وجيه اشلونج
شقورة وتوما واحلى ولورانس واستبرق وكويتية وباجي البنات اشلونكم نفرنفر

 

[أم وجيه]

هلا كويتية1 الله يعينج على الدوام بالذات بالأول على ما ترتبين أمورج يكون صعب وعقب تتعودين

ليش بتنشفين حليبج حرام أعطيها حتى لو شوي وما أدري عن سالفة التنشيف أكو ناس ينشف بدون حبوب وناس لازم حبوب أعتقد حسب المدة اللي تميتي ترضعين فيها

على الأقل خلها ترضين لين تصير تاكل زين وعقب خلها تهد الرضاعه مع اني بعد ما أشجع

 

[الاستاذة]

صبااح الخير بنات شلونكم وشلون عيالكم؟

هلا القاردينا ولكم باك

اهلين استبرق رقم موس 5325120 بالجابريه اجبال بنك الخليج واغلى تسريحه ب 17 انا كنت مسويه تسريحه بليلى هارموني اب 45 اهما سولياها اب 17 شوفي الفرق بس ماعرف اساميهم والله بس كلهم شطار

هلا والله توما انشالله تكونين ناجحه يارب

مس شوقر ماتشوف شر عواشه انا زيونه بليل وايد تستعسر وما تهدى الا ليمن اقرى عليها بصوت عالي جربي مع عواشه

كويتيه وافتخر شخبارج وشخبار الكتاكيت

بنت بنوت ليش السهر عاد اشلون سارونه؟

صبح صبح ام وجيه رفيقة الصباح شلونج وشلون اليهال سنبر بوينت بس سوى بحولي والري تنزيلات ولا كل الفروع ودي اشتري لها بجامات

لورانس الله يستر علة بنوتج وسوي مثل ماقالولج وانشاله ماكو الا الخير

 

[أم وجيه]

الأستاذه لا بس حولي والري آنا حولي ما رحت بس الري عندهم بجايم حلوين وايد وأشكال وايد وكم طويل هذا أحسن شي علشان اليهال ما يتغطون بالليل والقطن مالهم رووعه كثر ما تغسلينه مثل ما اهو توكلي روحي يبيلها بجايم

 

[الاستاذة]

اي انا احب قطن سنتر بوينت مثل ماقلتي غسل ولبس

 

[um jojo]

هااي امهاات 2008 شخباركم , اشدعوه محد فيكم فقدني
انا يوم الاربعا طلعت من الانفاس و لهيت شوي و جوجو اول يوم بالشقة ينني مو راضي ينام بس الحين بحاول اعوده ينام امبجر قمت اسبحة الساعه 11 انا و ابوه هيهي و بعدين نعطيه حليبته و ينام ...
بس بسالكم بنات ترا عجي انا بجر و ماعندي خبرة بشي ( متى الياهل يبدي ياكل ؟ _ و شنو اقدر اعطيه غير الحليب الحين اهوه عمره الحين 42 يوم و انا مرات اعطيه ماي و تمر ولا ينسون و ماي وسكر نبات اذا صار فيه بفهاق , و امس قطيته عند اختي و رحت الممشى و الا امس نام خوش نومه لما سالتها قالت انها عطته ماي زهر مع الماي ...

 

[um jojo]

واي بنات اليوم رحت الافنيوز ودخلت بروي واااااي حلاتهم في نفانيف يهبلون بس مو طلعه يبون حفله ولا عبيد لانه وايد نافشين يعني مو النافشين شوي الي عادي للطلعه واسعارهم حلوه على 40 و45 قلت شكلي بروح افتر اذا مالقيت مثلهم شكلي بشتري لبروقه للعيد انشاءالله عشان ما اعتفس بعدين وحتى خذيت لها نفانيف الي للطلعه يهبلون صج مو الي احبهم عليها الي نفشه ودانتيلات وهالسوالف بس ناعمين وحلوين واسعارهم بعد حلوه على 8 و13 بس يهبلون

استبرق شخبارج وااي الله يعيينج على حوسه العيد انا اشوه جوجو صبي قلت بس اول جم سنه بلبسه بدل كشخة و بعدين دشداشه و بس يالله ادور حق نفسي :eh_s(3): , و اشوه يوم الاستقبال يابوله بدل تهبل و من 3-6 و في حق بو سنه , بس تصدقين وناسه سوالف البنات مع الباندات و الشعر الحين ودي الثاني بنت يوم ياني صبي الله يخليهم لنا يارب و يحفظهم

 

[][^lorans^][]

هلا والله كويتية 1 احنا كويسيين خاااااااااااااااااااالص مااااااااااااااااالص

 

[HaPpY_SpiRiT]

هلا و الله ام جوجو
لا تستعيلين على الأكل تو الناس ياااالله لما يكمل الاربع شهور و تعدل نومته لما يكمل الثلاث تقريبا و بعدين بعلمج على طريقة بس لا تسمعنا مس شوغر:O_SHH_: (( ربع بسكوتة بدون غلوتين بحليبة الليل و أحلى نومة ههههه)) بس ارد و اقولج هذي مو الحين بعدين يمكن على أول الرابع آخر الثالث بس ديري بالج لازم تصير بدون غلوتين عشان بس ما يتحسس​

 

[HaPpY_SpiRiT]

كويتية اشلونج و شخبارج مس يوو والله الله يعينج على الدوام و حوسة البيت حاولي تستغلين الوضع و تضعفينلج جم كيلو خخخخ وحدة ميتة تبي تضعف:dddds:

ام وجيه والله اليوم رحت جيكت على النتايج الله لا يواريج تبجي بس ستيل أقراهم و انا أضحك لأني الصراحة هالكورس سويت العجب زين مني نجحت​

 

[al_gardenia]

كويتيه احنا بخير انتي شلونج شلون عيالج عساهم بخير


توما حرام كسر خاطري صلوح وديه الطبيب عشان انتي تتطمنين واحنا انتطمن


ام وجيه اهلين شلونج ولهت عليج شلون فطوم ووجيه انا والله لي الحين ماستقريت مع اليهال قاعده بيت امي وناس طالعه وناس داشه ياست ابي ارد لندن باي طريقه



كويتيه1 الله يسلمج حبيبتي وعلى الكرف الله كريم ويكون بعوني وعلى الحليب اتوقع عادي ينشف بروحه بس ابش اتنشفينه خليه لو رضعه باليوم

اهلين الاستاذه ثانكس وعلى قطن سنتر بوينت انا معاج صج يهبل كد ومد وناعااااااااااااااااام