تجمع امهات مواليد شهر 7 و 8 لسنة 2010

[فلافل وبطاط]

لا اتطقينه قلبي يعورني اذا صرخت على بنتي
والطق يخليه يعاند حتى لو بسيط عالايد وترا
سنه سن تعليم وتهذيب مو تأديب وتأسيس ...
خلج لينه معاه ...

وان شاء الله يفيدونج الامهات .. اكثر ونشوف شنو
وجهات نظرهم ....

وعالبجي حقريه مره ومرتين راح يسكت وينسى يلهى
بشي ثاني ... مو شرط كل اللي يشوفه يبيه ... هالحركه
علمني عليها ريلي ... ما اعطيها اللي تبيه بس اعطيها
شي ثاني تحبه وفعلا تنسى ... طبعا بالتدريج ...

الطايف الله يخليها لج لا اتنومينها بالنهار وخليها اتفرغ
كل طاقتها عشان من يصير الليل اتطخ بتنام ...
اخذيها غرفة النوم وخففي الاضاءه وقولي لها قصه او اقري
لها سوره قرآنيه وان شاء الله ينفع ..

انا بنتي لو اقعد معاها باضاءه او مجابل التلفزيون او بالصاله
تقاوم النوم اتصحصح زياده ،، فعارفه وقتها الساعه ١٢ ادخلها
وتحوس بالفراش شوي لين تنام ...

و الاسنان طبيعي اتسنن ابد مو بدري عليها ... سنها مناسب ..

 

[AVE.NJ]

مبرووووووك ايييفا عليه بالعافية فهووود
عاد بنشوووف الصووور ورينا

من وين طلبتوا البوفيييه؟؟

حبيبتي ايمانو ماتقصرين
والله مااعرف انزل صور ودي حيل بس كله يطلع لي الصور معطوبه ماادري ليش
البوفيه طلبته من مطعم فندق السفير والحلو يبت من سلفرينيا وشاكو كاتو جنه جذيه اسمه من الروضه اذا تعرفونه
بس تنظيم الحفل ظيم ماانصحكم فيه مع اني كنت حاجزه عند بارتي لنك بس ردو لي فلوسي لانهم محجوزين
انشالله بسوي حفله صغيره اذا مشى فهودي بس ماراح اعزم احد وايد بس اهلى واهل ريلي
وبيب بارتي لنك مو هل الشركه الدايخه حتى مكينة البرد خربانه سووه اليهال جنه عصير
واي اساله انه حاظره
بس صج ودي كل شهر شي فهود وايد مستانس

 

[AVE.NJ]

فلافل ودي انزل صور انه عادي
بس شسوي ماادري العيب من لاب توبي والا فيني مو راضي يصير
والتفاصيل مقدمة البرامج هنديه بس يقولون انه مدرسه اليهال استانسو عليها بس تظل مو هذا اللي ابيه
والشركة وعدتني 50 هديه مايابو
بس عطيتهم فلوسهم خفت يدعون على ولدي
ويبت مالت صاج اسمها ام صهيب لبنانيه وايد حلو شغلها اليهال يلعبون شويه وياكلون
ماخلت شي اجبان ولحوم وفلافل حتى النوتيلا
ويبت مال المسافط
والكيكه يبتها من الخباز على بارني طلعت على 70 دينار
كنت مسويتها على السنافر بس الكل قالي فهود راح يبجي واذا شاف بارني يمكن يسكت وغيرتها بس فهود مستانس
تخيلو مانام الا الساعه 1بالليل مايبي شي يطوفه

 

[ايمانو حلوة]

ياحلاته والله فهووود
اهم شي انكم استانستوا انا وايد احب حفلات الاطفال
والله يعطيج انشالله طولة العمر وتسوينله اكثر بعد ويبلغج فيه معررررس ياااارب
بخصوص الصور بس حطي وصلة جهازج ونسخي الصور باللاب مالج تالي روحي موقع اسمه عروس لرفع الصور ورفعيهم ونسخي روابطهم هني
ايمانووو حلللوة تبي تثوووف ثوورة فهووودي اللذيييذ

 

[فلافل وبطاط]

نااايس وان شاء الله حفلة الشهاده العليا والعرس يااارب

 

[AVE.NJ]

مشكورين ايمانو وفلافل
ترا الصوره الرمزيه هذا فهود اللي ماسك التفاح

 

[فلافل وبطاط]

ادري فديته الله يحفظه ..

خوختي منتشله كاسره خاطري ...

 

[كتكوته22]

قوه امهات شلونكم وشلون كتاكيتكم ايفا كل عام وفهود بخير وعقبال ما تشوفينه معرس صارلي جم يوم افتر بالسوقه اجهز حق بنوتي شتوي وأي لبس اليهال زوووغه بس بنات ابي بوتات حلوه وذربه وين احصل غير مذركير ما عجبني شي ابي الي فيهم فرو بعد امهات البنيات فيدوني

 

[AVE.NJ]

فلافل انه بعد ففهودي منتشل
الدكتوره ريم قنواتي باجازه دخلت على الدكتور مدثر مايحبه بجى اشكثر
بس الحمد بس نشله ماكو احتقان
عطوه ادفيل وبخاخ
بس كله دايخ

 

[AVE.NJ]

مشكوره كتكوته الله يخليه لج بنوتج
انه مذركير كلش مااحبه وحتى سنتر بوينت

 

[فلافل وبطاط]

اهلين كتكوته حتى انا بديت اجهز وبوتات للحين ماشفت
شي عجبني ابي الافنيوز بس مارحت للحين ..

افتر على الاسواق العاديه للحين ما دخلت بالصج ننطر المعاش

ايفا سلامته حبيبي ... انا اسمله عليها فيها طاقه بس على تعب
تلعب وتطيح تمشي وتطيح وابوها مايرضا تروح طبيب الا بالشديد
القوي لاسمح الله ...

 

[AVE.NJ]

احسن فلافل انتو الصح لازم الجسم يقاوم
بس احنا مانقدر نقاوم لانه طول الليل مانام وانه كنت ابي اجيك عليه
مايريق كلش بس مالقيت دكتورته مردي بروح لها بس يمكن عقب العيد
بعد قالي وزنه اكثر من الطبيعي وطوله اكثر من الطبيعي قطيعه الكل حاط عينه على الياهل
ماياكل نفس قبل بس غدا وعشا بنانا العصر
بعد شسوي

 

[AVE.NJ]

عاد الصبح ماكان فيه حراره
الحين درجة حرارته 38.1
عطيته ادول واهو نايم مسكين اليوم قزره بالنوم
مو راضي ريلي اعطيه تحاميل بس ادول عاد اقعد طول الليل متنحه وبقلق
وانومه يمي مااقدر احاتيه
الله يستر
تغيير جو

 

[بربيره]

بناتو انا شفت يايبين كوليكشن بوتات ببايليس تقدرون تروحون و صاجين ملوت مذركير مو ذاك الزود بس عندي بوت ماخذته احلا منهم انزل صورته اذا قطوتي قعدت باجر و قولولي رايكم *

 

[بربيره]

ايفي ذكرتيني ببنتي قبل جم يوم نفس الحاله كانت تقريبا ٣٩ سبحان الله يقولج الطفل بهالعمر بسرعه يمرض و بسرعه يطيب

خليه ينام يرتاح انا كانت تكرمون ترجيع و صخونه ورحت عطوني ادول و عطوها تحميله ولان ابوي دكتور رحت بيت امي و كان يقولي

علاجها الراحه و خل تاكل موالح كان يسوويلها بطاط يحليله والحمد لله بسرعه طابت امي كانت تعطيها الادول شراب انا ما احب التحميله اهو نفس الشي الشراب و قالتلي الدكتوره لا تلبسينها وايد ملابس و حاولي تضبطين التكييف لا تكون حرانه الله يبعد عنكم و عنا الامراض و يشفي كتاكيتكم يا رب

والله بهالفتره حيل كانت تعور قلبي حاسه فيكم والله كنت انقمت حيييل

 

[مزيونه 79]

شخباركم بنات
ايفا سلامة فهودي حبيبي مايشوف شر

 

[مزيونه 79]

ألحين تغير جو وتقريبا كل اليهال ألحين نزلات برد ونشله
والله يشافي الجميع

 

[برميت]

صباح الخير حبيباتي
حدي ولهت عليكم :**

 

[مزيونه 79]

اهلين برميتوا شخبارج ياقلبي واشلون الوالد ألحين بشري عنه
واشلون كوكا ولهت عليج معنج متواصله معاي بالوتسب (قصدي ولهت عالسوالف معاج بالمنتدي ) لووووووول

 

[مزيونه 79]

بنات جهزتوا حق العيد ولا قبيب شاليهات وسفر