تجمع امهات مواليد شهر 7 و 8 لسنة 2010

[EleGanZa]

دامكم تتكلمون عن الســوق

انا نوعي البس حمود اي شي اشوفه جدامي حلو

سواء غالي او رخيص

من بجايم وملابس طلعه وتكرمون جواتي

لان مرات ما يبين ..

ذكرتوني لازم اجيله هدوم شتويه عاد حدييييي مالي خللللللللللللللللللللق ياليت السوق ايي لي عندي

 

[فلافل وبطاط]

هههههههههههههههههههه اعجبتني ايي لي عندي
مي تو ياريت والله ...

اخر مره رحت مايشجع السوق كان سيل وكوليكشن
الشتا بسيط ... والحين متعايزه والله ...

واحلى وافضل شي جذي مو مهم غالي او رخيص
المهم شكله النهائي وخامته اوكي ...

 

[مزيونه 79]

صباح الخير
صاجين اي والله يبيلنا ملابس وترنقااات حق الشتا لان اسم الله عليهم اليهال كبروا ولازم تجهيز كااااامل
مشكورين فدتوني بالاماكن الحلوه انطر الويك اند واروح اتشري لهم لان ايام الاسبوع كلش مافي وقت
بربيره تنزيلات الدعيه لمده جم يوم

 

[غنوة ستايل]

قوه بنات شلوونكم

 

[AVE.NJ]

اهلا غنوه
اهلا روزي
شلونكم بنات
اخيرا انشالله بسوي عيد ميلاد فهود ادري متاخر بس انشالله يعدي على خير خلاص قررت اسويه
ولاهيه حجزت البوفيه والشركه اللي كنت حاجزه عندها حديتها الا 20/10مايقدرون عطوني فلوسي
والحين قاعده ادور ملوت الوسيط خرابيط حق اليهال
بس ماابي نفيش وذره وايد وصخ ماابي
ابي بس مكينه برد وشعر بنات
وبييب مالت الصاج وعلشان بسرعه بسرعه حجزت عند الخباز كيكه على سنافر مو عاجبتني ابي على سيياير
ولاهيه ادعو لي بنات يصير هالمره وماياجل يارب واللي عندها افكار تقولي

 

[بربيره]

روزي والله ما ادري للاسف ما سالت

بنات انا اليوم رحت السوق ظاق خلقي حيل

ما اعرف اطقم للصبيان اصلا تجهيزهم وايد اصعب من البنات

احب نظام الهاي نك بالشتا و احسه راقي بس الي ابيه مخلص قياسه كنت بمذركير الافنيوز

احس الصبيان يبيلهم فره اكثر من البناااااات تهئ تهئ

 

[AVE.NJ]

اشلونكم بنات
ويت برميت ليش مختفيه ؟
انه رحت سوق ابو 100 لقيت مافي شي 100 كله غالي قلت هدايا حق اليهال
رحت دايسو ماكو شي شريت جم حبه طلع على 20دينار رحت شريت من الجمعيه في سوالف حلوه حق اليهال
صج على ربع ودينار بس شي يسوا
والحين الله يعيني باقي لي هدايا الخدامات ماشريتهم بس شريت حق الكبار من سناء
واللويه انه ليه الحين ماخلصت

 

[ايمانو حلوة]

ايييييفا
هابي بيرذداي حق فهوودي مقدما يشوووق بالصورة اسم الله علييييه وقواج الله انشالله مثل ماتعبتي عليه وهو صغير باجر يكبر ويقوم فيج انتي وريلج ان شالله



اي صج برميييت بخير بس ابوها شوي تعبان بالمستشفى ادعوووله بنات دعوة المسلم لاخوه بظهر الغيب مستجابة
وعسى الله يلبسه ثوب الصحة والعافية ان شالله

 

[sara_77]

في تريننجات بماكس حلوين ويشوقون في طقم وفي جاكيت بروح وبنطرون بروح وانتي تركبين خذت حق بنتي جاكيتين وبنطرون

 

[sara_77]

ايف فديته اسمله عليه ... مستغلته عدل بنت اختج الله يخليها
هههههههههه

لا اتخربين الرجيم ههههههه اكلي بالعافيه بعدها نزلي تسوقي

قلبي عورني نومتها وهي زعلانه ... موصخه وبغير لها تركض
ومو راضيه وصدتها وبالغصب غسلتها ،، بلبسها البامبرز رافعه
ريولها وامعرده مو راضيه اتنزلهم واحاول فيها واضحكها والعب
اتخزني ومعانده صرخت عليها صرخه خااافت وبوزت واتطالعني
لبستها وخلصت لميتها وبستها وقعدنا نبجي ): ونامت ... احبها
اول مره اتنرفز عليها حيل ...

عادي مع الحمل والثقل تتنرفزين بسرعه وماتتحملين انا كنت جذي مع بنتي لما كنت حامل

 

[AVE.NJ]

مشكوره ايمانو حبيبتي ماتقصرين والله
والله يشافي ابو برميت ويقومه بالسلامه والله ياجرهم

 

[فلافل وبطاط]

ايف واخيراً راح تسوينه ... الحمدلله ... إيه عفيه خلصي
شغلج وضبطي كل شي وان شاء الله تستانسون بحفلته

شنو شريتي هدايا حق الحريم ؟؟؟
وليش ماحصلتي شي في بو ١٠٠ ؟؟؟
دفاتر استيكرز وكراسات تلوين وألعاب وشباصات وايد فيه
شغلات ... بس يبيله تفترين لان مكان عن مكان يفرق ....

الله يهون ويسهل واولد بالسلامه ،، احاتيها متعلقه فيني شلون
وقت الولاده اهي حتى رضعتها ما تاخذها الا مني ... فديتها

يبيلي اطلع هاليومين ناقصني اغراض شوي من تجهيز البيبي
وانا للحين ماخذت لي ولا اخذت لشيوخه شي للعيد وللشتا ...

 

[فلافل وبطاط]

حبيبتي برميت الله يشافيه ويقومه بالسلامه ويطمنكم عليه ...

 

[EleGanZa]

ايفا

عليه بالعافيه فهودي وكل عام واهوه بخير يارب والله يحفظه لكم :*





بنات متى نبدي نربي عيالنا عالصح والغلط ..؟؟


انا حمود اي شي يبيه اعطيه لان يصارخ ويبجي ذبحني اعطيه عشان يسكت بس

وفوق هذا يتعلم يتفل ويطق واقوله عيب واطقه على ايده ماكو فايده

الله يعين

 

[*Little**Angel*]

شلونكم بنات
ولهانه عليكم وااااايد

ايفا كل عام وفهودي بخير يا رب الله يبلغج فيه معرس ان شاء الله

 

[AVE.NJ]

اهلا ليتل انجل اشلونج والله انه ولهانه عليج حييييل
وينج ؟؟؟:hjy5jewf:

 

[AVE.NJ]

اخيرا بنات خلصت العيد الميلاد
افففففف
والله تعب
صج تعب
والله بنات مانمت طول الليل من التعب
استانس حيل فهودي والله فاجاني مستانس مابجى كلش ومستانس والشخصيات يضحك لهم الحمدالله
بس صارت مفاجات
مقدمة البرامج يابو لي اياها هنديه تصورو و المكرفون خربان
بس البوفيه اينن والاكل راهي
يعني شي غطا شي
الحمدالله عدا
اهم شي فهودي استانس

 

[الطايف احلى]

بنات بنتي جننتني نوم وسهررر الين اسرح عيالي الصبح والله تعبت انا ام ماريا من زمان مادخلت بنات طلعتلها ضروس احس بدري مر اهي والده 25/7/2010

 

[ايمانو حلوة]

مبرووووووك ايييفا عليه بالعافية فهووود
عاد بنشوووف الصووور ورينا

من وين طلبتوا البوفيييه؟؟

 

[فلافل وبطاط]

مبرووووووووك ويستاهل فهووودي عسااا دايم السعاده ماتفارقه
بوجودكم وبوجود حبايبه ياااارب ...

شوقتينا صور تفاصيل مني مناك لا تبخلين هههههههههههههههه

اليجنزا احس من البدايه اول مايسوي الحركه الغلط من اول مره
لازم نقولهم لا او عيب او غلط ... وبنتي باديه اتقلد وتلقط الكلمات
فكثر ماقدر بالبيت او برا احاول ما اخليها تسمع كلمه او تشوف حركه
مو زينه ... حتى اذا اخوي الصغير او حماي او احد يكون مو قاصد الغلط
بس ازفه وهي تشوف تعرف ان اللي سواه غلط ...

وعموما الصبي غير البنت امي دايما تقول الولد نشاطه وطاقته لازم تتفرغ
ومايطلع ولد اذا ما تشاغب ههههههههههه امخربتهم امي ...