تجمع امهات مواليد شهر 7 و 8 لسنة 2010

[عاشقة لندن]

عاشقه لندن هلا والله
اشلونج واشلون عيالج

هلا فيج ام فهودي

الحمدلله كلنا بخير فديتج

انتي شخبارج ؟وشخبار فهودي ؟

ام زاكي

انا الحمدلله بخير ياقلبي انتي شخبارج؟وشخبار عيالج؟

 

[الطايف احلى]

الطايف احلى الله يخليييهم لج انشالله

انا محتاره مادري احمل الحين ولا انطر ولدي يكبر ؟؟

انتو شتشوفون

اذا بكريه انا ولدي يوم كمل سنه بكري حملت طوا لي عشان ابغى احد يلعب معاه فاذا انتي بكريه وقد مسؤلية 2 شدي حيلك

 

[الطايف احلى]

تسلمين يافلافل وبطاطا

 

[برميت]

برميت

هلا فيج حبيبتي

والله حتى انا مشتاقه لج وللبنات

شلون شخيه ؟طلعت خفيفت دم مثل امها ولا لا؟

بعد قلبي عشوقه

كوكا بخير الله يسلمج ..و تهبل تينن فطينه و ذكيه و شخصيتها قويه
كلش مو مثلي ..مثل عمتها بالضبط
الله يستر عليها ياارب:yaaaaaarb:

 

[برميت]

قوه بنات

امس كوكا حبيبتي درجه حرارتها 40

كانت نايمه يمي و حسيت بمطاره حاااره لازقه فيني
فزيت من نومي و امسكها تصلخ ..و اركض اقيس حراراتها الا 40
ماادري شسوي ..جان ادق على ريلي بالدوام ..و اييني طاير
و ادق على امي ..كانت مع ابوي بالطبيب ما تقدر تييني
و كوكا من الحراره صار فيها اسهال
قالت لي سبحيها بدون راسها ...و ادخلها الحمام و اكت عليها ماي ..بعد قلبي تنفض جنها كتكوت
و احط لها كمادات ..و اعطيها ادول و مضاد حيوي ..
الحراره كانت معاها من يوم اليمعه بليل ..بس موراضيه تروح وديتها الطبيب السبت ..و قالي اذا ما نزلت الحراره عطيها مضاد ..خليه اخر احتمال ..مو حاب فكره المضاد كلش ..بس جنه يدري انه الحراره بتشب عليها
طول اليوم ..حراره تنزل و تصعد ..لي اخر اليوم الا انا خرجه ..حدي تعبانه و دايخه و راسي مصدع و صايمه و رجيم ..صج صج تعبت
و اليوم رحت الدوام و خليتها بالبيت بعد قلبي و حدي احاتيها ...ان شاءالله امي ترد من الطبيب بسرعه علشان تجابلها على ما ارد البيت

 

[AVE.NJ]

برميت ماتشوف شر بنيتج
ترا هاب هالوقت
يقولون دكاترة الاطفال بالحكومه والخاص متروس
تغيير جو واتلاقينها بتسنن الله يعينج
انه هبيت بالرجيم وضعفت 4كيلو بس من الرمضان خقيت الحين ثابت64
باجر عندي ملجة ولد حماتي عندي بدلة من قبل لااحمل لبستها امس
والا مايتسكر السحاب صوب الصدر
وهذا لابستها مع الكرسيه
بس راح البسها اشلون ماادري

 

[برميت]

وااي سكتي ايفا ..تعبت من رجيم لي رجيم
سويت رجيم التمر و اللبن وزني كان 76 بعشر ايام صار 71 و خذيت اوف يومين و صرت 72.1 و علق مو راضي ينزل
و امس بلشت رجيم السوائل ..ابي ادش عالم الستينات ...حلمي و منى عيني اشوف 62

 

[AVE.NJ]

برميت يبيله اراده بس
انه من ولدت غرامي الكاكاو
تدرين اول اقول ويع اشلون ياكلونه يقعد بالبلعوم وكنت عصله 55 كان وزني
الحين الكاكو اموت عليه تغيرت هرموناتي
وقبل مااكل شي اسمه فلافل مااحبه اقول ريحته بقل
وانه تنسيت فيه كنت اشم فلافل
اكل بين وجبه وجبه فلافل والمشكله ليه الحين احبه اروح مطعم بفحيحيل حق فلافل ومطعم بشويخ حق فلافل اشهق عليه
ماكو اراده كلش ماراح اتعب روحي برجيم

 

[فلافل وبطاط]

برميت سلامتها الغاليه سميت الغاليه ... ماتشوف شر

ريجيم ): الله ياحلووو الكلمه ...

وزني صك ال ٦٨ يااااا يمه شنزله بعد الولاده لااا وجدامي
شهرين ونص بعد الله يعلم جم بوصل ...

وانا اللي قبل الزواج اوقف عالميزان واقوله تكفه وصل ٥٠
اياااااام ... والله ذكرتوني فيها ....

 

[ايمانو حلوة]

الطايف
حلااتها بنووتج ربي يحفظها


برميتووو
ماتشوووف شر شيوووخة حيااااتي الظاهر تسنين رهف جذي بعد ديري بالج عليها



رهووووووف مشت عمرها سنة و شهر بس ظلت فتترة ماتبي المشي تخاااف تنح وتحن لاني الظاهر خرعتها ابوها كان يمشيها وحسيتها بطيح قلت لا لا شهقت وبعدها بجت بس الحين شوي شوي وانشالله ترد تمشي الخااايسة
بس الكللبة حنوووونة اي شي بحلجها او بيدها لاااازم تعطييييني حبيبتي وتوكلني وتوكل ابووها بس صايرة حوووسة وشيتووونة وتحب اللعب مع اخوي الصغير واختي تستانس معاهم بالحوووش وانا شقتي حكرة فتلقوونها تحححن وتستعسر

 

[Om.Zayed]

اذا بكريه انا ولدي يوم كمل سنه بكري حملت طوا لي عشان ابغى احد يلعب معاه فاذا انتي بكريه وقد مسؤلية 2 شدي حيلك

الله يخليهم لج انشالله

 

[Om.Zayed]

بنااات شنو المسلسلات الكرتونيه المفيده وتنمي قدراته العقليه حق عيالنا انا زيودي يحب يتابع تليتابيز

 

[كتكوته22]

برميت ما تشوف شر شيوخه

 

[فلافل وبطاط]

ام زايد انا اللي عندي ادمنت براعم وام بي سي ٣
في وحده تتكلم انجليزي بنتي وايد مندمجه معاها
مادري شسمها ... يمكن دورا ...

بس للحين ماحطيت لها شي تعليمي ...

بس اشتريت لها وايت بورد لان تروح بيت ابوي واتناشب
اخوي عاللي عنده هو يدرس فيها وهي تبي تلعب ...
وامي اتشجعها تقول حلوو انها تمسك قلم واتحاول ....

واذا صار وقت النوم حطينا مسرحية ليلى والذيب لين تنام ...

 

[برميت]

فلافل و بطاط & ايمانو & كتكوته
الشر ما اييكم

ايمانو بنتي جذي تعودت على بيت امي ..و تعودت على الهياته ..امس رديت الدوام و صايمه و رجيم و مالي خلق نفسي ..يتني و تحوس بجنطتي و تطلع سويجي و تمسك ايدي و قولي قوو قووو ديد ديد ..و تبجي و قمت خذيتها و افتريت فيها بالحوش و مستانسه عبالها بطلع صج ...جان ارد داخل كفختني الشمس
و تبجي و تحن صدعت راسي ..خذيتها و قعدتها بالسياره بحضني و تلعب تطق هرن و تشغل المساحه و الليتات ...و حدها مستانسه
جان تقولي ما قوو قوو ..حطيتها يمي و ادري انه غلط بس شسوي كلت قلبي ... و قعدت احوس بالفريج جان تنام و رحت ترست بانزين ورديت البيت
كلش ما تحب تنحكر بالبيت ..قبل اختي تلعب معاها ..الحين اختي تجابل كتبها و دراستها و مو فاضيه لها


ام زايد
انا بنتي ادمان بارني ..تمثل كل الاغاني ..اذا حطوا لا تشوفيها اشلون ترقص و تصرخ و تكفخني علشان اشوفها و اهي تفتر بالصاله من فرحتها بهالحقير بارني

 

[فلافل وبطاط]

هههههههههههههههههههههه برميت زين ليش حقير

سبحان الله السياره فيها منوم انا بس تركب السياره
اتنح وتنام بالروحه وبالرده ... وانا مرتاحه نفسياً لان
ماعندي خدامه ...

واللعب بالليتات والمساحات بس بسيارة ابوها ماتتجرأ
معاي ...

 

[برميت]

حقير لانه كل اليهال يحبونه و اهو قاعد يستعبط ..ياختي والله يحر

كوكا اذا بتغرينها قولي لها كلمه السر ديد ديد ..تييج ركضه عند الباب
لا امس ضحكتني ..كانت تمشي حافيه بالبيت ..جان توقف فجأه و تقولي ماا دو دو ..اقولها تعالي وين دودو ..تتنهوص و تبجي مو قادره تييني تقولي دو دو

قمت و شلتها الا دايسه على نفيشه لووووووووووول غشيت عليها من الضحك
شكلها يضحك و اهي متوهقه

امس لما اسحبت ايدي علشان نطلع ..مرت المطبخ و انا مستغربه منها ..قلت اخاف تبي تطلع من باب المطبخ !!
الا الجلبه تدور خدامتها ..لما مالقتها قامت تناديها و تبجي اكاا اكاا لوووول
مو تارسه عينج انا

 

[فلافل وبطاط]

هههههههههههههههههههههههههههههههههه
هههههههههههههههههههههههه

فديتها فديتها بعد قلبي ربي يحفظها ويخليها

 

[برميت]

امين ياارب العالمين

وااي حدي يوعانه

مشتهيه قوزي مال العروس الي فيه بيض و مكسرات
ابي ادبه بالخمس

 

[فلافل وبطاط]

@@

انا هذا الوحيد اللي ماقرب صووبه

اشوه انا بدبه بس مشتهيه بريااااني دياي ...

اخيييييييييه وشوربة عدس .... حق خوختي اتحبها ...