تجمع امهات مواليد شهر 7 و 8 لسنة 2010

[برميت]

عاد احنا جم مره نييبهم من غير مناسبه لووووول

نطلب مالت الدي جي بنيه ..و الي تسوي المسابقات بنيه
و نطلب صاج و مطعم بوفيه
وااي ذكرتني بايام الياخور ..حده وناسه ..بس نبلع و نرقص

جان سويتي عيد ميلاده ببروي ..على الاقل مافيها طقطقه ..كله يهال و مسابقات ووناسه

 

[AVE.NJ]

لا برميت انه بسوي عيد ميلاد ولدي ببيتي
انه سردابي عود
احنا ليش مسوين بيوت عوده علشان نستانس فيهم
انه شركه بتسوي عيد ميلاد ولدي
وبييب بوفيه وصاج ونفيش وشعر بنات ورسم ويوه واعجف شعر البنات
واترس الحمام السباحه كله بلونات تدرين اخاف احد يغرق وانه ابتلش
ونطاطيه كبيره
وبيب حلو قهوه ودي جي
انشالله يعدي هاليوم على خير
من كثر ماحن مو راضي يصير هالعيد ميلاد

 

[AVE.NJ]

انه الحين استقريت على الدكتور محمد سعيد نفسه خايسه وزحمه وايد بس اشطر واحد بالكويت
واروح حق ريم قنواتي في انترناشونال كلينك اهيا تخصص تغذيه طفل
اهيا اللي افطمت فهود من صدري وايد شاطره حق التغذيه
اصلا اهيا عندها كتاب
واروح لها بس اجيك على فهود يعني بالشهر مره
بس محمد سعيد بالشديد القوى
عاد انه كش مااستعمل المضاد ولا مره الحمد فهود خذاه بس هالزيرتك مو محمد سعيد كاتبلي اياه مايرضا اهو هالسوالف
هذي ريم كتبته لي
عادفهودي احسه مو تعبان وايد بس منهد حيله
مايحوس وايد مثل كل يوم
واذا حطيته بالدراي يوقف ويطالع التلفزيون حبيبي مافيه طاقه
تدرين ولدي بطوطه ليه الحين مامشى

 

[برميت]

بعد قلبي كسره هالمرض ..عادي كلنا حاشتنا هالانفلونزا

و الله يبلغج و تسوين عيد ميلاده و ياارب يشافي عمج و تصير الفرحه فرحتين

بسالفه السرداب ذكرتيني بخالتي ..عندها سرداب اشكبره مشاءالله ..كل ماصارت مناسبه و تنقز و تقول بسردابي

تبي تستغله علشان ما ينهجر

عفيه عليج انتي بعد استغليه و ضبطيه ..وشوفيلج صرفه حق حمام السباحه لا احد يطب فيه بالغلط

 

[shai6ona19]

الرها ان شاءالله مافيها الا العافيه ياارب

شيطوونه ..لا تحاتين راح تتعدل نومتها باقل من 6 اشهر
انتي حاولي تقطعين حليبه الساعه 3 الفير ..عطيها ماي ولا حبه حلوه ..راح تبجي اول اسبوع بعدين راح تتعود
و راح تنام من 12 لي 6 الصبح ... و الساعه 6 عطيها حليب و راح تكمل نومتها

والله يعينج

مشكوره ياقلبي الله يبشرج مثل مابشرتيني

 

[فلافل وبطاط]

شلونكم بنات ...؟؟

الله يشافي فهودي ان شاء الله ..
والله انا خوخه حدها ادول نفسج ما اعطي ,,,ادويه ...

وان شاءالله يتشافى بابا عود واتسوين احلى عيد ميلاد حق فهد ...

اليوم في بيت ابوي عالغدا صكت فيني الدينا قاعده اغدي خوخا واشوف اسود بضرسها
وانا على طريف بجيت وامي شافت جان تقول ايه صح وطاحت فيني واحلف لها اني اغسلهم
واشربها ماي بعد الحليب بالليل وامسحهم ..
ابوي فديته لعبها وسدحها وجيك جان يقولي تعالي لا انتي ولا امج شوفي شروس بنتج مافيهم شي
هذي خضرة من المرقه وشلتها ويضحك ...

الحمدلله بنيتي مافيها الا العافيه ...

بس بنات ريلها مافيها التقوس الطبيعي بالقدم يعني فلات فوت صح!!!
ووماعندي وقت اراجع فيها ... امس وديتها الجلديه قالت لي اكزيما ....

 

[نوؤشاآ]

مرحباااااا شلووونكم ؟؟


فلاافل بنتج نفس ولدي فلات فوت متعبني في جواتي تهبل تكرموون بس ما اشتريهااا


وع طاري الاكزيما شلوون صاايره ؟؟؟
انا رجول ولدي صار فيهاا مثل الحساسيه واحسها كأنها بتاكل الرجل والله ما وديته الطبيب قمت احط الفازلين الطبي اللي نجيبه من المستشفى يهبل والحمدلله راااااح ومرات كنت احط الفاكورت وبسس

جربي الفازلين اخذيه منهم يعطوونج

واااه يخليهم لناااا يااارب

 

[نوؤشاآ]

والله يخليهم لنااا يااارب​

 

[برميت]

مساء الانوار

واخيرا خميس

 

[الطايف احلى]

بنات ممكن تقبلوني انا جبت بنتي 25/7/2010 عمرها الحين سنه وشوي بس عليها كدش طبيعي اسمها ماريا
بس لاتشردون ههههههههههه ياحبني لها

 

[AVE.NJ]

الطايف احلى حياج الله
والله يخلي بنتج ويحفظها

 

[AVE.NJ]

بنات انه رحت العيد ميلاد
كان فرقه السنافر وايد وايد برامج
اول شي حطو بارني حبيب الشعب ورقص وفهود انهار من الوناسه مع انه مايبي احد وديته وصورت معاهم وقمازاته كله طالعه من الضحك
وبعدين فقرة سبونج بوب هذا عاد كلش مااحبه واكرهه بس اليهال مستانسين حيل طبعا فهود كان لاهي بالبلونات كان مهرجان البلونات حبيب قلبه
وبعدين صار مسابقات اساله حلوه تدرون ريال ويشجع واللي تجاوب صح تاخذ 10دنانيير وناسه
وبعدين يابو رقصه السنافر ابي وايد استانس فهود
وبعدين مسابقات حق الخدم مسخرهم وخلاهم يغنون وجوائز
ويا دور الكيكه سووله زفه فرعونيه انه مااعجبتني الفكره
وبعدين النون وناسه
وبعدين بوفيه
يايبن نفيش وذره وايس كريم
كل العيد ميلاد وناسه بس كان تخيلو
بالحوش
حر حر حر حمضنا عن جد
انه كنت كاشخه حدي وبدلتي من الاسطوره مت من القهر عليها
جان ادق على السايق يابلي عبايه
بس العيد ميلاد بشكل عام حلو ماعدا مسوينه بالحوش

 

[AVE.NJ]

الحمد الله فهود بخير الحين
بس جنه عادا الخدامه
بس تعود على انه ينام يمي
انه ماصدقت علمته على فراشه قلت ذيك الايام تعبان خل اخليه يمي اخاف يختنق والا شي
الحين اول مايرز عمره بالفراش مايرضا يشرب المميه بحضني كلش يبي بفراشنا
بس بحاول اسهره واخليه يتعب حيل وينام وبعدين ارده فراشه لاني صج ببتلش فيه

 

[Om.Zayed]

هاااااي بناااات شلووووونكم انا ام زيووود ولدي 21/7 وصار يمشي تقريبا من شهر ... هااا منو فيكم فلتها وحملت ههههههههههههه؟؟ والباقي متى ناوين تحملووون بالاخص البجريات ؟؟؟ انا ساعات افكر بهالشي واقوول لا يامعوده تو الناس ولا شرايكم

 

[AVE.NJ]

ههه ام زايد

 

[الطايف احلى]

الله يسلمك ياعسل كان وحده تقول من تبي تحمل انا بعد4سنين ان شاء الله لانها 3

 

[Om.Zayed]

الطايف احلى الله يخليييهم لج انشالله

انا محتاره مادري احمل الحين ولا انطر ولدي يكبر ؟؟

انتو شتشوفون

 

[فلافل وبطاط]

شلونكم بنات ؟؟

اهم شي فهودي استانس عادي انخيس حر ونموت برد المهم وناستهم ...
وشكله جو البيرذداي كان وايد حلو ... عليكم بالعافيه بس صج مو وقت حوش ...
وهالسوالف حلاته عيالنا يفهمون يعني بو ٣ او ٤ سنين عشان يستانس اكثر ...

الطايف ربي يخليها ويحفظها ...

ام زايد انا بنتي عمرها سنه وشهرين وحامل توني داشه السابع ...
ياختي تعب وبدون خدامه وبنتي ماخذت فرصتها دلع وحب وحنان واهتمام ما اشبعت ولا انا شبعت
كل يوم بعد يوم احس تبي اهتمام وقامت تتعلق فيني اكثر ونوعها غيووووووووره لدرجه ماتصور ...

الحمدلله عالنعمه ...
وربي يقدرني واربيهم احسن تربيه ....

 

[فلافل وبطاط]

نوشاا

الاكزيما حبوب خشنه نفس لون الجلد بس احس بخشونة الملمس
راجعت وقالت لي اكزيما ...

 

[عاشقة لندن]

برميت

هلا فيج حبيبتي

والله حتى انا مشتاقه لج وللبنات

شلون شخيه ؟طلعت خفيفت دم مثل امها ولا لا؟