تجمع امهات مواليد شهر 7 و 8 لسنة 2010

[++The DuchesS++]

مرررحبا

انا ولدت تاريخ 16 /7
ويبت ولد
هاليومين البجي زايد وايد يحن
الله يعدي هالفتره على خير يارب

 

[سما الكويت]

تصدقين عاد انا مادري شنو السبب
مع ان ما كنت اسوي شي بس من اروح من غرفة لي الثانية تييني دورة واذامشيت شوي ينزل الضغط عندي واطيح وارجع فما كنت اتحرك عشان هالسالفة
بس السبب اللي انا شاكة فيه ان خرعة لان اختي كانت تولد وانا عند الغرفة وسمعت صراخها بجيت بوقتها و حسيت بعوار جنه شي نزل قلت حق امي جان تضحك تكلم اللي ببطني تقولها مو دورج دور ولد خالتج وفعلا وراها ب 6ايام ولدت الله يخليهم اثنينهم يارب ويحفظهم
واتوقع هذا السبب

كتكوتة يالله فكونا بدل النطرة انا يبتها كيلو ونص تونس جنها سندويتشة سب واي حسبالي ما راح تكبر بس الحمدالله ربي

الله يخليها لج وتفرحين فيها ان شاء الله....صج الخرعه تجيب الولاده؟؟؟؟:cxxxp:

تهقين صج؟؟...لان كثير لما تكون وحده حامل ويجيها خبر موت غالي عليها تولد من الخرعه..شكثر صارت عندنا..

 

[سما الكويت]

هلا في بنات تجمعنا
حدي اشتقت لكم سمله عليه جسومي مأخذ وقتي كله من ولدت وانا مادشيت المنتدى
واي بصراحة الأمومة واااااايد صعبة لا نوم لاطلعه لاراحه كله تعب بتعب

هلا فيج لوميه...

حلاته جسومى سلم قلبه..

ميخالف تحملى..كلها كم شهر ويتعدل الحال...

 

[سما الكويت]

قوه بنات شلووونكم
مو مرتااحه امس إلعن خيري .. يصارخ بشكل مو طبيعي .. وعلى نسم وااااحد ما وقف المسكين
بس قعدت ابجي . مو عارفه شسوي ..
صبح الصبح رحت المستشفى فتحت له ملف هناك وغيرت الحليب . الغازات ذبحت ولدي
رحت عند دكتورة اسمه عبد الله بمستشفى الامومه ( رخيصه المستشفى حيل 14 دينار دخول طبيب وفتح ملف )
المهم غيرت حق ( نان أتش أي ) كنت استخدم ( 26 بلس ) والحين غيرت عسى الله يستر وتروح الغازات

سلامته مايشوف شر...انتى ماترضعينه طبيعي؟؟؟

 

[سما الكويت]

هلا والله كرستال اي اختصرو الطريج واطلعو انا جذي بنتي كيلوين بالضبط وكنت اخاف اشيلها او ابدلها امي كانت تبدلها وتغسلها كل اخاف تزلق مني بس الحين الحمدلله شوي شوي تعدلت الامور واعتمدت على نفسي بكل شي وتصدقين انا بعد ما ادري السبب الي خلانني اولد مجر ما كان فيني ولا شي كان يوم سبت وحده الله يهداها نرفزتني وخلتني اعصب وجان اقول حق ريلي بروح اسوي تخطيط ورحت الصباح جان يقولولي فيج طلق دخول وما تطلعين واذا طلعتي على مسؤليتج وانا بجي اقولهم ماني قاعده وطلعت على مسؤليتي وقلت حق ريلي جذابين والله مافيني شي بس يايه بطمن جان يقولي سيده نروح المواساه لان اراجع عندهم هذا كان الساعه 3 الفير اقوله والله ما يحتاي مافيني شي انطر الصبح وادش على دكتوري وما سمع كلامي راح على طول جان يسولي تخطيط ونفس حجي الصباح انا هني تصروعت قتلهم والله مافيني شي بس شوي كنت معصبه ويايه بطمن ونوموني وغزوني ابرة الرئه ومن يومها وشتغل الطلق الله وكيلج اسبوع وانا اطلق وافرفر الليل ما انامه واروح حق دكتوري يقولي انت تدلعين تو الناس اصلا اول ما تدخلين التاسع اولدج وطبيعي يليج طلق تجاديم انت بالثامن وما كنت اقدر انام ولا اتحرك عبالي داش بطني هوا ما ادري ان هذا طلق وكل يوم لي يوم الخميس ما قدرت اتحمل واروح الطواري وتفحصني تقولي انت 3سم دخول ولاده انا جني بحلم اقولها تو الناس انا بالثامن ودخلوني 10 الصبح ولدت 10 بليل وهذه قصة ولاتي على فكره ترى اول مره اكتبها والله يحفظهم لنا ونخاويهم يارب

يعنى الانفعال الزايد يجيب الطلق....اعرف وحده تهاوشت مع زوجها وسقطت بالخامس...

الله يخليلج العروسه ويبلغج فيها ان شاء الله...

 

[سما الكويت]

بنات تدرون انتي خلصت الاربعين تاريخ 15-8 وللحين ما نظفت .. :s تهقون شفيني ..

صارلي شهرين

هلا فيج ساد..شلونج ..وشلون حمودى...

شوفي حبيبتي..

اللى ينظف بالاربعين التمر والرشاد وجاى الاعشاب...

واخر الايام تاخذين تحميله تنظفج..انا استخدمت البوثيل...

الرضاعه مالها شغل بالطهاره...شلون يعنى كل اللى يرضعون ماطهرو؟؟

الحين مالج الا تنطرين الدوره تنزل وتهتمين عدل علشان تنظف ارحامج زيييييييييييين...لان مو زين عليج جذيه...ومنى لى ذاك اليوم اشربي اشياء دافيه وابتعدى عن البارد...

 

[غنوة ستايل]

سلامته مايشوف شر...انتى ماترضعينه طبيعي؟؟؟

لا والله ياقلبي اخذ حبوب مو زينه عليه . حبوب ارتجاع الاحماض حقت المعده
رضعته حوالي 20 يوم
فيهم نزل وزني حوالي 12 كيلو بسبب المعده
تعرفين حالتي انا من يوم التجمع ومعدتي مو مريحتني بس الحمد الله على كل حال . الحين معدتي احسن بكثير
بس الياهل رضاعته كلها الحين صناعي عسى الله يخليه لي يارب .

 

[سما الكويت]

تونى أشوف التجمع هاى شلووووونكم
اناولدت ويبت بنت طبعا عمليه وتعب وعواااااااار

والحين داومت واروح الدوام واناسهرااااااانه ومونايمه
والبنوته للحين ضعيفه حيييييييييييييييل شسوى موعارفه فى وحدة حاطه وصفه اسمها بدويه ملامح كشميريه احدجربها؟؟؟؟؟؟؟؟؟؟

هلا فيج ياابله..

جم وزن بنتج وشنو حليبها...انا سجلت وصفة بدويه عندى بس للحين ماجربتها..وبصراحه متخوفه منها لان الجاهل صغير توه على كل هالاعشاب...:gr4uu:

 

[سما الكويت]

اشلونكم بنات حدي ولهت على التجمع صايره ما اشبك الا ما ندر

صاجه اللي قالت الامومه صعبه وانا ازيد عليها واقول والرضاعه الطبيعيه جهااااااااااااااااااااااااااد

وتعببببببببب ما بقا لي شي واطلع من الاربعين كلما بطلع عشان ازهب لروحتي لريلي ولا قادره

والسبه الحليب كلش قليل يا دوب يكفي رضعت ولدي من اشفط ما يطلع غير رذات بسيطه

فما اقدر اخليه بالبيت ولا لي قلب اسحبه معاي الاسواق بعده نونو صغير ولا عنده مناعه

هلا فيج كلى غلا..

مايصير تعتمدين على الرضاعه الطبيعيه وبس..لازم الطفل ياخذ رضعه باليوم صناعى خلال الاربعين علشان هاليوم اللى بتطلعين فيه تجهزين تخلينه عند اى احد ويرضع صناعى..

والشفط ينشف الحليب يا الغاليه...وطالعه من الشر ان شاء الله...

 

[سما الكويت]

كتكوته

انا شربت هالسوالف بالنفاس .. بس اخر 10 ايام ما انتظمت لاني ما كنت آكل عدل ولا انام عدل وما اشتهي شي


ابله

اي انا ارضع طبيعي ومو ماخذه لا حبوب مانع ولا شي .. بس الحين قمت اعطيه صناعي وشوي طبيعي ..

تهقين من الرضاعه عشان جذي ما نظفت ..؟

مو من الرضاعه ياساد....من الحبوب...المفروض ماخذه مانع سواء العادى او اللى حق المرضع...

والله يهديج التزمتى ببرنامج نفاسج شهر وكسلتى اخر شي...لييييش...

 

[سما الكويت]

مرررحبا

انا ولدت تاريخ 16 /7
ويبت ولد
هاليومين البجي زايد وايد يحن
الله يعدي هالفتره على خير يارب

اهلين داشز....الحمدلله على سلامتج ومبروك المعرس...

شخبارج؟؟؟

 

[سما الكويت]

لا والله ياقلبي اخذ حبوب مو زينه عليه . حبوب ارتجاع الاحماض حقت المعده
رضعته حوالي 20 يوم
فيهم نزل وزني حوالي 12 كيلو بسبب المعده
تعرفين حالتي انا من يوم التجمع ومعدتي مو مريحتني بس الحمد الله على كل حال . الحين معدتي احسن بكثير
بس الياهل رضاعته كلها الحين صناعي عسى الله يخليه لي يارب .

سلامتج ماتشوفين شر...

ان شاء الله يناسبه حليبه...وقفى الاعشاب اللى تعطينه خوفج مو نظيفه والا شي..وهو توه صغير حرام...جربي شاى ميلوبا للاطفال..مكتوب عليه العمر بالاشهر..بنتى مره تعسرت من بطنها....وعطيتها ميلوبا البابونج والحمدلله ارتاحت عليه...والحين تقريبا كل يوم رضعه رقمين منه و ماشاء الله ماشي تمام..جربيه..

 

[غنوة ستايل]

سلامتج ماتشوفين شر...

ان شاء الله يناسبه حليبه...وقفى الاعشاب اللى تعطينه خوفج مو نظيفه والا شي..وهو توه صغير حرام...جربي شاى ميلوبا للاطفال..مكتوب عليه العمر بالاشهر..بنتى مره تعسرت من بطنها....وعطيتها ميلوبا البابونج والحمدلله ارتاحت عليه...والحين تقريبا كل يوم رضعه رقمين منه و ماشاء الله ماشي تمام..جربيه..

بالعكس الينسون والكمون والحبه الحلوه مساعديني حيل بالغازات
لان الطفل مثل ما فهمت خلال 3 شهور الاولى لازم يكون في غاازاااات .

الحين حليبه نان اي اتش . والحمد الله احسه ماشي معاه عدل ..

واستخدم بعد (غاز 5 قطرات + نص مغطى ماي غريب ) مع رقم 1 من الماي . والحمد الله

بس متعجبه الغريب يقولون ينوم الياهل انا ولدي ما ينام ؟؟ ليش ؟

 

[سما الكويت]

بالعكس الينسون والكمون والحبه الحلوه مساعديني حيل بالغازات
لان الطفل مثل ما فهمت خلال 3 شهور الاولى لازم يكون في غاازاااات .

الحين حليبه نان اي اتش . والحمد الله احسه ماشي معاه عدل ..

واستخدم بعد (غاز 5 قطرات + نص مغطى ماي غريب ) مع رقم 1 من الماي . والحمد الله

بس متعجبه الغريب يقولون ينوم الياهل انا ولدي ما ينام ؟؟ ليش ؟

والله مادري..انا عمرى ماعطيت عيالي اعشاب الا نادرا حيييييييييييييل لدرجة ما اذكر شنو عطيتهم...احب الميلوبا..

ماعرف حليب نان ماجربته..

وماعرف غاز ولا عمرى جربته..استخدم ماى غريب ..غطا على رقمين ماى دافي..وماينوم...بس يخدر...

 

[غنوة ستايل]

يا حلو الرقيه الشرعيه انا نزلتها من النت بصوت العفاسي
امس واليوم كله مشغلتها

 

[سما الكويت]

صاجه..انا نزلتها امس بصوت احمد العجمى...

 

[أبله شقحه]

هلا فيج ياابله..

جم وزن بنتج وشنو حليبها...انا سجلت وصفة بدويه عندى بس للحين ماجربتها..وبصراحه متخوفه منها لان الجاهل صغير توه على كل هالاعشاب...:gr4uu:

هلا حياتى تشرب حليب التموين سيميلاك ادفانس ومعاة طبعا دسفلاتيل وماى غريب المستوصف وحزاة لاتذكرت عطيتها ماى
وزنها 3كيلو و200غرام وعند الولادة كانت 2و300 جرام وبشوف احد مجربها وخل نجرب يمكن تعافى عيالنا

 

[أبله شقحه]

يا حلو الرقيه الشرعيه انا نزلتها من النت بصوت العفاسي
امس واليوم كله مشغلتها

كاااااانى بنزلها الحيييييييييييييين جزاج الله خير صج تريح القلب

 

[SaD FaCe]

اهلين سماااا


انا اصلن مادري اللي تنزل علي دوره ولا تكرمين وصخ من النفاس مااادري

ايام ينزل دم غامج ومرات احمر وايام ثانيه شي بني ..

لاعت جبدي استغفرالله


اول ما خلصت الاربعين على طول قمت اشرب اشياء بارده وآكل ايس كريم ورديت طبيعيه وهديت اكل النفاس لووول

 

[موجة ~ بحر]

شلونكم بنات شخباركم مع بيبياتكم. يوم الاربعا طعمت ولدي واااي يبجي بجي وانا شوي وأبجي معاه من الابر وانا دمعتي بعيني ثلاث ابر ليش حرام عليهم كلهم مرة وحدة حبيبي سخن شوية بس اليوم احسن