تجمع امهات مواليد شهر 7 و 8 لسنة 2010

[كتكوته22]

فيه احد ولا اطلع

هلا حبيبتي انا موجوده

 

[الكريستال]

هلافيج يا الكريستال...عسى الله يخليلج العروسه..

بسألج سؤال قديم وحده مغبر...ليش ولدتى مبجر؟؟؟؟

تصدقين عاد انا مادري شنو السبب
مع ان ما كنت اسوي شي بس من اروح من غرفة لي الثانية تييني دورة واذامشيت شوي ينزل الضغط عندي واطيح وارجع فما كنت اتحرك عشان هالسالفة
بس السبب اللي انا شاكة فيه ان خرعة لان اختي كانت تولد وانا عند الغرفة وسمعت صراخها بجيت بوقتها و حسيت بعوار جنه شي نزل قلت حق امي جان تضحك تكلم اللي ببطني تقولها مو دورج دور ولد خالتج وفعلا وراها ب 6ايام ولدت الله يخليهم اثنينهم يارب ويحفظهم
واتوقع هذا السبب

كتكوتة يالله فكونا بدل النطرة انا يبتها كيلو ونص تونس جنها سندويتشة سب واي حسبالي ما راح تكبر بس الحمدالله ربي

 

[لومية]

هلا في بنات تجمعنا
حدي اشتقت لكم سمله عليه جسومي مأخذ وقتي كله من ولدت وانا مادشيت المنتدى
واي بصراحة الأمومة واااااايد صعبة لا نوم لاطلعه لاراحه كله تعب بتعب

 

[غنوة ستايل]

قوه بنات شلووونكم
مو مرتااحه امس إلعن خيري .. يصارخ بشكل مو طبيعي .. وعلى نسم وااااحد ما وقف المسكين
بس قعدت ابجي . مو عارفه شسوي ..
صبح الصبح رحت المستشفى فتحت له ملف هناك وغيرت الحليب . الغازات ذبحت ولدي
رحت عند دكتورة اسمه عبد الله بمستشفى الامومه ( رخيصه المستشفى حيل 14 دينار دخول طبيب وفتح ملف )
المهم غيرت حق ( نان أتش أي ) كنت استخدم ( 26 بلس ) والحين غيرت عسى الله يستر وتروح الغازات

 

[غنوة ستايل]

بالعيد .. طبعا ليله العيد انا مو نايمه سهرانه مع ولدي ذبحته الغازات
تميت للساعه 8 الصبح .. وانا قاعده . بعدين عطيه البيبي للخدامه ورحت نمت وقعدت الساعه 10 الصبح . يعني بس 2 ساعه نمت
رحت بسرعه الصالون سويت شعري سشوار وتسريحه . والمكياج انا حطيته بالبيت
وبسرعه ع البيت جه ريلي ورحنا حق اهله عيدنا عندهم
لان ريلي مسوي غدا في بيت اهله .. والناس بتجي . ورحنا
وعقبها ردينا البيت ع 4 العصر نمنا شوي .. البيبي نام له ساعه .
ع المغرب رحت لاهلي .. وعيدت عليهم وتركت الخدامه والبيبي هناك لان معزومين على العشا ..
واخذني ريلي ورحنا العشا .. عقب ما ردينا من العشا مرينا الافنيوز شفنا فيلم انجلينا جولي الجديد واستانسنا للساعه 3 الفجر
رديت لاهلي اخذت البيبي ورجعنا البيت .

 

[شموووخ وغروور]

السلام عليكم
شخباركم ؟؟
غنوه اس 26 كله غازات معروف بس استخدمي نان يمدحونه واشتري من الصيدليه اعشاب هملايا يريح بعد الرضعه مرتين او3مرات باليوم ..

 

[كتكوته22]

تصدقين عاد انا مادري شنو السبب
مع ان ما كنت اسوي شي بس من اروح من غرفة لي الثانية تييني دورة واذامشيت شوي ينزل الضغط عندي واطيح وارجع فما كنت اتحرك عشان هالسالفة
بس السبب اللي انا شاكة فيه ان خرعة لان اختي كانت تولد وانا عند الغرفة وسمعت صراخها بجيت بوقتها و حسيت بعوار جنه شي نزل قلت حق امي جان تضحك تكلم اللي ببطني تقولها مو دورج دور ولد خالتج وفعلا وراها ب 6ايام ولدت الله يخليهم اثنينهم يارب ويحفظهم
واتوقع هذا السبب

كتكوتة يالله فكونا بدل النطرة انا يبتها كيلو ونص تونس جنها سندويتشة سب واي حسبالي ما راح تكبر بس الحمدالله ربي

هلا والله كرستال اي اختصرو الطريج واطلعو انا جذي بنتي كيلوين بالضبط وكنت اخاف اشيلها او ابدلها امي كانت تبدلها وتغسلها كل اخاف تزلق مني بس الحين الحمدلله شوي شوي تعدلت الامور واعتمدت على نفسي بكل شي وتصدقين انا بعد ما ادري السبب الي خلانني اولد مجر ما كان فيني ولا شي كان يوم سبت وحده الله يهداها نرفزتني وخلتني اعصب وجان اقول حق ريلي بروح اسوي تخطيط ورحت الصباح جان يقولولي فيج طلق دخول وما تطلعين واذا طلعتي على مسؤليتج وانا بجي اقولهم ماني قاعده وطلعت على مسؤليتي وقلت حق ريلي جذابين والله مافيني شي بس يايه بطمن جان يقولي سيده نروح المواساه لان اراجع عندهم هذا كان الساعه 3 الفير اقوله والله ما يحتاي مافيني شي انطر الصبح وادش على دكتوري وما سمع كلامي راح على طول جان يسولي تخطيط ونفس حجي الصباح انا هني تصروعت قتلهم والله مافيني شي بس شوي كنت معصبه ويايه بطمن ونوموني وغزوني ابرة الرئه ومن يومها وشتغل الطلق الله وكيلج اسبوع وانا اطلق وافرفر الليل ما انامه واروح حق دكتوري يقولي انت تدلعين تو الناس اصلا اول ما تدخلين التاسع اولدج وطبيعي يليج طلق تجاديم انت بالثامن وما كنت اقدر انام ولا اتحرك عبالي داش بطني هوا ما ادري ان هذا طلق وكل يوم لي يوم الخميس ما قدرت اتحمل واروح الطواري وتفحصني تقولي انت 3سم دخول ولاده انا جني بحلم اقولها تو الناس انا بالثامن ودخلوني 10 الصبح ولدت 10 بليل وهذه قصة ولاتي على فكره ترى اول مره اكتبها والله يحفظهم لنا ونخاويهم يارب

 

[الكريستال]

لووووووووووووووول تكفى انا مابي اتذكر ولادتي
بس ذكرتيني بشغلة كنت اصارخ بالمستشفى اقول انا مابي اولد انا بالسابع وصموني على مسؤوليتي وطلعت رحت مستشفى لندن ولا نفس الكلام وقالو البيبي صغير حيل ما نقدر نولدج الحين تروحين العدان ولادة وانا ابجي مابي اولد

 

[SaD FaCe]

قووووووووه بنات توني اشوف التجمع

شلوووونكم

 

[الرها]

هااي صبااايا

 

[كتكوته22]

لووووووووووووووول تكفى انا مابي اتذكر ولادتي
بس ذكرتيني بشغلة كنت اصارخ بالمستشفى اقول انا مابي اولد انا بالسابع وصموني على مسؤوليتي وطلعت رحت مستشفى لندن ولا نفس الكلام وقالو البيبي صغير حيل ما نقدر نولدج الحين تروحين العدان ولادة وانا ابجي مابي اولد

امبييييه نفسي اصرخ اقولهم ترى موعدي 12\7 تون الناس انا بثامن وما ادري شنو اخربط ولبسوني لبس الميانين على قولتهم وبعدين قمت اهلوس ما ادري شقول بس الي اذكره اقولهم غزوني ابرة الظهر غزوني وامي وخواتي يقوللهم مالكم شغل فيها لا تغزون يخافون علي من اعراضها وانا اصارخ صج كان يوم فلم بس اذكر اموت من الضحك واقول حق الدكتوره بعضج الله ياخذج ذبحتيني واخربط والله عقب ما ولدت صج ويهي صار طماطه هذا الطلق والكمام الخايس ما يسوي
والحمدلله اهم شي ولنا بسلامه ويارب يرزقنا اخوان لهم ويرزق كل محروم

 

[SaD FaCe]

بنات تدرون انتي خلصت الاربعين تاريخ 15-8 وللحين ما نظفت .. :s تهقون شفيني ..

صارلي شهرين

 

[كتكوته22]

قووووووووه بنات توني اشوف التجمع

شلوووونكم

اهلين هلا والله
بخير انت شلونج ؟

 

[أبله شقحه]

تونى أشوف التجمع هاى شلووووونكم
اناولدت ويبت بنت طبعا عمليه وتعب وعواااااااار

والحين داومت واروح الدوام واناسهرااااااانه ومونايمه
والبنوته للحين ضعيفه حيييييييييييييييل شسوى موعارفه فى وحدة حاطه وصفه اسمها بدويه ملامح كشميريه احدجربها؟؟؟؟؟؟؟؟؟؟

 

[كتكوته22]

بنات تدرون انتي خلصت الاربعين تاريخ 15-8 وللحين ما نظفت .. :s تهقون شفيني ..

صارلي شهرين

يمكن ما تنفستي عدل شربتي اشياء دافيه زعتر ودارسين وطبيخه ولهوم كل هذيله ينظفون الرحم ويوم 35 من النفاس تستخدمين تحاميل بيتادين تنزل كل الماي والوصخ والدم المجمد تستخدمينهم 5 ايام ورى بعض وتنضفين وكل يوم الحين اكلي تمر وغمسيها برشاد بسرعه ينزل كل الدم المتيمع

 

[أبله شقحه]

بنات تدرون انتي خلصت الاربعين تاريخ 15-8 وللحين ما نظفت .. :s تهقون شفيني ..

صارلي شهرين

يمكن ترضعين طبيعى وماخذتى حبوب ماااااانع صح؟
الف مبروووووووووك حمودى يتربى بعزج

 

[كـ غلا ــلي]

اشلونكم بنات حدي ولهت على التجمع صايره ما اشبك الا ما ندر

صاجه اللي قالت الامومه صعبه وانا ازيد عليها واقول والرضاعه الطبيعيه جهااااااااااااااااااااااااااد

وتعببببببببب ما بقا لي شي واطلع من الاربعين كلما بطلع عشان ازهب لروحتي لريلي ولا قادره

والسبه الحليب كلش قليل يا دوب يكفي رضعت ولدي من اشفط ما يطلع غير رذات بسيطه

فما اقدر اخليه بالبيت ولا لي قلب اسحبه معاي الاسواق بعده نونو صغير ولا عنده مناعه

 

[SaD FaCe]

كتكوته

انا شربت هالسوالف بالنفاس .. بس اخر 10 ايام ما انتظمت لاني ما كنت آكل عدل ولا انام عدل وما اشتهي شي


ابله

اي انا ارضع طبيعي ومو ماخذه لا حبوب مانع ولا شي .. بس الحين قمت اعطيه صناعي وشوي طبيعي ..

تهقين من الرضاعه عشان جذي ما نظفت ..؟

 

[SaD FaCe]

اهلين كلي غلا

على قولتج الامومه صعبه ما توقعتها جذي

الحين حدي مقفله ودايخه لان حمادين ما خلاني انام الا ساعه ولا ساعتين وناطرته يبجي عشان اعطيه حليبته وانااااااااااام لوول بس قاعد يشوف التلفزيون الاخ هههههههههه

 

[أبله شقحه]

اهلين كلي غلا

على قولتج الامومه صعبه ما توقعتها جذي

الحين حدي مقفله ودايخه لان حمادين ما خلاني انام الا ساعه ولا ساعتين وناطرته يبجي عشان اعطيه حليبته وانااااااااااام لوول بس قاعد يشوف التلفزيون الاخ هههههههههه

وااااااااااى فديته الحجى كانى أنابعد نايمه بحضنى بس احطها بالفراااااااش تغرد
ترا من الرضاعه انابعد ارضع بس خفيف عشان المناعه بس
واستخدم عزل وناطرة الدورة تجى والله خايفه لاسمح الله تخربط الوضع عندى وحملت خااااااااااابيفه الدكتور قالى نطرى3شهور وركبى لولب من جذى ماخذت حبوب مابغيت أأذى بنتى خفت يروح لها بالحليب وكانى احاااااااتى