تجمع امهات مواليد شهر 7 و 8 لسنة 2010

[غنوة ستايل]

انا بعد جبت ولدي بعد 4 سنوات و شوي
شهر 19/9 يعني ها الشهر يصير لي 5 سنوات زواج

عسى الله يجعله من الذريه الصالحه يارب

 

[غنوة ستايل]

بنات في وقت معين للرضعات ؟؟

انا ولدي كل ما بجى حطيت له حليب . ومرات احط له ماي مع سكر نبات وعصفر ( عشان الصفار ) ومرات احط له مغلي اليانسون والحبه الحلوه والكمون .

اسمعكم تقولون بين الرضعات ؟ وقت الرضعات ؟
متى وقت الرضعه ؟؟

 

[سما الكويت]

سما اكيد انتي مثلي العيد ممل بدون اهلج
وانا بعد النتفه عليه حراره بعد جبدي مو مشتهي يرضع وكل ساع يصيح طلعت شويه بيت اهل زوجي ورديت قعدت بالبيت
تعودت على كل عيد اقعد بروحي

أكيييييييييييييييييييييييييد :eh_s(16):

انا بعد عيدت حمولتى الصبح ورجعت الضحى ونوووووووووووووووم.....

ام زاكى..اهلج وين؟؟؟

 

[سما الكويت]

هلا سمااا انا تمام والبنت بخير الحمد لله ..
الامومه نعمه من الله تغيرت حياتي حيل قبل اطلع ما احاتي شي الحين غيرررر
الله يخليهم لنا يارب ..:aha:

اللهم اميييييييييين....

 

[سما الكويت]

بنات شلونكم وعيدكم مبارك. تطعيم ولدي ورأ إجازة العيد يوم الثلاثا الله يستر

بنتى تطعيمتها بعد العيد باسبوعين...الله يعين...

 

[سما الكويت]

بنات في وقت معين للرضعات ؟؟

انا ولدي كل ما بجى حطيت له حليب . ومرات احط له ماي مع سكر نبات وعصفر ( عشان الصفار ) ومرات احط له مغلي اليانسون والحبه الحلوه والكمون .

اسمعكم تقولون بين الرضعات ؟ وقت الرضعات ؟
متى وقت الرضعه ؟؟

هلا غنوه..الله يخليلج وليدج ويبلغج فيه معرس وتشوفين خوانه ان شاء الله...

رضعة الحليب كل ساعتين...واذا انه ما يخلصها خليها كل ساعتين ونص..واللى قلتى عليه حق الصفار والمغص خليهم اذا بجا بين الرضعات ووقت الرضعه ما حل..عطيه ..

 

[سما الكويت]

وينكم؟؟؟

 

[Meeesk]

مرحبا ان شاءالله اكون معاكم بالتجمع ولدت 30/8

 

[شموووخ وغروور]

مرحباا شخباركم ؟؟

 

[Om.Zayed]

السلام عليكم بنات توني ادري عن التجمع انا ولدت 21-7 ويبت زايد فديته ويشرفني اكون معاكم

 

[Om.Zayed]

سبحان الله الياهل مادري شلون يحس انا من ابي اكل توني مسكت القفشه يقعد من النووووم يبجي يبي يرضع جنه يدري اني باكل وهم ذيك المره من حطييت راسي بنام جان يقعد خخخخخخخخ

انتو بعد جذي بنات

 

[مريم ص]

هلا فيج سويتيا
حياج الله
مبروك ما يبتي
انا مثلج بنتي من انام او اكل صاحت


غنوة
لازم تعلمين الياهل بموعد للرضعات
مو كل من بجى عطيتيه حليب لا خليه يبجي و عطيه ماي او ينسون
بس الحليب خليه كل ساعتين احسن
عشان يتعدل نومته بعد

 

[مريم ص]

ميسك
حياج الله و مبروك ( شنو يبتي )

شموووخ
اشلونج

 

[ريمي وميمي]

مبرووك التجمع
من زمان ما دخلت المنتدى بسبة بناتي الله يحفظهم
وحده عمرها سنه وتسع شهور والثانيه شهر ويومين
وحيل مختبصه معهم من المراضيع والحفاظات وحزت النومه
بس اذا شفتهم نايمين احمد ربي انهم طيبين وبخير وانخمد جمبهم بسرعه قبل لا يقعدون من النوم فديتهم

 

[مريم ص]

ريمي الله يعينج
و يصبرج و تمر الايام بسرعة و يكبرون

 

[موجة ~ بحر]

السلام عليكم بنات توني ادري عن التجمع انا ولدت 21-7 ويبت زايد فديته ويشرفني اكون معاكم

حياج الله حبيبتي

 

[موجة ~ بحر]

سبحان الله الياهل مادري شلون يحس انا من ابي اكل توني مسكت القفشه يقعد من النووووم يبجي يبي يرضع جنه يدري اني باكل وهم ذيك المره من حطييت راسي بنام جان يقعد خخخخخخخخ

انتو بعد جذي بنات

اي بس احطه بقاعوده فيها العاب وانا اكل او اشربه بالإيد اليسار وأكل بالايد اليمين واهوا بالقاعوده صج لويه بس شسوي *

 

[Meeesk]

الله يبارك فيج مريم ص جبت ولد

 

[ام زاكي]

أكيييييييييييييييييييييييييد :eh_s(16):

انا بعد عيدت حمولتى الصبح ورجعت الضحى ونوووووووووووووووم.....

ام زاكى..اهلج وين؟؟؟

اهلين سما شخبارج شمسويه

اهلي بالحسا وبيني وبينهم ساعه ونص بس من يودي
اغلب المرات اروح بالقطار بس صعب الحجز عندهم لازم اروح احجز وبعدها بكم ساعه
نمشي والمحطه بعيده عنا يبي لها وقت واحسها شغله

 

[مريم ص]

اشلون نومت اعيالكم مع الدوامات
انا ما انام بنتي طول الليل تتعومس
و اذا نامت على الساعة 3 تقعد الساعة 5 شبعانة نوم و تبيني اغنيلها و انقزها