تجمع امهات العالمية الامريكية

[ReeMaN]

صباح الورد امهات العالميات شخبباركم يالغاليات؟؟؟

والله مروو مو منى مرات المنتدى يخوره معاي خاصه اذا دشيت متاخر ..... الله يسلمج هالاسبوع عندهم اسبوع القراءه وامس عندهم يلبسون

لبس تنكري على شخصيات قصص اليهال ولدي امس لبسته كاوبوي .... وياحلاتهم هالبنات يزوغون القلب ماشالله عليهم

فوز شخبارج عساج بخير شلونج مع النونو عساها مو ماذيتج الحلوه ريميه ... الله يسلمج باب المسيد صاير بالزاويه الثانيه اللي ندش من

بابنا يعنى انتى بالشارع اللي بين حولي والقادسيه قبل لاتلفين اللفه اللي توديج على العالميه كملي سيده شوي اخذي اللفه اللى جدامج على

طول تشوفين مستوصف حولي على ايدج اليسار واشوي جدام المسيد على ايدج اليمين لفيها مواقف المدرسه بويهج يصير

كااراميلا شخبارج ؟؟ شنو لبستى وليدج ؟؟؟ وشخبارج بيلا مختفيه؟ انشالله تكونين بخير انتى وعيالج

واجازه سعيده بهالغبار ........ لازم يتسلط علينا بالعطله سبحان الله ماادري ليش

 

[ملكة بيتها]

شلونكم مامات عساكم بخير من زمان عنكم حبيت أسلم عليكم حبايبي ........

 

[mr000]

سلام أمهات اشلونكم.. اشلونكم مع هالجو ,,استغفرالله ,, آنا من أمس جنه فيني ربو من الغبار موقادره اتنفس وبلاعيمي تعورني.. خو بعد صوتي مايحتاج أقولكم.. جني هالمعيديات اللي يشربون سجاير لف .. والله اليوم بالأفنيوز جني طرمه طول الوقت أخلي بنتي تتكلم بدالي أستحي احد يسمع صوتي...

 

[caramella]

هلا والله مروو الحمدلله بخير إنتي شلونج ؟؟؟

 

[Fouz]

السلام عليكم أمهات شخباركم

شلونكم مع الهوا التارس ، انا الحمدلله بخير و توها ريم قاعدة تبي رضعتها و ما ياني نوم قلت أدخل أسلم

ريمان شخبارج، ريم زينة بس بالليل كلش مو شي، تتسلط علي أول ما أتلحف سبحان الله، بالنسبة حق الباب ان شاءالله اذا يبت بنتي بجربه بشوف شنو السر، بس تقولين انحشتي من وصخ الحمام!! يا بنت الحلال اهم شي لا يوصخون فوق روسنا اذا على السيارة أمرها سهل

بيلا شخبارج و شلون دلال و عيالج الله يحفظهم، مالج بينة فقدناج

كاراميلا شلونج و مشكوووورة وايد على المعلومات عاد تبين اضحكج، اليوم دقيت عليه عطيته الرقم جان يقولي شعرفج فيها قلت له ليش تسأل جان يقولي رفيجي معطيني نفس الاسم و الرقم شوفي الصدف، مشكورة على السؤال والله مكان الجرح يعور لما الحين خصوصا اذا حطيت الصغيرة بحضني، الاسبوع الياي لازم اوديها الطبيب مراجعة و الاسبوع اللي وراه ان شاءالله مراجعتي و اذا الله كتب عقب اجازة الايستر أرجع لحياتي الطبيعية باذن الله اكون طلعت من الاربعين

مرو ما تشوفين شر و الغبار يحشر الصدر استغفر الله ، حطي بالج على روحج

ملكة شخبارج ان شاءالله بخير، لا تقاطعينا ترى مكانج مبين

 

[bella bambina]

صباح العسل أمهات
الحمدلله كلنا بخير حبايبي بس عندي وايد شغل حتى طلعه ما طلعنا هالويك اند بس وديت اليهال عيدميلاد رفيج دلول بصف ولدج كراميلا شغل المدرسه ما يخلص قاعده أسوي امتحانات غير التحضير والوسائل طالعين لنا بشغله يديده تعالي لخصي مقدمة كتاب المعلم تدرون فاضيه وما عندي شغل لا عيال ولا واجبات ولا تدريس عيالي فحبو يسلوني حتى ما عندي وقت أوجب الناس ولا أزور أهلي !!!!!

 

[mr000]

السلام أمهات اشلونكم فوز الله يعينج عالسهر صج ماشاالله الياهل إذا تبينه يقعد بس انسدحي قولي خل أنام شويه ماتشوفينه إلا قعد!

 

[mr000]

بيلا اشلونج الله يعينكم على شغلكم! آنا ريلي مناشب بنتي ليش ماتصير مدرسه قلتله علبالك الحريم نفس شغلكم الرياييل عالبركه والنظار والموجهين ساكتين عنهم

 

[نواري]

اشلونكم امهات العالميه وشلون عيالكم مع الدراسه ... انا والله اعاني ولدي صاير وايد يتشكى من المدرسه ومن المدرسين ويقول مدرسه الماث هنديه وما تفهم ووايد هواش وطق بين الطلبه ويبي ينتقل الي مدرسه ثانيه اشرايكم ....حبيت استشيركم

 

[bella bambina]

هلا والله مرو صاجه لا تفكر بنتج بالتدريس ما يسوى وايد شغله متعبه وخاصه نفسيا تحاتين جم مسؤول الناظره والموجهه والمشرفه والوكيلات غير اليهال وأولياء أمورهم وظيفه تعيسه حت بالبيت والعطل تشتغلين جنه ما عندنا بالدنيا الا شغلنا غير هالتحضير اليومي ما ارتحنا واحنا يهال واجبات واحنا كبار وأمهات هم واجبات وفرق المعاش والله قاعدة أقطه على المدرسه والوسائل واليهال

 

[mr000]

السلام أمهات اشلونكم..نواري اشلونج .. والله هو الوضع هالسنه ملخبط شوي.. خاصه بالمتوسط .. ولدي هذي خامس مدرسة ماث اتييهم ..ياتهم الهنديه مالت ولدج اسبوع وأشوه غيروها وأحين يتهم مس باهينين مادري هنديه مادري شنو بس شكلها زينه.. والساينس تغير 3 مرات..ألحين يتهم وحده يديده أسمها أسيل..بس والله عالنقل مادري شقولج طبعا هالسنه ماكو مجال خلاص خلصت السنه.. والسنه اليايه ان شاءالله هاي سكول عدل؟؟ مو جنه ولدج ب8 مع ولدي؟؟ بس من ناحية الهواش لا الحمدلله ولدي هالسنه ماشكى من هالمشكله لأني من أول أسبوع غيرت صفه لما عرفت أنه فيه أغلب الشياطين مالوت العام... انزين وين مفكره تودينه الإبداع وإلا الدوليه؟؟ إذا الإبداع ترى هم هم عندهم شطانه وهواش عند الصبيان.. والدوليه مادري عنها.. بس الأمريكيه مالت السفاره رفيج ولدي انتقل هالسنه يقوله امتحاناتهم وبروجكتاتهم أصعب...

 

[mr000]

أدري والله بيلا آنا اشتغلت بالمدارس 18 سنه وشايفه المدرسات.. وآخر سنتين رحت المنطقه التعليميه شفت فرق بالشغل.. يعني الكل مرتاح هناك.. بس آنا على حظي ماأرتحت لأنه انتقل المراقب وانتقلت رئيسة القسم ومسكت مكان المراقب وصرت رئيسة القسم وظليت ماسكه شغلي القديم فصارت كمية الشغل شي مو طبيعي بالمره.. انتحار..فتقاعدت وافتكيت...

 

[bella bambina]

صباح الخير أمهات
كل عام وانتو بخير يا أحلى أمهات
Happy Mothers Day :aha:

 

[mr000]

السلام أمهات اشلونكم.. اليوم الجو بارد الصبح آنا خليت ولدي يلبس جاكيت..خو آنا بعد صوتي راح بالمره.. بلاعيمي ذابحتني..مادري انفلونزا الخنازير خلص وإلا بعده.. جني متخنزره.. البارحه مانمت حسيت بصخونه وجسمي يعورني..بس الصبح طلعت وصلت ولدي المدرسه..بس ماأحب أظل أنام أحس إني أمرض صج..فوز أنتي شخبارج مع الصغيره.. ليلحين عندكم سهرات كل ليله...الله يعينج.. يالله هذي هديتج بعيد الأم هالسنه الله يحفظها ويخليها لج..صج شخباركم مع عيد الأم ..كل عام وأنتوا بخير ..البارحه عيالي يايبين كيكه ولزمت بنت ولدي نحط عليها شمعه ونقولها هابي بيرث داي.. علبالها عيد ميلادها.. عاد كملنا لها الجو وعلقنا لها بالونات وزينه مالت عيد ميلاد وطفت الشمعه عشرين مره..راح صوتي من كثر ماغنينا لها هابي بيرث داي...

 

[mr000]

لا لا فشله تجمعنا واصل الصفحه الثانيه.. أمهاتنا وينكم...

 

[mr000]

السلام أمهات وينكم اليوم<<< طمنونا عليكم! ماكو قبل الإجازه حفله بالصفوف اللي ايبون أكل؟ جنه العام كان فيه بس كنا مسافرين!!

 

[bella bambina]

السلام أمهات اشلونكم ؟
سلامات مرو ما تشوفين شر
فوووووز اشلونج واشلون ريم ؟اليوم بنتي وبنتج تهاوشو دلول يايبه معاها قطوه حق حرف ال k for kitten والظاهر بنتج عندها نفسها واشتغلو نجره على هالقطوه وحاولنا نفاجج بينهم بس محاولاتنا باءت بالفشل

 

[mr000]

السلام أمهات اشلونكم ..سكتوا ضايق خلقي ولدي وايد قاعد يشتكي من صعوبة الامتحانات هالشهر.. وكل ماادز أيميل حق المدرسين بتطمن عالنتيجه تطلع زفت والحمدلله !! مادري اشراح يسوي بالثانويه.. ماأقدر اقول مايدرس حرام قاعد يدرس بس مو ملحق.. موطالع بنتيجه..!! الظاهر علشان جذي في ناس متحملين سوء الوضع في بعض المدارس بس المهم امتحاناتهم اسهل واعيالهم ينجحون .. لا لا كلش ماأتخيل نفسي أرده التكامل وإلا بعد انقله...

 

[caramella]

السلام أمهات
كل عام و إنتو بخير
فوز الله يالصدف إهي الحين تعاملها كله مع الخليجيين ووايد حليوه بس مشكلتها شوي مشغوله فا تشوفيننها كله لاهيه
إنشالله يا ربي لقولهم مكان يستقرون فيه لأن متى ما لقوا الشقه إهني يرتاحون شوي لأن و الله يشافي عمج و يردهم بالسلامه
يا حلوها ريومه الله يخليها يلا ما عليه الجنه تحت أقدام الأمهات وبعد الحنه على قلوب الأمهات
إي صج عيالنا عندهم سنسر من الأم تنسدح لها ثواني إلا إشتغلو بالحنه
يا حبيبتي عالجرح الله ياجرك و إنشالله يا ربي يبرى بسرعه ويقومج بالسلامه
جربي باب المسيد ريمان آنا وايد أرتاح منه بس سالفة الوصخ هذي ما لاحظتها لأني ما اوقف يم الحمام
هلا والله ملكه شخبارج ؟
ريمان هلا هلا لي الحين تدوريني؟؟؟
الله يسلمج ولدي لبسته pirate in the carribian
بيلا صراحه آنا ما اشيشج بس كل المدرسات مجاهدات الصراحه و آنا جربت و إشتغلت مدرسه في يوم من الأيام و طلعت و إفتكيت الصراحه آنا اشوف على الكرف اللي تكرفه المدرسه الراتب وايد قليل مقابل الكرف اللي تكرفه
المدرسه إهي الموظف الشامل
والله يعينكم نواري و مروو صراحه القرار صعب
تعالو فوز و بيلا آنا ما طلبت يحطون ولدي بصف معين حق السنه اليايه
بيلا من خبرتج الصف نفسه بكبره ينقلونه لي كيجي 2 ولا يوزعونهم
آنا سمعت إن مس ساندرا كيجي 2 وايد زينه ريمان هاتي ما في جعبتك من خبرتك بالموضوع

 

[caramella]

بيلا إي صح ولدي كان معزووم بس ما رضى يروح حتى الإسبوع اللي فات عيد ميلاد بنت وياه بالصف هم ما رضى يروح
وإكتشفت السر ليش يرفض يروووح
مشكلة ولدي يخاف من الشخصيات يسببون له رعب حتى مره بعيد ميلاده طردتهم لأن بكبره طلع من العيد ميلاد ما يبي يدش
عاد أمس مسكته أسأل فيه لما عرفت السر
عاد والله دزيت حق امهاتهم رسايل إعتذار