تجمع امهات العالمية الامريكية

[bella bambina]

صباح الخير أمهات اشلونكم واشلون عيالكم ؟
مرو الحمدلله دلول قامت تاكل طبيعي بس عقب ذيج الفتره صارت دلوعه أكثر من قبل
الحمدلله الريبورتات كانت زينه بس فيه ملاحظات بسيطه
فوز طمنينا عليج وعلى عمج ان شاء الله صار أحسن ؟
ريمان وينج اشهالغيبه ؟
كراميلا اشلونج واشلون ولدج ؟ ما حجزتو حق الرده ؟

 

[lyale]

فوز شلونج وما يشوف شر عمج
أسأل الله العظيم رب العرش العظيم أن يشفيه

 

[Fouz]

شلونكم أمهات
مشكورين وايد على السؤال
بيلا شلونج، و مشكورة على الدعاء و ان شاءالله ربي يقومه بالسلامة
مرو شخبارج، و الله من كثر ماني لاهية و معور قلبي عمي نسيت روحي، أمس بالليل ريولي و أصابع القدم منتفخين حدهم، المشكلة دكتوري مسافر عسى الله يستر و يرد باجر مثل ما قالي
ليالي تسلمين حبيبتي على السؤال و عسى الله يبعد عنكم كل شر
كاراميلا شلونج ان شاءالله بخير
أمس شفت ريمان و سولفنا لما وصلنا صفوف عيالنا و الحمدلله مافيها الا العافية ان شاءالله لا تحاتون بس احتمال لاهية او كالعادة المنتدى يعلق بالليل وقت الفضاوة
انا الحين بودي بنتي عند اختي و اروح المستشفى لان الزيارة من 3-6 و كل ما اروح له مسكين يكون نايم و اذا قعد يسأل عني يقول ما شفتها الله يقومه بالسلامة يارب و تعدي هالازمة على خير

 

[caramella]

سلامات ما يشوف شر عمج الله يقومه بالسلامه إنشالله
وإنشالله يرد دكتورج مو وقته كلش يسافر و إنتي ثقلانه بس إنشالله يكون وصل و ما يولدج إلا إهو
مبرووووك تقارير عيالكم و إنشالله يا ربي تكون زينه
بيلا والله آنا ووولدي بخير الله يسلمج
سهالات إنشالله الحجز مو شايليين همه بس خل يردون الكويتيين المكودين هني تالي بسرعه نحصل حجز
من كثر الكويتيين اللي هني أمس كل ما دشيت محل يسإلوني الكاشيرات إنتي من الكويت أقول يا ربي إشدراهم يقولون هاليومين اغلب الزباين من الكويت
قلت بقلبي ماكو فايده فينا يالكويتيين سرنا مقطوط بالسوق

 

[mr000]

سلام أمهات اشلونكم!! ان شاءالله كلكم بخير... فوز الله يهون عليج بالسلامه ويرجع دكتورج بموعده لايطول.. والله يشافي عمج ويقومه بالسلامه!! زين الحمدلله طمنتينا على ريمان..كراميلا ماشاءالله الكويتيين حتى بالأيستر اشكثرهم مايصدقون يحصلون عطلونه.. والله ماألومهم آنا من ألحين أفكر بالأيستر ودي أسافر!!ليالي اشلونج شخبارج.. حيا الله من يانا!!

 

[ملكة بيتها]

سلام مامات شلونكم
فوز الله يهون عليج ويقوم عمج بالسلامه
كارميلا الحمد الله إن ولدج تحسن وصاجه إحنا الكويتين نموت عالسوق ولا بعد لندن ياربي سوقهم حتى لو نقلوه كله هني هم ما تملين منه
مروو مبروك الريبورت والحمد الله تطمنتي على ولدج
بيلا مبروك الريبورت والحمد الله على سلامه دلول الحلوه بعد بنتج اسم على مسمى الله يحفظها

 

[ReeMaN]

سلام عليكم امهات العالميه شخباركم عساكم بخير ؟؟

الله يسلمكم مشكوووووووووورين حق كل من سال عني وعسى الله يخليكم لى ذخر بس والله والله مو بايدي المنتدى يعلق معاي يا ايرور

او يسجل اسمي ويمسح كل شي وطبعا هذا كله من عقب الساعه ست المغرب مستحيل يطلع معاي المنتدى .... هالاسبوع ولدي ماداوم الا

يومين والحمدلله مافيه الا العافيه بس صار جدولنا مع اهلنا اللي عندهم عطله كل مره مكان وسهر الى اخر الليل ...

انا راح اطلع الحين وانشالله ارد اكلمكم احبكم ..........

 

[mr000]

سلام امهات اشلونكم !! وي فشله توني أشوف البدليه شنو عطلونه قصدي عطله!!ملكه شخبارج الله يبارك لج..بس والله ريبوته مايفرح وايد بس اللي فهمته أن الماث والانجلش بسبب تغيير المدرسين ماكان فيه اختبارات كافيه طول الشهر علشان جذي أغلبهم حاطين لهم d يعني عالدرجات الموجوده.. بس نروح الأجتماع ونشوف شالسالفه!! شخباركم بنات.. اشلون عيالكم.. فوز طمنينا على عمج ان شاءالله أحسن!!

 

[bella bambina]

السلام أمهات اشلونكم واشلون عيالكم ؟
ملكه مشكوره حياتي الله يبارك فيج ويسلمج ويحفظج من الشر
ريمان welcome back ومدام انتي وولدج بخير خلاص عفينا عنج و have fun
الحمدلله مرو انه ناجح السنه مع تغيير المدرسين ما تقدرين تلومينه
فوز ان شاء الله يقوم عمج بالسلامه وتعدي هالمحنه على خير

 

[caramella]

السىلام أمهات
مرووو هذي سالفتي معاج آنا ارد الكويت إنتي تيين لندن آنا ايي بالكرسمس و غنتي بالإيستر يلا شدي الرحال عاد يكون الجو حلووو بهالوقت
ملكه هذا من طيبج ولدي الحمدلله صار احسن والله سكتي داء التسوق مو راضي يفج عني كل يوم أقول خلاص ماني رايحه سووق جني اقول حق نفسي جنج بعد ما شريتي شي بعد يبيلج
سكتي العام شحنت 100 كيلو غير الجناط اللي ويانا بالمطار وزنهم 130 كيلو
لما ييه مال الشحن وزن اغراضنا ريلي عصب علي قالي بشحنج مع الأغراض لووول
فوووز إشلوون عمج إنشالله تحسن
ريمان آخاف إشتراكج فيه شي آنا والله هني كل وقت يفتح معاي المنتدى
الله يساعدج تنرفز سالفة إن يعلق
لا ولا لما تكتبين و حالتج حاله و تالي يطلع لج إيرور تردين باك ينمسح كل اللي كتبتيه !!!
أين اين من هالحركه

 

[ReeMaN]

مساء الخير امهات شخباركم عساكم بخير ؟؟؟؟

فوز مايشوف شر عمج الف لاباس عليه والله يقومه بالسلامه يارب ..... مبروك الريبورتات مع ان ريبورت ولدي مايفرح مو شاطر بالماث و وباجي المواد عادي 3 2 3 2 3 2 ومايسمع الكلام بالمره ..... هالمره بخلي رجل المهمات الصعبه يصير وراه وراه بالتاديب وانشالله بنروح الاجتماع عشان ييييييييييييييييييييييييسمع باذونه وش يقولوووون عن طفل المعجزه اللي الكل يشوفه قممممممممه بالاحترام ههههههههههه

مروو شلون ريبورت وليدج انشالله تمام ... وفوز وبيلا شخبارج بيلا بشرينا عن بنيتج انشالله صارت احسن ؟؟؟

 

[bella bambina]

السلام أمهات
هلا والله ريمان الحمدلله دلول صارت زينه وردت تاكل وان شاء الله ولدج يكبر ويصير أحسن يوم الخميس ولدي لأنه مؤدب زياده عن اللزوم ولد بالصف على طول ولدي يقول لي انه شيطان خطره بالطابور ولما ولدي قال له لا تخطرني زنطه وما قال حتى حق الأبله بس لما خذيته قال لي i was very sad today هذا اللي الله قدره عليه والله عصبت عليه قلت له ليش ما قلت حق الأبله وأبوه قال له ليش ما تطق اللي يطقك والله ما أدري اشلون مع هاليهال باجر بروح الصبح أكلم أبلته

 

[bella bambina]

كراميلا التسوق عندي أحسن حل حق الاكتئاب واذا ما قدرت أروح السوق ألجأ للحل الثاني--------الأكل فيبقى التسوق أحسن من الأكل والله يعين ريلج على الوزن :d

 

[Fouz]

شلونكم أمهات و شخباركم
مرو، بيلا، كاراميلا، ملكة و ريمان
مشكورين على الدعوة و عسى الله يسهل ولادتي يارب، باجر بدق على العيادة علشان اتمن ان دكتوري رجع

عمي مسكين وابد تعبان و حالته مو قاعدة تتحسن للأسف، حماتي رجعت من أمريكا أول أمس علشان عمي عسى الله يشافيه و يعدي هالأيام الصعبة على خير

حبيت أسلم عليكم و اتشكر منكم على سؤالكم و دعواتكم، أخليكم ألحين و ان شاءالله المشاركة الياية تكون عندي أخبار زينة

 

[mr000]

سلام أمهات اشلونكم.. ماكو أحد كثري منبطه جبده من الأنترنت.. بس مومن المنتدى من الانترنت عندنا بالبيت مادري اشفيه يفصل طول اليوم.. وساعات على كيفه فجأه يشبك عاد المشكله أن بنتي مسكينه تسجيلها بالأنترنت يبتدي من باجر ولازم كل شوي تجيك عالمواد لأنه فجأه تفتح شعبه وتسكر شعبه.. المهم اشلونكم واشلون عيالكم...كراميلا ولايهمج السنه اليايه ان شاءالله اذا عندكم سفره بالكريسمس قوليلي أضبطلي سفره معاج.. بس والله ماأتحمل البرد الزايد حدي على برد الكويت!! وعلى سالفة السوق خو محد مثل سالفتي العام دفعت بالمطار 300 باوند عالوزن!!وصاجه بيلا التسوق ولا الأكل.. مع أني ساعات أسوي الأثنين يعني أتسوق وأقعد بكافيه آكل حلو!!

 

[ReeMaN]

والله احلى شي السوق والاكل خاصه اذا جسمج اينن السوووق كله حقج و مع النفسيه الحلوه تخليج كله يوعانه

 

[mr000]

ريمان لا والله السوق مافيه شي حقي يعني موعلشان الجسم مافيني متن زود ( بلى والله ليش الكذب) بس أحسه لبس بنات أكثر فطول الوقت بنتي تتسوق وآنا ناطره بس متى تقول باكل علشان آكل معاها!!واي آنا مو مصدقه الانترنت شابك.. كل شوي داشه!! ريمان صج على طاري ريبورت ولدج ميخالف لايضيق خلقج توه أول سنه .. وراح تشوفينه السنه اليايه يتغير وايد لأنه يكبر ويفهم أكثر!!

 

[caramella]

ريمان لا يضيق خلقج حبيبتي عالريبورت و صج بالإجتماع ذكري إن إحنا نبي نتجاوز نقاط الضعف ساعدينا شلونن؟؟؟
و غير جذي صح خل يكون رجل المهمات الصعبه معاج عشان يعرف يشد عليه شوي ويحس إنه مراقب
والله صدقوني الشده بالتعليم مهمه بالنسبه لي مو إنج تعصبين عليه تكرهينه عيشته بالدراسه
بس تحسسينه إن أهم شي بالدنيا دراستك تالي اللعب والوناسه
سكتواا آنا شكلي لنا برد باكل هوا من المدرسه الله يستر الولد بس بيلون كتابه ما يبي يكتب
اليوم خليته على راحته لكن باجر الأحد و إجازه و الأبو موجود إنشالله بياكل علقه سخنه عشان يتأدب و يكتب
والله بين ما بقى شي عهالرده ولا راضي يكتب لي حرف ال ذ ولا حرف ال خ ولا حروف l h i
ومن ناحية الأكل بيلا آنا مو مقصره والله ما يبقى برد ما يبقى كاكاو ولا شيبس و طايحه هالأيام بالعيش اتعشى عيش بعد طافحه طافحه يالله من فضلك
وقمت اشتري أكبر من مقاسي لوووول
وأدور ووين الكلووووش اللي ما ايبين الأرداف والكرش إستغفر الله ما ادري متى بضعف و بحس إن جسمي مرتب
ريمان جسم حلو مو حلو نشتري و ناكل عادي عادي الدنيا حلوه هاهاهاهاهاهاهاها

 

[mr000]

سلام أمهات اشلونكم! فوز الله يشافي عمج ويطول بعمره ويهون عليج بالسلامه!ريمان اشلونج اشلون ولدج لاتحرمينا من طلتج الحلوه!! بيلا شخبارج مسكين ولدج كسر خاطري.. ترى دايما الوسطي يصير جذي نفس ولدي الثاني مع إن أخته هم بالنص يعني أثنينهم بالوسط بس هي قوية باس وعنيده.. وهو انكسر لأنه بصغرهم دايما كل شي لها ونستجيب لها بس بنفتك من شرها.!!بس سبحان الله تغيرت وايد من راحت الأبتدائي!!كراميلا أكلي عليج بالعافيه ترى بعد البرد يخليج تحسين باليوع تالي لي رجعتي الكويت وبدا الصيف تنسد شهيتج!! والله لندن تفتح النفس حق كل شي الأكل والسوق والتمشي!!ان شاءالله تردون بالسلامه!!

 

[bella bambina]

السلام أمهات اشلونكم ؟
اي والله مرو هالولد يكسر خاطري اخته الكبيره طول الوقت اتحرش فيه وتضايقه والصغيره نسره بس تشوف عنده شي تاخذه منه ما رضى اليوم أنزل أكل أبلته قال بعدين i will be in trouble لأنها بتقول لي ليش ما انت زفيته الظاهر مكلمته بهالموضوع أكثر من مره تبي تقوي شخصيته
هلا والله فوز ان شاء الله نسمع أخبار طيبه عن عمج والله يقومه بالسلامه وان شاء الله تولدين بالسلامه
اي والله ريمان و كراميلا فيه ناس ياكلون بس لما يضيق خلقهم بس احنا بكل الحلات وبكل الأوقات ما عندنا مانع :botetoo: