تجمع امهات العالمية الامريكية

[mr000]

سلام أمهات اشلونكم! كراميلا تروحين وتردين بالسلامه وان شاءالله تستانسين بسفرتج وبدام باجر بجامه داي آنا أقول لااتعبين روحج وديه في بجامته وعطيهم هدوم الطلعه وقوليلهم الله يعافيكم على ما أقط الخدامه بدلوه لأنه وراي سفره! هههه آنا أذكر ولدي لما كان صغير لايمكن يلبس بجامه في البجاما داي يعني أشتريله وحده يديه وغاليه وهم مايلبسها يستحي فألبسه هدوم عاديه لأنه اخوانه كانوا يطفرونه اللي يقوله روح في مكسر وفنيله واللي يقوله روح في دشداشة بجامه! بيلا آنتي بنتج مو في الميدل سكول صح؟؟ لأن ولدي اليوم ودا معاه أكل البارحه وصيتله كيك&بيك على طبق دونت صغار وأخذته الصبح من فرعهم اللي بشارع بن خلدون وأمس خلانا ندور بمحلات الرياضه يبي فنيلة منتخب أصليه بيلبسها اليوم تالي هون اتفق مع رفيجه يلبسون دشاديش وراح بدشداشه !!

 

[mr000]

تصدقين كراميلا أمس سمعت شي في اذاعة البي بي سي قلت عسى مايتوهق ولدي ويروح عليه المؤتمر يقولج موظفين الخطوط البريطانيه ناوين يسوون اضراب حق الكريسمس من 22/12 لي 3/1 وان في ناس من ألحين بدوا يغيرون حجزهم لي خطوط ثانيه عاد ولدي بيسافر على البريتش 3/1 أمس قلتله موماخذ السالفه جد.... كيفه!!

 

[bella bambina]

لا مروو بنتي بقريد 5

 

[mr000]

سلام أمهات اشلونكم اليوم ماوزعوا الريبورت صح وألا وزعوه آخر حصه؟؟ لأنه ولدي ذبحنا مسجات يبينا ناخذه يقول الريبورت باجر وتست الماث تأجل لي بعد العطله وماكو شي مهم بس الحفله آخر درس بالسوشيال ومايبي يظل بعد أبوه من سمع جذي ويبي يفتك عن النطره لي 2 ونص راح خذاه من المدرسه الساعه 1 وآنا منبطه جبدي خايفه يفوته شي!!باجر الدوام لي ال11 !!

 

[bella bambina]

مساء الخير أمهات
مروو عطو بروجرس ريبورت حق ولدي اللي بقريد 1 وبنتي اللي بكي جي 1و بنتي الكبيرة تقول يمكن باجر

 

[mr000]

سلام أمهات اشلونكم! أي بيلا الريبورت باجر بس آنا ولدي شوي تعبان الظاهر حايشه برد فبوديه باجر بال11 ألا ربع بس ياخذ الريبورت !

 

[caramella]

السلام
حبيباتي ما يمديني أرد على مشاركاتكم حدي دايخه بس حبيت أسلم عليكم
وإذا تامرون على أي شي من لندن لا يردكم إلا الكيبورد

 

[Fouz]

صباح الخير أمهات
شخباركم ويا المطر
اليوم ما قدرت أودي بنتي حايشني عوار و مو قادرة اتحرك، خالتي ودتها و الحين قلبي وياهم من سمعت المطر الله يحفظهم ان شاءالله
أمس عطوني تقرير بنتي، بس خرابيط النص الاولي بإسم بنتي و اخر 3 سطور حق طالبة ثانية و اسم ثاني عاد عطيت خالتي التقرير ترده حق مس مروة و ان شاءالله احس اني احسن عقب شوي و اروح اييب بنتي و اشوف سالفة التقرير

كاراميلا تروحين و تردين بالسلامة ان شاءالله و ما نبي الا سلامتج ووناستج
مرو ما يشوف شر ولدج و ان شاءالله تقريره يكون زين و تتمتعون بالعطلة، تصدقين حتى خالتي امس قالت لي عن سالفة الاضراب لانها ناوية تروح امريكا و حاجزة على البريتش و الحين اشوفها مترددة
بيلا شلونج و شلون تقرير دلال ان شاءالله زين و ما فيه لخبطة مثل اللي عطوني اياه
ريمان وينج؟ ان شاءالله تكونين بخير و نشوفج عن قريب
بسكوتة و ام حمودي و ملكة و ليالي بعد مالهم بينة ان شاءالله المانع خير

 

[bella bambina]

صباح الخير أمهات
كراميلا تروحين وتردين بالسلامه
مروو ما يشوف شر ولدج
فوز لا تحاتين طول الطريج كان المطر قوي بس وصلنا حولي ماكو ولا قطرة مطر دلول تقريرها حلو بس يقولون عنيدة وما تسمع الكلام وshe does what she wants when she wants و شخصيتها مستقله
فوز وصلني خبر ان بييبون لهم مدرسة أمريكية من نفس المدرسه

 

[mr000]

اشلونكم أمهات!سلامات فوز ولاتحاتين بسرعه وقف المطر ماطول اليوم وديت ولدي الصبح ماكان فيه شي بس طول الطريج يتحلطم ليش ماغاب واليهال يحليلهم في بجامات!كراميلا سفره سعيده ونبي سلامتج ماقصرتي بس لوماخذتني معاج!

 

[Fouz]

بيلا كلامج عدل لما كلمت خالتي قالت لي ماكو ولا قطرة ماي هناك،، و الله يبشرج بالخير على سالفة المدرسة بس ان شاءالله تكون زينة و يرتاحون معاها اليهال، انا عطوني التقرير و كان زين يقولون انها تستمتع بالانشطة و القصص و تتكلم و تفهم االانجليزي بطريقة ممتازة و سلامتج

مرو صاجة وقف المطر مثل ما قلت حق بيلا، و ان شاءالله تروحين لندن بالايستر خوش جو بصراحة

 

[bella bambina]

هاي أمهات اشلونكم ؟
مروو ما عطتو بنتي بروجرس ريبورت تقول بس عطو حق اللي مستواهم نزل عن الشهادة اللي طافت

 

[mr000]

سلام أمهات اشلونكم فوز اشلونج ألحين! بيلا الميدل سكول عطوهم كلهم الحمدلله الريبورت زوين يعني في مواد نفس الدرجات وفي مواد أرتفع بس النسبه بشكل عام أحسن من ذاك الشهر والمهم انه بدى يتشجع عالدراسه وطبعا سيده من المدرسه لي مجمع الرحاب شراله games حق البلي ستيشن!

 

[bella bambina]

الحمدلله مروو زين خل يستانس بالعطله

 

[mr000]

سلام أمهات اشلونكم!

 

[ملكة بيتها]

سلام مامات إجازه سعيده لكم جميعا ولعيالكم
فوز شلونج يالغاليه الحمد الله طلع تقرير بنتج زين وتطمنت عليها وشكرا على السؤال حبيبتي
مروو شلونج حبيبتي الحمد الله تطمنت على ولدج وتحسن تقريره عن قبل وإن شاء الله من حسن إلى أحسن قولي آمين ويستاهل يروح الرحاب
كارميلا سفره سعيده وتروحين وتردين بالسلامه
بيلا بامبينا ياحلوها بنتج شخصيتها قويه الله يحفظها

 

[lyale]

السلااااام امهات العالميه وزعو عليكم التقارير وارتحتو يلاااا اجازه سعيده ما فيها محاتت تطمنتو الحمد الله
فوز يا حياتي مشكوره عالسؤال انا بخير

 

[mr000]

سلام أمهات اشلونكم

 

[Fouz]

صباح الخير أمهات شخباركم، كل عام و انتو بخير و سنة هجرية سعيدة علينا كلنا
مرو الحمدلله على تقرير ولدج و منها للأعلى ان شاءالله و تسلمين على السؤال انا الحمدلله أحسن اليوم
بيلا شخبارج، و ان شاءالله اجازة سعيدة و نرتاح شوية من لبحة الصبح و التوصيل
كاراميلا ان شاءالله وصلتي بالسلامة و عساها سفرة سعيدة
ريمان ان شاءالله تكونين بخير
ملكة شلونج انا بخير الحمدلله تسلمين على السؤال
ليالي شخبارج و ان شاءالله دوم بخير

 

[mr000]

سلام أمهات اشلونكم! فوز شخبارج! كراميلا اشلونج بلندن عسى مستانسه اشلون البرد عندكم!!ملكه وليالي اشلونكم مع العطله!!ريمان ياريت تطمنينا عليج!! باقي امهات العالميه اجازه سعيده ان شاءالله!!