تجمع امهات العالمية الامريكية

[bella bambina]

فوز ما كو أحد يمتن بالحمال كثري ومن أول شهر أشتري ملابس حمل بدلول وصل وزني يوم الولادة 106 والحين مع اني آكل أكل اليهد وزني 68 فعادي هذا كله ماي وان شاء الله ليما تولدين بالسلامه يرد وزنج ولما كان الدكتور يقول لي حاولي انج ما تزيدين أكثر كان ريلي يقول مالج شغل فيه اكلي انتي مو متينه انتي متروسة يامعود 106 مو متيييينه :dddds:

 

[bella bambina]

فوز آنا ما آخذ بكلام مس مروه أكيد بتبين لهم انها قدها وقدود و الدليل على كلامي أمس اليوم الوحيد اللي قالت ان دلول اليوم تسمع الكلام وسوت أوراق العمل وكانت شاطرة سبحان مغير الأحوال لا وبعد موزعين عليهم هدايا

 

[ام الحوراء]

ثانكيو فوز انا هالسالفه خلتني اتردد وااايد على تسجيل بنتي تخيلي انا بنتي تقريبا سنتين حضانه شنو حلاااو الحين بعد ما يقبلونها روضه لا قويا شكلي بدور على مدرسه ثانيه

وعلى الرسوم الكل يدفع 3 دفعات بس ؟؟

 

[ام الحوراء]

ام حوراء
ليش يحطونها حضانه
عاد بنتي مواليد شهر1 بس تروح روضه السنه اليايه انشالله
ليش ما يقبلون مواليد سنة 2007
بس اهيه بدخلها التكامل

اي تخيلي يعني سنه من عمرها بس جذي
انزين بالنسبه حق التكامل شلونها كمدرسه يعنى مستواها ووين مكانها ورسومها اكيد عندج فكره


بناااات سوري عالتاخير بالرد لاني مو على طول موجوده

 

[Fouz]

بيلا الله يبشرج بالخير، انا اقصى وزن يوم اني حامل صار 84 فان شاءالله سهالات، و الحمدلله ان رياييلنا من النوع اللي يسهلون السالفة، أمس بالليل كليت لي فتوش جان يقولي يالجبانة هههه اكلي عدل جان اقوله مو يوعانة كلششش مو جذابة ههه،، و ان شاءالله على كلامج عقب الولادة أضعف بصحة و عافية

كلامج عدل أكيد بتقول جذي مس مروة بس احنا شنو بيدنا يا بيلا، اليوم عقب المدرسة اسحب الكلام من بنتي و يبين كل شي، مادري منو المساعدة مالتها ان شاءالله تكون زينة، بس للأمانة حتى بمشاركاتي اللي قبل كنت اقول اني احس مروة وايد حليوة مع اليهال أكثر من ميرنا بس المحبة من الله بنتي تموت على ميرنا

أم الحوراء حياج الله و مدرستنا الدفع فيها بس دفعتين الا اذا ندج 3 يهال يخلونج تدفعين على 3 مراحل، و بالنسبة حق الروضة فكري عدل و شوفي الاصلح، لان النظام عندهم واضح ما يقبلون الا مواليد 2006 حق اولى روضة، و الله يوفق بنتج ان شاءالله

 

[mr000]

سلام أمهات اشلونكم! سووووري فوز والله البارحه كنت بكتب لج تصبحين على خير بس كل ما أطرشه يفصل النت! ومن ناحية قوطي الماكنتوش كلش لاتشيلين همه طرشي حقي وآنا أفكج منه خو آنا خرفت أقول حق أختي ألحين لما كبرت ولازم أراقب أكلي قمت آكل اليابس والخضر يعني أول تلوع جبدي لما أشوف دونت أو موفن أو كرواسان ووايد شغلات ماأحبها ألحين عاااااادي كلشي أحبه بس طبعا مو يوميا أكثر شي بالويك أند بطلعاتي مع بنتي أخوره شوي!!

 

[mr000]

بيلا أشلونج شخبارج اليوم ولدي أول مره ينسى الidعسى مايعطونه ديتينشن؟ مادري أشوفهم وايد متشددين عالميدل سكول! اليوم لبس دريس داون داي بس يقول موكل المدرسه بس غريد8!أم الحوراءالتكامل في صباح السالم آنا ولدي كان فيها 4سنين بس نقلته مع أنها قريبه على بيتي وايد فرق عن ألحين وأذا حبيتي تعرفين عن مستواها في تجمع حق التكامل يمكن الأمهات هناك يفيدونج أكثر لأنه الأداره ووايد مدرسين تغيروا عن لما كان ولدي فيها! بس نصيحه لاتاخذين براي ناس توهم مجربينها سنه أو سنتين أذا أنتي لج نيه تكملين فيها لي الثانويه سألي ناس عيالهم واصلين المتوسط والثانوي عن المستوى بشكل عام وأشلون شايفين عيالهم ألحين لما كبروا! والمدرسه ترى 99.9% من طلبتها كويتيين وماعندهم موسيقى ويودونهم حق الصلاة يوميا ومن غريد6 الأولاد مفصولين عن البنات فصل تام يعني لو الولد يمر بالغلط في ممر صفوف البنات وألا يمر بالساحه وقت فرصتهم تنقلب الدنيا على راسه ويحصل ديتينشن!وعذريني عن الرسوم والله ناسيه لأنه ولدي طلع منها من سنتين وتغيرت رسومهم!

 

[mr000]

ناطره ولدي يرجع من التيوترينج الساعه 4 وأشوف منو طلع بعد من المدرسين آنا موفاهمه اشلون يستغنون عن مدرس الأنجلش بهالسهوله أيا كانت المشكله اعتقد لازم يكلمونه بالبدايه وينبهونه ويعطونه مجال يتعدل مو سيده جذيه!يقولي ولدي هم الصبيان مو قصدهم يشتكون عليه بس قالوا حق الأخصائي أنه مدرس الأنجلش علبو غشمره لما بيسكتهم أو يبيهم ينتبهون له يستخدم كلمات مو لائقه يعني مو سبه بس كلمات مو عدله وطبعا مارضى ولدي يقولي شنو فيقول الظاهر مستر ماريو الكاونسلر قال حق الناظر فقضبوه الباب ويمكن مو هذا السبب الله أعلم هذا كلام الصبيان! ألحين توه ولدي دزلي مسج يقولي خلاص المدرس مو موجود مادرسهم اليوم!الله يعدي هالسنه على خير صج ولدي ماله حظ لما غيرت صفه أول السنه بنفتك من المصري الشيطان ألحين كل ماده يروح المدرس الزين واييهم واحد أقشر وامتحاناته صعبه!!

 

[caramella]

السلام عليكم
إشلونكم أمهات
فوز وبيلا شيقولون بناتكم عن المدرسه اليوم طمنونا
طمنتيني فوز أشوه إنه مراجعه عاديه و إنشالله ما فيج إلا العافيه ولا تحاتين الوزن إنشالله ينزل
آنا الحمدلله واالشكر عكس الناس بحمالي كله أضعف لاو ما آكل عدل بالشهور الأخيره أنتفخ شوي من الماي
وبالأربعين إشحلاتني أضعف وايد
بس أطلع من الأربعين اللهم يا كافي الشر أصير أرضه و أمتن حيل
ألحين من طلعت من الأربعين لي الحين زايده 6كيلوات
أهلي إقولون لي مو زين جذي أخاف تحملين على هالوزن مو زين لج ولا للبيبي وتالي شينزله ويقولون الحمال على متن متعب حيل
بس طبعا إختكم كراميلا إذن من طين وإذن من عجين ومالي خلق أسوي رجيم الصراحه
وهات يا هارديز وشارع المطاعم وفرنش فرايس و فرابتشينو وكاكاو وكيك لا وهابه بعصير الأفوكادو لووووووووووووووووول قمه في الدسم
اللي علمني عالأفوكادو إني آنا أموت بعصير الأناناس بس بالحمال ما كنت أقدر أشربه لأن يقولون إييب طلوق فكنت أشرب بداله أفوكادو
فا ألحين هديت الأناناس اللي يحرق الدهون و هبيت بالأفوكادو اللي إييب الدهون
عادي عادي مررووو متعة الحياة بالأكل الصراحه لاتخلين شي بخاطرج إلا و إكليه بس بالمقابل لازم نتحرك شوي كله مبسطين على هالاب توب
يا حرام قاعده أحاتي ولدج إنشالله ما يعطونه ديتنشن
وسالفة مدرس الإنجليزي إذا إمشينه على هالسالفه ما عندهم سالفه الصراحه نبهوه وخلصنا بروحه يالله يحصلون مدرسين أجانب بالتفق

 

[mr000]

أم الحوراء على سالفة دفع الرسوم بالعالميه آنا العام وهالسنه ماقط دفعت دفعتين أدفعهم يمكن على 4أو 5 دفعات بس على نهاية الكورس الأول أخلص كل الرسوم لأنه ولدي بالمتوسط رسومهم وايد 2887 أو شي بهالحدود مومتأكده!! فوز الوظيفه اليايه شكلي باستقبل اطفال حضانه بالبيت بدام عندي 3 خدامات وجان بتشاركيني ييبي البيبي معاج وخدامتج بدامج بتاخذين أمومه....!

 

[mr000]

أي والله كراميلا صج ضاق خلقي على مدرس الأنجليزي لأنه هالسنه كلش ماحسيت أن عنده مادة انجليزي ولاأشوفه يقعد يدرس بالبيت حق امتحان انجليزي بالمره وأذا سألته يقولي هو يراجع لنا بالصف تالي يمتحنا ومنهجه غريب يعني لافيه قواعد ولاتعقيد كله قاعد يركز على مهارات الفهم والكتابه بصراحه مادري شنو قاعد يدرس بالضبط بس أشوفه ياخذ b ألحين عاد الله يستر من المدرسه اللي بتدرسهم سأل عنها الطلبه اللي بصفها قالوله شديده وصعبه وتعطي هومووركات وايد وامتحانات!!

 

[Fouz]

شلونكم أمهات

مرو معذورة يالغالية المنتدى ساعات يرفع الضغط تكتبين الرد و تالي تطلع لي صفحة الايرور،،، تستاهلين مصنع كادبوري بكبره افا عليج مرو بس ماكنتوش ما طلبتي شي، و عليج بستين عافية المفن و الكرواسون و صاجة ساعات الوحدة مادري شنو اييها بس تبي تاكل عاد انا ما اواطن الدونات عسى ما ما اتولع فيه دام كنتي ما تحبينه و تالي حبيتيه !!! الله يستر

كاراميلا والله بنتي ما قالت شي حطت راسها و نامت و توها اختي الله يعافيها ودتها السينما فماكو الا بالليل اخذ كل التفاصيل، ياكره المتن و يا شين الريجيم استغفرالله، ماشاءالله اكو ناس مهما ياكلون عودهم ما يمتن اما انا اعوذ بالله من كل شي انتفخ يعني لازم اراقب اكلي طول الوقت علشان ما ازيد و بالحنال لا عاد الشي زايد و ماكو كنترول
عليج بالعافية يا كاراميلا و ان شاءالله بلندن مع المشي الجسم يتعدل و عسى ربي يرزقج بحمال و انتي ضعفانة و اهم شي بصحة و عافية

 

[bella bambina]

مساء الخير أمهات
فوز سألت مس سارة بورسلي مديرة الكي جي قالت قابلو مدرستين بس عندهم ظروف ووحدة منهم بتسافر ماراح يداومون الا بعد عطلة الكريسماس ما يندرى كلامها صج ولا بس عشان يسكتونا هالفترة والحين حاطين حق المساعدة مروة وحدة تساعدها مساكين عيالنا عللى أيام عيالي كانو بهالفترة يكونون مخلصين نص الحروف تقريبا

 

[mr000]

سلام أمهات اشلونكم!والله ولدي قاعد يحاتي هالمدرسه اليديده اللي بتدرسهم انجلش مع أنها اليوم غايبه مادرستهم بس متأثر من كلام الصبيان انها وايد شديده وتعطي ديتنشن وايد!!بس أذا كان عندهم نقص مدرسين جذي ليش يمشونهم بسهوله... ليش مايشترطون عليهم يكملون السنه... باطه جبدي هالسالفه بس آنا أشوف أحسن من سالفة مدرسة الأنجلش العم مس ساره الغربللي خسبقتهم كله غايبه وكاشته ويقولي الكاونسلر هم ساكتين عنها لأنها كويتيه والظاهر لما هي بالآخر قدمت استقالتها بشهر 4 بعد اشبقى بالسنه خلصت السنه وهم كل يوم لهم مدرس!!

 

[mr000]

سلام أمهات اشلونكم ....ريمان وينها آنا صج قاعده أحاتيها ..ان شاءالله بس مشغوله ومافيها شي.. موعادتها تختفي جذيه...اشلونكم مع المطر..استغفرالله ماأحب مطر بالويك أند أحس باكتئاب.

 

[Fouz]

صباح الورد و جمعة مباركة على الجميع

بيلا ان شاءالله ما يتأثرون عيالنا كافي ان الدراسة بدت متأخر و هالمرة ماكو مدرسة!! اذا على ورا الكريسمس مقدور عليها كلها اسبوع و يعطلون بس ان شاءالله تييهم وحدة سنعة

مرو انا احس انه ولدج اسم الله عليه وايد هادي فقوليله لا يحاتي شدة المدرسة و بالعكس هالشي من صالحه علشان تضبط الشياطين اللي بالصف و تخلي الكل يستفيد،، اما هذي المدرسة الكويتية الله يهديها يوم انج مو قد الشغلة اشحقة رايحة!!! بس انا احس انه عندهم خلل و ثغرات في العقود، لو كانت الشروط قوية صدقيني ما يصير كل هالتسرب،،، تصدقين توني قاعدة ما شفت المطر ولا أدري عن الجو برة، من غير شر أمي مسافرة فماكو زوارة و خذيت راحتي بالسهر أمس و زوجي ان شاءالله باجر بيسافر فأمس كنت أجهز أغراضه و طار الوقت

صاجة مرو ريمان غاطة عسى المانع خير

 

[mr000]

أهلين فوز اشلونج شخبارج... والله هالجو والمطر خلاني أفكر عدل بالسفر بس حسافه ماضبطتها حق الكريسمس يقولون ماكو حجز حق الرده... نشوف حق الأيستر...فوز آنا حاسه أن القلق اللي فيني على طول منتقل حق ولدي ..يعني حتى آنا أحاتي وايد لما يتغير المدرس وأحاتي لما يكون عنده امتحان ..ياربي شسوي ولدي اذا مايحس بمراقبه ممكن يهمل لازم الواحد يشد عليه على طول وألا هو مو شيطان ولا أحد يشتكي منه .. حتى مدرس التيوتر أمس دازلي مسج يقولي أبيج تشجعينه وماتحبطينه الولد شخصيته حلوه وآنا وايد حبيت التعامل معاه واعتبره صديقي...قلت بقلبي أشوف ولدي من كلامه أنه وايد يسولف معاه وآنا أقوله هذا يدرسك وألا يسولف معاك الحصه كلها ساعه وهذا شكله نص ساعه بس يسولف معاك!

 

[Fouz]

مرو شعورج طبيعي لان قلبج على ولدج، بس حاولي تسهلين عليه الامور يعني لا تنفعلين جدامه، اذا قالج تغير المدرس قولبله يمكن اللي ياي يكون أحسن لا تخلينه يحاتي قبل لا يجرب المدرس اليديد، لان سبحان الله العيال يستمدون الثقة من الاهل يعني اذا حسوا انج خايفة راح يخافون، و عسى الله ما يضيع تعبج وياه و تشوفينه متفوق مثل اخوانه يارب

 

[mr000]

سلام أمهات اشلونكم!

 

[Fouz]

صباح الخير أمهات، شخباركم