تجمع امهات العالمية الامريكية

[جوري الكويت]

صباح الخير يا امهات

انا بنتي عمرها سنه و من الحين قاعد اخذ فره على المدارس بشوف وين ادخلها انشالله

هههههه حدي مستعيله .. بس لأني كنت مدرسه سابقه ولايعه جبدي من مدارس حكومتنا الرشيده

عجبني موضوع التدخل في الخصوصيات

يوم كنت حامل وحده سألتني انتي بأي شهر .. قلت لها السابع

و بعدها سألتني متى تولدين قلت لها شهر اثنين

جان تقول لي .. لا عيل ليش تقولين انتي بالسابع عيل جذي ماراح تولدين شهر اثنين !!!

جان اقول لها مصيييبه مسرع ما حسبتي !!!

فشتلتها مع اني ما احب افشل احد

و من حنه الناس ولدت قيصريه .. الحمدالله على كل حال

 

[Fouz]

حياج الله جوري

و ان شاءالله تشوفين بنتج عروس

و تدخل الناس كله من الفضاوة اللي اهم فيها، لو كل وحدة تلهى في نفسها و بيتها و عيالها جان ماصار عنهم وقت يراقبون الناس بس شتقولين الشكوى لله

على قولة مرو ما عندهم وقت حق الاشياء المفيدة و مجابل بيوتهم بس حق التنبش و الحنة محد فاضي كثرهم، الله يكافينا شر الحنة و يلهيهم في روحهم

 

[bella bambina]

مساء الخير أمهات
الله يوفقج فوز بدراستج آنا والله مو بس ما عندي وقت حق الدراسة تدرين مخ المدرسات يوقف مع مجابل اليهال وبلندن حتى ما ياخذون بشهادة المدرسين بالمحكمه بعد 10 سنين تدريس و آنا صار لي 12 سنه بالتدريس فراحت علي :dddds:
زين اني قادرة أدرس عيالي طبعا كلكم تدرون ماعدا دلول ما أقدر عليها
وآنا حامل كاشخة بطلع مع ريلي شافتني وحده من أهله وقالت لي واي صايرة اشمتنج بتنفجرين ( وآنا على بالي حلوة )
و اهيه واييييييد متينه بس حسبالها نفس كل مره ما أرد فقلت لها حتى لو اني متنانه هم ما أيي نصج ريلي استانس اني رديت عليها بس تحسفت وكسرت خاطري ( شكو ؟؟؟؟؟ )

 

[Fouz]

هلا والله بيلا مشكورة حبيبتي على الدعوة الحلوة و الله يوفقنا كلنا، و صاجة التدريس يشلع القلب بس سالفة شهادة المحكمة صج ضحكتني الظاهر يدرون شيصير من ورا هالتدريس و شلاع القلب

ولا تكسر خاطرج ولا شي اهي لو حاشمة روحها محد رد عليها ولا ضايقها، عاد تدرين بيلا انا طبعي ما أعلق لو شنو اللي جدامي لان ما ادري شنو ظروف الناس بس اذا احد تحرش فيني و ضايقني لا عاد أطلع اللي بقلبي بدون ما أفكر لان اللي يضايقني يستاهل اللي اييله و لااااا بعد جدام ريلي هذي فيها جريمة قتل

 

[bella bambina]

مروو اليوم سويت نفسج طلعت الملابس الشتوية حق اليهال حسيت ان عيالي اسم الله عليهم كبرو ملابس العام صغرو عليهم ماعدا الكبيرة صار عمرها 10 سنين وليلحينها تلبس قياس 7 الظاهر تبي توفر علينا

 

[mr000]

سلام أمهات اشلونكم!اليوم الجو عالساعه 3 العصر والله جو كنتربيري وليك ديستريكت صج حسيت بالحنين حق لندن عاد آنا على طريف أتسبب وقاعده أقول حق بنتي لاخلاص لازم أروح هالسنه بعد!!بيلا آنا عندي الصبيان اسم الله عليهم كل سنه نقط هدوم ونشتري هدوم بس بنتي من صغرها جسمها مايتغير وايد وتلبس أصغر من عمرها بوايد بس طبعا ماترضى تلبس ملابس العام تقولج لاشايفينهم علي! العام كنت أدور لها روب دافي تلبسه فوق االبجامات وكلما ندش محل حتى السمول كبير عليها آخر شي شرينا من تامي مال اليهال!

 

[لمعة سراب]

ياحلواااات بعرف المدرسة مختلطة؟

 

[Fouz]

ياحلواااات بعرف المدرسة مختلطة؟

اي نعم مختلطة لمعة سراب

 

[bella bambina]

نسيت أقول لكم اليوم أخيرا فاز فريق كرة القدم اللي مشتركة فيه بنتي كانو خسرانين بمباراتين قبل وقلت حق بنتي اذا اليوم خسرتو خلاص بتطلعين من الفريق ( بفتك من التوصيل يومين بالأسبوع يطلعون الساعة 4 غير يوم المباراة ) بس حسافة فازو ومالي عذر

 

[mr000]

بيلا مبروك فوز فريق بنتج... والله يعينج على التوصيل لي نهاية الكورس... ماراح ينتهون مع اجازة الكريسمس وألا بيكملون لي آخر السنه؟؟آنا هم والله سجلت ولدي بالتيوترينج لي اجازة الكريسمس والله يعينا على التوصيل العصر!!أمهات ماتدرون اذا الستور مال الملابس يرضون يردون الشي بدون فاتوره؟

 

[ReeMaN]

ماشالله شهالتجمع اللي ايونس الله يتمم علينا بالخير من امس احاول اشارك كله يعلق معاي ....

كل عام وانتى بالف الف خير فوووووز والله ويهج خير علينا اليوم يبتي لنا الجو الروووعه جو لندني على قولتكم عسى ايامج وايام وايامكم كلها افراح يارب وكملييييييي كملييييييييي مشوار الدراسه و ماعليج من الناس محترين منج من يقدر يسوي مثلج توصلين القمه يارب واذا اكو شي فوق الدكتوراه كمليييييييي لايوقف شي بطريجج يارب ولو انى مافهمت شنو تخصصج بالضبط بس كمليييييييييييييييييييييي هههههه

حلاتها نسولف بحديقه الهايد بارك على كبر لندن ماعجبتنى غير حديقه الهايدبارك القديمه مو الحين قسموها وسو شوارع داخليه بالحديقه

امهات عطوكم ورقه ان في تصوير الصف على اول ديسمبر كشخو عيالكم بهاليوم

مروو انا مع فوز بالراي الذكي اخذتي شهاده ولدج مالت العام و روحي حق المديره كلميها خل تشوف المقارنه يمكن وانشالله تقدر اتساعدج

 

[ملكة بيتها]

سلام مامات شلونكم
هابي بيرث داي فوز ...إن شاء الله طلعتي واستانستي بالجو بصراحه اليوم الجو جو إحتفال
يلا يبيله تجمع بلندن وناسه على قوله ريمان بالهايد بارك

 

[lyale]

مساء الخير أمهات
الله يوفقج فوز بدراستج آنا والله مو بس ما عندي وقت حق الدراسة تدرين مخ المدرسات يوقف مع مجابل اليهال وبلندن حتى ما ياخذون بشهادة المدرسين بالمحكمه بعد 10 سنين تدريس و آنا صار لي 12 سنه بالتدريس فراحت علي :dddds:
زين اني قادرة أدرس عيالي طبعا كلكم تدرون ماعدا دلول ما أقدر عليها
وآنا حامل كاشخة بطلع مع ريلي شافتني وحده من أهله وقالت لي واي صايرة اشمتنج بتنفجرين ( وآنا على بالي حلوة )
و اهيه واييييييد متينه بس حسبالها نفس كل مره ما أرد فقلت لها حتى لو اني متنانه هم ما أيي نصج ريلي استانس اني رديت عليها بس تحسفت وكسرت خاطري ( شكو ؟؟؟؟؟ )

بيلااا عجبني ردج زين سويتي لان في نااااس ما تحشم نفسها تبي احد يرد عليها
خخخ ذكرتيني بواحد من اهلنا يوم ولدت ما ماديني بالاربعين يقولي صايره بطه وانااا اساساا حتي بحمالي لي الشهر 9 وزني 58 فااا ما رديت عليه لاني وايد مسالمه ولو تشوفين زوجته شنوو بطه وياي يناشبني شكووو صج انقهرت بس والله الله شاهد اني مو متينه وخصوصا حملي الاخير كنت ما اكل فااا شسوي احتريت وما عرفت ارد بوفتها

 

[lyale]

هه اعذروني بس من الي فيني رديت قبل لا اسلم
السلااام امهات العالميه
وكل عام وانتي بخير فوز وعقبال مليون سنه سعيده

 

[bella bambina]

صباح الخير أمهات
happpppy birthday dear fouz happy birthday 2 u
الله يبارك فيج مروو مادري لي متى بس شكلهم مطولين لأن مدربتهم عطيناها فلوس ويابت لهم الملابس من بره مطبوعه عليهم أسماءهم والله ما عندي مانع أوصلها حق شي يفيدها بس كرة قدم

 

[Fouz]

صباح الخير على أحلى خوات

بعد عمري والله كلكم و ان شاءالله ايامكم كلها سعادة قولوا امين

الحين اقرا ردودكم و ارد على كل وحدة بالاسم

 

[Fouz]

ماشالله شهالتجمع اللي ايونس الله يتمم علينا بالخير من امس احاول اشارك كله يعلق معاي ....

كل عام وانتى بالف الف خير فوووووز والله ويهج خير علينا اليوم يبتي لنا الجو الروووعه جو لندني على قولتكم عسى ايامج وايام وايامكم كلها افراح يارب وكملييييييي كملييييييييي مشوار الدراسه و ماعليج من الناس محترين منج من يقدر يسوي مثلج توصلين القمه يارب واذا اكو شي فوق الدكتوراه كمليييييييي لايوقف شي بطريجج يارب ولو انى مافهمت شنو تخصصج بالضبط بس كمليييييييييييييييييييييي هههههه

حلاتها نسولف بحديقه الهايد بارك على كبر لندن ماعجبتنى غير حديقه الهايدبارك القديمه مو الحين قسموها وسو شوارع داخليه بالحديقه

امهات عطوكم ورقه ان في تصوير الصف على اول ديسمبر كشخو عيالكم بهاليوم

مروو انا مع فوز بالراي الذكي اخذتي شهاده ولدج مالت العام و روحي حق المديره كلميها خل تشوف المقارنه يمكن وانشالله تقدر اتساعدج

أهلين ريمان و مشكورة حبيبتي على الكلام الحلو و تخصصي كيمياء تحليلية و ان شاءالله ربي يقدرني اوصل حق اللي أتمناه و دعواتكم وياي و لندن ما تنعاف ياريمان
اي شفت ورقة التصوير بس بنتي صفها السادس يعني يا كرههم على ما ايي وقت التصوير الا اليهال معفوسين ماكلين و يمكن مدمرين روحهم

سلام مامات شلونكم
هابي بيرث داي فوز ...إن شاء الله طلعتي واستانستي بالجو بصراحه اليوم الجو جو إحتفال
يلا يبيله تجمع بلندن وناسه على قوله ريمان بالهايد بارك

هلا و غلا ملكة و انتي بخير حبيبتي
انا عيد ميلادي اليوم 22/11 رقم ملكي هههه و ان شاءالله ناوية أتعشى برة عقب ما أنوم بطتي الصغيرة
و على ايدج تجمع لندني نأجر عمارة كملة، احنا نتيمع و رياييلنا يميع و اليهال يلعبون خووووش فكرة

 

[Fouz]

هه اعذروني بس من الي فيني رديت قبل لا اسلم
السلااام امهات العالميه
وكل عام وانتي بخير فوز وعقبال مليون سنه سعيده

يا هلا ليالي و انتي بألف خير يالغالية
و لا تحرين عمرج، ما تحجوا الا من الواهي و اهم شي انج راضية عن عمرج بس لااااااااااااااااااااااازم تردين لان اكو ناس مو كفو حشيمة
تصدقين مادري شيحرهم قطع، انا ريلي ما يواطن الضعف و طبعا ما يحب المتن الزايد بس اذا نزلا وزني يقولي شكلج مريضة فيحب الجسم و الويه يكونون متوازنين، و هم يتدخلون ريلج ما يقولج ضعفي ما قالج متنانة بالحمال جان اقولها انا عاجبته و عاجبة روحي من طلب رايج،، زعلت عقبها و صارت رسمية معاي السلام و بس و بيني و بينج فراقها عيد

صباح الخير أمهات
happpppy birthday dear fouz happy birthday 2 u
الله يبارك فيج مروو مادري لي متى بس شكلهم مطولين لأن مدربتهم عطيناها فلوس ويابت لهم الملابس من بره مطبوعه عليهم أسماءهم والله ما عندي مانع أوصلها حق شي يفيدها بس كرة قدم

هلا بيلا و مبروك على فريق بنتج و الله يعينج على التوصيل
تسلمين حبيبتي و ان شاءالله ايامكم كلها افراح

 

[bella bambina]

الله يبارك فيج فوز

 

[caramella]

السلام عليكم أمهات
happy birthday fouz
العمر كله إنشالله
إذا تبين راي على مطعم آنا أحب لونوتر اللي على البحر فوق لأنه منيووه غير أحلى من اللي تحت و هم قعدته أكشخ اللي تحت كافيه و اللي فوق المطعم
مرووو إشسويتي قررتي إنج تكلمين المديره و لا لأ آنا نصيحتي كلميها
بيلا الله يساعج والله إسأل مجرب آنا جربت و حاسه بمعاناتج
ومبرووك فوز فريق بنتج
هلا والله ليالي إشهالغيبه فقدناج يالغاليه
آنا طقتج ما أرد والله والله إني أموت من القهر
فوز ودي ودي إني أرد على الناس اللي مو كفو حشيمه بس ما أقدر والله اللي صار لي بولادتي قضاء و قدر بس والله إني قبلها بإسبوع خالت ريلي سامه بدني إاللي تمينت إسبوع كامل أبجي ليل و نهار تدرين احامل حساسه و ما تتحمل أحد إقولها ردي لي ورا وبنفس الإسبوع هم وحده من دوامي سامه بدني وأمي تقولي بسج بجي ذبحتي اللي إبطنج و صار اللي صار حسبي الله ونعم الوكيل فيها إنشالله يا ربي الله ياخذ حقي منها
يا ربي إنشالله تشوف حوبتي ما تتعداها وو توعيها إن هذي الحوبه من اللي تسويه بالناس
ريمان هلا هلا غطيتي يالغاليه
ترى آنا راسمتلي إنشالله على خطط لندنيه من بيخطط معاي ؟؟؟؟