تجمع امهات العالمية الامريكية

[mr000]

سمبوسه رحتي كل مكتبات المثنى ماحصلتي؟؟ لأن أكو مكتبه بالمثنى فوق شوي مدعوسه أسمها teacher celler تييب كل الشغلات اللي يطلبونها المدارس الخاصه حتى كنت أشوف فيها مدرسات من المدارس الأنجليزيه يشترون منها حق الكي جي والألمنتري وسائل وقصص! شوفي بعد كان في بالسالميه القديمه مكتبه بس مادري أذا موجوده ليلحين أو لأ أسمها مكتبة العائله مكانها ورا اليوسفي باناسونيك مادري اذا عرفتي المكان محلات السالميه اللي فيها الأرجوان والأخضر وألعاب الوليد هذي المكتبه ممتازه كلها كتب تعليميه وقصص و عندج بعد فيرجن اللي بمارينا مول!

 

[حضاره]

مساءالخير00اشلونكم امهات العالميه00

سمبوسه2

هذا موقع مفيد في تعليم اصوات الحروف والكلمات القصيره00ان شاءالله يفيدج

www.starfall.com

 

[ملكة بيتها]

السلام عليكم حبايبي
أنا بعد بضيف على المكتبات المتخصصه بكتب والقصص الأجنبيه في مكتبه بليلى جاليري السرداب فيها وايد شغلات حلوه وفي مكتبه ثانيه بالعماره اللي فيها لغز الأطفال في مكتبه بالزاويه عندها كتب وقصص ومجلات أجنبيه

 

[نواري]

صباح الخير اشلونكم امهات طلبه العالميه الامريكيه ان شاء الله بخير

 

[mr000]

أهلين نواري اشلونج شخبارج وينج من زمان! اشلون ولدج مع غريد 8

 

[*نور الكويت*]

صبـــــاح الخيــــــر

أمهــــــات حيـــــاكم بهالموضــــوع
فيـــــــدوا واستفيـــــــدوا

http://www.q8yat.net/showthread.php?t=523833

 

[ReeMaN]

مساء الخير امهات شخباركم عساكم بخير والله سمبوسه انا استغل فتره المعارض اخذ القصص حق ولدي وعندج مثل ماقالت مرو المحل اللي بالمثنى ومرتبهم حسب مراحل عمر الطفل وشنو الانسب له

امهات باجر انشالله الرحله وماشالله وايد امهات بيروحون مع عيالهم خلو الامهات كل وحده بسيارتها الظاهر مايكفى الباص حق الامهات

 

[سمبوسه2]

مشكورين خواتي ما قصرتوا

 

[bella bambina]

هاي أمهات اشلونكم ؟
ها فوز طمنيني اشلونج مع الفلو ان شاء الله أحسن ؟
ريمان اشلون رحلتكم ان شاء الله استانستو ؟ تصدقون صار لهم عيالي 8 سنين بالمدرسة ولا مرة رحت معاهم رحلات أبيهم يتعلمون يستانسون مع ربعهم ويعتمدون على نفسهم يكفي بالويك اند نطلع مع بعض وآنا من نوع أم قليب ما أحب أستأذن من الدوام
مروو ذكرتيني بمكتبة العائلة وأيام الجامعه بس حسافة سكروها والله كانت وايد مفيدة

 

[bella bambina]

سمبوسه آنا أحب أطلب هالكتب من المدرسة يوزعون علينا أوراق بأسماء كتب وقصص واحنا نكتب طلباتنا من أمريكا schoolastics وصح كلام حضارة موقع starfalls وايد حلو حق القراءة

 

[Fouz]

السلام عليكم

شلونكم أمهات ان شاءالله بخير

بيلا حبيبتي مشكورة على السؤال، الحمدلله انا احسن بس تدرين الانفلونزا تبي راحة و وقت علشان تروح، ان شاءالله تروح عني قبل الأحد لان عيد ميلادي والمفروض اطلع ويا زوجي ادعولي اصير زينة

 

[mr000]

امهات العالميه اشلونكم شخباركم!فوز اشلونج كل عام وانتي بخير مقدما وان شاءالله تصيرين أحسن وتطلعين مع زوجج وتحتفلين بعيد ميلادج وتستانسين!أذكر مره اسألتني بنت ولد أختي صغيره تقولي كم عمرج قلتلها 24 جان تبقق عيونها وتقول الله الله اشكبرج قلتلها عيل لو قايلتلج الصج هذا بعد مسويه خصم قاطه منهم 20 سنه!أول أمس كان ولدي عنده اختبار ماث وآنا دايما أدز أيميل حق المدرس أسأل عن النتيجه بنفس اليوم فرد علي أنه للأسف ماخذ f آنا طبعا غير أني ناديت ولدي وزفيته زف وقلتله هالويك اند ماكو طلعه أقعد بروحك بالبيت وطبعا تنكدت وبجيت بجي قلت خلاص راح يسقط هالسنه بالماث... اليوم الصبح أشوف المدرس دازلي أيميل انه كان غلطان بالدرجات وأنه مو ماخذ f! صح مااستانست يعني مازالت درجته موزينه بس أشوه من الf بس أكو مدرس ينسى يجمع 9 درجات تقريبا! لايكون مسويها من قبل وساكت!

 

[Oregon]

السلام عليكم

حبيت اعرف متى التسجيل للسنه الجديده؟ و كم خصم الاخوان ؟؟

 

[نواري]

حبيبتي mroooالحمد لله انا بخير بس والله وايد مشغوله عشان جذيه من زمان ما شاركت معاكم ... الحمد لله الحين ولدي مستواه زين بعد العقاب لانه من اغفل عنه ما يدرس وشكاوي المدرسين تكثر بس العقاب الحمد لله ياب نتيجه حلوه .......المهم انتي اشلونج وشلون ولدج هالسنه ان شاء الله تكيف مع المدرسه وحبها

 

[Fouz]

صباح الخير و الورد على هالجو الحلو

شخباركم أمهات؟

مرو مشكووورة و انتي بألف خير، و على العمر حتى لو تقولين 10 قالوا وايد، عاد أمس سألتني بنتي جم عمرج قلت لها 10 جان تقول كله عشرة هههه صارلي سنتين اقولها عشرة
و حسبي الله على هالمدرس كدرج و اخر شي غلطان، حرام مرو لا تزفين ولدج الظاهر المدرس فيه بلا اذا درحات الصف كلها نازلة معناته اكو مشكلة،، اذا ما عليج امر شنو منهجهم الحين خلناخذ فكرة احتمال التوبيكس صعبة

المهم لا تضيقين خلقج و تمتعوا بهالويك اند

 

[Fouz]

السلام عليكم

حبيت اعرف متى التسجيل للسنه الجديده؟ و كم خصم الاخوان ؟؟

عليكم السلام Oregon

ما اعتقد اكو خصم عمري ما سمعت، بس اذا عندج 3 عيال بالمدرسة، دفع الرسوم يكون على 3 دفعات بدال دفعتين، يعني مجموع المبلغ نفسه بس الفرق انج تقسطينه على 3 مراحل مو بس مرحلتين

 

[Oregon]

عليكم السلام Oregon

ما اعتقد اكو خصم عمري ما سمعت، بس اذا عندج 3 عيال بالمدرسة، دفع الرسوم يكون على 3 دفعات بدال دفعتين، يعني مجموع المبلغ نفسه بس الفرق انج تقسطينه على 3 مراحل مو بس مرحلتين

مشكووره فووز على الرد بس اغلب المدارس يكون الطفل الثاني مثلا خصم 10 % و الثالث 15٪ من هالقبيل

عاد انا بدخل ٣ دفعه وحده اذا مافي خصم ماراح احس اني سبيشل و انا احب احس اني سبيشل لوول :dddds:

بس محتاره بين العالميه و الدوليه ... شنووو تنصحيني ؟

هل المدرسه فيها قسم حق بطيئي التعلم و لا ماعندج فكره ؟؟

 

[mr000]

السلام أمهات! نواري الحمدلله ولدي تكيف مع المدرسه وعنده أصدقاء بس بالماث مو مترقع مدرسهم يديد ومادري اشلون شرحه كلش مايفهمهم

 

[mr000]

فوز اشلونج! بالنسبه حق الماث دروسهمequation/percent/integers/graphsبعد شنو نسيت الكسور وهندسه!بعد ماشفت شنو الفصول اليايه بالكتاب

 

[mr000]

حياج الله معانا أوريغون! شوفي العالميه زينه بس الدوليه قويه وإذا تودينهم من الكي جي أحسن لأن صعب يقبلون تالي خاصه بعد الابتدائي!