تجمع امهات العالمية الامريكية

[bella bambina]

صباح الخير أمهات
فوز سلامات ما تشوفين شر تقدرين تاخذين حبوب مص أعشاب موجودة بالصيدلية وشاي أعشاب أمريكي اسمه throat coat كنت آخذه وآنا حامل والغرغرة بعد وايد زينة والله يهون عليج كل شي بأجر

 

[Fouz]

مشكورة بيلا ،، الشر ما ييج ان شاءالله،،، و ان شاءالله امر الصيدلية لما اروح اييب بنتي و اخذ هالحبوب

 

[Fouz]

هلا مروو آنا بعد قبل شوي دشيت البيت بنتي كان عندها نشاط اليوم صج السواقة ترفع الضغط وخاصة ان أكثر اللي يسوقون بشوارعنا آسيويين شنو ودي يسفرون 3 أرباع الوافدين صج الديرة ما تتحمل هالعدد الكبير من البشر مادري ليش محد من المسؤولين حط بباله هالشي زحمة حتى العصر !!!!

اتفق معاج 100% بيلا، تصدقين اليوم عقب ما وصلت بنتي واقفة انطر الاشارة اللي يم بلازا حولي و قاعدة اطالع السايد الثاني بدون مبالغة بين كل سيارة كويتي 7 سيارات وافدين و يقولون زحمة، مو ضبطوا اموركم، ماني عارفة هالسيارات شلون تمر بالفحص الفني و احنا سياراتنا اذا فيها شرخ بالجامة تفلسف عليج الشرطي و سوالج مخالفة ، بعدين السيارات القديمة على 200 دينار!!! منو ما عنده هالمبلغ؟؟ علشان جذي الديرة كله زحمة على اي حزة و مع الاسف محد معطي هالسالفة اهتمام بس فالحين ليش يدرسون موسيقى و هذا حكومي و هذا منافق و هذا بواق،، اصلا الزحمة ترفع الضغط و قمت افكر 100 مرة قبل لا اطلع و اذا ذكرت الزحمة هونت


اييييييييييييي بقولكم سالفة تقثني،، ماكو شي يذبحني من القهر كثر لما اكون واقفة انطر بلفة المدرسة و الطابور شطوله و تييج سيارة على البراد تطق اشارة و تدش قبل هالاوادم اللي ناطرين جنه محد مستعيل الا اهم والله ودي انزل اتهاوش، لان فعلا عيب كلنا ننطر و كلنا ورانا دوامات بس عيب الواحد ياخذ دور غيره بس مع الاسف اللي يسوون هالحركة رياييل و حريم و حتى السواق تعلموا هالطريقة البابخة

 

[ReeMaN]

سلام امهات شخباركم عساكم بخير؟
سلامات فووز ماتشوفين شر يالغاليه والف لاباس عليج
الله يعينا على الجو المتقلب مو راضي يتسنع بالمره يوم حر ويوم الجو براد ماينعرف له ....

الله يسلمكم يالغاليات باجر رحلة الكي ج ي2 حق البحر واليوم مطرشين مسج حق الامهات اذا حابين يتطوعون يروحون مع عيالهم نبلغ المس قبلها وانا الى الحين متردده اروح والا لا اتوقع شكلي يضحك راكبه باص مع اليهال بس هم ابي ولدي يستانس لما يشوفني معاه شكلها مغامره حلوه

 

[ReeMaN]

واي فوز سالفه الوافدين عندنا شي مو طبيعي والله مصيبه الله يفكنا منهم انشالله ...

ولا الهنود والفلبن اللي يوقفون عند باب المدرسه مسوين احزاب وهالتلملم والسوالف ولا الضحك والصراخ بينهم يدوخون الراس و مايخلصون من السوالف مصيبه

امس لما بطلو الباب ودشو هالهنود وسبقوني عند صف ولدي والا ثنتين منهم سوالف عند باب الصف لا هم داشين بياخذون اليهال ولا مخلين لنا مجال ندش جان اعصب وامسك وحده منهم قلتلها بسج قرقر دشي اخذي بيبي وروحي دوختينا مسكينه انصدمت زفيتها هههههههههههه

 

[mr000]

سلام أمهات اشلونكم فوز اشلونج ألحين الله يعينج مشكله المرض مع الحمال آنا أذكر جنتي مسكينه صار معاها حساسيه بصدرها وكحه طول الوقت مسكت فيها من السابع لي ولدت وايد تعبتها! الله يهون عليج يالسلامه! سكتوا هذي سالفة الزحمه وسواق التكسي الجوال والباصات مشكله مسببتلي أرق لأني طول الوقت أحاتي بنتي توها سنه من ساقت ومرتين سوت حادث من سبة هالهنود اللي عسى ماواحد واقف عالرصيف يرفع أيده بحك راسه وألا يكش ذبانه ألا لف عليج التكسي وسفط لا أشاره ولابطيخ ويخلي اللي وراه يولي يدعم يصعد الرصيف مايهمهم عمى بعينهم!والله آنا اليوم وديت ولدي من باب الباصات مثل قبل كنا متأخرين وزحمه عند المدرسه والساعه 7 و35 قلتله ادخل حالك حال اللي نازلين من الباص حتى فيه باصين واصلين متأخرين من الزحمه!

 

[mr000]

ريمان على سالفة الرحله والله اذا تقدرين تروحين روحي معاه أحسن ترى الياهل يستانس آنا سويت هالطريقه قبل لما كنت أداوم بروضه فكرة أنه الأم تروح الرحله معانا وكانوا بعض الأمهات ايون معانا بالباص وبعضهم ايون بسياراتهم ورانا وهناك الياهل اللي معاه أمه تلاقينه وايد كاشخ فيها ومستانس والأم تكلمه وتسأله طول الوقت واليهال اللي بدون أمهاتهم أحس يكسرون الخاطر! أذكر مره كان بحديقة الشعب ومره بحديقة الحيوان ومره الجزيره الخضرا عالبحر بس لما نرجع المدرسه كانوا بعض اليهال يتعلقون بأمهاتهم ويروحون معاهم البيت مايرضون يظلون بالروضه وفي أمهات هم يطلبون أن ياخذونهم معاهم لأنه مايسوى تهده وترجع له عقب ساعه والدوام قصير بالحكومه

 

[ReeMaN]

هلا مروو اي اليوم كلمت مس آنا على الرحله قالت عادي اتيين بسيارتج مو لازم تركبين معانا وقالت احسن لنا انج معانا عشان الياهل مايتشيطن لما تكون امه موجوده وقالت في امهات راح ايون الرحله .. وانشالله بروح عشان اصور على كيف كيفي

 

[mr000]

أي زين تسوين ريمان والله آنا عن تجربه أقولكم لاتطوفون أي اجتماع أو حفله أو رحله اذا كانت ظروفكم تسمح أنكم تحضرونها يعني بدي الياهل على كل شي لاتقولين صغير ومايفهم ترى يحز بخاطره لما يشوف الأمهات الثانيين موجودين! تدرين آنا كنت أروح حتى حفلات بنت أخوي بمدرستها تقولي أمها أنها وايد تستانس وتقول حق صديقاتها شوفوا عمتي مو قلتلكم أني كويتيه لأنه أمها موكويتيه فقايلتلها بنت أنتي موكويتيه!( الحين ريمان بتقول عني الأم تيريزا)

 

[caramella]

السلام أمهات
فوز الله يساعدج والله ثقل و إنفلونزا ألف لا باس عليج
ريمان زين تسوين روحي خل يستانس ولدج
آنا العام ولدي لما كان بالحضانه الحمدلله والشكر لما تسإلينهم وين بتودونهم ما يقولون لج إخافون إتروحين إهناك
يعني مثلا إقولون لج بنوديهم ألعاب طفل المستقبل عاد أسألهم أي واحد ما يرضون إقولون
وهم مره كنت معترضه أوديه رحلة البحر اللي قلتلكم عنها اللي بشهر 5 عشان الحر
بس من كثرما حن علي الصبح كسر خاطري وقلت بوديه لما رحت ولا توه محرك الباص قلت لها أي صوب رايحين عشان أوديه ما رضت تقول ممنوع إشهالعبو!!!!!!!
قلت لها آنا ما راح أنزل خل المدرسه تيي تاخذه مني من السياره ما رضت
فكره حلوه إن إخلون ولي الأمر إروح مع ولده أو بنته الرحله

 

[Fouz]

السلام عليكم

ريمان مرو كاراميلا ما تقصرون على السؤال و ان شاءالله أصير احسن، اسم الله عليكم جسمي وايد يعرق من اخذ الدوا مع ان ما عندي حرارة عالية بس كل ما عرقت اكثر احس جسمي يرتاح الحمدلله، عسى الله يبعد عنكم كل شر

ريمان حبيبتي ديري بالج اليوم قايلين ان باجر الجو بارد لبسي ولدج عدل و اذا الجو صار حار فصخيه الجاكيت، و روحي معاه لان صج راح يستانس و عسى الله يحفظهم و ناطرين تعطينا اخبار الرحلة

مرو ماشاءالله عليج، صج حنونة عسى الله يعطيج على قد نيتج و هذي دعوة أمي اذا سويت لها شي يونسها تقولي ان شاءالله عيالج يسوولج ،، ماشاءالله مو مقصرة مع عيالج و مع اللي يعزون عليج عسى الله لا يغير عليكم

كاراميلا اخنا كانوا يقولون وين بس انا كنت اراقب من بعيد مرة ودوهم مطافي النزهة لا تشوفيني و انا واقفة بسيارتي زين ما اشتبهوا فيني بس انا ما انزل لان بنتي تعفس الدنبا فكنت اراقب من بعيد الى بعيد

 

[caramella]

فوز زين والله على الأقل إقولون إحنا لا ما يرضون إقولون خير شر فاستغربت لما ريمان قالت منادينهم الرحله حسبالي كل المدارس جذي
الله يوفقكم ريمان وإنشالله تستانسون و تصورينه و تفرحين على فرحه
مروو مشالله فكره حلوه إنج تروحين تفوق بنت إخوج آنا جذي كانت بنت خالي تيي مع أمي حفلاتي التفوق فا كان عور وايد حلوو

 

[Fouz]

باجر البيتزا داي ونسوا عيالكم بالسيارة الصبح وقولولهم ياكلون زين

 

[caramella]

ذكرتيني فوز كنت ناسيه والله
ما قالولج بالإجتماع إن في يوم أو يومين إحددونهم لج تيبين سناك حق الصف كله ؟؟
آنا سولفت حق ولدي إن إنشالله يوم تقولنا المس أسويلك يا كب كيك يا فطاير يا كوكيز
ين الصبي و قعد إلا تسوين لي الحين آنا بودي حق أصدقائي
عيوتأفهمه إن مو الحين مو راضي تنح
سويت له كب كيك مال المطاحن اللي على كاكاو قلت ما يسوا أسويه بالبيت يبيله وقت بس سويت له ديكوريشن حطيت له كريمه من فوق وزينته بسبرينكلز مع أم أن أمز ووصورته وهو يساعدني وراه المس اليوم حده فرحان
رجع مستانس إقول ماما كلهم كلو و قالو حلو

 

[Fouz]

لا والله كاراميلا ما قالولي عن هالسالفة

بس ذكرتيني بالحضانة سويت لها كب كيك من bread talk و زينوه، عاد انا شريت لها سلة عجيبة و علقت عليها لوحة مكتوب عليها اسمها ووراه cup cake factory لا تشوفين الامهات كل وحدة تقول وين هالمحل هههه صج كويتيات نحب كل شي يديد قلت لهم مو محل انا مسويته

 

[caramella]

الظاهر كل مدرسه تبدع أفكار لصفها
ماشالله فوز فكره حلوه والله
آنا والله حطيته بنفس الصحون البلاستيك مال الكب كيك عشان لا يطيحون على بعض ويصير لويه بس شلت اللزقه اللي مكتوب عليها المطاحن
صارت العلبه شفافه ووديت قفاش صحون كارز إموت على كارز ولدي

 

[Fouz]

زين سويتي و اهم شي ان ولدج استانس
و الظاهر مثل ما قلتي كل صف سوالفه غير

يالله كاراميلا أخليج الحين، تصبحين على خير

 

[caramella]

وإنتي من أهل الخير فوز

 

[سمبوسه2]

مساء الخير خواتي حبيت أسالكم من وين أحصل ققص الphonices حق بنتي KG2 رحت مكتبة المثنى وجرير بس ما حصلت

 

[سمبوسه2]

Sorryعلى البدلية قصدي قصص