تجمع امهات العالمية الامريكية

[Fouz]

هلا مرو، الله كريم و ان شاءالله يعوض بالامتحان الياي
عليج بالعافية و تعودي على روحة الايستر ترد الروح الجو شزينه و ترجعين مفعمة بالطاقة الايجابية

 

[أم عبووووود]

ربي يوفق عيالي وعيالكم يارب

 

[Fouz]

آمين ام عبود و حياج الله

 

[العنود77]

شلونكم يا امهات الديوانية
وينكم اليوم نايمين ولا شنو؟
من زمان نفسي اشارك وياكم بس ما في وقت

اتمنى تقبلوني صديقتكم واختكم

 

[caramella]

الله يسلمكم من الشر فوز و مرووو
أمبيه الجو شزينه إهناك و هني خيسه رطوبه
والله راسي مصدع من الرطوبه
فوز إشلونج ويا الثقل الله يهون عليج بالسلامه إنشالله
إي آنا يوم دشيت عند الباب ولا أشوف قوقش خدم واقفين و يكتبون بهالأوراق المعلقه عالباب سألت اللبنانيه اللي عند الباب قالت هذا حق الإجتماع مو هالخميس الخميس اللي بعده
قلت لها أوكي و كتبت عالساعه 1.15 لي 1.30
ولدي كان غايب اليومين اللي فاتوا فا ما أدري متى البيزا دي؟؟؟

 

[caramella]

آمين يا أم عبود
حياج الله يالعنود 77 عندج تلاميذ بالمدرسه ؟؟
نتمنى تشاركين معانا على طول
يا حلو هالتجمع أموت عليه

 

[mr000]

هلا والله أم عبود نورتي التجمع أنتي والأخت العنود حياج الله معانا ولاتقاطعينا منو عندج بالمدرسه؟ اليوم كنت رايحه مول 360 وبمحل تويز آر أس وايد حلوين شغلات المدارس الجناط والمطارات والأكواب البلاستيك اللي فيها عود طبعا بنت ولدي ماخلت شي على ويني ذا بو وألا بارني ماخذته وعندهم ملابس تنكريه حق الهالوين تذكروا سنه اليايه ان شاءالله شوفوهم يمكن يعجبونكم وسألتهم عن سي دي أغاني أطفال انجليزيه كانوا مشغلينه بالمحل مثل abcd والأرقام وبعض الأغاني اللي عادة أحطها باللاب توب حق بنت ولدي مالوت اليهال فقالي أحنا طالبين من دبي حاليا ماعندنا للبيع بس خذوا رقم تلفوني وسجلت عندها أني طالبه من السيديات قالتلي راح ندق عليج لما يوصلون ينفعون حق اليهال بعمر الحضانه والروضه!!

 

[العنود77]

الله يحيش حبيبتي كراميلا انا ما عندي اولاد بالمدرسة بس اعرف هالمدرسة عدل
واذا اي احد يبي مدرس رياضيات من الصف الاول للثانوي يجولي بالانجليزي والعربي بعد
يعني اي خدمات تبونها في التدريس انا جاهزة بس مو انا اللي ادرس
العنود77

 

[mr000]

صج والله عندج أحد يدرس رياضيات بالأنجليزي حق 8؟؟ ويكون مستواه قوي؟ تدرين آنا العام طلبت من مدرس كان ياي يدرس بنتي اللي بالجامعه رياضيات قلتله يدرس ولدي كان ب7 وعنده امتجان والله ماعرف يدرسه بالأنجليزي طول الوقت يشرحله بالعربي وولدي موفاهم يعني شنو كسر وبسط ومقام وعيزت أنبه المدرس وهو قاص علينا قايل لنا أنه دكتور علشان ياخذ الساعه 20 دينار والله عطيته فلوسه و مشيته من نص الدرس قلتله مشكور ضاع وقت الولد لاهو فاهم لك ولاأنت قادر تشرح له بالأنجليزي! عموما أذا تعرفين أحد ثقه دزيلي رقمه الله يعافيج ولاعليج أمر!!بس الله يخليج يكون أجنبي وتخصصه رياضيات!!

 

[Fouz]

العنود حياج الله ويانا

كاراميلا الجو عذاب استغفر الله، شهر 11 و رطوبة!! استغفر الله،،
مشكورة على السؤال حبيبتي بس والله ثقلانة و جسمي كله مااااااي وارمة من كل صوب حتى ويهي ورم عسى الله يسهل و يتمم لأأني فعلا هلكانة
البيتزا دي الله يسلمج كل اربعاء لمدة 6 اسابيع ابتداء من 18 نوفمبر انا اليوم و انا اخذ بنتي عطيت المدرسة 6 دنانير حق 6 اسابيع

مرو مشكورة على المعلومة انا هالمجمع ما شفته ، ان شاءالله أمره قريب، و اذا الله احيانا المفروض أطلبه من النت او اذا سافرت بالصيف اخذ لها شي مرتب

 

[mr000]

البيتزا داي هذا بس حق الكي جي ؟ لأن ماسمعت ولدي قال عنه! بس والله تمام بالكانتين عندهم سندويشات من مطعم لو فات اللي يبيع أكل ريجيم أشوف ولدي قام ماياكل صمونته مالت البيت يشتري منهم شندويش جبن أو فطيرة زعتر! وعندهم بيتزا الدومينوز وقيصر بس آنا مانعته مايشتري هالأشيا لأنه زايد وزنه من كبر حتى قال عندهم دونت من كريسبي كريم أو دنكن دونتس والله مو متأكده بس قلتلته ياويلك تاكل دونت!!

 

[Fouz]

اي مرو بس حق الكي جي
بس دونت و بيتزا بالكافتيريا عزة الله عيالنا انتفخوا

 

[caramella]

ما أدري بعد صفهم عندهم بيتزا دي ولا لأ
خل أسأل مدرسته باجر إنشالله
والشيبس داي هذا متى؟؟؟ لازم إييب شبس كل خميس؟؟؟؟
إي مرووو آنا رحت تويز آر أس بس كل الكستم اللي إعجبوني ما كان في مقاس ولدي وايد حلوين الكستم اللي عندهم
يحليلها حفيدتج الكتكوته

 

[*نور الكويت*]

مرحبا بنات
حبيت اعرف اذا بدو الكي جي1 بمدرستكم ولا لأ
ومتى الهالوين ؟

 

[caramella]

إختي نور الكويت
بدا دوام الكيجي من الثلاثاء اللي طاف
وكان يوم الهالويين يوم الخميس اللي طاف

 

[Fouz]

حياج الله نور الكويت و كراميلا ما قصرت
كاراميلا الورقة مكتوب عليها from kg teacheres يعني كل الصفوف سئلي باجر و اكيد راح يبلغونج

 

[mr000]

سلام أمهات اشلونكم!الجو صج غبار بس بدا يبرد أحسن لو تلبسونهم الصبح جاكيت خفيف مع ان اليوم صار رطوبه قته عالساعه 9!ماتدرون اذا الخميس دريس داون داي والا لأ؟؟

 

[ملكة بيتها]

شلونكم مامات عساكم بخير ....ريمان ....مروو...كارميلا ....فوز .....ليال ...والمامات الجدد شخباركم وشلون عيالكم مع الدراسه
مروو ...بالنسبه للسيديات أنا هالسنه في معرض الكتاب شكثر سيديات موجوده للأغاني ويكون معاهم كتيبات قصص وسوالف ...لا يطوفكم المعرض وكان في شركه من إنجلترا عارضه كتب بنتي بنجرت عنده ما تدري شتاخذ حتى أخذتلها قصص عن الساينس فاكت يعني عن الصوت وجذي شغلات ..وفي شركه ثانيه عند شغلات وكتب وقصص وسيديات وسألته عن سيدي جدول الضرب قالي عنده بس مو بالمعرض في الشركه وهي بسلوى وعطاني عنوانهم

 

[Fouz]

السلام عليكم أمهات
مرو شلونج، باركي لي اليوم و اخيرا دفعت الرسوم، عقب ما دخلت بنتي ركبت السيارة والا الزحمة الله لا يوريج قلت خليني قاعدة بالسيارة عندي جم ورقة يبيلي اقراهم و قريتهم جان اقول دام اني واقفة اروح ادفع ابرك لي و بالمرة مريت الستور و شريت ملابس شتوية و تريننج سوت هم زين حق البرودة مثل ما قالت بيلا، والله ما عندي فكرة عن الخميس

ملكة حياج الله ، أسفرت و أنورت
المعرض لما الحين موجود، و اذا ممكن عنوان الشركة و مشكورة

أمهات الكي جي باجر الدوام يخلص 10:45 لا تنسون انا على بالي 11:30 طلع لأ

 

[bella bambina]

هاي أمهات اشلونكم واشلون عيالكم ؟
الحمدلله على السلامه كراميلا . هاليومين من التدريس والواجبات والتوصيل مو قادرة أحك راسي
مرو باجر مو دريس داون دي يلبسون هدوم المدرسة بس الطلعه حق الكل مبجر تقريبا 11
يوم البيتزا حق كل الروضة كل أربعا بدينار أول كانو ييبون من بيتزا هت أحلى بعدين يابو من دومينوز والعام لتل سيزر ما تحبه بنتي بس ما أبيها تشوف اليهال عندهم واهيه لأ
مرو كل سنة يغيرون مطاعم المقصف بس جان زين عيالنا يتشجعون وياكلون ساعات أعطي بنتي تشتري دفتر كوبونات ترد شارية ريوق حق عيال الصف فيهم ومو رادة من ال5 دنانير شي