تجمع امهات العالمية الامريكية

[Fouz]

شلونكم أمهات
مرو شخبارج؟ اليوم طريتي علي كان عندي شغلة لازم اسويها على الساعة 4 والله عيوني تغمض بروحها، ذكرتج و انتي تنطرين موعد طلعة ولدج، الله يعطيج العافية، بشري شيقول عن الهولندي و اخته؟؟
بيلا شخبارج؟ بنتج عند اي مدرسة؟ يمكن بصف بنتي ، اهي بصف مس ميرنا

 

[mr000]

السلام أمهات أشلونكم! هلا والله فوز شخبارج!الله يعافيج حبيبتي!شفتي اشلون عاد آنا موعد نومي الساعه 3 ونص لما يرجع ولدي بس أتحمل وأييبه بيومين التقويه لأنه أبوه يرجع تعبان من الدوام وكافي طول الأسبوع هو أييبه!!هو والله أكو اختراع أسمه السايق العالم كلها تحط بس شنسوي حكم القوي! الله يسلمج الهولندي أخته داومت وطلعت بغريد 11 مو أخته الصغيره يعني وين اللي كانت جيهان اللي بالتسجيل تقولي أي طالب يطلع فيه المرض نمنع حتى أخوانه يداومون وهذي أخوانها يداومون عادي!! الله يهديهم الظاهر والله هادين القرعه ترعى ولاقاعد يجيكون ولاشي!!

 

[bella bambina]

صباح الخير أمهات اشلونكم ؟
هلا والله فوز ما أذكر بأي صف تدرين زهايمر يمكن أولى خامس أو سادس قالو الأبلة يديدة على المدرسة واسمها عربي يمكن اهي ميرنا أتأكد وأقول لج بنتي العام كانت العام عند مس أمل انتي بنتج كانت عند منو ؟ والله بنتي ملت من القعدة بالبيت

 

[Fouz]

مرو شخبارج، بس الله يهديهم ليش ما يلتزمون بكلامهم؟؟ يعني لازم يغيبون عيالهم
عاد أمس اختي داقة علي مسكينة اهي تدرس بأمريكا تقول واحد معاها بالجروب داز لهم ايميل يعتذر عن الحضور لانه فيه سواين فلو عاد قاعدة تحاتي، عسى الله يحفظها و يحفظنا

هلا بيلا، انا ما ادري اي صف بس اعرف اسم المدرسة لانها دقت علي ايام التأجيل، بس الاكسنت مالها امريكي انا خفت تكون من العرب و مو شي من اول مرحلة عربية، الله يسلمج انا اول سنة بالعالمية بنتي كانت بحضانة الراشد

يالله يا جماعة أخليكم، عندي محاضرة الساعة 2، have a nice week end

 

[ReeMaN]

هلا امهات شخباركم عساكم بخير ؟؟

ومشكورين كل من سال عني بس ماعندي شي اقوله لان ولدي طول هالاسبوع غايب مريض انفلونزا نشله وكحه وانشالله الاحد يداوم

انتى شخباركم عساكم بخير ؟؟؟ صاجه مروو السايق نعمه واكبر نعمه لان دخلة حولي الله لايوريج خاصه لما يصير ولدي عنده تقويه يخلص ويطلع مع الابتدائي ومع طلعه الدوامات من الوزارات يالهويييييييييييييييييي ضيم ضييييييييييييم الطريج بس شنسوي

 

[mr000]

السلام أشلونكم أمهات! الله يعينج فوز محاضره الساعه 2 الظهر آنا لو منج أروح شايله مخدتي معاي!! ريمان هلا والله اشلونج سلامته وليدج مايشوف شر حبيبي هالأيام العيال وعليه عليهم كلهم طايحين مراضى توها بنت أختي تقولي دقوا المدرسه عليهم قالولها ولدها وايد حرارته مرتفعه هو بالأخلاص تقول قلت حق أبوه خلاص صار في ولدي انفلونزا الخنازير وودوه الطبيب بس الحمدلله طلع معاه التهاب باللوز واحتقان!! عسى الله يحفظ عيالنا وعيالكم!

 

[bella bambina]

هاي أمهات اشلونكم واشلون عيالكم ؟
ريمان سلامته ولدج ما يشوف شر

 

[Fouz]

ريمااااااااااااااان عاش من شافج و ما يشوف شر وليدج ،، أجر و عافية ان شاءالله
مرو هذا حكم القوي و الله المستعان
بيلا شخبارج؟
كاراميلا من غير شر مكانها مبين ان شاءالله ترد بالسلامة و نشوفها ويانا

 

[ملكة بيتها]

شلونكم مامات عساكم بخير ....حبيباتي حبيت أسلم عليكم جميعا
ريمان -مروو- كارميلا - فوز - قمر - بيلا بامبينا
ريمان ...سلامته ولدج ما يشوف شر

 

[mr000]

السلام أمهات اشلونكم! ريمان اشلون ولدج أحين ان شاءالله أحسن!!ملكه اشلونج شخبارج!الأسبوع الياي كله امتحانات أحس أني متوتره وأحاتي أكثر من ولدي وهو ولاشايل هم!!

 

[bella bambina]

صباح الخير أمهات
هلا والله فوز وملكة عيالي مقعديني من ال5 اليوم وأيام الدوام يطلعون روحي على ما يقعدون
جمعه مباركة ان شاء الله ادعوا معاي يطق مطر والله نسينا شكله

 

[ReeMaN]

هلا امهات العالميه شخباركم؟؟؟؟ والله فيكم الخير و اشكر كل من سال عني وعن ولدي الله يسلمكم ولدي الحمدلله بخير بس من امس الدور علي بالانفلونزا وشكلها ماراح تطلع من بيتنا الا لما تراضينا كلنا ونتعادى ....
مرو ما يشوفون شر عيالكم مساكين شنسوي بعد ؟
هلا فوز عاشت ايامج اشلون حبيبتى مع النساه انشالله احسن الحين واخف خافه الجو اشوي بدا يبرد مو مثل الصيف
هلا والله ملكة مامات شخبارج حبيبتي شلون الكوين مه المدرسه انشالله سهالات؟
بيلا شخبارج
كاراميلا الله يردها بالسلامه انشالله وتشارك معانا بالمنتدى لان صج مكانها مبيين ....
ام حموود من زمان ماشاركت معانا عسى المانع خير .... وقمووره وين باجي الامهات ؟

 

[bella bambina]

صباح الخير أمهات اشلونكم ؟
ما تشوفون شر ريمان وأجر وعافية ان شاء الله
ولد اختي بال ask بالحضانه دقو عليهم الدوام 1 نوفمبر أتوقع يدقون المدرسة باجر عشان دوام عيالنا

 

[caramella]

salam omahat
eshloonkom
?
ashkerkom kelekom la`ankom fegadtooony 3asa ma tafgedooon ghalyyy
7abeebaty entaw
allah esalmekom el mane3 ennah weldy ta3ab 3alay eflwanza 7addah o wadaitah el kmostashfa shakkaw feeh h1n1 khathooolah mas7ah o e6le3at el nateeja ba3ad yoomain el 7emdellah ma feeehh
wallah ma et9adgoon eshlooon nafseeety 9arat 9efer a7aty feehhh o looyty looya o 7atta kent el mafrooth elyoom asafer bas ajalt safrety
3asa allah la edakhel 3laikom makrooh
ma3any ma khala9t enfasy bageeely 6 days bas raddait shaqetty akhaf ba3ad yen3edy
men bent okhoy sakna feee bait oboy o em9akhna 7aillll
walhana 3laikom wayed wallah
allah ewaffeg e3yalkom enshallah
wallah ma yendara bella 3ala dawam el e3yal ana sema3t 7athanat 3anedat el wezara o fachat o yat el wezara 9akkat`hom

 

[Fouz]

شلونكم أمهات
ملكة شخبارج من زمان ما شفناج
هلا وغلا ريمان والله انا بخير بس الثقل ذابحني لان اسم اللع عليج يحوشني زلال و ضغط عالي فوايد يتعبني الحمدلله على كل حال، بشري شلون وليدج الحين؟
مرو شلونج و الله يعينج على امتحانات ولدج و عسى الله يوفقه
كاراميلا هذا اللوك اللندني
الحمدلله على سلامة وليدج و ما يشوف شر ان شاءالله و الله يكتب لج السفرة اللي فيها وناستكم كلكم و ترى فاقدينج وايد
بيلا الله يسمع منج و يدقون، اليهال ملوا مساكين و على قعدة الصبح هههه تصدقين انا جذي ايام الدوام غصب انشلع من الفراش و بالاجازة فزعة، الله يخليهم لج ان شاءالله، و ان شاءالله يطق مطر أمس استغفر الله ذبحتنا الرطوبة عاد متوقعين مطر الى يوم الاحد

 

[umhomood]

السلام عليكم كلكم شلونكم وشخباركم ان شاء الله كلكم بخير وعافية انتوا وعيالكم00 ريمان حبيبتى والله مشكورة على السؤال والحمد لله على كل شىء ولدى كان تعبان شوى والحين بخير 00 وكنت الاسبوع اللى طاف رايحة حق دكتورة لطيفة الدويسان علشان فحص الصدر مسوية اوفر الماموجرام والسونار وفتح الملف والكشف ب 45 دينار والحمد لله طمنتنى كنت موسوسة ويارب الصحة والعافية للجميع 00 مروو وفوز وكرملا وبيلاوكل الامهات ان شاء الله الامر طيبة والله يعينك ويعين ولدك على الامتحانات مروو 00 وعلى فكرة انا سجلت عيالى توتر ومتضايقة ما خلوهم بنفس الايام حمود اثنين وثلاثاء وسليمان احد واثنين والله يعينا على هالتوتر يارب00

 

[bella bambina]

هاي أمهات اشلونكم واشلون عيالكم ؟
كراميلا سلامته ولدج ما يشوف شر .فوز الله يتمم عليج وتولدين بالسلامة ان شاء الله .اهمه لو يوقفون توقعاتهم يمكن يطق مطر الشتا اللي طاف كل يوم طالع لنا واحد يقول هالموسم كله أمطار ومن حنتهم ما شفنا شي
أم حمود الحمدلله تطمنتي وما تشوفين شر ان شاء الله

 

[Fouz]

يا هلا أم حمود شخبارج
ما تشوفون شر ان شاءاللهو الحمدلله على النتايج و فعلا فحص الصدر وايد مهم، و بالنسبة حق وليدج استغفر الله هذا وقت المرض الله يحفظ عيالنا
الله يعينج يعني عندج توصيل متأخر 4 ايام الله يعطيج العافية و ان شاءالله تلاقين الفايدة اللي تبينها

 

[umhomood]

مشكورة بيلا وفوز الشر مايجيكم ان شاء الله مثل ما قلتى مروو اكيد مهم الفحص والحمد لله الحين مسوين توعية كبيرة هالمرض الله يحفظ الجميع 00 ولدى حمود فيه حساسية من الجو وفى ايام يقعد يفرك عينه حيل وتصير حمراء ويسكر خشمه واهو اصلا بين وقت ووقت ينزف من خشمه وكم مرة مسوين له كى بس ما فى فايدة 0000 قبل كنت اوديهم حق دكتورة اجنبية فى مجمع شيك بس تركتهم وراحت مستشفى شركة النفط اتصور اسمها دكتورة مايا ممتازة والحين ادور له دكتور او دكتورة عيون زينة اهو واخوه المدرسة قالت له خلى امك تفحص عيونك 0 هذا كله من البلى ستيشن والاكس بوكس واللاب توب الاخ يقعد فترات طويلة جدامهم وهذى النتيجة بصراحة هالجيل صعب جدا الله يجيرهم ويعينا على تربيتهم 0 0 والله يعينا على 4 ايام تاخير كل اسبوع وناوية قبل لايخلص الشهر اللى دفعناه وفون حل ويحطونهم فى نفس الايام 0 لانا كل يوم نرجع واحد ونرد حق الثانى عقب 00 ومشكورين حبايبى على سؤالكم كلكم 0

 

[caramella]

elshar ma eyeech fouz
eee wallah fouz look londony la`annah el labtop el 3araby nesaitah ebbait oboy o ana
al7een eb shaqetty ma 3endy ella el laptob el londony
yagalby entay wallah ana fagdatkom akthar wallah
um humood allah yab3ed 3annech el shar o zain sawaitay te6amantyy 3ala nafsech
reeeman ma eshooof shar ewlaidech 7abeebty o allah e3ez legdarech o e3ally shanech
bella elshar ma eyeech ya galby
mrooo shakhbarech ??
maleka o qumar men zeman 3ankom
ya rab e6eg el me6ar o enazzel hal er6oooba elly matrooosa amrathhhh
kel sena akher october lazem amrathhhh allah ekafeena el sharrrr