تجمع امهات العالمية الامريكية

[mr000]

كراميلا أكو محل كان بليلى غاليري تحت كلش عنده شغلات حلوه وأكياس كشخه! بس مثل ماقالت ليالي شوفي محل مومنت لحظه إذا عنده الماركات هم حلو

 

[sara999]

اي صح ايفري مومنت عنده بربريز حلوه بيضه والتطريز بعد ابيض بس اتينن حلوه ذربه
وبلغز الاطفال شفت وحده دولتشي اند غابانا هم حلوه بس تفضل حق بنوته لانها ذهبيه باوف وايد وكانت ست كامل حتى غطى المميه وياها
مرووو علامه دينارين بسفرونه بقاري !!!

 

[mr000]

سلام أمهات اشلونكم شخباركم! أي والله سارونه مادري شالسالفه آنا سمعت بالرادو دعايتهم وهم بالجريده بدينارين الظاهر كل مسافر أيي ومعاه جلن بنزين وتالي يقطون قطه حق الطيار يتحاططون كروته(معاشه)! وألا بيحطونكم مع الجناط !! آنا علي أعطيكم الدينارين وانتوا كيفكم!!

 

[ReeMaN]

هلا صويحباتي غالياتي شخباركم حبايبي .... اى الناس قامو يخافون من الامراض المنتشره الله يكافينا الشر ......

ملكة بيتهاااا الف الف الف مبروووووووووك فزتي بتذكره كويت امريكا كويت ذهابا و ايابااااااااااااا انشالله باذن الله طيارتج باجر الساعه تسع الصبح لاتنسين كامرتج معاج الف الف الف مبروك رافقتج السلامه حبيبتى تبيني اوصلج المطار بليموزين بعد حاضر ماطلبتى شي

 

[ReeMaN]

وينكم امهات ترا ضيقة خلق مافي مشاركات شنو هذااا؟؟؟؟

انا ناديي الصيفي اهنى بهالتجمع وينكم؟؟؟؟؟ ترا بديت اعصب بدت اتييني حالة عصبييييه :eh_s(14): عندكم ساعه


بالضبط اللي مايرد ترا باهد عليكم سارونا المزيونا وتدرون فيها مااااااترحم .... اتقو شر الحلييييييم اذا غضب :eh_s(14):

 

[mr000]

سلام أمهات اشلونكم!! ريمان كاني آنا أول وحده دشيت ييت أركض من الخرعه قبل لاتمر ساعه! توني راده من الطلعه بعدي بعباتي بس حس قلبي أنج معصبه قلت خل أدش بسرعه!! اليوم تنزيلات جست كافالي بالأفنيوز!! كراميلا شوفي تنزيلات بربري كيدز اللي بالأفنيوز عنده شغلات حلوه!!

 

[ملكة بيتها]

ريمان ...شكرا شكرا لا حبيبتي ماله داعي توصليني المطار هههههه أروح بروحي بس هاتي التذاكر خخخخ
مرووو ....إي والله شكلها السفره آخرتها قطيه حق الطيار

 

[mr000]

ريمان آنا كتبت رد من ال11 وربع بس غريبه ماطلع!!

 

[caramella]

السلام أمهات
توله عليج العافيه سارونه حبيبتي الحق معاجمشاركاتي قليله بسبت الحمل تعبانه والله و هم البيت كل شي على راسي خبرج الكمخه اللي عندي إملوعه جبدي و أنطر اليديده صار لها شهر و نص لي الحين ما يات لاعت جبدي
حبيباتي ولهانه عليكم أكثر
مريت كل لحظة اللي بالافنيوز كان عنده ديور أبيض قالي تحصلين بربري في برج جاسم
و ما فظيت أروح إنشالله أمر برج جاسم و لغز الأطفال
إختي ودها تنقل عيالها من دسمان لي العالميه مرتهم قالولها فل و حطو أساميهم ويتنج لست وحده كي جي1 و وحده جريد 1 قالولها في مجال عالكي جي 1 بس جريد 1 صعبه إستغربت آنا توقعت كل ما كان المرحله أعلى أسهل في الحصول على كرسي

 

[mr000]

سلام أمهات أشلونكم!! أي كراميلا تدرين ليش صعب تحصل مكان بغريد 1 لأنه تقريبا كل عيالهم مالوت الكي جي2 يروحون غريد 1 آنا مره قالتلي جيهان أن نادر تلاقين الياهل اللي دارس عندهم بالكي جي تالي أهله يطلعونه بغريد 1 ألا اللي عندهم ظروف الأبو مثلا بيسافر يدرس لأن الأهل ماصدقوا ولدهم ينقبل بالروضه فيبونه يكمل! شوفي بعد المرحله اللي صعب الواحد يحصل فيها مكان 6و7 لأنه وايد أهالي ينقلون عيالهم من النظام البريطاني بعد الصف الخامس العام لما كنت بنقل ولدي وايد كانوا يايين من مدارس أنجليزيه حق المتوسط وحتى هالسنه بشهر 4 هم شفتهم يايين يسوون اختبار قبول!!

 

[ReeMaN]

ياعمري والله هالصويحبات اصحاب فزعات

بس شسوي فيكم يبيلكم تهديد عشان تردون علينا مايصير جذي ياجماعه نلاحق عيالنا بالبيت وهم نلاحقكم هني ؟؟؟ خفو علينا اشوي !!

حسو فينا ! حسحونا ! ناسينا ناسينا ! خخخخ تذكرونها هالمسرحيه الكره المدوره

لان عباتج صكت على باب الانترنت اتغشمر معاج اي حبيبتي انا جذي اتصير معاي وايد هالحركه ساعات بعد اكون مطرشه ويطلع اسمي بس ماكو شي عقب ساعات يالله يطلع الحجي ....

 

[mr000]

أهلين ريمان شخبارج! اليوم آنا عندي فزعه من الصبح مسويه غارات عالغرف ياربي عيزنا واحنا انقطط بالهدوم والخرابيط وهم يتيمعون مره ثانيه والله معاشاتنا كلها رايحه على هالهدوم والألعاب واللاب توبات اللي كل مااخترب واحد شروا غيره لما تيمعوا والله اسراف بكل شي والتلفونات النقاله لقيت بغرفة ولدي 4 غير اللي قاعد يستعمله شالسالفه بعد التشيرتات والقمصان حدث ولا حرج تقولين محل مو غرفه اشرايج أن في شغلات شتويه لي ألحين بالتاغ مالهم مالبسهم والله ينيت والعطور بالهبل ماعديتهم من كثرهم بعضهم مومفتوحين ولما تكلمينهم يقولج أصلا ليش تدخلون داري مالكم شغل بأغراضي!! واي من العيال لما يكبرون اسم عليهم تقولون وهم يهال كان وايد أحسن عالأقل تمشينهم على كلامج!!وانقول ليش الغرب معاشاتهم نص وألا ربع معاشاتنا مثل المصريين ويبنون عمارات بمصر واحنا ننطر بيوت الحكومه سنين!!بعد ليش اتكلم عن عيالي آنا مدمنة تسوق كل طلعه لازم أشتري حق بنت ولدي هدوم وألعاب أبوها يقولي بس بس أنترسنا هدوم!! لازم يسوون لنا بالكويت عيادة علاج الأدمان حق مدمنين التسوق اللي مثلي ومثل عيالي!

 

[mr000]

كراميلا الله يعينج عالخدم بنت أختي بعد ماانحاشت خدامتها اليديده وصلتها وحده بعد انتظار شهر ونص تقول شكلها يايه من أدغال الفلبين بعد مو من قريه كلش خارج منطقة التغطيه لي درجة أن أذا صعدت السياره ماتسكر الباب تقول مشيت ألا هذي اللي بقت اتطيح بالشارع عند اللفه بعد أشوه هي ولا أحد من اليهال!! ولا تعرف تشغل أي شي من الأجهزه لاغساله ولامكنسه ولاأوتي هذا كله من سوالف الرياييل مسكينه لزم عليها ريلها ألا خدامه يديده كلش ماتعرف أحد هني علشان لاتنحاش!! بس ألحين موضة اللي ينحاشون لأنه توها خدامة أختي أنحاشت بعد!!

 

[ReeMaN]

والله صاجه مرووو بكل كلمه قلتيها .... احنا ماااانشبع من المشترى مع ان عندنا كل شيييييييي بس مانيوووز واصلا ساعات من كثر مانشتري ننى ان عندنا مثله خخخخخ

ههههههه مروو ضحكتنى الخدامه الفلبينيه والله يعينا على ثوالتهم والله صج شر لابد منه ... كثر مانتحلطم عليهم بس هم مانستغنى عنهم

 

[sara999]

السلام عليكم
سوري صحويباتي على قولت ريمان
واااي السوق يقولون وناسه مادري عاد صج منهم جذب منهم

كنت احاول ادش بس موراضي الموهيم كنت بقولكم شي وابيكم تعلقون على كلامي
كنت بالزواره وحده يات اهيا ولدها بالابداع ... والا ولدي يواريهم فايل المدرسه مزعين عليهم صورهم جان تسإلني وين بدخل سليمان فقتلها انشالله اليونيفيرسال
وطلعت عيوب الدنيا فيها عاد تقول
شفتي فلانه ولدها هناك بس شنو ربعا الباكستانيه والهندي واللبناني والمادري شنو تقول وايد وايد وايد فيها اجانب
وبعدين وااايد فري
وتقول ابلاتهم مشككين اذونهم من الاول والتالي تراجي وشعورهم حمر ويخرعون وان العوايل الي فيها مو عوايل معروفه
تقولي وديه abs ربعهبيكونون نفس طبقته الاجتماعيه ومادري شنو ودراستهم مو ذاك الزود وحاااااله
قتلها انزين والابداع شلون قالتلي لا الابداع فري وعادي بس بسنع والياهل يتعلم يكتب اسمه واسم عايلته واهوه باولى روضه وكلمات الدنيا بالعربي والانجليزي واهوه الحين بثانيه روضه عندهم وفتلها انزين الابداع تابع منو فقالتلي مادري
قتلها على اي اساس اخترتيها قالتلي انا ما اخترتها ابوه يبيها
فمااادري صج كلامها والا تعكسلي اراء رفيحاتها والا ليش تقول جذي
اماااانه امهات في ناس قالولكم نفس كلامها ؟؟؟ وصج عاد؟؟
انا رحت وشفت المدرسه كل المدارس الخاصه في ها اجانب بس في منهم بزوده وهذي عادي ترى
والابلات اي وتقول ان الابلات وقت لقاء اولياء اولياء الامور يصيرون اوكي يلتزمون بس وقت ثاني لا
بس انا رحتلهم ودشيت مافي ابله شكلها عبدة شيطان لااا ابد
وااي بنات طمنونا شنو هذا
مرووووو الخبر عندج وخيتي مادري ليش كل شي تقولينه اصدقه ردي علي

 

[ReeMaN]

سارونا البارونا منوووووووووووو هذي اللي تغلط على العالميه @@ ييبيها لييييي اراويج فيها :eh_s(14):

هههه اضحك معاج حبيبتى .... الله يسلمج انا بدلو بدلوي وياليت مروو وغير مرووو يساعدونا منها نتطمن ومنها نستفيد


الله يسلمج انا من شهر 12 الى الحين احنا بشهر سته اخر مره الاسبوع الخميس اللي طاف رحت لهم اخر يوم دوامهم عشان


اسال عن السمر كامب الله يسلمج اكثر من 10 مرات اطب عليهم واخذ تور فيها او اطالع اللي يلعبون بالساحه صح فيها


اجانب ونسبه كبيره بعد مو شوي ....بس ولا مره شفت على ابلاتهم شي بالعكس قمه بالاخلاق ولا شافونا بندش ياحلوووهم يبطلون لنا الباب جني برنسيييسه وويوههم تفتح النفس من الابتسامه لا شعر اخضر احمر ازرق على بالج مثلنا مو شايفين خير هههههههههه كل هالبياض والشقار يقلبوون اخضر ازرق @@ وين قاعدين ؟؟؟؟ مديرتهم اتهبل بس شديييييييييده بالتعامل معاهم اتوقع......


ومدرسه abs ترا بس اسم صح فيها عوايل وهالسنه بعد صايره اتشدد ماتبي اي احد بس ابله من ابلات ولدي بمدرسه الحياه كانت تدرس فيها كلللللللللللللللللش ماتمدح الاداره مو شي مو متعاونه لا مع الابلات والاساتذه ولا احترام حق اولياء الامور والطلبه اللي فيها حدهم فاشليييييييين فشل ذريع بالدراسه حلوه ذريع :dddds:

الابداع عيال اخوي فيها مرتاحين وايد فيها بالعكس ماسمعنا عنها شي

واي تعبت عطوني قلاص مااااي خلاص بوقف :eh_s(1):

يالبيت البقيه تعلق على كلامي سواء مو داخل التجمع او برا التجمع ولكم منى هديه :klhfl:

 

[mr000]

سلام أمهات أشلونكم شخباركم! والله آنا جربت العالميه بس هالسنه ماشفت شي ضايقني فيها وولدي ولاييب طاري البنات يمكن لأنه هو متعود من الحضانه والروضه بالغانم وتالي الأبتدائي بالتكامل كله معاه بنات فمو شي غريب عليه! بالنسبه حق المدرسات أنا كل يوم أوصل ولدي من الباب الخلفي مال الباصات اللي هو قبال العماره اللي ساكنين فيها المدرسين والمدرسات فيوميا أشوفهم وهم نازلين وداشين المدرسه الساعه 7ألا ربع ماشاءالله عليهم كلهم يدشون قبل ال7 وماشفت لبس فاضح ولاشفاف لبسهم كاجوال بسيط مجرد تيشيرتات وجينز أو قميص وتنوره! من ناحية الطلبه الأجانب آنا شفت بالدوليه الأمريكيه نسبة أجانب أكثر! وبالعكس صف ولدي كله كويتيين مافيه ألا مصري واحد و2 كوريات و2 أمريكان ومجموع الصف 25 طالب الباقي كلهم كويتيين!!عندكم الكتاب السنوي حاطين صور كل مدرسين المدرسه وطلبة المدرسه كلها من الحضانه لي الثانويه ويبين فيها نسبة الأجانب مووايد مثل أي مدرسه أجنبيه لو شفتوا مدرسة الكويت الأنجليزيه والمدرسه البريطانيه بسلوى وايد فيهم أجانب!! عموما آنا ماأخترت المدرسه ألا بعد مااقتنعت من كلام بنت عمي عيالها 4 دارسين فيها من بعد الغزو وألحين تخرجوا من الجامعه وطمنتني وايد وآنا بصراحه أثق بكلامها!! والله ولي التوفيق!!

 

[caramella]

السلام عليكم
إشلونكم أمهات
سارونا ما أدري شقولج بس آنا عن تجربه سجلت ولدي بالمدرستين الإبداع و ال abs بس ما داوم فيهم بسبة سفري للندن
ال abs نهائي ما عجبني تعامل الإداره تطرين منهم حدهم لوعه و إماطل مو طبيعي ما عندهم مصداقيه ناس إقولون لهم فل و ناس يقبلونهم بسرعه زي الورد ما تعجبني الطبقيه اللي فيهم وما عجبتني كلمت اللي مدحت لج المدرسه إن ما يقبلون إلا عيال العوايل و يكونون من نفس طبقه الإجتماعيه !!!!!!!!
ليش ما نعلم عيالنا التواضع و إن كل الناس سواسيه و يحترم الناس مو على أساس إسمه ولا عايلته يمكن هاللي ما عنده عايله ولا بدون و لا مو كويتي أحسن و أأدب و أشطر من عيال العوايل
ليش جذي صرنا إحنا الكوتيين طبقيه تعالي شوفي الاجانب ماشالله عليهم إقيمون الإنسان بثقافته و علمه مو بجنسيته ولا شكله محد شايلهم إلا الهنود و العبيد كلنا عبيد الله والعرب المهجرين يستفيدون من الخضر و اليابس
والإبداع الله يسلمج داوم يوم واحد بس وتالي سحبت أوراقه داوم بشهر 10 لأنهم فجوا كلاس يديد بعد بداية العام الدراسي
المهم مريت ولدي باخذه ميت من الحر مودبنهم الساحه يلعبون و الأبله مبطله أزرة جيبه جنه متهاوش آنا ما أطعن بتدريسهم بس كسر خاطري لو موديته حكومه أرحم لي العيال ينطرون أهلهم بغرفه مكيفه مو بالساحه و بالحر وتالي سحبت أوراقه
و بس هذي تجربتي مع المدرستين
و اليونيفرسال ما جربتها بصراحه بس آنا عجبني تعاون الإدارة مع أولياء الأمور و عندهم مصداقيه لي قالوا عندنا كراسي عندهم حق الكل وللي قالوا سكرنا خلاص سكروا مو على ناس وناس الفرق باللي ينقبل واللي ما ينقبل الإختبار وهذا شي زين عشان يشوفون مستوى الطالب يمشي مع المنهج ولا مستواه ضعيف مو لي طاح الفاس بالراس يقولون لج ولدج ضعيف و ما يقدر على مستوى المناهج عندنا
إنشالله يا ربي نرتاح بالمدرسه مو بس من الناحيه الإداريه هم من الناحيه الدراسيه
ويهمني صراحه مبنى المدرسه عشان يرتاح ولدي فيها مو قديمه كحه كله مكيفاتها خربانه و يسيح الياهل من الحر تعالي شوفي مدارس الحكومه اللي بجنوب السره يهبلون سنترال و شي يعجبج صراحه فمهم تكون المدرسه الخاصه مبناها زين يرتاح فيه الياهل و آنا عجبني مبنى ال يونيفرسال
آنا مرتاحه حق كلام مرووو و هم إخو مرت حماي هالسنه تخرج من المدرسه تمدح حيل بالمدرسه و تقول وايد حريصين على مصلحة الطالب
ولما سألتها عن الطلبه إذا فري قالت في جذي و في جذي و هذا يعتمد على تربيتج إنتي و هم تقول كلش ماله شغل بالبنات
وهم أرد و أقول هذي لما تييها بعثه إهي و ريلها برا الكويت وبتاخذ عيالها وياها بتلم عيال العوايل وياها عشان توديهم يداومون ويا عيالها ولا بتخلي عيالها يداومون مع الأجانب و عسل على قلبها
آنا مبدئي أخلي ولدي يختلط مع الكل عشان لي اليوم اللي أنحط فيه بهالموقف برا الكويت ما أواجه مشاكل
و تقبلوا رايي و إنشالله محد يزعل من كلامي

 

[lyale]

امبييييه خرعتوني انا وين اودي عيالي العالميه قالو لي نطري ويتنغ ولحد الحين ماكو رد

 

[sara999]

كراميلا انشالله ما تنفعلين انشالله شوي شوي في بطنج بيبي
والله انا لما ييت اختار مدرسه حق ولدي ما كان اجانب والا عرب أساسي عشان اختار لا كنت ادور المدرسات الزينين والمكان المريح الراقي وطريقة تعامل واضحه وصريحه ومنهج قوي وطريقة دراسه طبيعيه ومختلفه عن الحكومه خصوصا عندي ولد مو بنت ..... ولما مرو قالت ان ولدها مستواه زين فيها وان وان تعلقت بالمدرسه زياده ..... وودي اوديه من البري كي مو من الكي جي ون بعد
بس انا قاعده اقولكم شقالت
واهم شي انكم رديتو علي اذا صج مدرساتهم جذي والا لا مرو قاعده تشوفهم كل يوم يعني مرو اصدق مو؟؟؟ اهيا سامعه بس مو شايفه ومرو شاااااايفه
واذا على الاجانب لا بد بيكون دامي بدخله خاص... بس خلنا نقول شنو سمعنا انتقادات
لان الانتقادات اهيا بتخلينا ندقق بالمدرسه عدل وحتى ولو كانت عاديه بس عشان احنا أولياء امو ر نتأقلم ونتوقعها ونعرف مستقبلا التعامل مع انتقادات معروفه وبسيطه