تجمع امهات الصف الرابع ابتدائي 2011/2012

[JANAA]

الله يعينا كلنا المناهج دسمه بس خواتي لازم ندرس الاولاد اول باول علشان ما نتعب يوم الامتحان وما تعتمدوا على المدرسات صباح الخير صار التعب كله على البيت الله يرحم تدريس اول كنا نطلع من الحصه فاهمين والدرس معشش بمخنا واخر تمام والي ما بيحل الواجب 20 مسطره على ايده ويكتبه 50 مره

 

[الكادي والجوري]

ابي اسال عن امتحان الانجليزي اسئلة الكتاب لازم يحفظها كلها ؟؟؟؟

 

[um khaled]

امس الخميس كان اول امتحان اللي اهو الاسلاميه
وانا اشوف انه اسهل امتحان واسهل شي ادرس له منه
الابله عطتهم تلخيص وانا اساس ملخصه له وكل يوم ادرسه منه
وبعد نزلته له من النت امتحان اسلاميه وبعد ما درسته خليته يحله وصلحت له وكان شبه اووكي
اهم شي ما يستعجل الياهل بالامتحان ويقرا راس السؤال عدل

نصيحه : المواد مثل الاسلاميه الوطنيه العلوم الاجتماعيات
اول باول بعد ما ياخذون الدرس لخصوا الدرس في دفتر ومنه درسوهم وايد احسن
ونصيحه اشتروا مذكره الوطنيه او اطبعوا الامتحان من موقع وزاره التربيه
لان راح تنصدمون اشلون بيكون الامتحان

وبس

والله يعيننا
​

 

[bedour18]

الله يعين يوم الاحد رياضيات

 

[الأميرة جوري]

واااااااااااي انا متوهقه موعارفة ادرس بنتى اول وحده عندي برابع ....بعرف امهات الورقه الاولي عربي شنو بيكون فيها لان ثانيه عرفتها قطعه وعليها اساله ..؟بس الاولي شنو ؟؟

 

[ma3boocha]

السلام عليكم حبيباتي


بما ان الامتحانات بدت

ياريت كل وحده تفيدنا بالتلاخيص اللي عطوهم اياها المدرسات


ببدي بتلخيص الانجليزي

 

[ma3boocha]

والانجليزي صح ٤ ايام


احسن عشان لايكودون عليهم كل شي بيوم واحد

 

[ma3boocha]

والانجليزي صح 4 ايام


احسن عشان لايكودون عليهم كل شي بيوم واحد

 

[حناينq8]

بنتي بس يوم واحد اللي اهو باجر الاحد !!
ولدي بخامس 4 ايام

ليش مدرسه غير عن الثانيه ؟؟

 

[hope q8]

قووه بنات
الحين الاسماك من مجموعه شنو هل هي من الثدييات علا قولة الابله
لان باجر عليهم امتحان علوم

 

[ma3boocha]

ثدياااااااااااااات !!!!!!!!!!!!!!!!





الاسماك تبيييييض ماتولد

اكيييييد لا مو ثديات

 

[الأميرة جوري]

السلام عليكم حبيباتي


بما ان الامتحانات بدت

ياريت كل وحده تفيدنا بالتلاخيص اللي عطوهم اياها المدرسات


ببدي بتلخيص الانجليزي

ياقلبي بنتى عطتها الابله تلاخيص بس مادري شطبخه لان اول بنت عندي برابع ومو عارفه شنوادرسها اعتمدعالملخصات ؟؟ بحاول اصور كذا ورقه من ملخصات

 

[بتبوتااا]

السلام عليكم

بشارك معاكم بالتجمع ..

جدول امتحان ولدي غير عنكم ؟

يوم الخميس والاحد والاثنين والثلاثاء كلمهم انجليزي على مراحل ؟

شريت مذكرات الشامل شحلاتها فيها كل شي وملخصات ومترجم بالعربي واختبارات

رقمهم 66507921

حيل فادوني والمذكره ب 3 دنانير ..

 

[بتبوتااا]

توني خلصت تدريس ولدي المشكله انه يعرف الاجابه ويعرف الكلمات بس اقول له اكتب يتنح :/

يكتب الكلمه وناقصه حرفين ولا حرف

اللي احاتيه الحساب والعربي

وانا اكره شي اسمه حسااااب جمع وطرح وضرب وقسمه ووووع فمادري شلون ادرس ولدي بييب له مدرس احسن

 

[نووووونا]

ولدى نفس ولدج بتبوت

خميس واحد واثنين وثلاثا انجليزى

مقسمينه على 4 ايام

 

[أم عبووووود]

الله يوفق عيالي وعيالكم

والله حوووووسه مع هالامتحانات ربي لا يضيع التعب يارب

 

[JANAA]

وانا كمان ولدي معاكم وبلشوا انجليزي بس امبارح كان دين ومليان واليوم انجليزي وبكره انجليزي احسن على 4 مراحل يوم الخميس رياضايت

 

[ma3boocha]

باااااااجر رياضياااااااات

الله يوفقهم

و الخميس وطنيه




بصور لكم باجر اوراق الوطنيه و الاجتماعيات مثل الامتحان بس على شكل مراجعه


الحين دااايخه بنااام هههههههههههه

 

[um khaled]

حبيباتي امي عطوا لولدي الفلاش ميموري ما ادري حق شنو ؟؟ ماله معنى

وباجر امتحان رياضيات قعدت وياه 5 ساعات لين كرهني مسكين

والله مذكرات جمعيه المعلمين شنو ممتازين اعتمدت عليهم بالمراجعه والتدريس
وبعدن اخليه يحل التمارين اللي بالمذكره

 

[أم عبووووود]

صباح الخير
انا ولدي اليوم تعبير خط املاء عربي
باجر انجليزي بعد تعبير خط واملاء

وربي يوفق الجميع