تجمع امهات الصف الرابع ابتدائي 2011/2012

[Um Hasan]

هلا أشرقت .. موضوع عن شنو بالضبط ؟؟

 

[أم عبووووود]

صباح الخير خواتي

معبوجه
اما مدرستكم تحفه صج شكو النمط بالمنهج اخاف بس جذي تدريب مو امتحان بس يمكن معطيتهم اسئلة مراجعه او بصراحه مادري شنو قصدها ابلتكم

ام حسن
يعطيج العافيه حبيبتي وربي يبارك لج بعيالج ان شالله

بالنسبه حق البريزينتيشن في ملف كامل فيه انواع البريزينتيشنات في سهل ومتوسط وصعب ونصيحه مني اذا اخذتوا اي بريزينتيشن لاتحفظون الياهل مثل البغبغاء فهموه الموضوع شنو ؟

الامتحانات للفترة الاولى بعد العيد ان شالله واكيد راح يوزعون عليهم الجداول قبل لايعطلون

طريقة الحفظ والتدريس لااازم تجابلون عيالكم ما يصير بس تعطونه يحفظ صعب عليه خصوصا ان هذي السنه تعتبر لهم نقلة من ثالث والمناهج مو سهله فيبي لها مجابل شويه

في قسم التلاخيص امتحانات وتلاخيص منوعه تقدرون تاخذون منها اللي يفيد عيالكم وفي عضوة اعتقد اسمها سمسم منزله موضوع للعلوم في امتحانات ومذكرات وااايد حلو وفي مذكرات استاذ صباح جزاه ربي الجنه

مادة الانجليزي ضروري تركزون عالقواعد لاتحسبون مافي هالسنه عندهم قواعد وكلمات واسئلة الكتاب وتعبير ترتيب جمل وترتيب كلمات عندي مذكرات ان شالله راح احاول انزلها قبل الامتحانات وفي امتحانات في قسم التلاخيص في جميع المواد

العلوم درسوهم اول باول لان واااايد دسم ويبي له حفظ وفهم مع بعض

ابدوا حفظوهم اجتماعيات ووطنيه شوي شوي لي الامتحانات وربي يسهل ان شالله

ربي يوفق عيالي وعيالكم ان شالله ولا يخسر تعبنا اللهم امين

 

[احسـ مرهف ــاس]

بنات متى امتحانات الفترة الأولى ؟

20/11/2011
امتحانات الفتره الاولى حسب القرار رقم 1 وهذا الرابط
http://www.moe.edu.kw/SitePages/القرار رقم 1.aspx

،​

 

[Um Hasan]

مشكووورة أم عبوود .. بس والله مافي وقت على مايبي يحل واجباته خلص اليوم

حراام يكسر خاطري .. يقول مليت وانا قاعد من الصبح لي الحين ابي اتحرك و العب شوي ...

يعني الواحد هم ما يصير يجابل ياهل واحد طول اليوم وكاشته بالباجي



احساس مرهف .. مشكووورة ع التقويم

 

[أم عبووووود]

هلا فيج ام حسن

والله مساكين هاليهال انا عندي ولدي كل ماعندهم واجبات عكس اخته

باجر اجتماعهم بشوف السبب في قلة الواجبات وماكو امتحانات قصيرة المفروض ماخذين علوم ورياضيات عالاقل اخته بخامس الاسبوع الياي العلوم والرياضيات الثاني وهو لا شي

بس املاءات الانجليزي كل مفاجأة بدون لاتقول

ربي يوفق عيالي وعيالكم

الله المستعان

 

[Um Hasan]

اليوم ولدي عنده امتحان قصير رياضيات

وكل خميس عندهم إملاء انجليزي ..

أم عبود شلون يعطونه املاء مفاجئ ؟؟؟ رابعة لازم يبلغونج بكل شي .. لان كل درجة محسوبة

 

[سحايب نجد]

مرحبا حبيباتي

ادري متوهقين نفسي.
سؤال يخص الانجليزي.
كم برزنتيشن ناقشوا عيالكم من بدينا بالدراسه؟
انا ناقشت واحد وبعد طلعة الروح حفظته وامس اشوف الخطه
الدراسيه ولا مكتوب الرجاء تحضير موضوع الطلاقه. ............
شنو هذا تونا خالصين مامدانا.
يبون الموضوع الثاني.

 

[Um Hasan]

بريزنتيشن واحد ..
كل 3 أشهر يقدمون بريزينتيشن .. يعني طول السنة راح يقدم 4 بس

 

[أشرقت]

هلا والله ام حسن
اعذروني علي قلة تواجدي مشاغل الدنيا الله يكفينا شرها
كنت ابي موضوع عربي يتحدث عن اي شي
عاد ولدي قال أبي عن الحلاو عشان يوزع حلاو علي الصف
والحمدالله سويته وافتكيت
الله يستر اليوم امتحانهم رياضيات
الله يوفقهم يارب

 

[أشرقت]

ام حسن اشلون ولدج اللي برابع وشخبار اللي بسادس
ان شاءالله مومتعبينج
والله عيالنا يكسرون الخاطر
كل شي صعب عليهم

 

[Um Hasan]

اليوم امتحان الرياضيات يقول سهل سؤالين
قال السؤال الأول ولا مجاوبة غلط .. قتله الله يخليك بس لا تقولي السؤال الثاني

اللي بسادس مينني .. أبي يعتمد على نفسه ومو راضي يدرس بروحه

 

[أم عبووووود]

اليوم ولدي عنده امتحان قصير رياضيات

وكل خميس عندهم إملاء انجليزي ..

أم عبود شلون يعطونه املاء مفاجئ ؟؟؟ رابعة لازم يبلغونج بكل شي .. لان كل درجة محسوبة

هلا والله ام حسن

والله حتى بالخطه الاسبوعيه املاء مفاجيء اشرايج ؟؟

الابله معطيتهم مذكرة بكلمات الفترة الاولى وقايلة لهم حفظوها فانا قمت احفظه كل يومين جم كلمة

بس في ابلة قالت هذا ماعليه درجات بس عشان الطلبه يدرسون بس مو ابلته

 

[أم عبووووود]

سحايب نجد

احنا بس موضوع واحد وكا فترة راح يطلبون منه واحد :eh_s(7):

ام حسن

انا عيالي اللي برابع واللي بسابع بيشيبون براسي مالهم خلق للدراسة خو اللي برابع ماشالله كل ماعليه واجبات ولا ماخذينا شي :eh_s(16):

عيل القعدة بالمدرسة شنو تسوون يقول ندرس زين شنو درستوا ولا شي:eh_s(10):

الله يوفق عيالي وعيالكم

ان شالله بالامتحانات راح اكون موجودة واللي تبي اي شغله انا بالخدمة

 

[Um Hasan]

الحال من بعضه .. شنسوي الله يحفظهم ويوفقهم يارب

 

[انشودة المطر]

شنو اهوه >>>بريزنتيشن ؟؟

 

[ام الدرر]

شنو اهوه >>>بريزنتيشن ؟؟

موضوع من اعداد الطالب بأي شي يحب يتكلم عنه
يقدمه كدرس او محاضرة
ويسمى الطلاقة اللغويه ​

 

[ام الدرر]

ام عبووود والامهات
استلمتو جداول الامتحانات
4 ايام اختبار اللغة الانجليزية:eh_s(11)::eh_s(11):
لييييييييييييييش​

 

[أم عزيـز]

الله يعينا ويعين عيالنا منهج دسم غير ان تقسيم الدرجات بلوه !!
الدرجات اغلبها على الامتحان !

عيل شنو فايدة المدرس ! اذا الطالب عليه كل شي !

انا مشكلتي مع مدرسه الرياضيات الله يصلحها
كل ما اسال ولدي اشلون حليت هالمسأله يقولي ما ادري الابله قالت كتبوا جذيه !
يعني الابله ما تشرح الرياضيات بس تنقلهم !!

هذا رياضيات مو عربي والا اجتماعيات علشان ينقلون !

واحس زاحمين لهم جدول الامتحانات اسبوعين ليش !!!
اذا اخر امتحان يخلص اول شهر 12 ! بالله متى امتحانات الفتره الثانيه !
هالسنه وايد قاعده احاتي صراحه (

 

[حناينq8]

الله يعينا ويعين عيالنا منهج دسم غير ان تقسيم الدرجات بلوه !!
الدرجات اغلبها على الامتحان !

عيل شنو فايدة المدرس ! اذا الطالب عليه كل شي !

انا مشكلتي مع مدرسه الرياضيات الله يصلحها
كل ما اسال ولدي اشلون حليت هالمسأله يقولي ما ادري الابله قالت كتبوا جذيه !
يعني الابله ما تشرح الرياضيات بس تنقلهم !!

هذا رياضيات مو عربي والا اجتماعيات علشان ينقلون !

واحس زاحمين لهم جدول الامتحانات اسبوعين ليش !!!
اذا اخر امتحان يخلص اول شهر 12 ! بالله متى امتحانات الفتره الثانيه !
هالسنه وايد قاعده احاتي صراحه (

معاج
مو بس الرياضيات
حتى العلوم والاسلاميه
امس ادرس بنتي موعارفه شي بالمره بدروس الاسلاميه
وكتابها مو حالين فيه ولا تقويم ولا عندها بهالماده اي واجبات ولا محرصتهم الابله بانهم يحطون خط على الاشياء المهمه والحفظ
الله يعينا ويعين عيالنا الصراحه

 

[أم عزيـز]

معاج
مو بس الرياضيات
حتى العلوم والاسلاميه
امس ادرس بنتي موعارفه شي بالمره بدروس الاسلاميه
وكتابها مو حالين فيه ولا تقويم ولا عندها بهالماده اي واجبات ولا محرصتهم الابله بانهم يحطون خط على الاشياء المهمه والحفظ
الله يعينا ويعين عيالنا الصراحه

غير جذي الأسئله اللي بالكتاب مالت الأسلاميه مو موجوده بالدرس !!

قاعدين نسوي سيرج من النت ونجاوب !!

حتى الاجتماعيات تره مو سهل