تجمع امهات الصف الاول ابتدائي 2011/2012

[@ام يوسف@]

يوم الخميس انحضر الطابور والحصه الاولى مع عيالنا يزعون وطالبين زهره البتونيا انجيبها معانا

 

[أم@الحلوين]

مسآآآآآآء الخير بنوتااات وأحلى أمهات :eh_s(7):
شلونكم:sfg:
وشلون كتاكيتكم مع المدرسه :gathering:

لهيت عنكم جم يوم ماكووو وقت كلش والنهار حده قصير :eh_s(4):


المهم

انا كتاكيتي بخير بس يوميا شي يصير لازم :rgewrg: مره بايقين اقلامهم ومره المطاره ومره ناسي بالطو العلوم ومره مطقوقين :j013:وغيره ..........:eh_s(11): الله يستر من باجر :eh_s(1):
يوم الأحد كان عندهم امتحان علوم
واليوم املاء عربي
واسبوع الياي امتحان رياضيات
ومعطينا ورقه كل شهر في اجتماع :RoadRunner:

دلوعه .. الله يعينج حاسه فيج في نوعيه من النظارات حق المدرسه احسن شي تكون ربل وفيها خيط ربل مو خيط العادي افضل شي للمدرسه ولقافة اليهال :0bee2e8d89:
بس انتي كلميه واتبعي معاه اسلوب الثواب والعقاب .. وعلى طاري الكلام اليديد انا حمد الله عيالي ما يقولونه لفظيا بس يقولوني ان ولد قال كلمه وصخه
ويقولها لي بذوني قتله لا تقولها لي خلاص اهو لمن يقول الله راح يحطه بالنار
يقول انا قتله عيب جان يطقني الولد:23_asmilies-com:
الله يحفظ عيالنا من كل شر:yaaaaaarb:

 

[أم@الحلوين]

ام يوسف .. حتى احنا واصلين كلمة أشارت
والرياضيات العدد صفر
والانجليزي حرف الـــTt
ينسخونه بالدفتر
القرآن سورة الاخلاص

 

[ورود خذلتها العاصفه]

انا تو اشوف التجمع

شلونكم امهات

انا ولدي بخاصه باكسفورد الباكستانيه
العام كان فيها وكان ولدي شاااطر

بس هالسنه المسكين موفاهم شي كلش

يبونه يقرا درس من ثلاث سطور بالانجليزي
انا احس صعب عليه حيييل


والرياضيات واصلين لل250

والعلوم بالانجليزي

عاد انا موذاك الزود بالانجليزي

بدورله علا مدرسه انجليزي تجيه للبيت


عفيه بنات اللي تعرف مدرسه للمناهج الباكستانيه طرشه خااص

وياليت يحطون لهم خطة اسبوعيه

 

[ورود خذلتها العاصفه]

الله يعينكم علا تعامل المدرسات

انا يوميا رازة وجهي مع عيالي وادش صفوفهم

هاذا الشي الوحيد اللي محببني بالخاص

وحتا الدرس اللي انا موفاهمته اطلعه واخليها تشرحه لي

طبعا بالعربي واصلين لـ اشارت وإلى
الرياضيات مبلشين بالجمع والطرح
القران حفظ الفاتحه
والفلق والنصر والاخلاص والناس من العام حافظهم لما كان باولى روضه يعني بس راح ارجع له عليهم

والاجتماعيات والعلوم بالانجلش عاد شوي اتنح عندهم

 

[الوردة المكنونة]

سلام بنوتات

احس اليوم قصير ما يمدينا اشبك مع لوية المدارس

بنتي بالعربي

كلمة إلى وحرفهم هالاسبوع الألف

الرياضيات مكونات العدد ٤

العلوم صغار الحيوانات

القرآن سورة الفلق

الاسلاميه غار حراء

الانجليزي اجزاء جسم الانسان وحرف lL

 

[الوردة المكنونة]

احلى الاسامي

امتحان العلوم مايبيله شي سهل انا درست بنتي الاسبوع اللي فات

حفظيه الكائنات نوعين
كائنات حيه وكائنات غير حيه

كائنات حيه مثل الانسان والحيوان والنبات
كائنات غير حيه مثل الطاوله الكرسي الكتاب يعني عطيه امثله

شلون تعرف الكائنات الحيه
تتنقل تنمو تتكاثر تتغذى
والعكس بالنسبه للكائنات الغير حيه
لا تنتقل بنفسها لا تتكاثر لا تنمو لا تتغذى

حفظيه طرق تنقل الحيوانات

القفز السباحه الطيران الجري وسأليه شنو حيوان يطير شنو يقفز شنو يسبح

حفظيه اسماء صغار الحيوانات

الاسد / شبلا
الخيول / مهرا
الكلاب / جروا
الطيور / فرخا
الخراف / الحمل
الحمير / جحشا


وبس هذا اختبارهم وعلى فكره لما تسألينه راح تشوفينه حافظهم بروحه انا لما ييت ادرس بنتي لقيتها حافظه كل شي بس صغار الحيوانات حفظتها لانها كانت تخربط فيهم وعطتني اجوبهم اكثر من الكتاب

 

[الوردة المكنونة]

احلى الاسامي هذا الكتاب من ص ٢٠ لي ٣١

صفحه ٣١ تتكلم عن الريش وما اعتقد انها داشه الامتحان لان مافيها شي عاديه نشاط عن الريشه والزغب يسونه

انا بنتي كاناو مو ماخذين صفحه ٣١ لما امتحناو بس الامتحان كان بالفصل الاول

ان شاءالله اكون فدتج ادري ولدج نام الحين درسيه الصبح والله يعينج*

 

[عاشقة الاسلام]

امهات شلونكم مع عيالكم وبناتكم
اليوم رحت خق الاجتماع التنويري لمدرسة بنتي والله العظيم انصدمت تدرون امهات اذا البنت وهي تكتب طلعت عن الخط تنقص درجه واذا نسيت الشده اوالضمه اوالفتحه او الهمزه تنقص درجه يحسبونها علي كل شي
لا وزيدكم من الشعر بيت ياهم قرار من التوجيه ان بالامتحان علي الطالبه اخراج كلمه مركبه من الاحرف
مثال حوف الالف \ أ أو اي \ الباء \ ب بو بي \
علي الطالبه اخرج كلمه من الاحرف اللي فوق
مثال باب \ مثال اب
هذا راح يعطونهم بمتحان العربي وعليه درجه كبيره
ولا والابله تققول لا تضنون لما نكتب للطالبه بالكتاب منتاز او احسنت اوشطوره او نجمه معنها الطالبه شاطره احن نحط للطالبه شذئ لها عشأن نشجعها
وامهات المدرسات يقولون كله يعتمد علي مشاركات الطالبه بصف يعني اللي بنتها عندها بالبيت شاطره وتشارك معاج بالبيت وعند الابله ماتشارك ولا ترفع ايدها لانها مستحيه او موا جريئه عند الابله وماترفع ايدها تعتبرضعيفه عندهم وكل شي عليه درجه بجميع المواد الحل بالكتاب والدفتر والواجب والحضور والحفظ والكتابه
والله يكون بعونا علي اولي
والله يوفق بناتنا وعيالنا
اللهم امين

 

[احلى الاسامي]

مشكوره اختي الوردة المكنونة والله يجعله في ميزان اعمالج

 

[اطياب طيبه.أم عبدالله]

دلوعه روحي حاااااااسه فييييييج سالفه النظاره تقهرررررررر

ولدي كل يومين له مقلمه وكل شي فيها يديد كل يوم مضيع له وحده كامله

واييني مطقوق ومتعور جرح اشكبره بويهه احس ان الابلات لاهين !!!

 

[اطياب طيبه.أم عبدالله]

امهات شلونكم مع عيالكم وبناتكم
اليوم رحت خق الاجتماع التنويري لمدرسة بنتي والله العظيم انصدمت تدرون امهات اذا البنت وهي تكتب طلعت عن الخط تنقص درجه واذا نسيت الشده اوالضمه اوالفتحه او الهمزه تنقص درجه يحسبونها علي كل شي
لا وزيدكم من الشعر بيت ياهم قرار من التوجيه ان بالامتحان علي الطالبه اخراج كلمه مركبه من الاحرف
مثال حوف الالف \ أ أو اي \ الباء \ ب بو بي \
علي الطالبه اخرج كلمه من الاحرف اللي فوق
مثال باب \ مثال اب
هذا راح يعطونهم بمتحان العربي وعليه درجه كبيره
ولا والابله تققول لا تضنون لما نكتب للطالبه بالكتاب منتاز او احسنت اوشطوره او نجمه معنها الطالبه شاطره احن نحط للطالبه شذئ لها عشأن نشجعها
وامهات المدرسات يقولون كله يعتمد علي مشاركات الطالبه بصف يعني اللي بنتها عندها بالبيت شاطره وتشارك معاج بالبيت وعند الابله ماتشارك ولا ترفع ايدها لانها مستحيه او موا جريئه عند الابله وماترفع ايدها تعتبرضعيفه عندهم وكل شي عليه درجه بجميع المواد الحل بالكتاب والدفتر والواجب والحضور والحفظ والكتابه
والله يكون بعونا علي اولي
والله يوفق بناتنا وعيالنا
اللهم امين

لا بالله كدينا خير

ولدي كتابته الله بالخير كلللللللللش

وماكو ولا شي على السطر

باجر باذن الله املاء اسراء فراشه ملونه والله يستررررررررر:eh_s(16):

 

[نور العرب]

الله يعين أنا هالاسبوع أخواني داوموا .. واحد بأولى والثاني بثالثه

لأني نقلتهم من الخاص و على ما جددت بطايقهم المدنيه ما رضوا يسجلونهم الا لما تتجدد

والناظره ما رضت أدخل معاهم للصفوف على الاقل أقعدهم بصفوفهم و أتطمن عليهم ... عـــزاااه على الخاص

والمدرسه كبيره أحسهم ضايعين فيها خنت حيلي ... حتى بالفرصه ما يتلاقون ويا بعض والابلات مو معطيني فرصه على الأقل أجمعهم بالفرصه

هذا غيييييير الطلبات والمناهج اللي تلوع الجيد .. والدروس اللي طافتهم

هالاسبوع دخت معاهم


.

 

[أم عبودي الكتكو]

مرحبااا......@.......انا بنتي واصلين بالعربي..لي أمل اشارت الي إسراء....والعلوم اغطية الحيوانات....والرياضيات طرق تكوين الخمس....والتربية الاسلامية عندي طبعا بس خطة الواجب شلون ادرسها ماادري الكتاب عندهم دايم....والانجليزي..حرف hالي الان مااتغيرو فيه بس حواس الجسم معاهم ...اما الزطنية والحياتية والحاسوب ماادري ليش ظايفينهم المفروص مأجلينهم للمراحل الجاية ...علي الاقل يخلون فر مجال حق حصق يقون الطالب علي الكتابة وعلي النطق ....مو بس ويانا ورقة خطة الواجب وبعدين انتي يالام تحملي الباقي اجل ليش نتعب ونتعبهم .....موزعين علينا كتب بالبيت ونشرحلهم وكل شهر نوديهم للمدارس يعرفون مستواهم

 

[عاشقة الاسلام]

انا معاج ام عبود المدرسات يقولون انتي مالزوم ادرسين بنتج المدرسه شلون تقدر ادرس اكثر من 15 طالبه بصف واحد
واختي نور العرب مع الاسف راح تندمين ووووووووووايد انج طالعتيهم من الخاص وسجالتيهم بالحكومي راح تشوفين الفرق بعينج من ناحية كل شي والله يكون بعونج

 

[ديمه الخالدي]

اشلون اتحملون اتشوفون اعيالكم مطقوقين انا اذا انطقت اختي بنجلط ما اتحمل تنطق اموت امس ردت البيت مشخبطين على كراستها انقهرت حياتي راسمه ورود وبيت وفراش وقيوم وشمسين بعد موشمس وحده وراحت تشرب ماي ردت لقتهم مشخبطين على رسمتها

 

[احلى الاسامي]

بنات واللي يعافيكم اليوم بنتي مكتوب بالعلوم التقيم للملاحظه اثنين ونص والاستنتاج اثنين ونص والتصنيف اثنين ونص يعني الدرجة جم فهموني والله موا فاهمه شي

 

[دلوعة روحي]

احلى الاسامي سامحيني امس ما مداني اشبك صارلي ظرف



ام الحلوين

هالشهر بروح الحج ان شاء الله و الميزانية لج عليها شوي

رحت محل النظارات و قتله ابي ارخص ايطار

تخيلي مع العدسات طلعت علي ب 45

خل ارد من الحج و ان شا ءالله اسويله اللي قلتي عنها

المشكلة ان نطارته اللي ضاعت ام ربل اللي تقولين عنها

ماكو فايددة بس بحطله الخيط الربل

 

[عاشقة الاسلام]

دلوعة روحي الله يتقبل حجتك انشاءالله
وتروحين وتردين لنا بسلامه

 

[احلى الاسامي]

دلوعه اختي تروحين وتردين بالسلامه وحج مقبول باذن الله *