تجمع امهات الصف الاول ابتدائي 2011/2012

[المدينه]

:eh_s(11)::eh_s(16):اليوم بناات ولدي ياينني نهاية الدوام ويها مشمخ وايده تقولون قطوه اللي مشمخته مو ولد وااااااي انا انصدمت وسألته قال واحد بصفي :rgewrg:

 

[احلى الاسامي]

بنات اختبار العلوم اي كتاب فيهم التلميذ والا التطبيقات

 

[رُۈحَ ۈ رْيحَآن]

*?? تــٌذكــيـر/ ????
صيام الايام البيض 13-14-15 ذوالقعدة تبدأ الثلاثاء و الاربعاء و الخميس
11-10-2011 الثلاثاء
12-10-2011 الأربعاء
13-10-2011 الخميس
الرجاء انشرها لتذكير المسلمين ..


بنات بلييز ادعوا لاختي كب كيك انه الله يحقق لها امنياتها ويجعلها خير لها لانها اهي اللي ذكرتني:yaaaaaarb:

 

[الصابرة المحتسبة]

السلام عليكم

الخطة الاسبوعية مريحتني الحمدلله

العربي خذوا كلمة أشارت
حفظ حديث لا اله الا الله
الانجليزي تعليم اجزاء الجسم
الحساب اكثر واقل
العلوم اختبار قصير اخر الاسبوع

 

[الصابرة المحتسبة]

يا أمهات تابعوا عيالكم مع المدرسة.

 

[دلوعة روحي]

بنات اختبار العلوم اي كتاب فيهم التلميذ والا التطبيقات

الكتابين حبيبتي

لانهم مكملين حق بعض

 

[دلوعة روحي]

انا توة سويتله مثل اختبار بسيط بدفتر خارجي

و بدرسه العصر و بخليه يحله بروحه ان شاء الله

 

[^غلاي أنت^]

السلام عليكم .. اشلونكم بنات ,,
توني ادري عن التجمع ..
داشه استفسر عن العلوم انا بنتي باولى أبتدائي واحس نفسي ضايعه مع المنهج..
شسالفة العلوم ما اشوف الا كتاب واحد وخالي يعني ماني عارفه اساسا وين واصلين .. والابله الله يهداها لا تعطي لا ورقه لا تكتب شي على الكتاب ..
المهم مابي اطول عليكم ..الدفتر احط فيه صور ولا لأ .. انطر الابله تقول ؟؟

 

[الغلا كله 82]

لا حبيبتي ماتسوين شي لين الابله تقول

والعلوم كتابين واحد للدروس وواحد للتدريبات

وروحي للمدرسه وقولي لها تتواصل معاج باوراق او خطه اسبوعيه

 

[نونا حبيبتي]

صبااح الخير ياحلوين
بلييز ابي احد يفهمني شلون ادرس ولدي علوووم والله ضايعه واحس الكتاب موواضح ومافي معلومات واايد

 

[^ دانة الزين^]

حبيبتي العلوم و الرياضيات خليهم على الابله انتي بس سأليه اسأله بسيطه و شوفيه فاهم و لا لأ
مثلا قوليله شنو الكائنات الحيه؟ شتسوي؟
او سأليه الطاوله كائن حي ؟ اذا قالج لا قوليله ليش؟
جذيه يعني اسأله بسيطه و خليه يفهم من الابله احسن له

 

[دلوعة روحي]

حبيبتي العلوم و الرياضيات خليهم على الابله انتي بس سأليه اسأله بسيطه و شوفيه فاهم و لا لأ
مثلا قوليله شنو الكائنات الحيه؟ شتسوي؟
او سأليه الطاوله كائن حي ؟ اذا قالج لا قوليله ليش؟
جذيه يعني اسأله بسيطه و خليه يفهم من الابله احسن له

نفس طريقتي

و انا يبت دفتر خارجي سويتله اسالة حلها بالتوصيل و الرسم












امس طول اليوم متنرفزة

تخيلو ولدي توة بادي يلبس نظارة

و ادري انه قاعد يجذب علي و ما يلبسها بالمدرسة

امس ياي مضيع نظارته و رد الصف دورها ماكو

عطيته محاضرة عن الاهمال و ان راح يتعاقب و ماراح اطلعه يوم الخميس

الصراحة احتريت لانها مو رخيصة و انا حاطتله فيها خيط عشان يعلقها برقبته اذا بغا يريح عينه شوي

وصلت البيت و لا مو مسكر المطارة عدل و حاذفها بين كتبه و الماي منصب عالدفاتر و الكتب

مع اني موصيته انه يحط مطارته بالمخبة الجانبية

خلاني اتنرفز اكثر و قعدت ساعة و نص انشفهم بالاستشوار

و فوق هذا متعلم كلام كلش ماله داعي :eh_s(14):

و اول امس كان قايلي ابي فلوس عشان بشترك بالمقصف عطيته

امس قبل لا ينام يقول الاصبي اللي دزني ذاك اليوم باق فلوسي و حاذف جنطتي

عاد اليوم رحت عند الاخصائية قتلها تغير مكانه لان اذا ما حطوله حد راح اتصرف بروحي

و اليوم الله يستر

 

[احلى الاسامي]

مشكوره اختي دلوعه على الرد تصدقين صار ببنتي نفس ولدج بس بدال الماي عصير تخيلي عاد الكتب صفرا وحطيته بالسطح طول النهار واليوم جايه ومو ا معاها كتاب العلوم التطبيقات تقول الأبله ماخذته بالله شلون تذاكر لها باجر الاختبار *

 

[دلوعة روحي]

مشكوره اختي دلوعه على الرد تصدقين صار ببنتي نفس ولدج بس بدال الماي عصير تخيلي عاد الكتب صفرا وحطيته بالسطح طول النهار واليوم جايه ومو ا معاها كتاب العلوم التطبيقات تقول الأبله ماخذته بالله شلون تذاكر لها باجر الاختبار *

هلا فيج اختي

امبيه عصير صعبة شوي الله يعينج

اخاف بنتج ناسية الكتب مستحيل الابلة تاخذهم اذا ثاني يوم في اختبار







اليوم ولدي راد و مضيع بنطرونه :d

كان عندهم رياضة فاصخة و مادري وين ضايع منه

على فكرة هذي ثاني مرة

بس المرة اللي فاتت لقاه ثاني يوم

 

[دلوعة روحي]

احلى الاسامي تبين اكتبلج ملخص الامتحان اللي سويته حق ولدي امس ؟؟

درسيها منه

انا مسويته شامل

اختباركم من اي صفحة لي اي صفحة ؟؟

 

[@ام يوسف@]

هلا فيج اختي

امبيه عصير صعبة شوي الله يعينج

اخاف بنتج ناسية الكتب مستحيل الابلة تاخذهم اذا ثاني يوم في اختبار







اليوم ولدي راد و مضيع بنطرونه :d

كان عندهم رياضة فاصخة و مادري وين ضايع منه

على فكرة هذي ثاني مرة

بس المرة اللي فاتت لقاه ثاني يوم

ليش ما تلبسين ولدج ملابس الرياضه من البيت انا ولدي اذا يوم رياضه يلبس من البيت وما يلبس ملابس المدرسه

 

[^غلاي أنت^]

اي والله شكلي بروح اسألها ..مشكورين حبايبي..نتواصل ان شاءالله

 

[دلوعة روحي]

ليش ما تلبسين ولدج ملابس الرياضه من البيت انا ولدي اذا يوم رياضه يلبس من البيت وما يلبس ملابس المدرسه

مدرستهم ما يرضون

لازم لبس الرياضة تحت لبس المدرسة

و لما تصير الحصة يفصخ بنطرون المدرسة و يحطه بجنطته و الظاهر طايح منه

 

[احلى الاسامي]

اي والله اذا ماعليج كلافه اختي دلوعه لأني احس مو فاهمه شي والله يخلي لج ولدج والاختبار من صفحه 20 الى 31 *

 

[@ام يوسف@]

عطوا ولدي كلمه اشارت وكلمه الى والاعداد واصلين صفر والانجليزي نسخ كلمه sister وكلمه apple