تجمع امهاات 2007 خلونا نستفيد من بعض

[كيت كات]

هلا منورة
عساج من عوادة
ومبااارك عليكم الشهر
بنات ادعولي انا تعبانه من الحمال
والدكتورة وصفتلي دواء تقولي لاااازم راحة تامه
ياربي تسهل علي انا خايفة لان حملي الاول فقدته بالسادس
ادعوووولي بهالشهر الفضيل

 

[منورة الكويتية]

حبيبة قلبي ياكت كاات
الزم ماعليج صحتج وراحتج
ارتاحي على قد ماتقدرين ولاا ترهقين عمررج ولاا تظغطين عليها
خلي امج وخالتج يساعدونج وخصوصا بدوري عمررره الله يحفظه متعب حيل شيل وحط لازم احد يعاونج ياقلبي
والله يهون عليج يارب ويتمم عليج بالصحه والعافيه انتي والبيبي
بس لاتحااتين وتوكلي على رب العالمين

 

[nono78]

امواج البحر
ملاك الروح
كيت كات
منوره
مشكورين بنات ماتقصرون بروح الصيدليه اشوف الكريمات الي تقولون عنهم

لا ان شاء الله محد طاقه عين حتى علاويو اكزيما بس بريوله وايده

بس اهون من عزوزي وعليا بويهههه قمت اسميه خوخه لوووووووووووول يعور قلبي


لولو الله يعينجججججججججججج ان شاء الله يعطونج اجازه بعد قلبي رفيجتي
انا مع خدامه وتعبانه اشلون انتي ودوام واي واي الله يعينج


كيت كات

حبيبتيييي سلامات يالغاليه
ارتاحييييييييييييييي والله يثبت حملج يارب
وتولدين بالسلامه ياااااااااااااارب

والله ضاق خلقي عليج

 

[كيت كات]

تسلمون حبايبي والله
منورة حمووودي ريل بنتج وتضيعين باسمه
ونونو مشكورة حبيبتي الله يسهل ياااارب

 

[منورة الكويتية]

خخخخخخخخخ عيل منو بدوري لوووول

اي تعرفين قمنا نلخبط من كثر الخطاطيب لووول كل ماشفت واحد خطبتها له اخرها ولد خالي توه متخرج من الثنوي ههههههههه

 

[malak_alroo7]

السلاااام عليكم
شلوونكم بنوتات مباااارك عليكم الشهر حبيباتى

منوره .. عامله ايه؟ شلونها عروسة حمودي؟ فشلتينه منو بدوري هااا هههههههههه

كيت كات
ما تشوفين شر ان شاء الله و ربي يثبت حملج و يتمم لج على خير ياااااااااارب
الحين شنهي الحبوب اللي تاخذينهم؟ الدكتوره قالت لى فيتامينات بالثالث ,, لما رحت الصيدليه جان الدكتور هناك يقولى لا اخذي بعد كالسيوم اذا ما تشربين حليب بس مو شرط كل يوم و الحديد لازم بعد! عاد قمت اخذهم ياااااااااااا كرهي حق الحبوب ماقدر ابلعهم لازم اطحنهم

نونو بشري شلونه وليدج الحين حبيبي؟؟

 

[كيت كات]

اهلين ملوووكة
انا كنت بس فوليك اسيد بس قست نسبة دمي وكانت نازله فوصفتلي حديد علشان يرفع الدم والكالسيوم عادي اخذ الفوار على برتقال طعمه وااايد حلو
والله يسهل عليج وعلى وعلى جميع الحوامل المسلمات

 

[رفرف]

شلونكم بنات ؟
وشلون عيالكم ؟؟

انا ببجيييييييييييييي
بناتي يانين وقاعدين واي شي مو طبيعي ..
صارلهم يمكن اسبوع طول الليل يبجون ..
كوكي تنقلب وتقوم تبجي غير ان فيها صخونة وتكرمون اسهال شكلها بتسنن ..
وصبوية بس جذي عسر بدون سبب ..
كوكي تنام ان كثرت ساعة وترد تقوم تبجي ماصدق انومها بنااام الا صبوية قامت وتصرخ حلمانة وتقعد اختها ويبجون ثنتينهم واي والله تربعت امس على الفراش وقمت ابجي حاشني انهيار عصبي ..

 

[malak_alroo7]

كيت كات
امييييييييين يارب
لا شكلى بشتري الفوار وايد احسن لى من الحبووب

 

[د.شريفة]

رفرف جنج انا اول امس والله صار فيني نفس اللي صار فيج نام ولدي الساعه 3 الفير اهو نام مني جان تقعد بنتي والله كنت حدي تعبانه
ومعاها يالله نامت على الساعة 5 والله بنسدح وبسكر الاباجوره الا ولدي يبجي حلمان ويصيح لي الساعة 6 ونص تعسر
وااااااااااااااي اخر شي زوجي راح الدوام وانا دموعي على خدي اربع اربع ابي انام
بس يالله الحمدلله على كل حال الله يهديهم ويصلحهم

 

[pink]

شلونكم بنات و شلون الكتاكيت ؟؟؟ إن شالله بخير

بنات كنت حابة من فترة أبشركم بخبر بإني كنت حامل بس

للأسف هالحمل كان فيه مشاكل و من رحمة ربي إن ما استمر

و يوم اليمعة اللي طاف سويت تنظيفات .. الحمدلله على كل حال

و الله يعوضني في بنتي إن شالله .. و الله لا يورّي أحد فقد الضنى

آمين يارب العالمين

 

[منورة الكويتية]

حبيبتي رفرف انتي ود شريفه الله يعينكم
صج شيئ متعب
بس خلو احد يمسك الياهل الكبير او خل ينام عند الابو وانتو نامو شووي ريحو جسمكم مايصير جذي ترى والله تعبب

 

[منورة الكويتية]

هلا والله وغلا بنك
حبيبتي قلبي
قدر الله وماشاء فعل
وان شاءالله شفيع لج يوم القيااامة
وماتدرين وين الخيرة فييييه
الله يعوووضج خير يارب ويخلي لج اسووويه يارب

 

[pink]

تسلميييين حبيبتي منورة و الله يسمع منج إن شالله ..

و الله آنا راضية بقضاء الله و قدره أصلا كان الحمل

مو مخططه له كان رزق من الله .. الحمدلله على كل حال

 

[malak_alroo7]

pink

اول شئ الحمدلله على سلامتج حبيبتي .. و ربي يعوضج ان شاء الله و يحفظ لج اسويه و الحمدلله على كل حال يا قلبي

 

[Miss_Tiger79]

اهلين بنات
مبارك عليكم الشهر
متأخره بس والله حدي انشغلت هالايام

حبيبتي كيت كات عسى الله يتمم عليج حملج بسهاله ويحفظ جنينج من كل شر ويقر عينج بشوفته انشالله بس ارتاحي حبيبتي وخلي احد يساعدج خواتج او امج او خالتج
وماتشوفين شر

رفرف الله يعينج عيل انا اسمالله عليهم لما اكون بالبيت بروحي والصبيان من الله ما يسمعون كلامي لو شسوي الا قليل يعني اقعد لما اصرخ من قمة راسي يالله يسمعون الكلام وهذي عسره بنتي ما تبي احد حتى الخدامة اليديده ما تبيها والله متى يكبرون

بينك شخبارج والله يعوضج انشالله بخير منه
والحمدلله على سلامتج

منوره شخبارج عساج بخير ها داومتي بالجامعه والا ليلحين

وملاك الروح شخبارج
ونونو شخبارج
ولولو وير آر يو (( الله يعينج ))

 

[رفرف]

بنك
ماتشوفين شر حبوبة والله يعوضج خير انشالله ...
لا يضيق خلقج خيره انشالله ..


شريفة
انا على هالحال كل يوم بس مرات يزيدووون وتخيلي عقب هاللوية وراي دوام والله تعذيب ..


تايقر ..
الله يعينج ويخليهم لج ...
الا شلون خدامتج اليديدة ؟


منورة
الأبو هم وراه دوام ...
لا ومن زود القرادة بناتي حزة النوم والدعالة والعسر والمرض مايبون ابوهم بس يبوني واهوه حق الوناسة واللعب ..

 

[pink]

شلونكم بنات و شلون رمضان معاكم ؟؟؟

لولو .. الله يعينج حبيبتي و يرضون يعطونج الاجازة و تنظمين
شغلج .. شلون الكتكوتة جودي ؟؟؟

كيت كات .. الله يهوّن عليج و يثّبت حملج و تشوفين ضناج بين
حضنج و تربينه و تكبرينه مع أخوه إن شالله بس حبيبتي هالله
هالله بالرااااحة و من ثم الراااحة .. اهي أيام صج ثقيلة بس اتعدّي
و البيبي يستاهل و انتي بعد تستاهلين الراحة .. و طمنينا عليج ..


نونو .. مسكين عزوزي على هالحساسية بس ترى يروح من نفسه
حتى لو طوّل أسوية كانت جذي تعور القلب و كنت أبجي ويهه يخرررع
يتقشر و يرد بشكل يخرررع زيادة و لما وديتها حق الدكتورة عفاف
الرومي قالتلي هذا عااادي و يحوش اليهال و يكون من الولادة و ما كتبتلي
أي كريم بس آنا قمت أفتر بهالصيدليات و قاموا يعطوني أنواع و أشكال
من المرطبات بس ما أحس إنهم فادوني وااايد و الحبوب تقشروا و طاحوا
من نفسهم و لا ردوا مرة ثانية بس يبيله وقت يعني أسوية صار عمرها
3 أشهر يالله خفّوا عدل .. و ما يشوف شر عزيزان ..


malak_alroo7 .. تسلمييين حبيبتي على الدعوة الحلوة و الله يخليلج
نونو و يهوّن و يسهل عليج إن شالله ..


Miss_Tiger79 .. تسلمييين حبيبتي آنا بخييييير و لاهية مع الميننتني
أسوية ما شالله عليها يبيلها قبيلة يعتنون فيها .. تبي لعب و تبي شيل من
تقوم إلين تنام .. إنتي شلونج و شلون اليهال ؟؟؟


رفرف .. الشر ما ييج حبيبتي و الحمدلله ما صار هالشي إلا لحكمة و بداية
السالفة صج كانت صعبة بس الحين وااايد أهون خصوصا بوجود أسوية
الله يخليها لي .. و الله يعينج على دلع البنات و تناوبهم عليج .. الله
يعطيج الصحة و العافية و إن شالله تكون فترة و تعدّي و الله يهديهم لج ..

 

[Miss_Tiger79]

اهلين رفرف انا بخير
ومشكوره على الدعوه الي تهبل مثلج والله والله يخليلج عيالج انشالله
والخدامة ليلحين زينه بس يبيلها ملاحظات طول ما اهيه تشتغل يعني هذا مو جذي وهذا جذي مع انه خدامتي الي سافرت قعدت معاها 4 ايام تعلمها وسافرت بس يبيلها مجابل بعد واليهال مستلمينها عشان توها يديده
الله يهديها ويسخرها انشالله

بنك الله يعينج ويهديها انشالله
انا بخير واليهال بخير
الحين باديه اخليهم ما ينامون الظهر عقب المدرسه عشان ينامون مبجر تعالي وشوفي العساره ليش مو نايمين
لين يتعودون بروحهم ما ينامون الظهر
الله كريم
عسى الله يحفظهم انشالله ويحفظلكم عيالكم
قولو آمين

 

[رفرف]

تايقر
زين تسوين قطعي نومة الظهر عن تجربة ونوميهم امبجر تتعدل النومة وايد ...
بس الله يعينج عالعسارة اول الايام ...


انا اليوم مريضة مع بناتي مادري منو معادي الثاني ..
وصبوية ماداومت اليوم من الفير حياتي ترجع وتبجي وديتها بيت اهلي جابلت اخوي اللي بالثنوي هم غايب مريض مسويلها بروغرام فيديو وبي اس بي وقيم بوي وكلشي ما تمللت الحمدلله ...
وكوكي ووديتها امس عند ريم قنواتي بلاعيمها فيها احتقان وعفستنا ومتعلمة تصرخ بنبرة عالية خخخخ راح صوتها تضحك تصرخ بدون صوت ..
وذبحتني ماااااااتحب تصير على بطنها لي نامت بالليل تتقلب ومن تصير على بطنها قامت تبجي ..
أمس حطيتلها مخاد يمينها وشمالها علشان لا تنقلب نامت شوووووي احسن ..
شكلها هالبنية عمرها ماراح تحبي دامها جذي ماتحب تنسدح على بطنها عكس اختها بالضبط ..