تجمع امهاات 2007 خلونا نستفيد من بعض

[رفرف]

مشكورين بنات

زوبا انا بنتي كانت جذي بالاربعين ..
الحين تحن بس ماتصرخ جذي جنه فيها شي مشككتني بعمري

 

[al_gardenia]

سلام اشلونكم بنات
ادري غبت عنكم وايد لاني رديت الكويت شهر ورجعت
انتوا شخباركم وشخبتر عيالكم
كيت كات الله يعينج التطعيم يعور القلب بس ميخالف كله حق مصلته
بس شنو قالو لج اتسوين له كمادات ولا سنو لا تخلينه عطيه ادول

 

[كيت كات]

هلا والله قاردينيا مشكورة حياتي
ادول وكمادات كل ساعتين:eh_s(11)::eh_s(11)::eh_s(11):
انا سويتها بانتظام بس سبحان الله ياهل عن ياهل يفرق وكل ما كبر
كل ما زاد التاثير عوووووور قلبي والله بنات امس نمت الساعه 3 ونص الفير وقمت
5 تعبببببببببت كل شوي يون وقياس الحرارة شغال فوق فوق مسكين كسر خاطري
وااي كله بصوب ولمن رحت الدوام بصوب دااايخه ومع الحمال بغيت ابجي
بس الحمدلله الحين بدت تنزل حرارته

 

[منورة الكويتية]

قووووووووووووة بنات رشحو نوني بموضوع مسابقه الطفوله ماوصيكم خخ

 

[كيت كات]

منورة والله ياحلاتي نوني مرت ولدي
وعزيز بعد يهبل ماشاء الله شكلي بقسم صوتي هني وهناك
هههههههههههههههه

 

[رفرف]

خخخخخخ نطروني وصوتو حق كوكي

 

[al_gardenia]

كيت كات الله يعينج عاد عوضي نوم راح لان الي في بطن له حق

منوره شنو سالفة التصويت خل انصوت

 

[منورة الكويتية]

كت كات منو عزيز خخخ هذي مرت ولدج صوتي لها خخخخخخخ

رفرف يالله نبي صووور البنوووتات الامورات


القاردينيا حبيبتي شوفي الموضوع المثبت بالقسم مسابقه الطفولة وعطينا رايج

 

[malak_alroo7]

سلااااام بنات

منوره الكويتيه
يا لبه سلم قلم النونو رفيجت بنتى هههههه و سلم قلب كل المشاركين والله ربي يحفظهم

كيت كات
الف الف سلااامه على ولدج حبيبي ما يشوف شر ان شاء الله

صديقاتي الامهات
هاو ار يو اوووول ؟؟

 

[كيت كات]

ملووكة الله يسلمج حبيبتي انتي شلونج
رمضان قرب سويتي ملابس قرقيعان حق بنوتج
انا خلااص حجزت للمعرس بشت هههههه
منووورة والله احترت بصراحة عيالكم يهبلون
ماشاء الله ...شكلي بنادي خواتي والاسرة الكريمة ا
اللي بالمنتدى واوزع اصواتهم ههههههههه
رفرف يختي يختي على اللي نايمه خووووش نومه

 

[al_gardenia]

منوره ماشالله عليها بنتج اشحلاتها
الله يخليها لج ويحفظها من كل شر
بس اشلون طريقه التصويت بس اكتب اي ياهل احلى انا سويت جذي

 

[كيت كات]

قاردينيا تروحين لرابط التصويت وتشوفين فوق كلش الاستبيان وتختارين وتحطين تم التصويت

 

[al_gardenia]

تم التصويت يامنوره

 

[منورة الكويتية]

حياتي كت كات من ذوووقج ونبي نشوف صور بدووري بالبارت الثاني

حبيبة قلبي القاردينيا ماننحرمش

 

[رفرف]

شلونكم بنات شخباركم ؟

انا بروح الشاليه انا وبناتي مع اهلي ..
مادري اسبح كوكي بالبحر والا تو الناس عليها ؟

 

[كيت كات]

اهلين رفرف
اسم الله عليها ...ماعليها شر ماي البحر مافي شي بس ديري بالج من الشمس

 

[منورة الكويتية]

رفرف انا قبل اسبوعين رحت الشاليه ولبست نويره ذاك المايووه وديناهم البحر وكانت المايه رايحه تعرفين الي تشعطبت فيني وتصارخ من قمة راسها مارضت حتى اغطس ريولها بالماي وعيال اختي واخوي اسم الله عليهم مستانسين بالماي ويطرطشوون الا اهيا مادة البوز ومن عقبها حت التسبح مال البيت تيبس جسمهاا وماترضى تقعد عالاسفنجة والله يننتني ومادري شسوي وياها

 

[منورة الكويتية]

كت كات متى يسكر التصويت؟

 

[lolo77]

امهات شخباركم

واي صارلي فتره ما ادري عن المنتدى
لاهيه بدون خدامه
احس ماكو وقت احك شعري مثل ما يقولون
وداومت
وحدي تعابنه

المشكله جودي قامت تعرف الويوه
وتقول امي وايد تبجي بس تبي شيل وبس

ومن ايي انا تستانس مسكينه وتضحك وتسولف

واي عيارة البنات
حتى بيمعتنا مع خالاتي من يصير ازعاج اشوي تبجي وتخب الدنيا ما تسكت

ما ادري متى تكبر وتخف البجي شوي

 

[كيت كات]

منورة تاريخ 9 ينتهي التصويت
لولو ...واااي صج صج الله يعينج
انا اللي عند ثلاجة مو خدامة بس ظلها ولا ظل حيطة