تجمع امهاات 2007 خلونا نستفيد من بعض

[كيت كات]

بنات وينكم ...؟؟؟
قل ظهوركم
ام حيدر ولهااانه عليجشنو مسافرة

 

[منورة الكويتية]

قوووة بنات شلونكم شخباركم
اكلمكم من السعووودييه

 

[Miss_Tiger79]

اهلين بنات
ازيكم
وازاي عيالكم

امواج ترى عادي انا ولدي العود جذي فخليه بروحه يفرغ طاقته بس حطي بالج عليه لا يسوي شي مو زين او يأذي احد

وام بناتي ترى عادي انا بنتي كملت 7 شهو وليلحين ما طلعلها ولا ظرس ولا حبت كلش ولا اتفكر اتسوي شي هههههه
باااااااارده
وانا عيالي يطلعون ظروس بال9 اشهر وفوق ويمشون لما يكملون السنه


لولو يحليلها بنتج والله ويحليل عيالج مستانسين عليها حياتي

 

[Miss_Tiger79]

منورة شخبارج
وكيت كات شخبارج

 

[كيت كات]

هلا وغلا شلونج منورة شسوون بالسعودية؟؟تردون بالسلامة
اهلين مس تايقر ازايك انتي ياقميييييييييييل

 

[malak_alroo7]

ها بنااات شلونكم؟
انا منشووووووووله و فينى كحه

 

[كيت كات]

هلا وغلا ملوووكة
سلامات وماتشوفين شر
عاد لاتخلين كله شربي حار
والله انا ياملاك ماسكتني الحساسية
اللي اهي نشله دايمه صارلها شهرين تعبت
بس الحمدلله

 

[سبحان الله^الحمدلله]

شلوووووووووونكم بنات شخباركم؟؟؟

بس حبيت اسلم عليكم

 

[lolo77]

هلا والله
امهات شخباركم

صارله يومين الدي اس ال خربان توه صلحوه


باجر راح اداوم وما ادري شسوي
بدون خدامه مع اليهال
امي تقول يبيهم عندي
بس افكر شلون راح يقومون الصبح

الله يعينا

 

[رفرف]

شلونكم امهات ؟

باجر بداوم وبخلي بناتي ابيت اهلي
واي صج قلبي يعورني لي هديتهم .. حالتي صعبة ...

 

[أغلى حبيبه]

[frame="8 50"]الله يعينج رفرف

يالله ببيت اهلج ولا بروحهم مع الخدامه

وبالتوفيق اول يوم دراسي[/frame]

 

[malak_alroo7]

السلام عليكم
هلا و غلا بناات

كيت كات
الله يسلمج و الشر ما يجيج حبيبتي
و انتى بعد ديري بالج على روحج انا صار فينى نفسج لما كنت حامل بنوره
الدكتوره قالت انه هذا احتقان بس يروح اكيد ان شاء الله

منوره الكويتيه
ها شلون السعوديه و اهلها؟

مس تايقر .. وسومه .. سبحان الله الحمدلله .. امواج البحر.. ام حيدر.. كلكم امهات شخباركم؟

رفرف و لولو ..
الله يعينكم والله ..صج صعبه انا اذا طلعت بدون نونه مادري شيصير فيني حيل اتضايق

 

[malak_alroo7]

كيت كات
بالنسبه حق المسابقه.. ليش ما ترسلون رسائل خاصه حق جميع الاعضاء علشان يكون عندهم خبر ,, لان مو الكل يدش ركن التربيه و الطفل
مو انا هذه مشكلتى ما ادش كل الاركان فمادري عن المسابقات
الا هذه و مو قادره اشارك بعد

 

[رفرف]

بنات انا ملاحظة بنتي صارلها جم يوم بس تصررررررررررررخ تعور القلب مادري شمنه حتى قبل كانت تنام شوي الحين كل شوي قاعدة واتصرررررررخ مادري شفيها ..
وماتنام بالليل ولا حتى باليوم نفسه يعني لي غطت عقب صراع مرير والله حتى 5 دقايق ماتكمل تقوم بسرعة وكله مستعسرة ...
مع العلم انها مو لهالدرجة حنانة يعني تتنهوص بس ما تصرخ جذي ..

شرايكم بالموضوع يحتاج طبيب والا انا موسوسة ؟؟

 

[malak_alroo7]

لا حول و لا قوة الا بالله والله هاليهال يعورون القلب
رفرف

شوفى كنت اسولف حق بنت عمي عن نوره و قلت لها صايره كله تقعد من النوم بصراخ يعنى فجاه الكل نايم و نصحى على صراخها بعد عمري
عاد قالت لى يمكن يكون عندها التهاب بالبول الله يعزكم لان مره صار جذي في بنتها و محد عرفلها الا دكتوره سوريه عاد انا قلت بوديها اسويلها تحاليل و ان شاء الله ما فيها الا العافيه بعد عمري و حتى بنيتج ما فيها الا العافيه ان شاء الله بس الواحد يوديهم علشان يرتاح و يطمن عليهم

 

[أمواج البحر]

هلا ملاك الروح انتي شلونج

حبيبتي رفرف اخاف بنتج تبي تسنن

لان انا صار فيني جذي بالصغير كان مسكين تشوفينه فجأه يصرخ و يبجي و يتفزز بنومته

وعقبها سنن

وان شاء الله ما فيها الا العافية يا قلبي عليها

 

[رفرف]

والله يجوز تسنين بس انا ناسية هسالفة مادري جنه مبجر توها 5 شهور

 

[أمواج البحر]

عادي ترى ياهل عن ياهل يفرق

ولدي سنن بهالعمر ... عيالي اسم الله عليهم يسنون امبجر

يعني على ما يكملون السنه الا ظروسهم كلها طالعة

وانتي بعد شوفي لثتها ... ايبين اذا بتسنن تحسين فيهم محقونين و حمررر

 

[zoba]

واي رفرف ذكرتيني اب بنتي ايام الاربعين
نفس الشي كانت ماتنام اكثر من ربع ساعه وتصاااارخ وبجي ونشيلها ماكو فايده ارضعها ماكو فايده اوديها الطبيب يعطيني داو هم ماينفع معاها قمت اعطيها بيبي كال هم مافاد بس اول يوم خلاها تنام ثاني يوم ولا جني معطيتها
وديتها الطبيب مره ثانيه قال مافيها شي بس متعوده عالشيل
لما قمت اعطيها حليب صناعي خفت الحنه حيييييل لان الظاهر حليبي كان فيه غازات معني ماكانت اكل شي يسوي غازات بس الظاهر حليببي ماكان طايح عليها
ساعات الياهل يكون فيه حكه وهذا اللي يخليه يحن
او غازات
او مافيها شي بس حنانه نفس الي عندي
عادة اليهال لما يكبرون تخف حنتهم انا بنتي لء زادت الحنه وهم بدون سبب

 

[كيت كات]

سلااااااااااااااام
شلونكم ووينكم
ملاك الروح والله قاعدة ارسل للي اقدر عليه وتسلمين يالغالية
وانا اليوم مثل رفرف اول يوم دوام تعببببببببت لا وحمود طعمته
عور قلبي ومسخن مادري لون بخليه باجر...