تجمع امهاات 2007 خلونا نستفيد من بعض

[رفرف]

كيت كات
تشيكيتا كنت مصورة بنتي العودة عنده ايام ما كانت صغيرة عمرها 6 شهور
صج الصور تهبل اللقطات واللبس فناتق وجذي ..
بس الطباعة ولا ابيزة ..
الصور رمادية .. والورق نفسه فيه بقع ..
يعني تحسفت على الفلوس اللي قطيتها ..
وفوتوكينا تصوير عادي لقطات عادية وبوزات مو لبس معين نحلة وليدي بيرد وجذي ...
وليلحين ما استلمت الصور لما استلمها اقولج


تايقر..
والله ما تسوقنا .. من صجج اتسوق مع هالوقاويق جان ايننوني والله
بس رحنا لعبت صبوية .. وتمشينا .. وتغدينا وردينا ..
والا السوق يبيله فراغة

 

[Miss_Tiger79]

هلا رفرف
عيل بقولج عن مصور معرفي عجيييييييييييييييييب انا اصور عيالي كله عندهم والله حركاته حلوه ولقطاته اتينن وما افكر اصورهم لقطات الا عنده
اي والله صاجه التسوق ما تقدرين مع اليهال اسم الله عليهم


وسبحان الله ديري بالج من البسكوت ترى كل الدكاتره الي رحتلهم ما يمدحون بالبسكوت ويقولون انه يسبب حساسيه حق الياهل فمابالج انتي بتعطينه قبل لا يكمل 6 شهور والله انا اقولج عن تجربه من عطيت بنتي هالبسكوت وهالحساسيه مو مخليتها وقطعته موووووووووووووووليه

 

[منورة الكويتية]

قووووووووة بنات شلونكمممم

رفرف وااي انا حدي مشتهيه اصور نويرة لقطات حلوة وين تنصحيني اروح ودي صور بروحها وصورانا وياها وابوها

بنات اليوم طعمت نويرررررره بعد قلبي ابرتين وقطرات بجت بجي الحمدلله التطعيم الثاني لمن تكمل سنه

 

[رفرف]

تايقر صاجة معرفي حلو ...
بنطر يكبرون شوية البنيات واصورهم هناك ..

منورة ...
معرفي وايد حلو انا شايفة صور ولد اخوي يهبلووون ..
يعني يبدعون بالياهل ولبسه نفس تشيكيتا يعني بس طباعتهم بعد حلوة ..
وعلى ايام صبوية يبت مصورة البيت تصورها بنوتة كويتية من طقتنا يعني خذيت رقمها من المنتدى وسعرها وايد حلو وتصويرها حلو بعد بدور رقمها واخليها تصور بناتي حق القرقيعان انشالله لأنهم حد العسر بالتصوير ...

 

[Om Banati]

هلا بحبايبنا شلونكم ...
على طاري التصوير انا توني قبل 3 اسابيع مصوره لولو عند وحده بيتها بمشرف تصور بسردابها غرفه مجكنمه بس والله صورها وايد حلوه اسمها ام يوسف وحتى تعاملها ماشاءالله وايد هاديه وماتعييلج على الراحه اذا تبون رقمها ادزلكم اياه واذا قدرت وعرفت ادزلكم صورها ان شاءالله بحاول .. بس والله وايد حلوين وتاخذين راحتج حتى لو انتي بتغيريين هدومج وجذي.

سبحان الله^الحمدلله حرااام وليدج لا تستعيلين عليه لاحقه على الأكل اهم شي حقه الحين الحليب والباجي مايفيده كملي وياه واخر الخامس او اول السادس تقدرين توكلينه ان شاء الله .

هلا منوره حبيبتي نوارتي اجر وعافيه ان شاء الله شقالولج عسى هالتطعيم ما تسخن عليه ؟ انا لي الحين ما طعمتها ان شاءالله هاليومين.

هلا برفرف شلونج وشلون البنات .. اي والله اذا لقيتي الرقم نبيه بعد افك توصل لي البيت ونفتك

هلا Miss_Tiger79 البسكوت حتى حق فوق 6 شهور مو زين ؟ عاد قايله بشتريه حق لولو ؟؟

سامحينا tolip2tolip مانعرفها ان شاء الله غيري يفيدج

 

[Miss_Tiger79]

هلا ام بناتي اي حتى فوق ال 6 اشهر مو زين بس يتفخ الياهل على الفاضي ويسبب حساسيه وهذا الشي شفته بعيالي لانه قمح

وهلا منوره الله يعينج على التطعيم عاد اتسخن بهذا التطعيم بس انتي على طول عطيها ادول

 

[miss fabulosity]

قوه يالامهاات اشلونكم وشخباركم وشمسوين بهالدنيا
والله ولهت عليكم واايد بس لانى كنت مسافره وتونى راده من السفر
واشلون بيبياتكم عساهم بخير انا بسبوستى بدت اتحبى وملعوزتنى مااقدر اتحرك وراى طباخ وترتيب البيت انتوا شتسوون لى حبو اليهال

 

[كيت كات]

هلا والله بالامهات كللللللللهم
رفرف شرايج منو احلى معرفي والا البنيه اللي تصور بالبيت؟؟
ابي اصور حمود مسيكين حظه كلش مو حلو بالصور يعني ابيله مصور مو عادي وياالله ياالله
بس عفية اذا لقيتي صورها دزيلياه احسن بعد بالبيت
تاقر شلونج ومنورة ولهانين على هالطله سبحان الله والحمدلله
والله انا وكلت حمود من الشهر الرابع في اكل فواكه وخضار مكتوب عليه اربع شهور بالجمعيه
وسومة حمدلله على السلامة وحطي بنتج بالدراي اذا بغيتي تشتغلين واذا خلصتي نزليها

 

[كيت كات]

رفرف اقصد اذا لقيتي رقمها دزيلياه

 

[hessa82]

قوووه بنااات .. ولهت عليكم وعلى سوالفكم
بس الله يسلمكم دااومت الاسبووع اللي طاف واللله لاا يواريكم الحووسه فماعندي وقت كلش
سلامت مسووكه ماتشووف شر.. انا صار فيني جذي مع بجري بعد واايد تاذت مسييكينه
لولو تروحين وترجعين بالسلامه
والحمدالله على السلامه يا مس تايقر

 

[سبحان الله^الحمدلله]

صح والله عاد انا شريت له فيرلز مع حليب من عمر 4 شهور بس مادري مابي اعطيه لان على قولتكم اهو اهم شي له الحليب وهذا احس انه يشرق عطيتة مرة وحدة ومخففتة حيل بس هونت خلاص اول مايصير 6 شهور بعطيه مابي اوسع معدتة خله ضعيفون احسن

مشكورين عالنصيحة

 

[رفرف]

هذا رقمهم على خبري هوم ستديو 6079966

ولازم تحجزين قبلها

واللي تصور عندها تقولي شصار ناوية اصور بناتي حق القرقيعان ...

لأن صور فوتوكينا لاااااااااااازق المصور بخدودهم اسمالله على مسوكة صورتها بس خدود مو زود مع انها شادة حيلها وضاحكة ...
ومو امنتجين الصور ولا حركات فوتوشوب ولا شي يعني صورة الويه بس ما عجبوني ...
الحلو انهم مسوين عرض وطابعين الصور بألبوم جنهم قصص اليهال الصغار الكرتون بهالحجم وحلوين هذول امنتجينهم ومشتغلين فيهم شي ابيض واسود وصورة على صورة يعني صج حلوة ..
بس الصور العادية المطبوعة مو زود ..
صبوية بس اللي طلعت صورها حلوة

 

[كيت كات]

رفرف تسلمين يا عمري بدق عليهم اكييييييييييد واعطيج الخبر بس بشتري ملابس قرقيعان حق حمود
وعاد كللللللش ولا الصورة تطلع مو ذك الزود

 

[Miss_Tiger79]

شخباركم بنات

والله يعينج يا حصه مع الدوام انا من داومت وما عندي وقت كلش

 

[كيت كات]

وااااااااااااااي لا تيبون طاري دوام
دوامي 1/9 مادري شسوي
الله يعييييييييييين

 

[Miss_Tiger79]

الله يعينج كيتكات يعني قبل رمضان بشوي
عيل انا اشوه دامت قبل رمضان بفتره عشان باخذ إجازه برمضان انشالله

 

[ذكريات]

هلا بنات شخباركم

انا الحين بديت اوكل ولدي و الحمدلله عاجبه بسكوت فارليز و اكل اليهال اللي يصير بغراش يعجبه بس الفواكة ما يحب اللي على خضار

و انا اعرف ان الياهل يبدى ياكل من الرابع بس يقدر يستمر بس على الحليب لي السادس

 

[منورة الكويتية]

هلا رفرف يعني ايهو احلى معرفي ولاا الي تيي البيت ؟

ومنو بالظبط الي يسوي كاتلوج حق الياهل معرفي ولاا البنيه الي بالبيت؟

يعطيج الف عاافيه حبيبتي


اهلين كت كااات شلوونج شخباررررج


وسووومة ولكم بااااااك حبيبتي

ذكريات هلا وغلا وسلم قلب الي ياكلوننن كبروا بسم الله عليه

مس تايقر هلا والله وغلا ازيك ياقميل وازاي الدوام والعيال

حصه هلا والله شلووون الدوااام ان شاء الله تمام

 

[Miss_Tiger79]

هلا والله منوره
انتي ازيك
والزي البسبوسه نويره
منوره تصوير معرفي حلو حق القرقيعان روحي من الحين احسنلج

 

[malak_alroo7]

السلاااااام عليكم

منوره الكويتيه,, جااان استحي ههههههه فديتج انا ولهت عليج و على سوالفج والله

قوليلي شلونها نواره؟؟
رجعت الكويت من يومين .. و لندن تهبل كالعاده بس نويره طلعت لى قرون هناك .. ما كانت تبي تقعد فى العربانه لا الا تبينا نشيلها!!

كيت كات حبيبنى الف مبروووووووووك على الحمل جم عليج الحين؟ ربي يهون عليج ان شاء الله

و باجي البنات شخباركم؟

وسووومه لج وحشه .. انتى الحين في الكويت و الا المانيا؟