تجمع امهاات 2007 خلونا نستفيد من بعض

[أمواج البحر]

صباح الخييييير امهات شلونكم جميعاَ

رفرف ... كيكه ... مس تايجر .. منورة ... لولو ... سبحان الله

ولهت عليكم كووولياتكم

امس بعد قلبي وليدي اخر العنقود سعود احترقت ريوله الثنتين بالاوتي

بعد عمري:eh_s(11): الخدامه الله يهداها مخليه الاوتي على الارض و رايحة تسوي الريوق حق اليهال

بعد جبدي والله بجيت بجي كسر خاطري حياتي والله :eh_s(11):


بس الحمدلله الدكتورة طمنتني و قالت الحرق سطحي بس يا قلبي والله يكسر الخاطر

 

[رفرف]

أمواج البحر
بعد عمررررررري سعودي خطاكم السو الظاهر هذا اسبوع الحوادث ...
نبهي الخدامة عالأوتي لا تحرق لكم البيت .......

تايقر ..
صبوية قامت تفهم لي حاجيناها بس شي يديد مادري اهيه اصلا ماتقول من أيام الحضانة جذي تعرف كل شي ولي سألتها كله تقول ما علمونا شي وما قالولنا شي بس انا اكتشف وهي تلعب ..

 

[منورة الكويتية]

صباح الخيييييييييييرات

 

[كيت كات]

سلام
شلونكم
ولهت عليكم كللللكم
بنات



انا حامل
وحدييييي تعبانه
وحمودي اسم الله عليه شريتله بدله للعيد من بيبي ديور ب اميه وشي قياسها 9 شهورتصدقون شكلها بتطلع صغيره عليه شسوي ؟؟؟؟ امبيه ريلي بيذبحني
المهم انا ولهت عليكم امي بالمستشفى وكل يوم اروحلها عسى الله يشفيها واليوم راح تطلع باذن الله واتفرغغغغ لكم
ا

 

[lolo77]

أمواج البحر

ما يشوف شر ولدج
صج الاوتي اذيه ويخرع
انا ولدي الكبير محترق من سنتين وكان عمره سنتين بنفس السالفه

كت كات
شخبارج ومبرووووووووك عالحمل
تدرين عاد قعت الصبح وطريتي على بالي اقول شخبار كت كات

وما تشوف شر اميمتج عسى الله يشافيها يارب

انا طعمت جودي اليوم مال الاربع اشهر بس الحمدلله ما بجت وايد

 

[Miss_Tiger79]

خطاكم السو امواج
وما يشوف شر ولدج انشالله وماله الا العافيه انشالله

وكيت كات مبروك الحمل والله يتمم عليج انشالله
والحمدلله على سلامت الوالده

ورفرف اشلونج
وووااااااي اتصدقين ليلحين عبودي كاسر خاطري من العقاب مال المس اول مره احد يعاقبه لانه مدلل يدته ما ترضى احد يجيسه

وتدرين اليوم اكتشفت انهم يخلون اليهال يروحون الحمام بروحهم لاني وانا يايه آخذ عبودي والا اهوه طالع من الحمام بروحه فسألت الابله وقالتلي في وحده اتوديهم وبالسياره سألته قالي مافي احد يودينه الحمام ومافيه ليت بالحمام
فالصراحه بدق عالمدرسه بشوف شسالفتهم

 

[رفرف]

شلونكم ياحلوات ؟؟؟

تايقر ..
وي عادي لازم يتعاقبون اليهال مايضرهم انشالله ..
انا نفعت مع صبوية طريقة الهابي والساد فيس سويت لها لوحة حق البيهيفير بالبيت وحطيت صورتها وزينتها وقسمتها على ايام الاسبوع .. يوم اللي تصير زينة لها هابي فيس وطبعا مكافأة مو شرط شي كبير .. ويوم الساد فيس لها عقاب مرة هديتها عند اهلي وطلعت طبعا فهمتها انه علشان خذت ساد فيس شنو انهارت كسرت خاطري ودقت تتأسف وتأدبت فترة وكللللللللشي ولا احطلها ساد فيس بس الحين الظاهر يبيلها عقاب ثاني صايرة نزغة ..
وعلى الحمام سألت صبوية تقول اللي لابسة حجاب اهيه اللي تودينا الحمام ..

 

[Miss_Tiger79]

صج
تدرين ليش مو متعوده اعاقبه يمكن

وتدرين والله يا رفرف هاذي الساعه المباركه الي شفتج فيها
وتصدقين ويهج مو غريب علي جني شايفتج من قبل

 

[رفرف]

ساعتج أبرك تايقر حتى انا حسيت ويهج مو غريب علي
عاد انا قاعدة من النوم مغسلة وياية خخخخخ ويهي امتفخ من اثار النوم

 

[رفرف]

تايقر شوفي لوحة البيهيفير مالت صبوية بس طبعا خشيت صورتها ..
خليتها تزينها وكل يوم بالليل انا واهيه انيي نحط هابي أو ساد فيس طبعا مع شرح الأسباب وايد حلوة ونفعت معاي

 

[منورة الكويتية]

هلا وغلا امواج حبيبتي انتي تشتاق لج العافية والله
ومايشوف شر وليدج على قولة رفرف اسبوع الحوداث كل شوي اسمع وحده صاير ب ولدها ولا بنتها شيئ ديروو بالكم الله يحفظهم و يخليهم لكم

*****************************8

مس تايقر
رفرف
لولو
هلا والله وغلا فيكم


كت كاااااااات
هلا فيج حبيبتي
انتي تاخذين حبوب مانع ولالا؟
وسلامة الوالدة ماتشوف شر ان شاء الله






رفرف وااايد حلوة طريقتج واللوحة تونس
مثل سوبر ناني
ماشاء الله عليج

 

[كيت كات]

اهليييييييين بنات اقصد امهات والله يباركلكم
ولولو حبيبتي تفكر فيج العافية
منورة لا والله ما خذيت اصلا ما يتني الدروة الا مرة وحدة بشهر 5 وعقبها لان اخت الاربعين مايتني ...والحمدلله انا ابي يهال والحمدلله

 

[منورة الكويتية]

الف مبروك ان شاء الله الحمل والله يتمم عليج

 

[Miss_Tiger79]

مشكوره رفرف
وانشالله ابدي اطبقها والمفروض اطبقها بعد ويه اخوه عشان يتنافسون منو احسن واحد

بس اتصدقين اليوم يقولي مابي اروح السكول وكله عشان ما عطته هديه المس

 

[أمواج البحر]

هلا حبيباتي الشر ما اييكم ما تقصرون :eh_s(7):

كيت كات الله يتمم عليج حبيبتي يارب

رفرف خوش طريقه لوحة البيهيفير ... وفعلا وااايد تنفع مع اليهال

مس تايجر ... ها راح ولدج السكول والا ماراح

 

[Miss_Tiger79]

اتصدقين يا امواج اليوم وديته الساعه 11
اول شي اهوه ما يبي يروح كلش وجان يروح حق يدته فوق لانه اهيه مدلعته فما نقدر انحاجيه
وبعدين وديته

 

[منورة الكويتية]

مس تايقر العيار هههههههههههههههههه مكبره راسه يدته ياحليله الله يخليه لكم يارب


شلووتج اموووواج بشرينا عنج وعن الكتكوت

 

[lolo77]

هلا فيكم امهات
امس كنت مطعمه جودي وكله الليل ما نامت عيل
اول مرن تصخن جذيه وكل شوي كانت تقعد

بس الحمدلله عقب الادول وايد احسن

 

[Miss_Tiger79]

اي والله يا منوره محد مقوي راسه الا يدته لانها مسكينه وايد اتحبه

ومشكوره على دعوتج هذي والله يخلي عيالنا وعيالكم انشالله

ولولو سلامت بنتج انشالله وما تشوف شر اهوه هالتطعيم لازم ادول معاه

 

[كيت كات]

امواج البحر مشكورة حبيبتي
لولو حتى انا طعمت حمودي امس واليوم حرارته 37,8 اخترعت على الادول شوي شوي تنزل
مس تايقر واااااااااااي عاد انا خايفة من هالنقطه ان يدته تدلعه
صج صج قلبي وياج ديري بالج عليه