تجمع امهاات 2007 خلونا نستفيد من بعض

[رفرف]

أمواج .. ومنورة ..
اي انا ماخذة طريقتها من سوبر ناني ونفعت مع بنتي لوما وجود بعض المخربين (الأبو) ..


تايقر ..
انا جذي صبوية محد يقدر يحاجيها ابيت اهلي لأنها البنت الوحيدة بين صبيان ..
وعند اهل ريلي ازيد وازيد اصلا اشكره خالتي الله يهداها اذا منعتها من شي تاخذه وتعطيها تقولي حرام عليج لا تبجين البنية يااااااااااااااااااهل ..
بس انا مو ساكنة عند حمولتي فمستلمتها بالبيت ...

لولو و كيت كات ..
سلامتهم عيالكم ما يشوف شر ..
اذية هالتطعيمات يكسرون الخاطر اليهال اول الشهور كل شهر او شهرين تطعيم ..
مسوكة باجر تطعيمها الدرن ..
مادري خايفة منه ..

 

[lolo77]

الشر ما يجيكم ما تقصرون يا احلى امهات

عاد تصدقون عسى ما احمل انا بعد ما يتني الا اخت الاربعين
لاني ارضع وانا اول اثنينهم يبتهم على نفس السالفه
كنت ارضع وكمل الكبير 5 شهور جان احمل
وصج كنت ابي ياهل
بس عقب ما ولدت ولدي الثاني قلت لا ماابي حاليا
ولمن كمل 3 سنوات اشتهيت بيبي والحمدلله كنت ابي
بنت والله ما قصر ورزقني بنوتي الحلوة
وحاليا لا ما افكر الا اذا دشت جودي الروضه

 

[Miss_Tiger79]

اي والله اكبر خراب خراب اليدات وعشان انا ساكنه عند حمولتي فماكو حل
بس اشوه بس العود الي يدلعونه وولدي الثاني وبنتي لاء بس ما يندرى انا مسميتها على اسم خالتي بس عسى ما ادلعها بعد وبنت حماي بالبيت معانا هم مو مدلعينها كثر العود ولدي
والحمدلله على كل حال انشالله يكبرون ويعرفون مصلحتهم وكل شي يتغير
ورفرف على تطعيم الدرن مافيه شي ولا يعور ولا حراره لا تخافين

ولولو ديري بالج مع انه الي الله كاتبه يصير
وحتى انا مو مفكره الحين الا لما بنتي اتروح الابتدائي لاني اسمالله عليهم يبتهم ورا بعض عيالي
والحين ابي اتفرغ حق تربيتهم انشالله وعلى ما ادش بنتي الابتدائي تكون شايلة نفسها وتعرف الصح من الغلط والله كريم

 

[Miss_Tiger79]

بنات ابي رايكم
بروح اتفخ خدودي اسويها والا لاء لاني ضعفت عقب الحمال وراحت خدودي عقب ماكاني تارسين ويهي فتغير ويهي وحدي ضايق خلقي ومابي امتن ما صدقت اضعف

 

[كيت كات]

لولو الله يستررررر
ورفرف ترا احلى تطعيم الدرن كللللش ماراح تحسين فيه
مس تايقر والله انا نفسج عند حموله وشكلهم مستخفيييييين على مودي مع ان حماي الثاني معانا وعنده يهال اسم الله عليهم مادري يمكن عشان مودي يه عقب 4 سنين وعقب بنت الله ما كتب لها تعيش ...وانا ادري ان الباجي ماراح يتدلعون نفسه بس عسى الله يصلحهم
وتتفخ الخدود وخريييييييييي عنه لانج توج ظاعفه اكييييد بتفش خدودج بس انتي نطري شوي مع الفاكهه والخضره وكثري فاكه وترد تترس ويهج ترا مافي احسن من الطبيعي...

 

[منورة الكويتية]

حبيبتي مس تايقر لاا تلعبين بويهج جربي الخلطات والاشياء الطبيعيه ومع الوقت صدقيني بيرد ويهج

كت كااات ازيك ياقميل

 

[malak_alroo7]

BNaaat shloonkom?
3amleen eeh
lkom wa7sha

 

[Miss_Tiger79]

والله مادري بس هالفكره وايد ابالي وترى انا ضاعفه من ولادتي الثانيه وانترس ويهي اشويه بالحمال هالمره ولما ولدت رد فش عشان جذي بتفخ لاني صارلي مده ضاعفه

وملا ك شخبارج شنو انتي بمصر ؟؟؟؟؟؟؟؟؟؟؟؟؟؟
وناااااااااااااااااسه شنو احب هالديره

 

[Miss_Tiger79]

الوم وديت مناوي الطبيب وقالتي الكحه لانه في بلغم بسدرها وقتلها اني اعطيها بسكوت فارليز وقالتلي هذا الي اييب حساسيه حق اليهال واحنا الدكاتره كله نقول انه لا تعطون عيالكم هالبسكوت
فرديت البيت وقطيته كللللللللللللللللللله

 

[malak_alroo7]

hala walah miss Tiger

laa ana fe London 7bebty
b3dain la tetf'7een '7doodich madre a7s hl swalef mo zaina madre al 9ra7a ?

 

[سبحان الله^الحمدلله]

مرحبااااا بنات ومشكووووووووورين عالترحيب الحلو ......... منورة ادري دوختج بس والله كنت قبل اعرف اروح للمكتب الحين مادري ليش ماني عارفة قاعدة احاول اشيل هالتوقيع ماني قادرة

 

[منورة الكويتية]

هلا وغلا والله بملكلك
توه مانور التجمع
ها شلون لندن وعسى مستانسيه هناك وشلون نوارتج مع الجو
عسى مو ماذيتج
الله يونسكم بالعافية
متى الردة ان شاءالله

 

[منورة الكويتية]

حبيبتي سبحان الله روحي فوووووووووق الصفحه اول شيئ على اليمين بتلقين لمة المكتب

 

[كيت كات]

منوووووووووورة انا كويسه ياعسل
ملاك الروح لج وحششششه
سبحان الله حياج الله ياقلبي
مس تايقر اشوه دريت عن هالبسكويت عشان ما اشتريه

 

[pink]

أهلييييين بنات .. لكم وحشة كبييييييييرة :eh_s(7):


رفرف .. أمواج البحر .. lolo77 .. ما يشوفون شر عيالكم و الله يحفظهم ..

سبحان الله^الحمدلله .. هلا و غلا فيج بهالتجمع و إن شالله تستفيدين منه مثل
ما استفدنا منه .. و الله يخليلج الكتكوت

Miss_Tiger79 .. الله يبعد الضيقة عنج و ينشرح صدرج .. و بلاها سالفة
تتفخ الخدود حبيبتي .. الطبيعي أحلى و مثل ما قالوا البنات شوفي الخلطات
الطبيعية و اللاّ اكليْ خضروات و فواكه - أشياء صحية

كيت كات .. مبروووووك الحمل و الله يتمم عليج .. و ما تشوف شر الوالدة و
الحمدلله على سلامتها ..
قبل كنت أفكر أحمل ورا بعض عشان بعدين أرتاح و أتفرغ بس حق تربيتهم
و لأني مو صغيرة بعد بس لأن بنتي شوي اسم الله عليها صعبة فمأجلة مسألة
الحمال الى اشعار آخر مع إن ريلي يحاول فيني و خالتي تسأله بين فترة و
ثانية ها ما حملت مع إني جم مرّة حاولت أفهمها بس يحليلها مو مقتنعة ..

malak_alroo7 .. شلونج و شلون البنوتة مع لندن ؟؟؟؟ ويسلم البنات
اللي يسافرون والله ..

منورة .. شلووووونج حبيبتي و شلون الأمر ؟؟؟؟ اسم الله عليهم صاروا كبار
و ياكلون من الماما :eh_s(15): .. آنا بخاطري أحط سيريلاك في رضعة
أسوية مالت الليل عشان ما تقوم لي بس خايفة يكون ثقيل عليها أو يسبب لها
حساسية ..

سؤااااال كل البنات دلوعاااات و يبجون على الفاضي و المليان مثل بنتي و
اللا اللي عندي أوفر ؟؟؟؟ و جان زين ألاقي عندكم الحل .. أحاول أحقرها بس
بجيها يخرع ما تتنفس من البجي و القهر ليش إني حقرتها + ما تبي الناس
تستغرب وااايد و ما تبي أحد يحاجيها مع إني أطلعها و تقريبا يوميا أوديها
بيت أهلي بس هم تبجي + إنها ملوووولة كل شي عطيها فيه 5 أو 10 دقايق
بالكثير و بعدين تشغل صفارة الإنذار ماكو ديروفة أو دراية أو كرسي هزاز أو
سجادة اللي معلق فيها ألعاب ماكوووو فايدة .. أحس بطاريتي قامت تخلص ..
انقذوني بنات خصوصا بعيد عن السامعين أمي ردت دشت المستشفى و
النفسية من سيء إلى أسوأ :eh_s(2)::eh_s(2)::eh_s(2):

 

[Miss_Tiger79]

ها ملاك اشلون لندن واشلون بنتج معاج خليها تروح الكفيهات وتتسوق حق العيد ههههه

كيت كات لا تعطين الياهل بسكوت بالحليب كلش

وبنك شخبارج وسلامت الوالده انشالله وعسى الله يقومها بالسلامه انشالله
وعلى بنتج ترى بنتي مثل بنتج بالضبط لا تزيد ولا تنقص بس ترى البنات جذي انا عندي الصبيان اثنين اسمالله عليهم ما سوولي جذي بس البنات الكل يقولي حنانين
والله يعافيهم انشالله ويكبرون

 

[رفرف]

حيالله بنك ترى عادي كل البنات جذي انا بناتي ثنتينهم دعل وحنانين اصلا اكره الطلعة واليمعات والزواير بسبتهم ينكدون علي عيشتي بس يكبرون ويطخون ويصيرون أهدى وأحن من الصبيان فلا تحاتين احنا نتعب بالاول ونرتاح بالاخر

 

[pink]

Miss_Tiger79 .. رفرف .. تسلموووون و ما قصرتوا ..
ما تدرون اشكثر ريحتوني و طمنتوني حبيباتي .. كنت أحس بس
بنتي اللي جذي .. الله يسمع منكم و بناتنا يكبرون و يصيرون أهدا
و أحن علينا ..

 

[pink]

ربي يخليكم لهم ..

تسلميييين حبيبتي على هالدعوة الحلووووة :eh_s(7):

 

[رفرف]

تصدقين بنك اكتشفت ان مسوكة تبجي وايد لأنها ماتبي الشيل ؟؟؟ ..
من احد يشيلها تصرخ وتبجي وتستعسر بس لي حطيتها تحن وتسكت بروحها حتى وقت النوم اشيلها واهزها تزييييد بالصراخ ..
وان حطيتها بفراشها أو بالكرسي الهزاز تتحلطم بروحها بس ما تصرخ ولي داخت كلش تمص صبعها وتنام ...
(هذا الموديل اليديد ماتبي المصاصة تبي صبعها )
اتهقون مملوعة والا في شي يعورها لي شلناها ؟؟؟
(قمت اوسوس)