تجمع امهاات 2007 خلونا نستفيد من بعض

[lolo77]

هلا والله شخباركم امهات

وديت بنتي امس الطبيب والله تكسر الخاطر
تونون ومسخنه
ولمن خذوا حرارتها يقولي ما فيها حراره
والله استغربت مع انه جسمها حار
يقولي عادي من الجو ولا تحاتين
سالني ترضع عادي قتله اي
قال خلاص احنا نخاف لمن ما ترضع
بس والله احس انها مو مثل اول تناغي وتسولف
الحين مالها خلق بس ما اشوف شي بحلجها اسنان شي ؟؟
معقول يطلعلها واهي عمرها 4 شهور
بس الحمدلله من امس عطيتها ادول الساعه 12 نامت نومه زينه
بس تون بدون ما قعدت الا الساعه 7
حمد الله بس للحين احس اشوي حاره
؟؟؟
والله اعلم

 

[أم حيدر]

السلاااااااااااام عليكم

شلونكم ....

لولو بالنسبة حق بنيتج ... لا تحاتين اليهال بهالعمر تتكون عندهم قواعد الاسنان داخل اللثة ... حتى وليدي كان جذي فترة وتعدي انشالله .. وعشان تريحين راسج في جهاز براون مال قياس الحرارة ب 14 دينار ونص خلي عندج بالبيت لااااااااااازم يكون عندج.

وما تشوف شر الكتكوتة.

 

[رفرف]

شلونكم بنات مايمديني اسولف بروح اخذ بنتي من السكووول ..

لولو عادي ممكن تسنين عيال اختي ماشالله من 4 شهور يسننون بس ما يمشون مبجر ...
الكالسيوم كله يروح حق الاسنان ..

وترى الياهل اللي يرضع طبيعي لي كبر يصير دعله لأنه صار يفهم يعني تبي ترضع مو لأنها يوعانة بس لأنها ترتاح نفسيا انج يمها ..


تايقر ..
اي يمكن عرفتج هذاك اليوم كانو مودين صف صبوية عند عبود مادري ليش ..
صبوية عندهم أبلتين .. صف عبود وحدة والا 2 ؟؟


أم حيدر من طول الغيبة
من زمان ماشفناج ..

كيت كات ..
ردي علي بموضوع التطعيمات عندي سوعاال


باقي البنات شلونكم ؟؟

 

[lolo77]

ام حيدر

مشكوووووووووووووره ما تقصرين
والله كنت احاتي
و وينج صج طولتي الغيبه
وشخبار حدوووري الحلوووو

رفرف
قلت حق اختي تقولي يمكن اسنان
والله اعلم

والله ما قصرتوا يا احلى امهات

 

[Miss_Tiger79]

ما تشوف شر انشالله بنتج يا لولو وترى في يهال وايد يطلعون اسنانهم من الرابع

ورفرف صف عبودي في ابلتين بس ما يكونون موجودين مع بعض لانه كل وحده عليها شي والحين الي ما يحبها عبود سافرت والثانيه الي يحبها موجوده واتصدقين اتهبل هالابله الثانيه اسمها مس جيمي
اتيننن
حتى تدريسها حق اليهال ولعبها وياهم وعقابها مثل سوبر ناني بالكرسي مال العقاب واتانس عليها عبودي
واليوم ماراح عبودي لانه امس كان عندنا عرس ورديت متاخر وكانو اليهال سهرانين ابيت اهلي فماقعدت الصبح عشان اوديه

 

[al_gardenia]

القاردينيا مشكورة حبيبتي على النصيحه
جنج حويمل خخخخ بس سابقتني ب6 اسابيع عسى الله يهون علينا يارب

اي والله كيت كات انا اخر دوره كانت 32\3
انتي متى اخر دوره كانت لج


رفرف بعد عمري تسلمين على السؤال
والله انا بخير انتي بشري عنج

 

[al_gardenia]

لول ماتشوف شر بنيتج
والله كلام ام حيدر حص في هالعمر يكون طبيعي بس اشتري الجهاز عشان تتطمنين من ناحية الحراره وبعدين الدكاتره كانو يقولون لي ان الجهاز اضبط من الشريط

 

[كيت كات]

لولو ترا لاااازم الجهاز حزات راس الياهل حاااار بس حرارته طبيعيه
قادينيا اناوالدة 1/3 ويتلي الدوره 13/5 وبمووووت من اللوعه ولا شي فايد لا النودفستون ولا البريمرام ولاحتى العلج جوز الله يعين وتعدي هالفتره نساتي ببيتي كالعاده والله الحين كااارهته وكاره ديكوراته شكو مادري خخخخ

 

[كوكاكولا]

هااااااااااااااي

انا بجري بنوتة عسل عمرها الحين 6 شهور

حليبها سميلاك أدفانس وحفاضاتها بامبرز

واستخدم شراشف دارلينقز واااايد زينة كل ماتوصخ ولا الياهل رجع تقطينة ولا بهذلة غسيل الفراش كل ساعة
:eh_s(21):

فية ناس وااااااايد يستخدمون ماي التمر للبيبي كل يوم رضعة
موزين كثره السكر يسبب سكري الأطفال ( اسم اللة علية )
عطية مرتين بالأسبوع ماي التمر
وعصير برتقال مخفف من عمر 3 شهور يوخر الإمساك
بالنسبة للغازات فية دوا بالصيدلية اسمة ( Gas ) غاز

يهبل أنا استخدمتة من عمر شهرين لغاية الرابع

بالنسبة للدكاترة : وديت بنيتي لمحمد سعيد في بوشهري كلينيك ماشاء اللة علية
فاهم
كان فيها فتاق بالسرة وكنت حاطة 100 فلس ورابطتها عل السرة

زفني وشالها وقال خليها السرة بترجع طبيعية بعد السادس وفعلا الحين حيل خفت النفخة يقول هذي عظلات البطن عندها ضعيفة بس تكبر العضلة تشد بروحها

وقال لي لاتستخدمين أي قطرات أنف قبل السنة ولاتدخلين أعواد أذون لتنظيف الأنف والأذن بس غسلي وية الياهل بماي

ولاتسبحينة الا بعد ماتطفين التكييف .
وسلااااااااااااااااااااااااااااااااامتكم

:eh_s(17)::eh_s(17)::eh_s(17):

 

[lolo77]

مس تايقر

كت كات

جاردينا

مشكورين وما قصرتوا

لي امس كانت حرارتها تروح وترجع لمن تنام
وديتها مستشفى الشركه
وقالي فيها التهاب وحرارتها 39 مسكينه
وفحصها عدل مدل مو نفس المستوصف عالماشي ويقولي عادي
؟؟؟
والحمدلله على كل حال بس لليوم وتصخن وترجع
وقالي العلاج مضاد حيوي بس مره وحده باليوم ولمده 3 ايام
على قولته هذا احسن علاج والله كريم يارب
والله تكسر خاطري

كوكاكولا​

حياج الله بينا
وانشالله تستفيدين معانا

 

[al_gardenia]

لولو ترا لاااازم الجهاز حزات راس الياهل حاااار بس حرارته طبيعيه
قادينيا اناوالدة 1/3 ويتلي الدوره 13/5 وبمووووت من اللوعه ولا شي فايد لا النودفستون ولا البريمرام ولاحتى العلج جوز الله يعين وتعدي هالفتره نساتي ببيتي كالعاده والله الحين كااارهته وكاره ديكوراته شكو مادري خخخخ

الله يعينج كيت كات وخري عن الاشيلء الي اتزيد اللوعه روحي نامي بيت اهلج ولا اهل زوجج فتره علما اتخف النساة عشان تقدرين تتغذين
نساتج جايده

 

[al_gardenia]

تسلمين كوكاكولا على هالمعلومات بس بغيت اسالج وين احصل شراشف دارلينقز


لولو انشالله الله يطرح في هالدوه البركه وتتعالج بنتج بس ماسالتي الدكتور عن الحراره اذا ياتها شنو تعطينها

 

[lolo77]

تسلمين كوكاكولا على هالمعلومات بس بغيت اسالج وين احصل شراشف دارلينقز


لولو انشالله الله يطرح في هالدوه البركه وتتعالج بنتج بس ماسالتي الدكتور عن الحراره اذا ياتها شنو تعطينها

الله يسلمج عطاني تحاميل
و تينول اللي بالكرز
وقعدت الساعه 4 حاره عطيتها تحميله
والحين الحمدلله جنها احسن


كت كات
الله يعينج عالنساه يارب

 

[al_gardenia]

لولو عساج على القوه
الله يعينج على اطيب بنتج
انشالله كلها جم ويوم وتصير زينه وتطمنين

 

[lolo77]

لولو عساج على القوه
الله يعينج على اطيب بنتج
انشالله كلها جم ويوم وتصير زينه وتطمنين

ما تقصرين حبيبتي
الحمدلله والف الحمدلله
اليوم فرق عن اليومين اللي فاتوا
صج تعبت مسكينه

ومشكووووووووره حبيبتي على سؤالج عنها

وما تشوفوون شر يارب​

 

[Miss_Tiger79]

سلامات انشالله لولو وما تشوفون شر والحمدلله اطمنتي على بيتج

وكيت كات الله يعينج على النساة وتعدي هالفتره على خير انشالله

وقاردينيا الله يهون عليج انشالله

وكوكاكولا هلا فيج معانا

وعلى شراشف دارلينغز موجودين بالجمعيه يم الحفاظات والصراحه وايد زينين حق اذا بتعلمين الياهل على قط الحفاظات اتحطينها تحته وما اتلبسينه حفاظه لين يتعلم

 

[سبحان الله^الحمدلله]

كيت كات انا ولدي شهرين ونص الله يحفظة

 

[كيت كات]

الله يحفظلج اياه يارب ومشكوووووووورين بنات
لولو شلون بنيتج الحين؟

 

[كوكاكولا]

هاااااااااااااي

شلونكم بنات وشلون بيبياتكم الحلوين

لولو : شلون بنيتج الحين ؟
ان شاء اللة أحسن ؟

جارينيا: شراشف دارلينغز بالجمعيات بركن الحفاظات

منهم قياسين وسط وكبير
انا أستخدم الوسط

مس تايقر : استخدام الشراشف موبس حزة تغيير الحفاضة
تحطينهم تحتة لما ينام أنا بنتي ساعات ترجع وهي نايمة بدل ماتوصخ الفراش أغير بس الشرشف

نصيحة لاتودون عيالكم المستوصف يعطيج أدوية بدون مايفحص الياهل

واذا وديتية خاص راجعي عند نفس الدكتور مو كل مرة تغيرين كل مامدحوا دكتور رحتي لة والياهل ياخذ من هذا دوا ومن هذا دوا ويصير حقل تجارب :eh_s(11):

واذا غيرتي اخذي نسخة من ملف الياهل للدكتور اليديد .

أنا بصراحة اودي بنيتي لمحمد سعيد في بوشهري كلينيك ورقمهم 885544
اهو صج غالي الدخلة علية بـــ 36 ولا حجز مسبق بعد بس يستاهل

تروحين لهم الصبح تدفعين عشان تدشين عل د. العصر أو بليل حسب المواعيد

اذا بدون حجز ممكن تدشين عل دكتور بس تنقعين برا مو أقل من 3ساعات

 

[al_gardenia]

لولو الحمدالله على العافيه وانشالله ماتشوف شر


مس تايغر تسلمين بعد قلبي


كيت كات سويتي سونار


مشكوره بعد قلبي اكيد في منهم عندنا