تجمع امهاات 2007 خلونا نستفيد من بعض

[lolo77]

اي ماشالله
الله يخليهم يارب

 

[Miss_Tiger79]

هلا والله شخباركم بنات
رفرف النادي الصيفي عشان يمهدولهم اللغه الانجليزيه حق الروضه قالتلي يكون احسن عشان المدرسات اجانب واحتمال ما يفهمهم عدل
واشتراكهم 60 لمدة شهر
وشنو النادي الصيفي مال الابداع شنو فيه ؟؟؟؟
وهلا والله كيت كات
ولولو الله يعينج عالغازات انا توها بنتي خفت غازاتها بس ليلحين بين فتره وفتره اتردلها بس ما استغني عن مميه النعناع ضرورية

 

[رفرف]

تايقر والله سعرهم زين نفس الابداع هقيته اكثر ...
خل امرهم عيل واشوف اذا كله دراسة ماني مسجلتها .. بس اذا في عندهم ترفيه وجذي اوكي بسجلها انشالله ..
الحلو فيه انه الصبح علشان لا تتلخبط نومتها وهم ما تحكرنا لي بغينا نطلع .. ماحب النادي يكون العصر حكررره

نادي الابداع رفيجتي كانت مسجلة عيالها العام اتقول يعلمونهم شوية شغلات قرآن واشغال يدوية وجذي بس بالغالب ترفيه ورحلات وسباحة

 

[malak_alroo7]

السلام عليكم
شلووونكم بنات ان شاء الله طيبين؟
ام حيدر شخبارج والله لج وحشه

بالنسبه حق الغازات .. نوره كانت جذي تبجى فديتها و تحسينها تبي تشرب بس مهى قادره

بنات باركولى اخيرا قمت اوكل بنتى هههههههههههههههه

 

[lolo77]

يالله الف مبروووك وعقبال اعيالنا

 

[Miss_Tiger79]

مبروك ملاك الروح والفال انشالله لما تاكل بروحها
ورفرف اهيه الابداع زينة بس التكامل يمهدونهم حق الروضه لانها كله انجليزي والصبح بعد مو العصر

 

[Miss_Tiger79]

عيل رفرف متى تطلعين من الاربعين
الله يعينج على تجهيز الطلعه يذكرنا بتجهيز العروس بس اتكونين على امتن ههههههه

 

[keeka]

اهلا امهات اليوم الصبح كتبت رد شكبره وطفا جهازي ):
المهم شلونكم عساكم بخير انا قطيت عنكم لويه وحوسه بنتي اخيرا قامت تتقبل الممه عاد قاعده احاتي الدوام مادري شكثر اخليلها رضعه وخدامتي توها واصله كانت مشتغله بعمان بس طبعا يبيلها تعلومنا وكلما بنتي قالت واء زختها ): تهد شغلها وتشيلها ياربي من اولها اي ونسيت اقولكم انا كبر لولو

 

[رفرف]

تايقر
انا طلعت من الاربعين يوم الاربعا اللي فات والحين انا بشقتي ..
بس الله يسلمج ماكو تجهيزات ليلحين لأن ابونا مسافر عنده امتحانات وردته ريضة

بس انا رديت شقتي علشان انظم حياتي احس كلشي متلخبط ابيت اهلي نومة بناتي خرطي ومسوكة كلمن يشيلها من ايد لي ايد اختربت اخلاقهم ولا اقدر احاجيهم ....

كيكه ..
عالبررررررررررررررركة الخدامة الله يسخرها لج ولبنيتج ويعطيج خيرها ويكافيج شرها ...
شتطلع وشنو اصلها ؟


انا طقت جبدي من سالفة الغازات ..
سويت خلطة جهنمية عاد ما يندرا تضبط والا لا ..
خلطت جاي اعشاب بيبي كالم مع ماي غريب ونقط دوا قاز حق الغازات وعطيتها شوية توني انشالله تطخ تكسر الخاطر وهي تتلوى ....

 

[lolo77]

اي ونسيت اقولكم انا كبر لولو

وناسه كيكه اخيرا في احد كبري

 

[Miss_Tiger79]

انزين بما انكم عندكم بنات صغار مافكرتو انكم اتلبسونهم جيجي (هيلاهوب) لاني ابي حق عمر 4شهور لاني شارية حق بنتي نفانيف ومابيها لبسهم بدون الجيجي

 

[malak_alroo7]

الله يبارك فيكم تسلموووووون

keeka
اهلييييين .. شخباارج
و الحمدلله بنتج قامت تشرب من الممه والله كنت احاتى!

مس تايقر
بالنسبه للغيره,, خلى ولدج يساعدج اذا بغبتى تسبحينها و الا توكلينها مثل ما قالو البنات قبل

 

[Miss_Tiger79]

انزين بنات منو فيكم ماخذه اجازت امومة مثلي ؟؟؟؟؟؟؟؟
ومنو الي ما خذت امو مة وليش؟

 

[أمواج البحر]

صبااااحو

صاجة ملاك الروح اذا على الغيرة خلي ولدج يساعدج

مس تايجر ... انا ما اخذت اجازة امومة لاني بشركة و ماعندنا هالاجازة

خذيت الشهر التاسع من حمالي و الاربعين يوم فقط

قبل امس ولدي الصغير سعودي عاض اخوه الكبير

خنت حيلي قااارم خده من قلب

اقول حق الكبير شلون عضك يقول طيحاني على الارض و عضني

ما شاء الله عليه بهالجم ضرس اللي عنده ما بقى شي ما عضه

 

[كيت كات]

شلونكم بنات شخباركم ....بشااااااااااااااااارة لكل من يعاني طفلها من الغازات خلطة رهيييييييييييييبة يزاها الله خير اللي دلتني عليها ....
نتفة كمون ونتفة قشر برتقال وحبة هيل وسكر نبات اغليهم شويييييييييه
واشرب الياهل بالليل يعني تكون اخر رضعه
والله حمودي نام الساعه 1 بالليل ماقام الا 7 ونص بالغصب قعدته وهو نعسااان ويتمقط وعليه جنه ماصدق ينام نومه عدله
والحمدالله نفسيا مرتاحة
والشي الحلو الثاني اني طلعت نازلة من بعد الولادة لي الحين 15 كييييلو ياسلام
بوسة لكم كلكم ولعيالكم

 

[أم حيدر]

قوةةةةةةةةةة

شلونكم

ملاك الروح ::: لج وحشة

كيت كات شهالأرنب الحلو اللي بتوقيعج حبيبي عسى الله يحفظه

امواج البحر ::: انا من زمان قيلتلج كتبي يوميات عيالج بس مادري شفيج ما تسمعين الكلام الحين انزل اطقج

بناااااااات - دوري اليوم قاعد الساعة الست يتحلطم واقف بسريره يطالعني ويقولي ::: ادددااااااادادا اددا ادا باااابببابا ادي

ادفع نصصصصص عمري وافهم شيقول ... وحبيبي ماماتي اروحله فدوة الضحكة من هنيي لي هنييييي .... قعدت العب وياه ليما هديته وييت الدوام :/

 

[lolo77]

هلا والله
انا خذيت امومه قاعده لي اخر 8 بطاليه

والله مساكين هاليهال كل شي نجرب لهم بعد شنسوي عشان غازاتهم

 

[keeka]

صباحوو يا امهات شلونكم انا عندي نفس سؤال مس تايجر من وين الجيجي مالقيت كلش شفت في اتش اند ام بس الثقال حيييل اللي شتوي وحر الحين حرام انا كنت ابي الشفاف وبالنسبه لماي الغريب تعطونه كل يوم ولا شلون انا صار لي جم يوم اعطيه جنونه بالليل وتنام اسم الله عليها عاد قمت اوسوس عسى مافيه شي

 

[keeka]

اي ونسيت اقول ماميش امومه انا اشتغل بشركه احنا يعطونا بس 40 يوم + رصيد الاجازات بس وعندنا الرصيد بس 21 يوم ):

 

[أم حيدر]

كيكة الحااااااااااااااال من بعضه - الله كريم