تجمع امهاات 2007 خلونا نستفيد من بعض

[أمواج البحر]

خخخخخخخخخخخ ام حيدر

اييي تعالييي مكتبي متعلقتلي فوق يالله اهو تعالي ما شفتج اليوم

اخيتي كيكة مالقيتي بالمذركير عاد والله اول مكودين هناك ما ادري شفيهم ماقاموا ينزلونه

مبروووووووووك كيت كات اول شي على نومه وليدج الله يتمم عليه

وثانيا على هاجس الحريم الا و هو نزوول الوزن و الفال للباقين

 

[Miss_Tiger79]

الله يعينج أمواج البحر ويخيهم لج انا عاد عكسج ولدي الصغير يعظ الكبير
وكيك كات يسلم هالارنوب والله اسمالله عليه
وام حيدر وكيكه الله يعينكم والله انا عقب شهرين من الولاده وما قدرت اداوم
ولولو انا وياج بالهوا سوا

 

[nandoshia]

قوه يا أمهات اشلونكم ، وشخبار فلذات أكبادكم اللهم احفظهم ، عن نفسي ماخذه أمومه لأن ماعندي احد اخلي عنده بنتي واهي توها صغيره وكانت لباحه توها تعدلت نومتها وخفت الن الحنه الحمدلله والشكر وبنفس الوقت انا المستفيده عشان ارتاح من عقب الحمال وايد تعبت بالدوام الحمدلله على كل حال.
للخوات اللي سألوا عن الجيجي موجود عن مؤيد المير في فرع بجمعيه الروضه وفي ببلازا حولي عنده الهلاهوبات الخفاف للصيف مع جميع الالوان

 

[lolo77]

انا اشتهيت البس بنتي شورت
رحت شريتلها من سناء
شورت ابيض في خط وردي ومن جدام مافيه شي بس من ورا مكتوب بيبي بطريقه حلوة
وشريتلها بلوزه ورديه وفيها اشوي ابيض وايد حلوة جنها اصبي صارت
بروحها ملامحا صبي

 

[رفرف]

تايقر ليش اتلبسينها هيلاهوب صيف حررررر ماله داعي اخذيلها دلاغات وبس ..
حلات عصاقيلهم والله

انا ماخذيت أمومة لأني مدرسة وولادتي صارت على اخر الكورس يعني بداوم شهر 6 اقل من اسبوعين وتبدا عطلة الصيف ..
وماداوم لي شهر 9
وحتى هالاسبوعين ماكو شغل فأقدر اطلع حق بنتي .. كلش ماتسوى أمومة ..



واي مسوكة تكسر الخاطر من الغازات اتصرخ صراخ موووو طبيعي مانامت بالليل ولا الصبح اتصرخ اللي انا اخترعت بس لامتها وابجي عورت قلبي مادري شسويلها مابقى شي ماعطيتها ..

 

[سبائك]

السلام عليكم

شلونكم امهات 2007

ما يصير امهات 2005 يسولفون وياكم ولا صرنا عتيجين
ترى خبره تفتح العينين

رفرف كسرت خاطري بنيتج والله

جربتي تستخدمين شاي ميلوبا (خلطة اعشاب) من الجمعيه

ترى وايد زين حق البطن والصدر بعد

اخذي الي مغطاته خضرا هذا يحتوي على كل الاعشاب الضروريه حق الياهل

وسلامتها ان شاءالله

 

[رفرف]

سباجة جنه مكتوب عليه من 4 مادري 6 شهور !

انا اعطيها اعشاب بس موووو فايد معاها كلللش وترضع طبيعي ووايد محافظة على اكلي ما اكل شي يسبب غازات بس مادري شسالفتها هالبنية صج اتعور القلب اللي اختها قامت تبجي كسرت خاطرها تقولي ماماااااااااااااا مسوكة اتعور القلب (بعد عمري فديت قلبها حتى اليهال قلوبهم تعورهم)

 

[Miss_Tiger79]

هلا فيج سبائك ونستفيد من خبراتج

رفرف قتلج عطيها تحاميل جلسرين اذا كلش مافاد وياها اي شي وتتعصر مع البجي لانها اطلع الغازات بعد وبسرعه

 

[Miss_Tiger79]

هلا فيج سبائك ونستفيد من خبراتج

رفرف قتلج عطيها تحاميل جلسرين اذا كلش مافاد وياها اي شي وتتعصر مع البجي لانها اطلع الغازات بعد وبسرعه

 

[منورة الكويتية]

قووووووووووووة بنات شلووونكم
الله
الله
الله كل هذي سوالف من وراااي
انا غطيت بسبة مد تيرم كان عندي اليوم وباجر عندي ميداني تقييم وكلش مالي خلق اسوي شيئ بنات احس خلااص بطاريتي صفررت شسوووي
ادري مابقى شيئ على نهاية الكورس بس صج تعبت شالحل

 

[Miss_Tiger79]

الله يعينج يا منوره ويوفقج انشالله واتخرجين

 

[كيت كات]

ممنورة الله يوفقج يارب وترتاحين
رفرف جربي خلطتي راح تدعيلي حق الغازات
بنااااااااااااااات
العضوة هدولي ولدت اليوم بالسلامة الحمدالله يابت بنووووته حلوة
مسكينة طولت بغرفة الولادة ليما لفت البنت على كتفها وسوى لها قيصرية
ترا اهي اختي وباذن الله راح تنضم لنا ....

 

[Miss_Tiger79]

الحمدلله على سلامتها ومبروك ما ياكم وتتربى بعزكم انشالله
وسلمي عليها

 

[كيت كات]

الله يسلمج يالغالية

 

[malak_alroo7]

هلاااااااااا والله بنات,,

مس تايقر
انا الحمدلله مرتاحه ما اشتغل ما عندي غير الطبيخ و يااااااا كرهي حق الطبيخ هههههههههههه

امواج البحر .. لبه قلب اللي يعضون ههههههه بس والله كسر خاطري ولدج العود .. ديري بالج عليه ..

كيت كات .. تصدقين قالولى اسوي حق بنتى هيل و سكر نبات لما كانت بنتى بعدها اسبوعين تقريبا بس خفت الصراحه هههههه
الحين خلاص صارت عروسه .. واذا تعبت من /الغازات الله لا يقول بسوي وصفتج
المهم ان شاء الله دوووم حمودي و عيالنا مرتاحين يارب
و الف الف مبروووك على سلامة هدولى يا حلو اسم هدولي والله
و يتربى بعزكم ان شاء الله

ام حيدر
ههههههههههه يا حلوه حلواااه
.. عاد انا نفسج لما تسولف النونه اقعد اقول لها ماماااااااااا اموووت و اعرف شنو قاعده تقولين انتى لووول

ناندوشيا
هلا والله حبيبتي ,, شلونج انتى و البيبي ,, ان شاء الله تمام ؟


لولو ,,
هههههههههههههه يا حلو اللي يلبسون شورت والله انا ودي اشتري حق نانوسه بكيني و اقعدها فيه في البيت خخخخخ
بنتي ما تتحمل الحر يا حلوها .. هذا و احنا بعدنا بشهر 5!

رفرف
جربي الوصفه اللي قالت عنها كيت كات و ان شاء الله خير .. و ما تشوف شر حياتي

سبائك
حياج الله سبائك
افا عليج احنا علينا القهوا و الحلو.. و انتى عاد فيدينا بخبرتج ههههههه

منوووووووووووره
لك وينك انتى؟
حبيبتي الله يعينج الصراحه و يوفقج يارب

 

[رفرف]

تايقر ...
اهيه ما فيها امساك بالعكس خروجها وايد زين مع الرضاعة .. عادي اعطيها تحاميل والا اتسويلها اسهال ؟؟

كيت كات ..
مايضر قشر البرتقال ترى حدي وسواسية .. الأعشاب اعطيها بطلعة الروح وعقب ما سألت دكتورتها بعد ..

أمس كان دور بنتي العودة بالسهر ..
قامت الساعة 2 مافيها النوم ويبتها نومتها يمي خو الأبو مسافر .. لعبت فيني كل شوية تبي تروح تكرمون الحمام تنحاش عن النوم ..
اخر شي مسكينة زفيتها وعطيتها ظهري ونمت يااااااالله نامت ..

باقي البنات شلونكم ؟؟

 

[lolo77]

كيت كات : الف الحمدلله على سلامه اختج
واحنا ناطرين انضمامها لنا
رفرف : الله يعينج تبي تتدلع طالما ابوكم مو موجوود
هاهاها
انا حاطتها الحين يمي وفاتحتلها التلفزيون يحليلها تطالع جنها صج وولدي الكبير يمها يطالع واشوه ولدي الوسطي بالحظانه جان يننها (( وايد يغار ))

 

[Miss_Tiger79]

والله يا ررفرف انا بنتي لما تكون جذي حتى لو مافيها خروج يطلع الهوا الي بمعدتها واذا خايفه سويلها خلطة كيت كات

ولولو حتى بنتي لما نقعد بالصاله والخدم ينظفون اطالعه جنه صج بعد واهمه يضحكون عليها

ومنوره وير آر يو ؟؟؟؟؟؟؟؟

 

[سبائك]

رفرف

اي صاجه انا نسيت عمر بنيتج سوري على هالسهوه
انزين اخاف في شي يعورها غير بطنها
اخاف مملوعه من الشيل الزايد ايام بيت اهلج؟؟؟؟؟؟؟
دهني جسمها كله بزيت زيتون دافي قبل لا تنام يمكن ترتاح


Miss_Tiger79

ان شاءالله حبيبتي



منورة الكويتية

الله يعينج مجربه انا الدراسه والياهل كلش بايخه
بس شدي حيلج ولا تخقين ما بقى شي ان شاءالله الله يسهل عليج


كيت كات
الحمدلله على سلامة اختج ومبروك ما يابت


malak_alroo7

ههههههههههههههههههههههه
اشم ريحة القهوه ماشاءالله شحلوها

 

[سبائك]

وسالفة القعده بليل انا صار لي يومين من طلعت ولدي وحطيته مع اخوانه
عمره سنه ونص تقريبا
يقعد الفير ويصيح ولازم اروح اخذه وانومه يمي ومو راضي بعد
اشربه ماي ما يبي
يحسب صار الصبح وخلاص لازم نقعد